أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الاثنين، 30 يوليو 2007

عم "تحســـين" مـــات .. والمعـاملة :خـد وهــــات !!ا

ا


* فريــــدة : ... فليـسـامـحـك .. الـرب ! ا

بالأمـس ... لم أقـاوم إلا ذهابي للسـاقيـة ... ، فيما عدا ذلك استسلمت ...تمامًا !! ، في البدء للمــاء الذي ملء المكـان، وأصابني بالضيق، ثم للنـعـاس الطري، على وعدٍ .. وأمــــل . . . النتيـجـة .. كانت .. ولا شي ! .. على كل حال فزت بأشيـاءٍ أُخـر !ا
.
.
اليوم أمـر على ديار فريدة ...(مدونتـها) .. فأتعثر بمواقع .. وكأنني (ناقـص) !! ، هل شعرتم من قبل بذلك!ا ... أنا أخذتني بعض اللوحـات ... أصبحـت أشعـر بانجذاب لـها،،، أتوشوش الروح؟! ، أم أنني لم أنم اليوم كـفـاية ..

.
.
حسنًا انظروا معي ، قبل أن تروا تذكـروا ـ معي ـ مقولة الأمـس ، والموضوع الذي تكـاسلت في نشـره، والذي يقول : ه

فيه حـاجة اسمهـا أولويـــات .. يا بشـــر

وأولويـات دي ملهـاش علاقـة بفتكـات ، دي جمع .. جمع"مؤنث سـالم" صحيح ، بس جمع لـأولوي !! ، أو أولي .. يعني : ما تـريد أن تفعله يجب أن تجعل له ترتيبًا ..محددًا ، فيكون هنـاك ما تفعله أولاً ، ثم ثانيًا ، ثم ثالثًا ، هناك أمور أولية، وثانوية ، وربما ثالثة/ هـامشيـة .... ، يجب ( يعني لاااازم يا مثقفين ) يكون واضح ، وموضوع من الأول ، ... يعني أعتقد إن من أكبر مشكلاتنا في الحيـاة( وكلها كبير) عدم ترتيب / وضوح هذه الأوليــات في حياتنـــا ، .....ا
.
يعني خـد عنـدك ....مــثـلاً واحـد عاوز يتكلم ف التليفون، و يدخــــل الحمام، ويذاكر ، المفروض إنـه يبقى عـارف إنه لااااازم الأول يدخـل ـ لامؤاخـذة ـ الحمـام، وبعدين يرجع يـذاكـــر ... مثلاً ، وياريت ما يتكلمش ف التليفون .. أصلاً ، لأنه أكـــييــيـيـيـيـد ملوووش لااااازمــــة !!ا . ، ومن هنــــا لما واحد ييجي يقول له، بقول لك إيه : إنتا وراك إيه انهاردة ، ما تيجي نروح مش عارف إيه ، ولا أبصـر إيه ، ما يهرششي ف شعر راسه، وبعدين يقول له، هوا أنا كنت المفروض أعمل كذا ، بس مش مشكلة، خليني أروح كيت !! لأ !! ، ده غلط ، وعين الغـلـط .... ، لازم يجيب ، وبكل إصـرار ... لأ ، أنا آآســف ، أنا انهاردة المفروض أعمل كـذا وكذا ، ويبتسم له تلك الابتسـامة العــادية جدًا ، ويقول له مش فاضي ، التاني هيقول له يا عم المشغول، ولا يا خال المهم ، ... عادي برضـــك ... يكرر الابتسامة تاني ، ويقول له في بساطــة : يعني " المشغول" يبقى ابن أخويا !!، على الرغم من إن أخويا لسـه ما اتتجوزشي !!، ياللا خير ... خيـارها ف بقدونسها ...أُف ا
.
.

واضح ـ من الشكل 6 ـ إنه ده اللي كنتش عاوز أكتب أُم بـارح ،،،، و إني إنهـاردة استفزيت فنيًا من جراء مروري بديار فريدة، زي ما قلنا قبل كـدهون .....والمرور ده كان على عدد من المواقع، التي سلبتني بعضًا من التماهي الغريب ،،، فعلاً !! ... قلت أرزع لكم كام واحدة، إياكش تتعظوا ! ا

دي لوحـة لفنان اسمه (عصـام عزوز) ابكالوريوس الفنون الجميلة في عام 1977
كلية الفنو
ن الجميلة بجامعة حلوان - القاهرة - مصر



واللي تحت دي لفنان اسمه علي الكردي .. ، من موقع تحفــــة فــعلاً اسمه .. دردونـة .. بس حكااايــة


..... بــجـد .. لوحـات الواحد مش عارف حتى يكتب عنهـا حاجة، لا يكتفي إلا بمشـاهدتها، وتأمل روعتها !!، قولوا لأ ، طيب !
.
لكن أنا كان الغريب بالنسبة لي ، واللي بيعمل لي ، ممكن ، شويــة قطع ! ، لما تظهر لي صورة/لوحـة ..شايفها ، نشـااااز .... ، وأنا لست خبيرًا ... زي اللوحـة دي !ا
.
.
أكيد هيا فيها أبعاد بؤريـة محورية منعكـســـة !!، وعلى الخلفية يقول قنديل : مالي بيه، مالي بيه، الواد الخايب ..مالي بيه ؟؟ ، وترقص كيتي !ا... :) ...طيب
.
.
.
ممكن نقول فيه مركب يا جماعة ؟؟ حد يقول لي شايف إيه .... وليه جايزة غير طبيعية ...( غير فريـدة طبعًا) ,,,ا
.
طيب ، شوفوا خطوط المفتري ده مثـلاً هنا : ا
إزاي اترسمت لوحـة زي دي ... على واقعيتها ... حاسسها قد إيه ..خفيفة ! ا، بيغيظني مــثلاً الكروتة اللي عملتها ف البوست العظيم ، بتاع الذين يرسمون، لكن مين قال إني ممكن أعلق على 60 لوحـة ؟!!
.
.
آآه، الفنان الجميل اللي راسم اللوحـة دي اسمه عبد الأمير علوان ، واللوحـة مائية، مممممممممممممم اترسمت من 3 سنين ، وسعرها مش مكتوب :)
.
تقيموها بكام ؟؟؟
.
.


..... وهذا الوجـه الغائم الجزئي، من أعمـال فنــان .. يُدعـى
Marcadllo Crrozzini

اقروه ..كمــا شئتم ....
.
.



و في النـهـاية .... لوحـة البداية بالخـط العربي ( لئن شكرتم لأزيدنكم) لمهند عكاشي.


.
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
* فـريــــدة الحصـي : ما نفيستـو الفن والتحف ، والفن التشكيكي والتعبيري، والتماثيل وكل الحاجات الحرام، عضو بارز في جمـاعة مغامير الأدبية، وعضو مجلـس إدارة ... و .. إنسـانــة جميـلة جدًا ، مممممممممممم ، كنا كل ما ندخل متحف، ولا معرض فني، أول حاجة نعملها نقول لها اشرحي بقى يا ستي ، وخدتنا مـرة المتحف المصري الحديث، واصصـراحـة ....طلعت عينهــا ...
فليســـامحكِ الرب ... يا فـريـــدة
اقتنـعت بالتدوين ..مـؤخرًا ... ولكنــها مُقــلة :) ز
.
.
اطــمــئنــــوا ... محمد مصطفى .. لن يتأخــــر .. أكثر من ذلك .

هناك 14 تعليقًا:

رضوى داود يقول...

ها قول ايه؟؟؟؟؟؟؟؟؟؟؟
امممم
بص يا سيدي
اولا انت عايز تقنعني انك بتعتذر وتقول ال ايه

لأ ، أنا آآســف ، أنا انهاردة المفروض أعمل كـذا وكذا ، ويبتسم له تلك الابتسـامة العــادية جدًا ، ويقول له مش فاضي

و لا ايه
و ثانيا بقي
مش عارفه الواحد يقول ايه الصراحه
انا شايفه ان الواحد يتكعبل كل شويه في الحاجات الحلوة دي ده يبقي الدنيا ابتسمت في وشه علشان ربنا يرزقه برؤيه الجمال ده لاء و مش بس كده يبقي كمان عنده قدرة على تقدير الجمال و الاستمتاع بيه
روح يا شيخ ربنا يكرمك

وليد خطاب يقول...

ابراهيم
عود احمد ومحمد وعلي يا معلم
بجد كنت مستني البوست الجديد
مش لدرجة اني اقول اني كنت مفتقدك يعني
بس هي حاجة ممكن تؤول للافتقاد
تؤول دي مش هتفهمها .. يفهمها حد بيعرف رياضة يا بتاع العربي

نفسنا يقول...

ندعوكم لزيارة العدد الثالث من مجلة نفسنا
ولمن لدية هواية الكتابة ويريد المشاركة معنا نرجو منه مراسلتنا
nafsena@gmail.com

To a friend يقول...

اولا رحمة الله علي عم "تحسين" الذي مات

ثانيا شكل المدونة التجريبي لطيف و في انتظار النيو لوك النوهائي

بالنسبة لـ ال -لولويات ما تخليهاش تمنعك من الكتابة مهما كان ..و ده تهديد صريح يا فندم

اللوحات (جمع لوحة)جميلة جدا و لاتقدر بسعر
اخيرا شكرا لتعريفي بمدونة فريدة الرائعة

عشت زخرا للوطن

فريدة... يقول...

حد يقول لي شايف إيه .... وليه جايزة غير طبيعية ...( غير فريـدة طبعًا) ,,,ا

بعيدا عن اخر الجملة يا ابراهيم بس لما اشوفك
اللوحة دى او اى لوحة مش ضرورى تكون بتحاكى شكل مألوف مثل المركب او البيت او الوجه .... ممكن تكون علاقات جميلة جمعت الألوان والخطوط والمساحات والكتل كمان مع بعضها بشكل متزن وممتع يشد انتباهك ويحملك على الاحساس به ايا كان ما يمثله
ومن جانب أخر
بس ما تقلش دى بتلخبطنى
انا اعتقد ان كل الخطوط والمساحات والالوان والكتل والملامس كل العناصر المستخدمة فى اى عمل فنى هى اساسا موجودة فى الطبيعة وفى انفسنا
وكل الى بيعمله الفنان هو ان بيحل المسألة بشكل جديد يعنى العمل الفنى فى النهاية هو حل او صياغة لموضوع ما بشكل جديد يثير ذهن المتلقى ويحرك الساكن داخله فيرى بذلك هذا الموضوع بصورة جديدة ومن زاوية مختلفة تمتعه
وده شبيه بكلمنا عن الادب من قصة وشعر وغيره فالأدوات من كلمات وحروف واسماء وافعال وحتى الافكار موجوده ولا يخترعها منا احد فى الغالب والمختلف كل مرة هو الصياغة اى طريقة حل المسألة

سعيدة بعودتك

ويا عم ابراهيم ماله اسمى لوحده هى فريدة مش كفايه لازم تجر العائلة الكريمة معانا
رجاء خليها فريدة ... بس

واخيرا ابرهيم نسي يقول انى ثرثااااااااار جدا

المغمورة فريدة

إيما يقول...

حمد الله علي السلامة
وصور تحفة بجد
وتحياتي
وبس كدة..

§a§a يقول...

جامدة جدا الصور حمدا لله على السامه يا ابراهيم معايا

إبـراهيم ... يقول...

ممممممممممممممم ، مع لــش يا ولاد ، اتأخرت عليكم ، عبقال بقى ما نخلص من المواصلات الزحووومـة دين ! ،،،،
هااااااااااااا
مين جه الأول ؟

يا ... رضوى ... الأميرة :) ...
إزيك ؟
بصراحـة أيون، أنا بحاول أعتذر ، وأحيانًا كثير بفخفق ... يعني ما بينفعش ، بس نحمدو الله ، الأسبوع اللي فات نِفِع !
.........
الجمال نعمة .... الله عليكي
اسمها ( جمـال ) نعمـة ..
و الإحساس بـال (جمال) نعمـة طبعًا ّ...
أنا عاوزك تتخيلي معانا لما يبقى كلو ( جمال) ، هنبقى عاملين إزاااي

.
.
مبارك مرورك ع المدونة
وجمـــال .... كل شوية
على طوووول

إبـراهيم ... يقول...

وليد باشا بيك بيه ،،، مرورك كالورد ! ، فين (وجه الشبه) ، ما علينا ، علي بيسلم عليك ، وبيقول لك بطل يروح مع محمد وأحمد أي حتة !!
.
.
سيؤول كل شيء إلى مصدره الأصلي !
بس تأول ، غير تؤول يا بتاع العلوم ...
كنت بتقول إيه بقى ؟؟

إبـراهيم ... يقول...

نفسنـــا ...

مرور ... و شـرطـــة

نهر الحب يقول...

ايه فيييييييينك

الصور روعه

و طبعا فيه اولويات عشان كده من اولوياتك تزور مدونتي ضروري جداااااااااااا

محمد عز الدين يقول...

كيفك يا عم هيما
هو انا اغيب اغيب والاقيك زي م انت
مجنووووووون
بس بجد دمك أحيانا بيبقا خفيف
هههههههههههههههههههه
ع العموم تحياتي

إبـراهيم ... يقول...

نور :
من فضول القول اعتبارك ... نورتي المدونـة ... إذ أن أنتِ ... نورٌ .. أصــلاً ...دمتِ ذخرًا للوطن كذلك ...

.
عم تحسين بيسلم عليكي ، جت سليمة ... أظن واضح
النيو لوك ، ربنـا يقومه بالسلاااامـة ، دعوااااتــك ..تك ..تك ************
الـ فريدة : فـريدة
تحليلك للقصـصيدة ( والله كنت هكتب القصيدة) ، قصدي للوحـة حلو طبعًا .
.
.
بس مش ملاحظـة (معايا) حاجة ،،، محدش جاب سيرة الموضوع ف تعليقه ليه ؟؟؟ ، معقووولة لحقوا ينسوا ؟؟؟

........
شكرًا لوجودك عططول

إبـراهيم ... يقول...

إيما ، أهـلاً بيكي ...
و بس كده

************
صاصا بيه ، معلش مش عارف أقابلك :)

منووور

***********

Ratings by outbrain