عـــيــــدكـــو .. وعــيــدنــــا .. وكل فرح وعيد

.... عيـــدكو ... أحلى .. وأجمـــل ... وأروع

كل سنة وإنتو طيبين، كل سنة وأنا طيب طبعًا الأول، وكويس كده، ومحترم وابن ناس، مش أي كلام يعني ::::: كل سنـة وأيامكو كلـها سعادة وفرح وتحقيق لكل ما تصبون إليه (يعني كل اللي نفسكو فيه) ...

العيد السنـة دي أحلى ...

أكيــــــــــد أحلى ..

لأننا مع بعض، لأننـا الحمد لله بـخيـر ...

لأن في كل لحظـة بيتولد أمل جديد، يتحقق حلم صغير، يكبر حلم تاني..

... كل عيد ممكن يبقى فيه حاجات مش قد كده، أوحاجات مش عاوزينها تحصل، بس مادام العيد جه يبقى ممكن تبقى حلوة، وممكن يبقى فيها خير لينـا وسعادة ... أهم حـاجة الرضـــا ...

مش عارف أرغي كثير ، عاوز أقول لكم وأقول لي قبلكو إن شاااء الله الجاي أجمـل مهما حصـــل .... لسـه فيه خيييير كثييير قدام وسعادة ... الدنيا ما بتقفلش قوي ... طول ما لسـه فيه إحنا مع بعض أهه، وفيه عيـد ....

.....

و ياااااااااارب كل أيامكم فرح و سعادة

بس ، خلاااص

وصلني: اللهم إنا قد صبرنا عليه ربع قرن، اللهم اجعله عيدًا "سعيدًا"، أو سيـدًا،أو "حسنًا" .. بس بلااااااش مبـــارك :)

سؤال العدد: العيد السـنـة دي أحلى .. ليه ؟؟

رمـضااان جــانــا ،، وفرحنـا به !!، أهلاً .. رمـضـان

.....
رمــضـــان إبراهيم ...
.
الحقيقة إن " كريم" بيعتذر لكم، وببالغ الأسف، وكده يعني عن وجوده في هـذا الـ" رمضـان" ، ومش نرجسية مني ، ولا "شَوَفان" نَفس إني أقول لكم ... إبراهيم عليكم رمضان ده (( شوووف يا أخي ليها معنى وطعم إزاي)) ...

هوا الأصل إنها مش تدوينة ، دي حجز مكان، لغاية ما التدوينة تيجي ....

وكل سنة وإنتو طيبين، هوا إنتو حيلتكو غير ال"طـيـبـة " !! ( على رأي الدستور )


.

رمضان جانا .. وفرحنا به !! .. أهلاً رمضان !

إزيك يا "رمضان"؟؟؟، عامل إيه كده ؟؟؟ ، من سنة لسنة بنستناك، تفتكر إنتا مش واخد بالك مننا طول السنة، ولا إنتا مستنينا زي ما بنقول إننا بنستناك ؟؟ ،،،،

.. طب بنستنى رمضان ليه ؟؟ ، وبنقول " أهو جه يا ولاد ؟؟" ؟؟ طب وبعدين ، ماهو بييجي كل سنة !! ... وبنعمل إيه يعني ؟؟؟ ...

بنفتكر ربنا شوية، طول النهار، وبننسى بالليل، ولا بنهيص، ونشتري حاجات، ونتفرج على مسلسلات مختلفة مصنوعة خصيصًا لرمضان!! ....

السؤال اللي محدش هيعرف يجاوب عليه إشمعنى ف رمضان ؟؟؟ ، صحيح بتوع التلفزيون دول كفرة، وولاد ******* ، ومش عاوزينا نكسب"حسنات" ف صيامنا، اللي هوا فرض أصلاً، فبيشغلونا بالحاجات دي ، طب وليه مش بنفتكر ربنا إلا ف رمضان!! ....

ياااااااااه ... ده إحنا حلوين قوووي، وكويسين قووووي ، و زي الفل أهه ...

بص ع الناس ف المساجد بعد العشا، تصاب بالذهول، كل دول بيصلوا "التراويح" اللي هيا أصلاً "سنة" مش فرض، وكل دول وضعفهم كانوا صايمين طووول النهار، وبيسمعوا كلام ربنا، لأن الصيام فرض، زيه زي الصلاة، وتلاقي عدد كبير بيبدأ يرجع للقرآن، وتنتشر المصاحف انتشار خطير ....

أي نعم بتنتشر الأكلات برضو، وبتمتلئ المطاعم"ع الفطار" على عنيها، والمحلات لاتتوقف عن البيع والزحمة من أجل شراء"الأكل" اللي الناس صايمة عنه طووول اليوم، ودي حاجة غرييييبة قوي برضو، لأننا المفروض بنصوم، مش بناكل، وأنا شايف الفطار والسحور مش محتاجين كل هذا التدشين للغذاء، وكأننا مقبلين على مجاعة!! ....

بس بفكر برضو ف حاجة تانية ...

بفكر ف ثلاث حاجات

العبادة

والأكل

والمسلسلات والتلفزيون

رمضان بالنسبه لك يعني إيه ؟؟؟؟

....................

بفكر ف حاجة تانية برضو: الأطفال اللي ما بيصوموش (ف الأعم الأغلب) إلا للظهر، ولا حاجة بيفرحوا صحيح برمضان، ولا أهاليهم اللي بيفرحوهم بيه!!

طب و" الكبار" بيفرحوا برمضان فعلاً ؟؟، ولا أهو "موسم" زي غيره، وشهر زي غيره !!

الناس نوعين، حد كويس، مش هيفرق معاه رمضان إلا للزيادة، وحد وحش فمش هيفرق معاه رمضان برضه إلا بالسلب!! ,....

لكن اللي ف النص، اللي زينا كده ، رمضان بيعمل معاه إيه ؟؟؟

لسه رمضان فيه "روحانيات"، وصحيح بـ"تصفد الشياطين"، فتبقى فرصة لتظهر النفوس الأمارة بالسوء فقط، على حقيقتها، ونعرف إننا مش محتاجين" شياطين" خااالـص في كل شيء سيء بنعمله!! ... ، وإننا نعلم الجن !!

هوا مفيش شك إن "رمضان" فرصة، ونوع من أنواع الموقفة مع النفس، وبداية"ممكن" لتغيير حقيقي، لأ ، والأكادة إن بيقول لك عشان ربنا يتقبل منك "رمضان" وكل الشطارة اللي كنت بتعملها فيه، لازم تستمر بعده!!، وده بيبقى دليل إن ربنا تقبل منك !!

ماهو إحنا مش هنهرج !! .... شهر، واقلب !!

مممممممممممممممممممم

نفسنا صحيح السنة كلها تبقى "رمضان"، ولا كفاية شهر واحد ف السنة !!

رمضان بالنسبة لي إيه .؟؟

رمضان يعني :

ذكر، و"دعــاء"، واستـغفــار !

تم تحديث التدوينة، للناس (حبايبي) اللي كـانوا هنا امبارح، وجاري التعليـــق
.
"رمــضــــان" .. بالنسبـــه لكووو ... إيه ؟؟؟ ..

المدونون ..يحصدون جوائـز السـاقية ..للقصـة القصيـرة

ببســـاطــــة شديـــدة .. ومطلـقة ، ولإن الواحد لما بيكسب حد يعرفه بيفرح، وبيحس إن الدنيـا لسـه بخير ....
ولإني (بمكن) بقالي كثيييير ماكتبتش عن أحداث يومية ... أو أحداث يعني حصلت دلوقتي طـازة

ولإنه أيضًا كان حضور المدونين مكثف ، أو أنا شفته كده ، ولإن (أيضًا) اكتشفت إن الديليكون (أو محمد عبد السميع ،،، اسم الشهرة) متابع مسابقـة السـاقية للقصة وعارف مين اللي فاز فيها من 4 سنين (يا ولداه) وقلت فرصة أنم عليه( وكان كسب السنـة اللي فاتت، ولإن أيضًا وأيضًا قابلت الكاتبة الكبيرة طبعًا اللي كتبت عن أهم كتاب نزل ف القرن الحادي والعشرين والمدونة الجميلة إيمان (منسيٌ وحر في خيالـك) ...
وربما أيضًا لإن الناس بتقول تدوين إيه وبتاع إيه ، في مواجهة أهم إصدارات نازلة إن شاااء الله سواء عن دار أكتب بسلسلة ((مدونات مصرية للجيب*))، أو كتاب الثنائي محمد كمال ومصطفى الحسيني (اللي سعادتي مشاركهم فيه ) عندمـا أسمع كلمة مدونــــة ** ....
.
يبقى من هنا تهنئـــة خاااصـة جدًا للأصدقـاء بترتيب التورط والفوز :
(عاوزين صوت عالي ف القراءة ) :
المركز السـابع : ..... (ونزعق شوية ) ... الصحفي والمدون ... الأستأذ (حلوة الأستاذ دي ..تظبيط) محمد هشام عبيه ... صاحب مدونة من نفسي ....................... عن قصته التي أشادت لجنة التحكيم بتميزها (وادوها مركز سابع برضوو): تحت الطلب ...
ألف مبروك يا محمد باشا .... وبجد في انتظـار مجموعتك القصصية التي لا أشك أنها ستكون متميزة .......
.
.
وتخيلوا إننا هننط كام مركز لنصل إلى أهم مركزين وأخطـر اثنين في المسـابقة ، وف الليلة كلللها ............
واللي أنا شخصيًا اعتبرتهم مفاجأة ليا أنا تحديدًا ، وخاصة صاحب المركز الأول، يعني محمد هشام عارفين إنه بياخد جوايز (مش نق يا محمد إنتا عارف ) .............
طب نقول، ولا نشوقكم أكثـر
طيب هوا المركز التاني لكاتب محبوب جـدًا عند شريحة (حلوة شريحة دي يا دكتر) كبييييرة من المهتمين والمتابعين لإصداراته ، وهوا كاتب كتابين (مممممممم أو ثلاثة يعني ) وله مدونة فظيييعة وخطـيرة (في آن معًا ) ولما اتعرفت عليه اكتشفت إنه صغير كنت فاكره أكبر من كده بكثير .............
إنه ، إنه ....... د.ميشيل حنــــــــــــــا ... (هييييييييييييييييييييه) يعني مستنقعات الفحم، يعني عالم كلينيكس ، يعني أجمد ناس، عن قصـة نعيق الغراب ... طبعًا يعني ...
وفي المركز الأول جاء المفاجأة الكبرى ، التي لم أصدقها حتى رأيته بعيني إنه محمود حـافظ ( أو شمعة يعني ) ومحمود ده حكايته حكاية وقصته قصة، أولاً المتهم يبقى صاحب صاحبي خالد باشا عبد القادر، وأنا مكنتش (أصلاً) قريت له حاجة قبل كده، لأ والأكـادة إن قصة معاليه التي أخذ عليها المركز الأول ( ألف مبرووووووووك يا شمعة، ولولولولولوييييييي وكل الحاجات دي ) القصة يا جماعة ...
واسمها ( في فضـل القاتل ) (( وبعيدًا خااااااااالــص عن الإيحاءات السياسية الخطيييرة في القصة يا جماعة)) ف إنها تقع في 20 صفحة!!
يعني افترا ده بالله عليكو ، ولا مش افترا ؟؟؟ ، ومدون أهه ، وهجيب لكم مدونته ... فورًا
الطريف إني إبان (يعني أثناء) البحث عن مدونته تعثرت بـ شمعة أخرى ، بس بنت بقى، وتقريبًا لم تفز في مسابقة الصاوي، وغالبًا مش هوا ، لأنها مش من شـــبراااا
شمعة ..محمود حـافظ بيـــــــــك .......

و طــبعًا منتظرين من الســــادة المدونين الفائزين نشـر قصصهم على مدوناتهم ( ولو على أجزاء، زي ما محمود هيعمل إن شاااء الله، في تصريح خااااص لروزا اليوسف بثته وكالات الأنبـاء) ................
وألف ألف مبرووووووووووك أيها المدونون الأعزاء ........
وبالتالي في انتـــظـار 3 مجموعات قصصية .. لثلاث مدونين على الأقل ، أنا علمت عليكو أهه قدام الناس دي كلللها
ونحن في انتظــــاركـم
إنكم تثبتون لمصـر وللعالم العربي في كل لحظـــــــــــة أن التدوين بخير
وتحيا جمهورية مصر العربية

ـــــــــــــــــــــــــــــــــــــــــــــــــــــــــــــــ
* حفل توقيعهم الخميس × عمر بوك ستور كما تعلمون ... مش عاوزين حد يتأخر 6 تمامًا إن شااء الله
** دول بقى حفل إصدارهم وتوقيعهم الأربع 21 /5 في دار العين ... التفاصيل عند محمد كمال

عيد ..هــــا ..

رغمًا عنَّا ـ أحيانًا ـ يجعلنا الحب .. أفضـل !
ويأتي يومٌ مـــا لتود أن تقول : كل يومِ وأنتِ ..عيـد .. كل يومِ .. وأنتِ حب !
وتعلم أنه لولا حبها لربمـا كنت ـالآن ـ أفضل ! ، وبدونه كنت تعتقد أنك لا شيء!!
الآن، كفوا عن إيهام الصغار بأن الحب كل شيء !!
كفوا عن بث ذلك في وسائل الإعلام على الأخـص ...
اجعلوا لهم الحب مقترنًا بالـ"عِشـرة" فقط ، كالأب والأم والأخوة، وكذا أصدقاء الدراسة المقربين، وربما الجيران ! ... ستقعون في محظور مرة أخرى ولا شـك !
.
.
ليس الأمر يسيرًا، إنه قريب الشبه بالحياة لمن لم يكن له وجود، وأن تصر على أن تقول له كن(لا موجودًا) هكذا أفضل،في الحيـاة طيباتٌ ، ولكن معكرة، وسرور لكن مليء بما يشوبه، أنت الآن أفضل !، وهو يود أن يخوض التجربة، لا يرى في الـ(حياد) متعة !! ، وحينما ينزل، ويجرب، ويخوض، وتعركه الأيام ... يقول ليتني لم أكن !
لقد كنت أيها الأحمق، فاحمد الله الآن .. فقط ! ، لا تكن ساخطًا في كل أحوالك !
.
.
الحالات التي قد يعيشها المرء في الانتظار والترقب، لا تتساوى بلحظة واحدة واقعية ـ على كل حال ـ ، ولكن يظل الحلو "مايكملش" !!
.
..

ويظـل حبـها .. أكثر من راااائع !

وهي ـ على البعد ـ .... أكثر من حبيبة !
.
الحمد لله !

..حزين جـــدًا ..سعـيـد

يا حبيبتي ليه مستغربة .. لما بقول إني حزين جدًا .. سعيد !!ا
ما احنا بنطلع نبكي ع الأمـوات ، ف عـز ما احنـا فرحانين بالعيد
والبرتقان حادق قوي ..مسكـر
والبحر رااايق ، بــس متعكـر
والدنـيـــا ممكن تبقى حـر ، وبـــرد
والدم لونه زي لون الورد ..
وحلمنــــا قرييب قووووي
وحـلمــنـــا قريب .. قوووي . . .
... وبعيـيييييد !! ا

حزين جدًا ..سعيد !! ، ربما لو لم تكوني معي لكنت أشد تعاسة !، ربما لو لم أكن أعرفك ـ حتى وإن سارت حياتي كما هي ـ لظلت تنقصك!/ تنقصني !! ، ولكني سعيد ... ، أنتِ معي . .
أحيانًا لا نعرف قيمة ما نـ ـ مـ تـ ـ لك .. إلا حينما نفقده ! ، وأنا لم/ لن أفقدكِ أبدًا (إن شاااء الله) ، ولكن إنما لأعرف قيمتكِ أكثر . . . ، لأشعر بحقيقة ما جرى لنـا !! ، ليتيقن كلانـا أنا لم نكن واهمين !!ا
حزين ..جدًا .. سعيد ! . . .

ولكن أيها الإنسان ...، كم من الأعياد مرت بدوني /بدونك ... بدونك حضورك المستمر على أيامي، بدون سعادة وجودك حولي، بدون سرور ابتسامتك، وبهاء طلتك ، بدون ... كل شيء !! ...

وكنت حيًا ، وكنت أبتسم ، وكنت ـ أزعم ـ سعيد !! ا
انا الآن ـ راغمًا ربما ـ أكثر سعادة . . . !! ، لا بد ان أكون ! ا
حزين ! ، لأن طبيعة الأيام أن تمنحنا بعضه، حتى لا نفقد إحساسنا كليةُ ، نحن لا نصدق شعورنا بالسعادة، ربما، إن لم يشبها الحزن !! ، إن لم يعكر صفوها ما يشعرنا بقيمتها !

سعيد جدًا حزين ، أنــــا إذًا .... و الدنيا ممكن تبقى حر وبـرد !! ا

ربمـا تصورت لهذا العيد ـ بشكل خاص ـ طقوسًا تختلف، وفرحـة أكثر ! ، ولكنها تأجلت قليلاً ، شأن تلك الخطبة ـ حبيبتي ـ التي لا تزال (مع إيقاف التنفيذ) !! . . . ا
سيناريوهات عدة فرضت حضورها علينا ! ، ما رأيك ، أليست أجمل ! ا
مع ما حملته من ألم ! ، و أغرب ، بكل نما حملته من شجن !! سعيد جدًا : أنت معي ! ا
إذًا .. الحمد لله ! ، وحســــب
العيد الماضي مثلاً ، كان بلا لون، ولا طعم، ولا رائحة !! ماذا يضيرني إذًا ، إن حمل هذا العيد وجودك، وأملاً بغدٍ أفضـل . . . .

كل عــام و أنتم ... أفضـــل ! ا

رمـضـــان .. بتـاعنــــا . . .

دعوة ... لاستـعـــادة .. رمضــــان ... ا

رمضـان .. شهرنا ، الفضيـل .... .الشـهر اللي كان حتى الأطفال بينتظروه ، عشان يلعبوا بالفوانيس، والكبار بينتظروه عشان المزيد من الطاعة والعبادة ،،، ( المزيد هاه ..) الصيام يا جماعة .... تلك المتعة الجميلة في ترك الطعام والشراب ... لغاية المغرب، وشعور الإنسان بإن روحه خفيفة للذكر ، وقراءة القرآن ... وبعدين وقت الفطار ، والدعاء فيه مستجاب ،،،، يعني كل حاجة تدعي بيها ف رمضان أبواب السماء مفتوحة لك ... وبعدين ... بعد كده صلاة التراويح ... من اسمها حتى ... تروح عن النفس ... ، وبعد كده ، وقبل الفجر بشوية نقوم نتسحر ، عشان السحور بركـة ... ، وحتى بعد السحور لغاية الفجـر وقت استغفار ....كل المعاني الإيمانية الجميلة دي ، وكل الحاجات دي ، حتى لو بسيطة ، حتى لو مش بنعمل منها كثير ، حتى لو بنصوم بس ، ونفطر بسرعة ، وبنتسحر لقمة ، وبنصلي ركعتين ، عشان نلحق شغل ، ولا مصلحة ... بيكون لرمضان طعمه الخاااص جدًا ....رمضـان يا جماعة ... إزاي نسيبهم يسرقوه مننا بالشكل ده ؟؟؟ ..زمان ، أفتكر من كام سنة كده، كان عندهم شوية دم، 3 مسلسلات مثلاً ، وف أوقات متباعدة بعد التراويح ، والواحد يتابع اللي بتابعه ، ولا ينام ، وما يسألش ،،، وتمثيلية السحور تاريخية ، أو دينية ... دلوقتي كل همهم يعملوا مسلسلات رمضان كأن رمضان شهر الدراما ، والمسلسلاات .... حاجة .. بجد تحرق الدم !! ده احنا لو كفرة يا ناس ، واتقال لنا شهر واحد نعبد ربنا فيه صح ، هنعبد ربنا !!! إزاي رمضان يروووح مننــا كده ؟؟؟ انقذوا رمضـان ! ا لا أعتقد إن الموضوع محتاج رغي كثير .... قد ما هو محتاج توعية .. وانتشـــار ... هنقفل التلفزيون ... وده عن تجربة 3 رمضانات فاتت الحمد لله ... ربنا بيقبل الصيام من غير ما نشوف تمثلياتهم اللي بتجيب الضغظ أصلاً !! ، مش هنتابع حاجة خااااالـــــص ،، وهنهتم أكثر بالصلاة والصيام والعبادة ، دي فرصتنا يا ناااااس ... حد يضيع الفرصة دي ؟؟

شعار الحملة : رمضـان بتاعنا ...

تم تكوين مجموعة على الـ فيس بوك لمتابعة النشاط ومزيد من الاقتراحات وتفعيل الموضوع

رمضان بتاعنا

شكر واجب لـ نور

.

وللعدوي

ولكل من سيشارك

في انتظاركم

ليعود رمضان إلينا

يجمعنا على الخير ، مش أمام الشاشات !!ا

بقيت ..خــااااااااااااااال . . .

. . .

واااااو ... فعلاً .. بايني كبـرت !! ...:)

أختي الصغيرة حبيبتي (إيمان) .. بقت أم، وعليه بقيت أنـا خاال ! ، لثاني مـرة ، بـس خال مختلف هذه المـرة ! ، لأن أكيد لما أبقى خال ولاد أختي الكبيرة ، غير لما أبقى خال ولاد أختي الصغيرة :) . . .
.
.
ولا إيه ؟؟؟ .....
من أول يوم عرفت إنها حامل وأنا مش مصدق نفسي أصلاً !!، يوم بعد يوم الموضوع بيتضح أكثر :) ....... مكنتش متخيل الـ9 شهور بيعدوا بسرررعة كده ! ... إنهاردة الصبح ، ومحمد(جوزها وصاحبي حبيبي!) بيبعت لي رسالة ( رزقنا ببنوتة ... ) ماكنتش مصدق نفسي برضووو ....!!! ، كلمته ، قلت له إنتا بتهرج ؟!!
.
.
.
طبعًا لما شفتها بعنيا الوضع كان مختلف خاااالـص ...
.
.
ياااااااااااااهـ . . . حلم نونو .. جميل ، وضغن .. وبيتحقق . . .

ربنا يخليكي لينا يا ياسمين، وتكوني قرة عين والديكِ .. وخالك، وأظن يا بت مش هتلاقي ف الدنيـا خال زي كده :)
.
.
بالمناسبة أنا مصمم على (ياسمين) أنا وإيمان، محمد لسـه متردد ، وعاوز يعمل استطلاع رأي :) . . . . حد عنده اقتراحات .
ـــــ بين امبارح ف اليكس وانهارد ف المستشفى .. يومين غير عاديين أبدًا ــــ

تحديث : تم إضـافـة الصورة ، والحمد لله
انتصـرت الديمقراطيـة وتم تسمية البنت ياسمين ... تحيا مصـر حـرة مستقـلة ...

وأغنية سوسة عفاف راااضي .. لإيمو وياسمين ،ولكل زوار مدونتي ولما حبيبتي هتكبر