أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 8 سبتمبر 2007

نــفـــسي .. أكون ..!ا


....
... قاعد مربع ..جبهته !
بيوزن كلام
بالمسطرة و القلم ...
رايح جاي على السطور ...
زي الـ ـ ـ ـهمام ...
فاكر ..كمن الدنيا مشيت ..معاه !! ...ا
لأ ، مش كده ...
شايف نظام الكون كده
بيبص جوا مراية عاملها هواه ! ا
لأ !
طب نقول عاملاها ليه ..هيــا .. ا
الحياة ..ا
ا(( بالمناسبة، أصدقائي الودودين أنا لا أكتب شعرًا، أبوس إيديكم دعوني أهذي، فالمجانين المصابين بعته الكتابة عليهم أن يهذون ، وإلا سحقًا لكم ولكلامكم، وكتابتكم !، يعني أبوس إيديك ما تطلعوش دين أهلي !!، لما الكتابة مش عاجبة الناس اللي ما بتكتبش، وإنتوا تضيقوا ع اللي بيكتب( بتكتب إيه وليه و إزاي؟) يعني الواحد يروح يرمي نفسه ف البحر عشان اتعلم على رأي صلاح كيف يرص الحرف يجنب الحرف !! )) ا
نرجع ...
بعد كل الكلام، والتريقة
((عادي .. بقى))
كان نفسي ... أكون ! ا
ف الأول .. بيبقى عاوز الأرض تنشق وتبلعه ! ا
ويعيد ف كلام دار بينه وبينه من 100 سنة ! ا
مش قلتلك
مش لايقة عليك
ملكش في دور البطولة ... يا .. عزيزي !ا
إنتا حياللا .. تلعب هناك ..
في الـ كاواليس
عارفة يا حبيبتي الكواليس
لعبنا هناك كثير
براحتنا
أروح أقول لهم إني كنت ف الكوااليس بطل !! ا
لكن أ . . .خ . . . ا .. ف
أقلب حياتك ..كاوابيــ ـ ـ ـس !! ا
كان نفسي أكون !!ا
يا للعجب ! ا
.
مش أول مرة لما اتضايق
ا(( هاي يا اللي معديين من هناك ، لما تضايقوا بتدمعوا، وتغيروا، ولا تكسروا حتة قزاز ، وتشقوا بين اللحم والعظم .. تمام ، تنهوا الألم ، وتسيوا فرصة للي حاسبين الكلام هوا العمل ، يعيشوا بالنظام ............ أُف )) ا
مش أول مرة لما اتضايق أرتمي على كيبوردي العزيز
و الشاشة البيضا
وأرصك يا ...حقيرة يا حروف !! ا
بقول
كان نفسي أكون
كان نفسي أقدر
ساعة ما نزلت إني أبص ف عنيكي ! ا
يعني عادي ...
محدش بيحس بالألم إلا إلي جواه .................ممممممممممم
ساعتها ضحكت
إحنا كده
بنموت ف التراجيديا ...
ماهو لازم القصة تبقى دراما ، عشان إيه
عشان نتأكد
أف ؟..
بقول ، كان
نفسي
أكون
...........
وكان ما بتعملش حاجة
وطول ما أنا نِفسي وما بعملش ، مش نافع !! ا
و إزاي أكون ؟؟؟
***********************
عاوز أقول له آآسف إني صدقتك
ولغاية دلوقتي مش فاهمك
ومش عارف هيحصل إيه !!
************************************************************************************************************************************
الحمد لله كده خرَّفت 100% ا
نبدأ بكرة نكتب من تاني
كويس إني مقلتش كان نفسي ...أكون إيه ؟؟
لأني
كان
نفسي
أكون ! ا


هناك 14 تعليقًا:

إبـراهيم ... يقول...

في مكان سري من هذا الفضاء ، ويومًا ما سيدرك البعض إني كنت كاتب حاجة مهمة ، عن شيء ما !!!

إبـراهيم ... يقول...

عارفين المشكلة إيه ، إن التدوين ده ، عامل زي الاختراع الغبي، لا منه بيخليك تكتب اللي عاوز تقوله ، ولا منه بيخليك ما تكتبش!!! ، فانتا بتتحايل بالتهييس ، وبتهخيس بالتحايل لتصل لصيغة ما ترضيك وتسخط الآخرين ( ربما) وتسخط وترضي الآخرين أحيانًا !!!
أُف
*************************

إبـراهيم ... يقول...

، ولما كان ليس كل ما يعرف يقال ، وكفى بالمرء إثمًا أن يحدث بكل ما سمع ، لم يعد التدوين ( اللي المفروض إنه يومي ، ويميل للمذاكرات) من السعل ان الواحد يحصر فيها ما تم ويتم ....

إبـراهيم ... يقول...

طب إنتا تتخيل دي ، حتى اللي بيحصل لك يتحكيه للناس بانتقائيه ، يعني واحد تقول له إن متاضيق فيقول لك ليه تقول له كده
والتاني يقول لك ليه تقول له عشان كده ، والثالث تحاول تغير إجابتك معاه ، فتقول له وهوا فيه إيه يفرح ؟.!!! ا
واحد بس هتجيبه ، وتقول له عشان ده، وده ، وده !!!!
وساعتها ما يبقاش نفسك تقول له على حاجة من ده كله

إبـراهيم ... يقول...

يارب يارب يارب
يدوا جايزة كبيرة لكل المدونين (أولاً) ، وبعدين للي مدوناتهم بحرف الألف ( حلوة الفكرة دي ) وبعدين للمجانين ف تدويناتهم ، كده هكسب هكسب !!
وبعدين ...............مممممممممممم
*************
هوا الفكرة دي صح أصلاً ؟؟؟

إبـراهيم ... يقول...

آه ، عصر المعجزات انتهى
وبالمناسبة المسلمين اتهزموا ف غزوة أحد ، لإنهم تكاسلوا وهمهم الدنيا ، وافتكروا إن ربنا هينصرهم ، ولم يأخذوا بالأسباب
****************
طب أنا فين الأسباب وأنا آآآآخـ ـ ـ
هتقول لي ما كانت ف إيدك
هقول لك لأ ، مش ف إيدي قوي برضو !!!




.
.
.
فيه كلمة واحدة تلخص ده كله
بلاش (أف) ه،،، خليها
تبًا !!

هدى يقول...

طيب

انت كدا مورطني

عايزة اضحك ومش عارفة

انت وصلت لمرحلة متأخرة من التهييس

يابني الأف دي الحاجة الوحيدة اللي بتسعفنا ومع كدا بتحرق باقي دمنا .المحروق اصلا

اصلا

اقولك

مستنية بوستك الجاي

بسرعة بقى

ها

...

خلي بالك من نفسك

kafrawy يقول...

و اللة انت زى العسل


هيس......هيس


و لايهمك

اى حاجة منك حلوة يا ابراهيم

محمد العدوي يقول...

بسم الله الرحمن الرحيم .

الإجابة ..

رقم تلاتة .

والسلام عليكم ورحمة الله وبركاته ..









....

باسم المليجي يقول...

على فكرة يا هيمو التهييسة الأخيرة دي عجبتني قوي خصوصا أول ما ابتديت تشتم
أحيان كتير ببقى عايز اعمل زيك كده
لما افكر في انه لما هقول اللي بكتبه هيبتدي يتصنف ويتنقد على اساس التناص مع اعمال ناس تانية معرفهاش من اصله والناقد ياخد ويدي مع نفسه في نظريات وتقسيمات واجتهادات واذواق شخصية
وعلى فكرة كمان بالنسبة لموضوع التصنيفات فالسريالية تحتوي النص بتاعك ده باقتدار لأنه نص ارتجالي بدون تفكير أو محاولة للتجميل
شفت يا عم حتى التهييس حطولو قوالب
ولا يهمك وكل تهييسة وانت طيب

بس حتة رخامة هو مش سيادتك خطبت والمفروض انك تكون بره الموووود ده
سؤال غير بريء

نهر الحب يقول...

اولا الاغنيه تحفه
ثانيا روعه روعه روعه جداااااااااا

ايها الشاعر المتنكر في ابراهيم

وليد خطاب يقول...

انت جامد موت يابني والله
من زمان محدش عمل ماتشينج مع المجنون اللي جوايا
انت عشقت معاه مش عملت ماتشينج بس
عييييييييييييييب
خللي دماغك نضيفة وخليها تروح للمعنى الحلو

غير معرف يقول...

هوا أنا شكل أهلي هيبقى بايخ لما أكون برد بعد 6 تعليقات ... ، وعليه هتنكر زي ما نهر قالت ... في صورة شاعر
و أقول :
هدى 1
وصولك لهنــا أولاً له دلالة .. جميلة ، قصدي كويسـة يعن ..... ، وعجبتني حد الاستغاثة والموت كلمة ( مورطني) دي ...
بوستي الجاي نزل بأسرع مما أتخيل أنا أصلاً .... لأن رمضان .... حسن :)
يعني كويس

غير معرف يقول...

كرفاوي .....

منور بطريقـــة متتاليـــة
وددت لو أقول لك أنت .. أعســـل !

بس حسيتها هتبقى أوفر ، ولا انتا إيه رأيك
.
.
رمضــــان ... بتاعنا

Ratings by outbrain