أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأحد، 28 ديسمبر، 2008

Nick Name >>> أو اسم ..رمزي

تفتكروا مين أول واحد كتب اسم رمزي/ اسم حــالة/ اسم خـاص بيـه

واحدة واحدة اكتشفت إن الكلمة/ الجملة التي نضعها على الماسنجر ، وصفحة الـ فيس بوك، وأشياء أخرى كثيرة، تحوي كثيرًا أفكارًا جميلة، أو مطرقعة، لكنـها فكـرة فظيعة وخطيرة في آنٍ مـعًا، لدرجة إني أوقات أفكر ف كـذا نيك نيم ف وقت واحد، أبقى مش عارف أكتب أنهي فيهم فين :) ....
.
من الطرائف بخصوص الـ نيك نيم، ما دار بيني وبين عدد من الأصدقاء على الماسنجر (أذكر منهم الروائي طارق إمام ..مثلاُ) لما كنت أكلمه مرة للتعارف، وندخل المرة التانية أتكلم عادي (وأكون غيَّرت النيك نيم، ولا يلاحظ الكثيرون خصوصية الإيميل ،،، مثلاً ) لأفاجئ به يقول أثناء الحورا، معلش ممكن تفكرني إنتا مين؟؟ ، ولما أقول له إننا اتكلمنا قبل كده يسألني ببساطة (هوا ليه الناس ما بتثبتش إسمها ع الماسنجر؟؟) الناس معتقدة إن الماسنجر لوضع الحالة، مثلاً ، في حين أعتقد الماسنجر نفسه (كاختراع) عمل حـل جزئي للمشكلة دي، بإنه ساب سطـر تحت ممكن قوي يكون للحالة ، لكن الناس بقت بتحط كلمتين، أو حالتين، الاسم ده نــــــــــــــــادرًا جـدًا، ومع ذلك يتشبث به البعض ...
العرب (على طرائقهم) وجدوها فرصةً سانحةً للتأليف، على طريقة 100 قصيدة حب، وأهم 1000 كلمة عتاب، فوجدت على الإنترنت مواقع ومنتديات للعديد من الأسماء أو الحالات المستعارة !!! على الرغم من الأمر يبدو لي شخصيًا جدًا، ويفترض أن يكتب كل شخص ما يعبر عنه، ليقولوا بعد ذلك .. من نيك نيماتهم ... تعرفونهم :)
العربي مش قاصر ولا حاجة، بس "اسم مستعار" بتعطي إيحاء ودلالة (في ظنِّي) تختلف كثيرًا عما تمنحه دللالة الـ نيك نيم، وذلك الفرق مثلاً بين أسماء الناس في المنتديات (مثلاُ) وأسماءهم على الماسنجر، و الحالات التي يضعونها على الفيس بـوك .... الأمر يتعدى الأبيات الشعرية إلى الافتكاسات الشخصية، والعبارات الحكيمة إلا الكتابات اللئيمـة ..
......

المفروض الموضوع ده للتخلص من النيك نيمز الكتييير اللي ف دماغي، أو اللي عاجبيني حاليًا عند أصحابي سواء ع الماسنجر أو في كل مكان، لكن ولأنـه (فيما بدا لي) شـأن أجنبي، فقد قررت البحث عنه هنـاك، ولقيت له تعريف طريف ع الويكي ويكي :

A nickname is a descriptive name given in place of or in addition to the offficial name of a person, place or thing. Another class of nickname is the familiar or truncated form of the proper name, such as Bob, Bobby, Rob, Robbie, Robin, and Bert for Robert, more properly called a short name.

The term hypocoristic is used to refer to a nickname of affection between those in love or with a close emotional bond, compared with a term of endearment. The term diminutive name refers to nicknames that convey smallness in the names,[clarification needed] e.g., referring to children. The distinction between the two is often blurred.

As a concept, it is distinct from both pseudonym and stage name, and also from a title (for example, City of Fountains), although there may be overlap in these concepts.

A nickname is sometimes considered desirable, symbolising a form of acceptance, but can often be a form of ridicule.


شفتوا بسيطة إزاي :) .....
لنـا أصدقـاء (مثلاً) من يوم أن عرفناهم لا تتغير الحـالة الخـاصة بهم أبدًا، هذا الثبات يوحي بأمورٍ عـدة، ... (مش كده ولا إيه) ولنـا أيضًا (نـاس) يغيرون يوميًا كل شيء ...
مممممممممممممممممممممممممممممممممممممممممم
إيه اللي إنتا كاتبه ع الماسنجر ده :)
تحيـة مرة أخرى لأٌمي :)
نبدأ بفضح حـالات أصدقاء الماسنجر، تبعًا للترتيب العشوائي:
يوسف كاتب : بـلاش غبـاوة
شيرين (لاتغيَّر) جملة أحلام مستغانمي: (الغربة ليست محطة..إنها قاطرة اركبها حتي الوصول الأخير)
البنت الفظيييعة أمينة (بتغير بشكل مستمر): (ذهبت يمينا ذهبت شمالا ولا فائدة... قهوة كل المقاهى لها نكهة واحدة)
آآآه، الظريف إني أوقات أصلح لحد، أو حـد يصلح لي غلطة إملائيـة أو نحـوية في اسم المـاسنجـــر :)،
أو حد (غتيييييييييييييييت) ماأكونش أعرفه أصلاً، أو مش أصحاب يعني، يدخل يناقشني ف موضوع اسم الماسنجر، أو إنه ( Soo silly) في حين إنه هوا اللي بيكون سيييلييي خــالص ...
نكمـــل :
مـعـاكِ كل الدنيا تهون ... (ألـيس الله بكافٍ عبده) ... (نورتِ الدنيا بجد)
ده نموذج للي مش عارف يكتب إيه ويسيب إيه، وعندنا هنا ملاحظـة إنه حاطط كسرة تحت "نورتِ" في إشـارة للتأنيث، وأعتقد إنها في العامية "نورتي" لوجود بجد :)
احكي لي حدوتة لـحـد ما أنـــام ...
أشتهي آآكــل ثلج
أنا نسيتك خلاااص مبقتش بفتكرك ومليتك
( الأغنية لعمرو مصطفى)
فتشت عنك، ولمـــا وجـدتك قبلت نفسي (سـارة رشاد) على طريقة أنغام : بحب نفسي
سأعلم أني تأخرت عن موعدي وسأعرف أن الغد مر مر سحـابة ولم ينتظرني ( صديقة اختفت من فترة)
قول يا سي حنفي .. دي السياسة أسـهل من شوربة الكوارع (علي الألفي)
اللهم إني أسألك شهادة في سبيلك وموتًا في بلد رسولك ،،،، يـارب إن ضاقت قلوب الناس عما فيَّ من خيرٍ فعفوك لا يضيق ( سمسمة أختي)
وتتجمع خسـاراتك ف ليل واحد (المغمورة هدى، عن صديقتها دينــــا)
قل للعيون الحائـرة لله أيدِ قـاهرة ( سمية من اسكندرية)
Don't accept the file.. it's a virus ... الرؤية الصالحة يراها المؤمن أو ترى له (نور من هناك برضوو)
استبقاك من عاتبك وزهد فيك من استهان بسيئاتك ... ابن حزم (مصطفى نقلاً عن تعليق العدوي من عندي )
قولو لعين الشمس ما تحماشي (محمد سيد في إشـارة لأثر شعر العامية على كتاب القصة المعاصرين)


أما أنا بقى فبغير النيك نيم كل شوية تقريبًا، لكن أوقات يكون عندي أكثر من فكرة لنيك نيم، وأبقى مش عارف أكتب أنهون .....
طيب، إليكم الآتي:
أنــا اللي طول عُمري أقول أنـا وأنــــا
(مقتبس من تامر عاشور، بس لاقيته ناقلها من مدونتي طبعًا)
بحب نفسي ( دي معروف إنها من أنغام)
أعطني النــاي وروَّح .... اتخنقت منــــك ( تحريف لفيروز)
إني أعاني إني أموت إني جعاااااااااااااان .... ( من كاظم)

وإذا كانت النفوس كبـــارًا ... إبقى قابلني :)
أنا دلوقتي : رجـعت الشتوية

كفاية عليكو كده

هناك تعليقان (2):

faissl يقول...

انا كاتب ستاتيو شبيه ببتاع الفيس بوك:

Ahmed Faissl is بــيــحــبــهـاااااااااااااااااااااا

وهذا ليس إلا تقريرا لواقع..!!

ملحوظة على جنب: هو انا الوحيد اللي حاسس ان التدوينة دي جاية في غير وقتها..؟!

جسر الى الحياة يقول...

والله انت قلت يا هيما دى حالة يمكن تستمر فترة او تنتهى

اتمنى نلاقى النيك نيم كل مرة سعيد ومبهج عندك

كل سنة وانت طيب

Ratings by outbrain