لو أنَّ الحب اختـيارٌ ..!!
لَو .. !!!
إذًا لتمهلتُ في اختيارِكِ .. قليلاً ..
ولاخترتُكِ ..حقًا ..
كما ي..
..... ر
......ي
....د و ن !!
إذًا لقلتُ للقلب: اتئد، وللعقل: تروَّ ، وللنفس اجمُحي!!...
وأقولُ لِي: لا تكُن أَنت أَنت!! ...
كُن غَيرَك .. البارد، الهادئ، الساكن..........................
كنتُ أقَولُ لأولِ فتاةٍ عذبتها/أحببتها، لماذا لم تكوني معي!!، لماذا تغيبين!!، لماذا لم أحب الجارة القريبة، أو الأخرى الـ قريبة !! ...
وكانت تردُّ افعل إن"شئت"،،
وأنا لا أشاء !!
نقع في الحبِّ ... كما نقع في الحياة!!
ولو كان الحُبُّ اختيارًا !
لاخترت أن أحيا في عهد "عمر" ...
على الأقل، كنتُ سَأذهبُ إليه ...
وأقول له أُحِبُّ حَبيَبتي ..
ويقول لي "لا أرى للمتحابين إلا الزواج" !!!
لو ...
ثم نقع في الحبِّ ..
فوضويٌ .. هو الحب!!
يُعيدُ تشكيَلنَا لنعلَم أيَّ إِنسانِ ،، نكون!!!
ذَلِكَ الاقتِحام المُفاجِئ المُستَفِز ...
الوحيدُ الذي لم يَصنع له البشرُ-بعدُ- سِلاحَ مواجهة!!
والذي تعجز كُلُّ تكنولوجيا العالمِ عن خلِقهِ، أو استعادة تصنيعه!!
يقع فيه الكلَّ مُرغَمينَ، وطائعين!!
ويتمنَّونَ لو لم يكنْ!!
.
.
ولكنَّه ،،، يكون !!.
.
هنئيًا لمن لمْ يُحب ...
لمن عاش .. مِن غَير حُب !!
لمنْ تعود أن يموت!
.
.
هنيئًا لِمن مَات ،،،.. من غير حب
إنَّه يَمُوت مرةً واحدة !!
(وسُحقًا لمن عَلًّمُوا الأبجدية ... كيف تضيفُ إلى الحاءِ ،،، بـاء !!!)
(ثرثرةٌ على الهامش:
كيف نواجه فوضى الحب؟!
- عليك التسلح بالخوذات الواقية من الإنسانية!!
كيف نكتم الحب؟!!
- ببساطة، لا تحب!!
كيف أ..؟
- هل تعرف كيف تكره نفسك؟؟، أنت لا تعرف كيف تكره نفسك، وتريد ألا تحب؟!! إذا كرهت نفسك فستخطو أول الخطوات نحو الكره، كدين وشعار!!
كلماتنا؟؟
- في الحب تقتل، ولكن هل تحيي في الكراهية ؟!!
في مديح الكراهية:
اكره الناس كلَّ الناس، وأسدِ لمن صنعوا لك معروفًا سيئاتك!، كن ابن قابيل، لا تنكر نفسك!! كن بذيئًا جدًا، وغبيًا جدًا، وسليط اللسان!!...
***********
مش عارف، بس لو منفعش بعد ده كلله، موووت بسرررعة!!، أو حاول، هتفشل لإنك غبي !!! طيب اتصرف ف نفسك بقى !!
رغي
رغي
رغي
رغي!!!!
إيه ما بتزهقــش ؟؟؟؟؟
هناك 26 تعليقًا:
أول تعليق؟؟ :)
وا فرحتااه..
مش عارفة!
هاقول بس:
"للأسف..
صدقت"
..
ربنا يسعد روحك الطيبة :)
عمنا ازيك
اتعشم انك متكونش نسيتني
هنئيًا لمن لمْ يُحب ...
لمن عاش .. مِن غَير حُب !!
لمنْ تعود أن يموت!
اعتقد ان تلك الجملة تلقي الضوء علي فلسفة قاسية بعض الشيء
لاني لا اتخيل ان يحدث لي هذا
ممممممم ..... عارف الكلام ده مش ممكن نعممه و ده شئ جاي من التعميم
مش نلبسه العمة يعني
المهم
في ناس كتير عايشة مبسوطة جدا بالحب و ربنا موفقها في حياتها
وصعب عشان تجربة نعمم النتيجة
مشكلتنا اننا بنستعجل و أي انجذاب للآخر بنقول عليه حب
الصبر ..... لأن الأرواح جنود مجندة ما تلاقي منها ائتلف و ما تنافر منها اختلف
ومش كل اللي هتأتلف معاه هيكون حبك ليه حب عاطفي
واحدة و اكيد هتلاقيها هتكون شبهك و هتحبك و هتحبها
شبهك في الصفات يعني
ربنا يوفقك بس انت اصبر
وعلي رأي المثل اللي بيصبر بينول
تعرف..
أنا عرفت الحب من قريب ..
عشت فترة مراهقة كاملة و فترة جامعة كاملة ، لم أسمح له بالدخول من الاساس .. كان عندي مبدأ أقدسه ، لا داعي للحديث عن المبدأ دلوقتي مش موضوعنا يا اخي :)
المهم ..
اني على قدر استمتاعي بالحب .. على قدر عذابي به ..!!
تعرف.. ساعات كتير.. بيبقى نفسي الحب دة يكون بني آدم كدة ..عشان اعرف امسك في خناقه .. و اقوله و بعدين معاك؟؟ انت بتاكل من عمري أكل ، طيب انا خلاص .. كبرت اوي على تضيييع الوقت فيك !!
و باقول لنفسي و بعدين ؟؟
تعرف لو كنت انا كمان في عهد ابن الخطاب ،
صدقني .. كنت هبقى سعيدة اوي ..!!
وجعت قلبي يا ابراهيم ..!
كفاية كدة النهاردة .. احسن افضح نفسي هنا :)
الله عليك يا ابراهيم
( و الله طبيخك اتقدم يا حورية )
ههههههههههههه
بجد بوست حلو
رغم إن الموضوع معتاد إلا إن الصياغة ضافتله أبعاد أكبر
فكرتني بمية حاجة
و خلتني أفتح أوراقي القديمة بحثا ً عن جمل لأحلام مستغانمي في " فوضى الحواس " لما بتقول :
- الحب ليس سوى الوقوع تحت صاعقة المباغتة .
- في مواجهة الحب كما في مواجهة الموت نحن متساوون لا يفيدنا شئ لا ثقافاتنا ... لا خبراتنا و لا ذكاؤنا ...
و لا تذاكينا.
هو الحب فعلا
حيث لا راد
أحسد من لم يحب بحق
فلو أحب وجد أمامه متسع من المتعة و النشوة اللا نهائية و إن لم يحب فلديه فرصة للهرب
تحيتي
الحب في الأرض بعض من تخيلنا ،، لو لم نجده عليهــا لإخترعناه ..
كلمات نزار قباني
رانيـا:
وافرحتي أنا ياصديقتي بأن تكون أول مصافحة لحروفي عندك ......
.
.
أسعد الله أيامكِ ،، أيضًا
***************
.
.
الجميل شادي:
قطعًا أعرفك ...هي الزيارة الأولى لك هنا
يااليتـه لا يحدث يا شادي !!
ياليت !!
قلبٌ يحترق(هوبة):
طب مش نقول إزيك الأول، وعاملة إيه وكده ......
هي الحيـاة ... تعلمنـا
أشعر في كلامك بالكثير، لكن لا يسعني إلا أن أرحب بعودتك .......
وأنا صابر !!!
و إبراهيم برضووو
تحياااتي
****************
شيماء:
شكرًا على هذه الصورة الأخرى الجميلة ...
قالوا لنـا أن الحب عذاب ولم نتعظ!!..
لنـا أن نحسد الذين شغلتهم الحياة عن الحب .....
ولنــا أن يعذبنا نعيم الحب ولو ساعات !!
بالمناسبة قصدت ابن عبد العزيز، لا ابن الخطاب ، رحمهما الله وألحقنا بهم !!(بقى) على خيــــر
و ســلامـــة ..قلبــــــــك
دمتِ بود
هنئيًا لمن لمْ يُحب ...
لمن عاش .. مِن غَير حُب !!
لمنْ تعود أن يموت!
تصدق انك بتقول اللي دايما بقوله :)
فعلا الحب بهدلة و في رواية اخري أندلة
سعدت يا ابراهيم بمطالعة نصك الاخير و مدونتك بشكل عام
تحياتي
إزيك يا هيمووو؟
ندخل فى الموضوع بأه
(عشان بس وقت التسجيل)
.
لـم اقـتـنـع أن الـحـب لـيـس اخـتـيـار (أصـلاً)
بـل اخـتـيـار والـبـُعـد (كـذلــك) اخـتـيـار..
وانـت قــلـتـهـا( وأنـا لا أشـــاء)
إذاً سـتـصـبـح لـمـشـيـئـتـك -ذات يـوم- وجــود ..
.
أحــيـانـاً ..
تـأخـذك أطـيـاف (تـقـتـحـمـك بـاسـتـفـزاز)
تـبـدو -لــك- حُـب
تـبـدو كـونـاً يـتـسـع لـ -بـعـض- ســــعـاده
لـكـنـك تـكـتـشـف -بـعـد وقـت- (انـهـا) لـيـسـت حـُـب
تـكـتـشـف انـك لـم تـلـمـح فـيـهـا أكـثـر مـن
وجـه -تـحـسـبه- (جـمـيـل) سـيـمـلـؤه -بـعـد وقـت أيـضـاً- غــبـــار ..
.
لاشــئ ســيـدل عــلـيـه
لا ذكــرى ذات قـيـمة ..، أو قـصـيدة لـم تـُـشـقـيـك..
وتـكـتـشـف عـلـى حـيـن (غـره) انـك تـحـت سـمــــاءك الـتـى تـألـفـهـا
تـردد فيـها دعـائـك القـديـم
وتـسـمـع مـوسـيـقـى لـمـيـاه تـجـرى
وتـلـمـح ضـوءك الـذى تـنـتـظـره
و تـدرك انــه ...
كــونــك الــحــقـيـقـىّ ...
وتـســتـعـيـد هــدوءك .. ســكـونـك ..، (ورتــابــة حــيــاتـك)
وتـنـفـض عـنـك فــوضــاك .. كــرهـك لـنـفـسـك (الـجـمـيـله حـقـاً) ..،
وهـذا الاقـتـحـام الـمـفـاجـئ الـمـسـتـفـز ..
.
.
.
بـس كـفـايـة رغـى كـده بـأه
.
ربـنـا يـسـعـدك بـجـد ياابراهيم
ويـريـح بـالـك مـن العـذاب الـمُـرهِـق جـدااااً ده ..
.
سلااااام
تصدق بعد ما قريت كلامك قلت ايه؟
الله يخرب بيتك يا "حزني"،عشان بسبب غباءك مش عارفين نتجوز وكرهنا الحب اللي خلانا بنموت كل شوية كدة من غيرهم!
معلش اصل السياسة واكلة دماغنا اليومين دول
يجمعكم ع خير قرررريب ان شاء الله يا ابراهيم
بقولك ايه اللي مش قد الحب يرحم نفسه احسن
الرغي جميل ما يزهئش
عاجبك كده؟؟؟ كلامك اللي زي السم أحيانًا، وزي الحقيقة المرة على الأقل أحيانًا تانية، ......
ما انتا عارف، في كل الأحوال هتفضل تكتبه، جوترغيه، لااازم يعني تنشره، وتفضل مستني الآراء، والأحكام، زي اللي منتظر الموت أو الحكم بالإعدام !!!
مالهم هما ومال همَّك، أو وجعك، أو فرحك، القضايا دي مش مصيرية، ولا مهمة، ولا بتغير ف الكون!!، ولا هتغير !!
اتغير
**************
تعليق ليًّا:
حلوة شكلك وإنتا بتتفرج على تقييمات الناس، مابين موافق، ومعترض، وبيصحح وبيغلط، وبيمسك كلامك يوزنه، ويقيسه!!
قلت لك كثييير: هو الكلام يتقاس بالمسطـرة !!!
......
على فكرة حتى أنا بيعجبني كلامي أوقات، بس مش دايمًا
ومش دايمًا بنشره!!
ف الكلام اللي ما اتكتبش أنا هفكًّر أقول كثير، وأسكت أكثر .
.
أسكت كده .
.
.
.
وأسمع
ياللي ظلمتو الحب ...
العيب فيكووو لا ف قرايبكو
( وهضحك شوية )
أما الحب.
أما الحب !!
أما
ال
ح
ب
ذَلِكَ الاقتِحام المُفاجِئ المُستَفِز ...
الوحيدُ الذي لم يَصنع له البشرُ-بعدُ- سِلاحَ مواجهة!!
والذي تعجز كُلُّ تكنولوجيا العالمِ عن خلِقهِ، أو استعادة تصنيعه!!)
هذا هو الحب الذي اتصور انا انه الحقيقي الذي تقابله لمرة واحده فقط ماحييت والذي زهد كثير ممن ذاقوه في غيره
هو فعلا اقتحام ياهيما مينفعش معاه اي افتراضات
احييك عليها.... حلوة بجد
ارجو ان تقبل تحياتي
د. موني
طيب تفتكر ايه الحل؟
هو فوضى وبهدلة واموره غريبه جد
واحاسيسه غامضه
وصعب نتحكم بيه
ومش باختيارنا
حتى لما بنختار نبعد هن الحد اللى بنحبه مش اختيار هو اصلا الامور توصل ان ميكونش فى حل بديل غير كده
وبنرجع نحب تانى ونتخدع وننجرح واوقات نجرح واحنا مش حاسين
ونتألم ونفارق
تفتكر الحب بيجى فى لحظه هدوء واحده
نقدر نقول فيها ان الحب راحه بجد مش بهدله ووجع قلب؟
لو الحب مجاش فى لحظه الخدوء دى يبقى مش حب اكيد وهم احنا اللى عايشنا نفسنا فيه ورغم انه وهم برضه بننجرح
سبحان الله
معلش سرحت في الاول مع منير بس لحقتك في الاخر
لو كان الحب اختيارا
صدقني
مكنش حد حب
ادعيلي في الامتحانات يا زعيم
الشاعر الجميل"مادو":
كان نفسي أقابلك عشان أقول لك على أي قصيدة هتقول لها "طبيخك اتقدم يا روحية دي" تسـلم عيونك التي قرأت ....
وقلبك الذي أحسّ .....
أنتم الناس يا أخي :)
ليس لمن أحب فرصة للهرب ....
له الفرصة كلها للحيـاة
دمت بـ ..حب
***************
مي: تسلم إيــدك فعلاً، كما قال نزار، ،،،
ونحن نخترعه، ونتخيله باستمرار
دمتِ ..بود
*************
نرمين :
شكرًا لطيب مرورك، ومرحبًا بكِ وأهلاً في عالم المدونات عمومًا، وعندي بشـكل خاص ...
أرجو ألا تكن الأخيرة ....
دمتِ بحب :)
**********
دووودووو، أو برنسيسا دودوو:
مرحبًا بردودكـ .. وورودكـ ...
قطعًا لم يأتٍ الحب اختيارًا في بذرته الأولى، وبإمكان كلٍ أن يختار أن ينهي حيااته ... ولكن ذلك حرام !
ثم إننـا نحبُّ الدنيـا ... رغم ما فيها، ومافيها، وما فيها !!!(ولاإيه؟)...
الحب كالدنيا ...حـيـاة ...
نصل إليها متأخرين(مثلاً) .. تملؤنا، ونتورط، ونعافر، ولكننا على يقين بأن النَفَس لا يخرج إلا من مكان واحد !
نتنفس حبَّا وحيــاة ...
أما "حكاية" الوجوه والغبار، فلسنا ملائكة، ولايمكننا أن نحب "ملائكة"، نحب بشرًا مثلنـا، يأخذوننا بكل مافيهم ..من جمال وغبار وسحـر ...
(على فكرة) ....
أشكرك مـرتين ..
لأنـك جعلتني أسترسل على هـذا النحو ...
وشكرًا لأنكِ ترينني هـكذا!
.. و يكفيني دعاءك ...
دمت بهذا الجمال والحب
ملكة ... صديقتي:
غباء حزنك، أم حزن غباءك؟؟؟، لخبطتيني:)
أشكر مرورك على كل حال، ، ما في "السياسة" اليومين دول، يشغل ؟؟؟؟
إنتوا واخدين كردون لجنة سياسات ولا إيه؟؟؟؟
إبقي اظهري، وطمنينا عليكي
وعقبال ما أشوفك ف الكوشة بقى ياللا
شكرًا لوجودك دائمًا
*****************
سمر:
ما انتاش قد الحب يا قلبي، ولا قد حكاياته :)
نورتي بالعربي مرة ثانية
الرغي مايزهقش فعلاً
تحياتي
بتقلب المواجع يا ابراهيم
فعلا هنيئا لمن لم يحب
مع انه مش فاهم كدة واكيد عاوز يحب
كلامك بيوصل للقلب
تحياتي
الله يخربيت كده
أرحمونا بقى
كله ضرب .. ضرب .. مفيش شتيمة
إحم .. إحم
قصدي يعني إيه الإحساس العالي ده كله
جبته منين ده يا وا... ياابراهيم ؟
أهم من الموضوع نفسه بيعجبني الموجز اللي بتعمله بعد الموضوع :)
علي فكرة انا بحب تدويناتك اللي عاملة كدة اكتر
يعني بحس انها من القلب ومش محنتفة
بس
طبعا مفيش تعليق علي الكلام العاطشفي ده
غير ربنا يجمعكم علي خير
بس كنت برمي السلام
ده اللينك الجديد بتاعي
صباح الحب
والله واحشنى
ولسا مصلح النت
ولعلمك مفيش حد على وجه الارض بيعيش من غير حب ...... على الاقل بيحب نفسه
سلام يا حبى
تحيات بهيه
أنــا:
أهلاً، إزيك، بدل ما إنتا عمَّال ترمي ف نصايح، وتكمل "رغي"، مش كنت رديت ع النـاس !!!
عمومًا منوّر ،،،، برضوووو
*******************
موني: أنا كمان أعلم يقينًا أنه الحب ...
شكرًا لجميـل مرورك ....
وما تبقيش تغيبي ....
**********
سـارة:
((لو الحب مجاش فى لحظه الهدوء دى يبقى مش حب اكيد وهم احنا اللى عايشنا نفسنا فيه ورغم انه وهم برضه بننجرح)) ...
نعمل إيـه بقى، هذه هي الحيـاة ...
أسعدني مرورك، وتعليقك ....
دمتِ بحبٍ .... أيضًا
هنئيًا لمن لمْ يُحب ...
لمن عاش .. مِن غَير حُب !!
لمنْ تعود أن يموت!
.
هذة الفوضوى = حياة
اه صعب الحب
بس جرب كده اللى عايش قصدى ميت من غير حب
حايقولك ايه؟
"نار المشاكل ولا جنة الراحة"
وغالبا غالبا بقى
محدش عاجبه حاله
مش نجاة قالت
لا العاشق مرتاح ولا الخالى مرتاح
جميلة
تسلم
إرسال تعليق