ماهو مش ممكن يا عالم ، ومش معقووولة يا قوم ، يوم من عمري ، هوا اليوم اللي أقابلهم فيه !!، وبعدين تنهال ، وتنثااااال قصائد المدح ، وإبراهيم بيه قاااعد ، ولا على باله !!! ، طبعًا أنا ما سبتووووش ، قلت له ، لازم تقعد معايا ، ونكتب كلمتين حلوين ف حق الناس الحلوة اللي قابلتها ، والقعدة الحلوة اللي قعدتها معاهم ، قام لوى لي بوووزوووو ، وقال ، ولا حلوة ، ولا حاجة !!! ، عادي يعني !!!
.
بـــس على مين ؟؟؟ ، مسكتهولكم وهوا نازل من الشغل انهاردة الصبح ، إنتا يا أخينا مش كان مودك زي الزفت يوم الجمعة ، طب بالله عليك كده لما رحت ، ولاقيت الناس دي مش ضحكت ، وهرجت وفرفشت ، بص لي بنظرة الخائف الوجل ( هوا كان وجل فعلاً ) ، وقال لي : كفاية الواد محمد راشد ، إديته بالمسـطـرة ، اسمه الباشمهندس محمد يا وله !! ، قال لي طب ما تزقش ، واتسرسب ف الكلااااااااام :
كنت اتأخرت عليهم حبـة ، بسببي ، ما انتا عارف نزلتني متأخر شوية ، قلت يعني الدنيا هتطير ، ولو طارت ، ماهي بايظة بايظـة !!! . . . افتكر إني ميلت ع الواد إلاري وتساءلت ، إنما الواحد يكتب عن لقاء زي ده إزاي ؟!!! ، أنا مابعرفش أكتب عن حاجة كده !!!
ولا أعرف أقول لكم إن الناس دي حلوة ، وقعدتها أحلى ، ولا إنهم ناس مايتعوضوش ، ولا إني بجد نسيت كل حاجة وأنا معاهم ، وقعدنا نتكلم ف كل حاجة ! . . . .
ياااااااااه ، ده أنا كتبت أهه ، لأ ده أنا اللي كتبت ، مش أنا !!! ، أنا بطلت أكتب ، لكن أنا بكتب دلقوتي ، لأني بصراحة ، وبعد طلب العقيد أيمن ، الرسمي ، بقى شكلي وحـش قوووي قدام جمهور المدونين ، وأخاف المدونين ياكلوا وشي !!!!
ممممممممممممممممممممممممممممممممممممممممممممممممم
يعني عادي ، لمزيد من التفاصيل يرجى مراجعة المواضيع التـالية ( وكلها ف المقرر ) :
مراسلنكم من المهندسين محمد راشد يكتب عن لقاء المدونين في البورصـــة
وهذا صديقكم المدون الجااامــد جدًا ، والمصور ، وأشياء أخرى أحمد بيه الحداد و مدونات برضه ف البورصه
فيه ناس بقلا حبت تغير ، عشان ما تبقاش تقليدية ، فأرسلت لنا تقول إن بكرة أكيد أحلى !!! ياااريت يا سيـادة العقيد أيمن :)
الغريبة يا جماعة إن طلع معانا مدونين كانوا عايشين ف الجزء الآخر من القارة المتجمدة الشمالية ، ولا مش عارف ، كان بيتمشى ف زنجبار ، ولمـا راح ذلك اللقاء اعتبر نفسه كده خلاااااص ، شاف مـــصـــر ، أيوة ، هذا ما قاله مراسلنــا الذي (مش فاهم حاجة ـ بشهادته ــ لأنه بيستعيد التفكير ف الحاجات اللي حضراتكم فاكرينها مسلمات ) إيلاري قال إنه شـــاف مصــــر !!!
طبعًا الفنان الجميل متفاءل بينا بزيادة ، ومتخيل إنننا ربيع ، وإن اللقاء كان لقاء الخريف والربيع ، رغم إني شايفه كان لقاء خريفين !! ، ما علينا هذا رأي الأستاذ حسني لقاء القلوب قبل الأشخاص !!!
أستاذنا كلنا ( طبعًا ) أحمد شقير شاف إن البورصة بقت لينا ، فكتب يقول ( بورصة المدونين )
بشوي برضه من الناس اللي شافت إن بذلك ممكن يكون >>> فيـه أمـــــل !! ، وعمرو اعتبره يوم مع أحسـن نــاس !!! وسيد بيه الصقووور اعتبره زي حليم ( يوم من عمري !!) ، كما أشار محمد عادل الذي يعتبر مصر هيا أمـــه إلى أن فيه (مدونيين )
والباااشدكتور أســـامـة بيه ، قال للناس كلها إننا ( في قهوة البورصة تقابلنــا ) !!! ( لا يا شيخ !!)
ده غير إن الأستـاذة ياسمين اعتبرته ( لقاء المفاجــآت ) ..
وامتنعت المدعوة سمراء النيل عن التصريح بأي شيء لوكالات الأنباء ، مما يؤكـد إنها >>>>>
مـــــــــــــــش معااااااااهم !!!!! :)