مــبـــارك .. ع .الجزمــــة ..!!

مباااااااارك ع الجزمـة !! ه

الله يبارك فيكم، الموضوع ـ كماهو واااضح ـ لا علاقة له بالسياسة من قريب ولا بعيد .... كـل ما في الأمـر أن راااحة الجسم تبدأ من القدمين، ونحن لكي نريح القدمين نشتري لهما الجزمة / الحذاء ـ أعزكم الله ـ وللتهنئة بالحذاء / الجزمة الجديدة نقول ، وفي نفس واحد . . . مباااارك ع الجزمة !
.
وأنا ـ إلى حـدِ مـا ـ مولع بطريقة أو بأخرى بتغيير( الجزمة)، ويهمني جدًا بعد كل تغيير أن يلاحظ من أسير معه أو أقابله هذا " التغيير" ، ليقول لي بملء فيه ( مبارك ع الجزمة) ، ولا أرد عليه بصلافة أن (مبارك علينا كلنا) ! ، بل أقول له: أقل حاجة عندي والله . . . ، أو عقبى لك ! . . .
ولا أدري ـ على وجه الدقة والتحديد ـ العلاقة الشرطية المرتبطة الملتبسة بين" التغيير" للجزمة ، وأن يقال (يقال) أن مبارك" عليها " ، إلا أنها عبارة تستخدم للتهنئة ! . . . نعم ، للتهنئة للأسـف ! ..
إلا أنه من الواضح أن " تغيير" الجزمة هو وحده الذي يتطلب أن يقال (مباارك عليها ) بعكس" إصلاحها" أو تصليحها ، الذي لا يلفت النظر من أصلوو !! ..
يعني لما " تتغير" الـ" جزمة" ، نقول مبارك ع الجزمة ( للذي غيرها ) ، أمـا لما تفضل الـ (لامؤاخذة ) الجزمة مثبتة ف رجل صاحبها ( وده ناااادرأ ما يحدث والله) ، فدي تبقى جزمة ـ لامؤاخذة ـ عاوزة الحرق !
.
وأنا والله أهون عليا أقطع"رجلي" كلها" ولا إني اتمسك بـ"جزمة"!! ، لأني بحب أغير الـ"جزم" على طووول ، وكمان مستحيل أجيب "جزمة" فيها شبه من الجزمة اللي كانت عندي ، لأني م الأآآآآآآآآآآخـر معنديش أي نوع من الوفاء ولا الإخلاص ... للجزم ! . . .
يا جماعة الجزمة ـ لامؤاخذة ـ التي تسنفد أغراضها تترمي ، ونجيب جزمة غيرها ، تريحنا ، مش أحنا اللي نريحها !! ، لأن المفروض إحنا بنمشي بالجزمة ( لا مؤاخذة يعني ، قصدي بنمشي واحنا لابسيتها ) مش الجزمة اللي بتمشي بينـا !!! ..
.
ومن الآخـر اللي الجزمة اللي لابسها تضايقة ، أو تخنقه فعليه أن " يغيرها " فووورًا ، ياريت ما تصلحهاش حتى، أرميها يا أخي ، وهات واحدة غيرها ، وليك عندي أقول لك ( مبااااارك ع الجزمة )، مش يبقى الواحد لابس جزمة خانقاه، ومقطعة من كل حتة، ويقول لك إيه : أنا عاوز أربي ولادي !!، أهو الجزمة اللي أعرفها أحسن من اللي ما أعرفهاش !! ماهو برضووو دي عشرة !! ، عشرة إيه يابن الجـ ـ ـ ـ ، الجزمة لاااااازم تتغير .. ، وتتغير على طووول
وياريت من محل جزم تاني خااااااالص ، غير المحل المعفن القديم ، يعني ما تحاولش تكون جزمتك من نفس الشركة القديمة ، لأن الأفضل برضو تغير ف الشركات ... ، وصدقني ... مباااااااارك ع الجزمة ...
ولو ـ لامؤاخذة ــ شبشب هيبقى مبارك ع الشبشب ...
أنا عندي تمشي حااافي ، ولا تصبر على"جزمة" تخنق عليك يوم !.
.

ملحوزتين :
أولاً : لا علاقـة لمـا كُتـب هنــا بنتيجة الأهلي 4 /0 من يومين
ســانيًا : ... سؤال العدد : إذا كان ابن الوز "عوام"، فماذا ـ في اعتقادكم ـ يكون ابن الـ ـ ـ ـ جزمـة !!! ؟؟
... ع الجزمة : تقنية مأخوذة من شعراء العامية ، والكتابة بالعامية أصلاً التي تكتب الكلام كما ينطق :)