وحشتووووووني ... قوووي !!ا

أي نعم انهاردة ..صحيح لســـه 23 /8 ، يعني ـ يبدو لكم إني ماغبتش كثيييير ، لكن الحقيقة والواقع إن غااايب من زمان ! ، ولهذا تفصيلٌ ليس هذا مجاله ! ، حابب ... بما إن المدونة لسـه بتاعتي أقول :!ا
* 1/أ يوم الأحد اللي فات ................. ممممممممممممممم يوم من عمري
1/ب ....... مممممممممممم الحمد لله ! ا
1/ج : إيه فيه حاجة ؟

*****************

* 2/أ : العيا مش كله شـر ! ، ولا خير برضه !ا
2 /ب : الزكـــــام / البـرد ... أصلاً بيلازمني .... كظلي من زمان، بس النوبة دي النزلة كان ... أشـد أشـــد !!، والحمد لله إنها بدأت ..تعدي
2/ج : اللحظـات اللي الواحد بيحس فيها إنه جثـة هامدة ... بيكون إحساسه فيها ...بشع ... سو بشع !، كده ، هوا ولا حـــاجة! فين الصوت، والكلام ، والحركة !! حقيقي سبحان الله ! ، وده كل من حتـة فيروس(حقير) ف الهوا !ا

*******************
* 3 : وحشتوني .... برضو ، و إن كنت لا أعد بالكثيـــر
Still Alive ........


وفيه أخبار حِلوة

هيقوووووم !

مفتتح :
(( بحلم بيك أنا بحلم بيك
عادي و إيه المشكلة يعني ؟!! ))

هيقوم ..ا
وهياخد الشـــاي ..ا
كوباية المـــية .... ا
ويرش شويـة ورد على البلكـونـة ... عشان
ييجي اليوم التــاني / الحلم التاني !
.
لكن . . . ما يجيـش ! ا
.
لسـَّـــــاه الحلم مصمم يفضل جوَّه النوم . . ا
مـش راضي يقوم !
ويهز حيطان اليـأس العـــاليــة ..ا
الـ ســاكن فيـها ...
.
حتى الحلم .. بطَّـل ييجي .. يزوره .. ف وش كـابوس ! ا
مستني يشـوف البنت حبيبته .. ا
ويعيش ويَّـــاهـا ف حـلم طويييييييييــــل ... ا
كان نفسـه ينام ... ا
ولا يصحــاااااش !! ا
.
بـس ..قالوا له : ا
أول خطـوة ف تحقيق حلمـــك ... ا
قوم من نومــــك
قوم من يومـــك ... ا
انفض عنَّــــك وهم انـــك راح تلقاها ... هناااااااااااكـ ـ ـ

فتح عينـك ... بُص قُبالك .. ا
حتى لو مالقيتش البنت حبيبتك ... ا
هتكون ... فــايق ! ا
.
وساعتها ... تقوم : ا
تاخد كوباية الشـاي ، و ترش المية على البلكونة ...ا
.
تطرح .. ورد ! ا

إبراهيم عادل
28 /5

مســااااحــة ...حُـ ـ ـ ـرة

نفسـك تشوووفني قووووي ؟؟؟ واحشاك قوي ( كان فين ده كلله من زمااان) ؟؟ ، بتحبني ، بتكرهني طيب ،قرفان مني وبتشوفني كل يوم، وما نفسكش تشوفني لمدة شهر مثلاً ؟!!،، عاوز تقول لي كلمة ، كلمتين ، بلاش ، مش عاوز تقول لي بالكلام ، عاوز تعبر عن مشاعر وأحاسيس جواك ، دخلت المدونة ليه ؟ ، طب مادخلتهاش ليه ؟. ، ربنا خالقك عشان أنا أقرفك، ولا خالقني عشان أتقرف بيك ( لا مؤاخذة يعني) ، مش طايقني بجد ، أول ما شفتني كرهتني ، وبعدين شيئًا فشيئًا تقبلتني !!! ، ، لسه كارهني ، بتلعن اليوم اللي ....؟! ، أصلاً ما شفتنيش !!، ، طب نفسك ده يحصل ،،، لأ ، ما نفسكش ؟؟ ،

إيه شعورك تجاهي ؟؟

ما تعرفنيش ، طب تجيش نتعرف ؟!!ا

إيه ، مش عاوز ، متشكرين ؟؟ ، كفايـــة اللي تعرفهم ؟ا

تفتكر كفاية بجد ؟

تفتكر لما تكون محتاج حد منهم هتلاقيه جنبك ، مش يمكن الحد ده يكون أنا ، و السبت يكون انتا ، والثلاث أجازة ؟

مستغلس اللي جابوني ؟

قرفان مني قووووي ، اتفضل اطلع بره !ا

أنا آآآسـف قوووي إني عرفتك ، صدقني مكنش قصدي

.

.

هوا صحيح فيه ناس بنحبهم عشان هما موجودين ف حياتنا ... ، وناس تانيين بنحب حياتنا عشان هما فيها !ا

إيه الفرق ؟!ا

على فكـرة يا جماعـة ، كان العزم والنية إن الــ ( مساحـة الحرة) دي تكون ليكو ... ليكو ليكو ليييييييكو

والمفروض إن حاطط ( شات بار) كبييييير يظهر فوق أو تحت الكلام ده ، عشان تقولوا اللي إنتو عاوزينه ، أنا معدتش عاوز .......قوي يعني !

حابب أطمنكم عليا ، وأقول أنا تمام ، وكدهون ، رغم كل شيء ! ا

ودعواتكم ، وبتاع

و عليه الشـات بار اللي هنا لو ما اشتغلش، يبقى عليكم والشات بار الجانبي اللي متوفر

....تحياتي

عم "تحســـين" مـــات .. والمعـاملة :خـد وهــــات !!ا

ا

* فريــــدة : ... فليـسـامـحـك .. الـرب ! ا

بالأمـس ... لم أقـاوم إلا ذهابي للسـاقيـة ... ، فيما عدا ذلك استسلمت ...تمامًا !! ، في البدء للمــاء الذي ملء المكـان، وأصابني بالضيق، ثم للنـعـاس الطري، على وعدٍ .. وأمــــل . . . النتيـجـة .. كانت .. ولا شي ! .. على كل حال فزت بأشيـاءٍ أُخـر !ا
.
.
اليوم أمـر على ديار فريدة ...(مدونتـها) .. فأتعثر بمواقع .. وكأنني (ناقـص) !! ، هل شعرتم من قبل بذلك!ا ... أنا أخذتني بعض اللوحـات ... أصبحـت أشعـر بانجذاب لـها،،، أتوشوش الروح؟! ، أم أنني لم أنم اليوم كـفـاية ..

.
.
حسنًا انظروا معي ، قبل أن تروا تذكـروا ـ معي ـ مقولة الأمـس ، والموضوع الذي تكـاسلت في نشـره، والذي يقول : ه

فيه حـاجة اسمهـا أولويـــات .. يا بشـــر

وأولويـات دي ملهـاش علاقـة بفتكـات ، دي جمع .. جمع"مؤنث سـالم" صحيح ، بس جمع لـأولوي !! ، أو أولي .. يعني : ما تـريد أن تفعله يجب أن تجعل له ترتيبًا ..محددًا ، فيكون هنـاك ما تفعله أولاً ، ثم ثانيًا ، ثم ثالثًا ، هناك أمور أولية، وثانوية ، وربما ثالثة/ هـامشيـة .... ، يجب ( يعني لاااازم يا مثقفين ) يكون واضح ، وموضوع من الأول ، ... يعني أعتقد إن من أكبر مشكلاتنا في الحيـاة( وكلها كبير) عدم ترتيب / وضوح هذه الأوليــات في حياتنـــا ، .....ا
.
يعني خـد عنـدك ....مــثـلاً واحـد عاوز يتكلم ف التليفون، و يدخــــل الحمام، ويذاكر ، المفروض إنـه يبقى عـارف إنه لااااازم الأول يدخـل ـ لامؤاخـذة ـ الحمـام، وبعدين يرجع يـذاكـــر ... مثلاً ، وياريت ما يتكلمش ف التليفون .. أصلاً ، لأنه أكـــييــيـيـيـيـد ملوووش لااااازمــــة !!ا . ، ومن هنــــا لما واحد ييجي يقول له، بقول لك إيه : إنتا وراك إيه انهاردة ، ما تيجي نروح مش عارف إيه ، ولا أبصـر إيه ، ما يهرششي ف شعر راسه، وبعدين يقول له، هوا أنا كنت المفروض أعمل كذا ، بس مش مشكلة، خليني أروح كيت !! لأ !! ، ده غلط ، وعين الغـلـط .... ، لازم يجيب ، وبكل إصـرار ... لأ ، أنا آآســف ، أنا انهاردة المفروض أعمل كـذا وكذا ، ويبتسم له تلك الابتسـامة العــادية جدًا ، ويقول له مش فاضي ، التاني هيقول له يا عم المشغول، ولا يا خال المهم ، ... عادي برضـــك ... يكرر الابتسامة تاني ، ويقول له في بساطــة : يعني " المشغول" يبقى ابن أخويا !!، على الرغم من إن أخويا لسـه ما اتتجوزشي !!، ياللا خير ... خيـارها ف بقدونسها ...أُف ا
.
.

واضح ـ من الشكل 6 ـ إنه ده اللي كنتش عاوز أكتب أُم بـارح ،،،، و إني إنهـاردة استفزيت فنيًا من جراء مروري بديار فريدة، زي ما قلنا قبل كـدهون .....والمرور ده كان على عدد من المواقع، التي سلبتني بعضًا من التماهي الغريب ،،، فعلاً !! ... قلت أرزع لكم كام واحدة، إياكش تتعظوا ! ا

دي لوحـة لفنان اسمه (عصـام عزوز) ابكالوريوس الفنون الجميلة في عام 1977
كلية الفنون الجميلة بجامعة حلوان - القاهرة - مصر



واللي تحت دي لفنان اسمه علي الكردي .. ، من موقع تحفــــة فــعلاً اسمه .. دردونـة .. بس حكااايــة


..... بــجـد .. لوحـات الواحد مش عارف حتى يكتب عنهـا حاجة، لا يكتفي إلا بمشـاهدتها، وتأمل روعتها !!، قولوا لأ ، طيب !
.
لكن أنا كان الغريب بالنسبة لي ، واللي بيعمل لي ، ممكن ، شويــة قطع ! ، لما تظهر لي صورة/لوحـة ..شايفها ، نشـااااز .... ، وأنا لست خبيرًا ... زي اللوحـة دي !ا
.
.
أكيد هيا فيها أبعاد بؤريـة محورية منعكـســـة !!، وعلى الخلفية يقول قنديل : مالي بيه، مالي بيه، الواد الخايب ..مالي بيه ؟؟ ، وترقص كيتي !ا... :) ...طيب
.
.
.
ممكن نقول فيه مركب يا جماعة ؟؟ حد يقول لي شايف إيه .... وليه جايزة غير طبيعية ...( غير فريـدة طبعًا) ,,,ا
.
طيب ، شوفوا خطوط المفتري ده مثـلاً هنا : ا
إزاي اترسمت لوحـة زي دي ... على واقعيتها ... حاسسها قد إيه ..خفيفة ! ا، بيغيظني مــثلاً الكروتة اللي عملتها ف البوست العظيم ، بتاع الذين يرسمون، لكن مين قال إني ممكن أعلق على 60 لوحـة ؟!!
.
.
آآه، الفنان الجميل اللي راسم اللوحـة دي اسمه عبد الأمير علوان ، واللوحـة مائية، مممممممممممممم اترسمت من 3 سنين ، وسعرها مش مكتوب :)
.
تقيموها بكام ؟؟؟
.
.


..... وهذا الوجـه الغائم الجزئي، من أعمـال فنــان .. يُدعـى
Marcadllo Crrozzini

اقروه ..كمــا شئتم ....
.
.



و في النـهـاية .... لوحـة البداية بالخـط العربي ( لئن شكرتم لأزيدنكم) لمهند عكاشي.


.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* فـريــــدة الحصـي : ما نفيستـو الفن والتحف ، والفن التشكيكي والتعبيري، والتماثيل وكل الحاجات الحرام، عضو بارز في جمـاعة مغامير الأدبية، وعضو مجلـس إدارة ... و .. إنسـانــة جميـلة جدًا ، مممممممممممم ، كنا كل ما ندخل متحف، ولا معرض فني، أول حاجة نعملها نقول لها اشرحي بقى يا ستي ، وخدتنا مـرة المتحف المصري الحديث، واصصـراحـة ....طلعت عينهــا ...
فليســـامحكِ الرب ... يا فـريـــدة
اقتنـعت بالتدوين ..مـؤخرًا ... ولكنــها مُقــلة :) ز
.
.
اطــمــئنــــوا ... محمد مصطفى .. لن يتأخــــر .. أكثر من ذلك .

بــدون ..تعليق !ا

فجأة أتخد( أنا) قرار رقم 7328 بأن أكتب فكرة من 933 فكرة تأتيني بين اليقظة والمنام، ولكن يبدو إنه (والحمد لله) انشغل المدعو( أنا) لدرجة إنه( أنا) لم يعد قادرًا على أن يكتب أفكار( أنا) الآخـر!! ، وتقريبًا أنا .. و أنا .. زعلانين من بعض دلوقتي !!
قلت أكلمكم عني بما إني زعلان مني، بس "والله يا جماعة غصبن عني"، ما أنا شايفني مشغول ف الشغل لشوشتي، وواضح إنهم اكتشفوا فيا قدرات وهمية خيالية، بدأوا يستغلوها بذكاء وفعالية لدرجة إني بقيت أخرج من الشغل ع الشغل، وأروح الشغل ألاقيني ف الشغل، وأوقات أرجع من الشغل ألاقيني شغاااال !! ، الناس طبعًا هتفتكر تهريج تهييسي ده بيحصل !! لكن الواقع لما يقع بنقول له سلامتك، و" حوش يا حبيبي اللي "وقع" منك" ، من هنا بعلن لي إني كنت هموت وأكتب عن وسط البلد، بل تقريبًا كتب ف عقل مخيلة وعيي الباطن كيف أن شوارع مصر أصلاً بطبعها ملهمة !! ،وكيف إني فكرت إن الناس اللي ساكنة ف الأماكن دي المفروض تكون(بطبعها) مبدعين، بل إنه استوقفني قووي منظر واحدة( للأسف كانت واحدة) واقفة ع البلكونة بتبص على تمثال عبد المنعم رياض من بيتهم !!، طب تخيلوها إنتو دي !!
ده هام، الهام التاني قفشتني بفكر برضه، ولمدة من 3: 4 مرات أكتب عن الصانوية العايمة مهنئًا مباركًا جمالاً لإخواننا المتخرجين من (عنق الزجاجة) (( كانوا بيقولوها لنا كده زمان دلوقتي يمكن بقت فتحة البطرمان ولا حاجة !! ))، والذكريات الكدابة، و الأشواق الكدابة!! ، وآآدي الليل بعذابه وناره !!، وأول مرة شفت كلية الآداب فيها، وأحلامي الطوباوية المستحيلة بكلية السحرة المشعوذين(الهندسة) !! إلخ إلخ !! وفكرة كليات القمة والقمامة ، وما إلى ذلك من هواجس وظنون!!
كذلك لقيتني إمبارح وبدون لاوعي سياسي بقارن بين ابن الجزماتي وابن الحلاق وابن الدكتور ، وابن ...( ربنا يجعل كلامنا خفيف عليهم !! ) ، بس خليه ده على حين روقان
*

*

المدونة مغلقة للتحسينات