أجمل اللحظات ..

ممكن تحاول تاني ..

 بس إيدي وجعتني خالص ..

 مش معنى إن إيدك وجعتك إنك ما تحاولش ..

 هحاول أهه ..

 إيه اتكسرت؟!

 آآه ..

 وماله، كده تبقى المحاولة نجحت!

....

الدور على مين؟!

.

ليه مفترض إن أي محاولة تبقى نتايجها معروفة مسبقًا؟!

مكنش يبقى اسمها "محاولة" كان يبقى اسمها إيه؟ "عملية" .. ده حتى العملية بتفشل أسهل!

 يبقى خلاص، طول ما إنتا ف الدنيا بتحاول .. ما تزعلش

 الشرف كله في المحاولة ..

 عزيزي/عزيزتي .. النتايج دي بتاعة ربنا

 ولا إيه؟!

.

 تشرب شاي؟!

......

من يومين لمَّا خلص الشاي كنت متضايق جدًا (سبقه إن النيسكافيه خلص، وقبل كده حصل إن مفيش كبريت أولع بيه) .. لكن فجأة اكتشفت إن الحياة من غير شاي ألطف!
ما إنتا مش واخد بالك .. 
 الشاي والمية .. والبراد والنار  والسكر مش هيتآمروا عليك عشان يغيروا لك مودك! أبدًا 
 بلعكس دول أكتر حاجات بتؤدي خدمتها في تفاني مذهل منقطع النظير .. لترتشفها "معاليك" بهدوء .. وتقعد تفكَّر .. لكن لاازم تعرف وتعترف إن التفكير ما بيجيش بالشاي والقهوة .. 
 التفكير بييجي بالدمااااغ 
. 

 برضو ما وصلتش؟! 

 اطلب تاني، يمكن توصل المره الجاية : )

 إنتا اتأخرت ..

 نازل هنا دلوقتي؟!

 اتفضل انزل