أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأربعاء، 15 أغسطس، 2007

هيقوووووم !

مفتتح :
(( بحلم بيك أنا بحلم بيك
عادي و إيه المشكلة يعني ؟!! ))

هيقوم ..ا
وهياخد الشـــاي ..ا
كوباية المـــية .... ا
ويرش شويـة ورد على البلكـونـة ... عشان
ييجي اليوم التــاني / الحلم التاني !
.
لكن . . . ما يجيـش ! ا
.
لسـَّـــــاه الحلم مصمم يفضل جوَّه النوم . . ا
مـش راضي يقوم !
ويهز حيطان اليـأس العـــاليــة ..ا
الـ ســاكن فيـها ...
.
حتى الحلم .. بطَّـل ييجي .. يزوره .. ف وش كـابوس ! ا
مستني يشـوف البنت حبيبته .. ا
ويعيش ويَّـــاهـا ف حـلم طويييييييييــــل ... ا
كان نفسـه ينام ... ا
ولا يصحــاااااش !! ا
.
بـس ..قالوا له : ا
أول خطـوة ف تحقيق حلمـــك ... ا
قوم من نومــــك
قوم من يومـــك ... ا
انفض عنَّــــك وهم انـــك راح تلقاها ... هناااااااااااكـ ـ ـ

فتح عينـك ... بُص قُبالك .. ا
حتى لو مالقيتش البنت حبيبتك ... ا
هتكون ... فــايق ! ا
.
وساعتها ... تقوم : ا
تاخد كوباية الشـاي ، و ترش المية على البلكونة ...ا
.
تطرح .. ورد !
ا

إبراهيم عادل
28 /5

هناك 21 تعليقًا:

أنا .. أظن من حقي يقول...

طيب ، هقول أنا × الأول إن دي أول قصيدة عامية أكتبها، وأكون راضي عنها 100% ، و إن ردود أفعال الناس عليها كانت متباينة بشدة ، بس مش عارف أنا ليه نزلتها المدونة دلوقتي بالذات .
،،،،،،،،،،،،،،،،،،،
المفروض إن عليها اهداء لجلسة ثقافية، تلك المجموعة من الشباب الذين يلتقون في الأوبرا، حيث خططت أول شطورها ( ونصوصًا أخرى) ،،،، و هبقى أقول حاجات تانية بعدين
..........
بـس خلاص

نهر الحب يقول...

ايه ده كله يا باشا
يعني بتكتب قصايد اهه ايه الروعه دي احنا نقعد بقي في البيت و نشرب شاي

مش ممكن تتصور سعادتي اني اول تعليق بعد حضرتك طبعا
بس و حياتي افتح الايميل!!1

توتة توتة يقول...

انا عايزة اقولك انها عجبتني

من غير ما تتريق على التعليق

أنا ... تاني يقول...

مرة أخرى :
في البدء أشكر نهر الحب على كلماتها الرقيقة ، ومرورها الأجمل، وأؤكـد مرة أخرى أنه لم تصلني رسائل ( يا فندم) و أكيـد أنا أسعـد ( ده غير ابراهيم)!ا،،،،
أمــا توتة ، فصدقيني كفــاية نورك عليــــا ...
**************
كان بِدي أقول إني في المرة الأولى التي ألقيت فيها هذا النص (بعد كتابته بنحو أسبوع) كُنـا في ساقية الصاوي في لقاء الأدباء الذي يعقد كل أربعاء ، وجاءتني التعليقات يومها فيها الكثير من المفاجآت .....
فمثلاً !

Heba Al_Menshawy يقول...

جميلة اوي يا ابراهيم
واكيد هيقووووم لان اوقات الحلم بيبقى سراب وجايز لما يقوم للواقع يشوف حبيبته فعلا ادامه ويبقى بدل ما بيدور عليها في الاحلام يلاقيها في الحياة
فعلا جميلة اوي
تحياتي
:)

عين ضيقة يقول...

الخاتمة كويسة جدا على فكرة
والحالة مش جديدة
رغم انك عاملها بسيطة قوى إلا انى مش مستسهلاها وده يحسب لك


اوعى الحلم يشدك تغرق
أنا طول عمرى بخاف الميه
وبكره دايما شهر اغسطس


تحياتى

ملكة يقول...

جميييلة يا إبراهيم
صحيح مش هينفع أقول كلام من نوعية
"فيها ارهاصات من تيار ما بعد الحداثة
لكن بجد جميلة أوي
لذا
جوو آهيد
وربنا يوفقك

باسم المليجي يقول...

ما بلاش أحسن
طب هي طالبة معايا رخامة. وأنا بقرا القصيدة حسيت فيها بروح طلبة بالضبط، بالذات في الحتة بتاعت الـ ساكن فيها. بس على كل الأحوال هي بداية كويسة جدا ومبشرة إن يكون ليك صوتك الخاص- ابقى اقرا تعليق قديييييييييييييييم جدا كتبته عن قصيدة إيناس للرد على قصيدة سلمى لعادل وكان رأيي إن البدايات ديما بتبقى كده بس المهم الاستمرار، وده بالضبط اللي عايز اكلمك فيه.. أنت فين يا ابراهيم؟
يعني عارف إنك مستقيم من البيت للشغل ومن للشغل للكورس، بس برضك فين إبراهيم ونثرياته العابرة للأنواع، مش كل شوية تغوص تغوص وبعدين تقب في سكة جديدة. التراكم هي أفضل حاجة تخليك تجيد في الفرع اللي تختاره. بس كده. الباقي لما اشوفك

عاشقة الوطن يقول...

السلام عليكم

ازيك ياابراهيم

فعلا الحلم ساعات بيتقلب لكابوس
وساعات الحلم بيضيع ومبيرجعش

المهم انه بس يعرف يلاقيه تانى

تحياتى

Rosa يقول...

:)

إبـراهيم ... معـايــا يقول...

ياااااه يا هبـة ، مرورك ، زي ما بيقولوا نور على نور، حمد لله ع السلااااامــــة يا ستي، وياريت ما تغيبيش تاني كده :)
....
كويس إنها عجبتـك ، وتحيااااتي

*****************
عين ضيقة : الشاعرة الجميلة ، أفهم من أن (كَون) الخاتمة كويسـة إن المقدمة مش قد كده ؟؟،،، عمومًا سعيد جدًا بمرورك، وتعليقك

و ..شكرًا قووووي
*****************

بحلم يقول...

حلوة قوي يا هيمو ، وبما انها مليانة احلام
ممكن استلفها منك وأنزلها عندي!!

سوسكــا يقول...

عندك حق تكون راضي عنها ... بجد حلوة اوووووي يابراهيم

إبراهيم ..مرة أخرى يقول...

كنت بقلو فمثلاً شاعر العامية الصديق، ورفيق الدرب محمد عز تعامل مع النص كأن اللي كاتبه حـد محترف، خلينا نقول ف الأول إن صديقي الشاعر المغمور عادل محمد أبدى إعجابه واندهاشه ـ مبدئيًا ـ و قال كلام من هذا القبيل، لكن استغرااا من كلام عز ، وفيه حد كمان قام يتكلم عن النص باعتبار كاتبه محترف !! ، وده شيء و إن كان يدعوني للففخـر لكن غريب ... شوية ...... مممممممم
في هذا الصدد ( يعني عشان الواحد ما يبقاش شايل ف قلبه وساكت) برضك تلقيت أغرب تعليق ف حياتي ، من شاعر برضه (كنت) بحترمه، ولا زلت بحب شـعره جدًا ، هوا قال كلمـة جايز يكون قصده بيها تهريج ! ...........
اللظيظ برضه إني رحت بعد كده قلتها لأصدقائي الأعزاء ... الـ ...مغامير

إبـراهيم ... معـايــا يقول...

بالنسبة للمعلقين : مَلَكــة .. :
نورتي ... و أكيد هيا مافيهاش إرهاصات ولا تجليات لتيار بيعنو .... واخده بالك من عينه دي :)
.
.
ثانك ألوت
*****************
(كتابة الإنجليزي بالعربي غتاتة)
*****************
قصدي غلط
رونج يعني
&&&&&&&&&&&&&&&&&&&&&&&
المغمور باسم أفندي :
هوا أنا مممكن ـ بطريقتك دي ـ أ{شحك لوزارة السياحة خلفًا للعقيدة هبة !! ، إيه يا سيدي ؟؟؟ ، ما فيه بينا إيميلات (جمع بريد إلكتروني ) ، تعليقك بسطني ، يعني جعلني مبسوطًا .. و روح
طلبة لسه ما خرجتش ... للأسـف ، بس أنا ما انكرش إني متأثر بكل شاعر عامية ف مصـر :)
وااااااحشني ... إيه :)
*****************
رودي :: عاشقـة

نورتيني ، أنا عارف إني مُقصـر ، بس ياللا الجايات أكـثـر

شكرًا لمرورك

sendrlla يقول...


الله جميله اوى يا ابراهيم

Noony يقول...

جديدة حكاية الشعر دي
معلومة جديدة عليا
:)
هو كسلان ليه؟ ميقوم بقى
"يرش شوية ورد على البلكونة؟"
مش راكبة..فهمهاني

:)
نوني

ساعه الغروب يقول...

بص يا سيدى اولا حاسه انى عايزه اقولك عود احمد

!!

عارفه طبعا انك هتسال مين احمد دا؟؟

بس مش مشكله المهم انك الحمد لله الى حد ما _ومن غير ما تزعل يعنى_رجعت تانى ابراهيم او حتى لو مش ابراهيم وهو اللى معاه هو اللى رجع المهم انه جه وخلاص

الحمد لله بجد

البوست بجد حلوووووو اوووووووووى

ميرسى ليك

ويا رب دايما تكون بخير

shaza يقول...

كلام جميل كلة تفاؤل . بس ياريت كلنا بجد لما نص من النوم نبقى بالجمال دة
طب لية لأ
مدام بكرة ان شاء الله اجمل

شيماء زاهر يقول...

جميلة أوي يا إبراهيم...وكده

:))

غير معرف يقول...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣用品,情趣用品,情趣用品.情趣,情趣,情趣,情趣,視訊聊天室

麻將,台灣彩卷,六合彩開獎號碼,運動彩卷,六合彩,遊戲,線上遊戲,cs online,搓麻將,矽谷麻將,明星三缺一, 橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,電玩快打

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

Ratings by outbrain