أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 15 ديسمبر، 2007

المفروض إن فيه موضوع يتكتب هنا، بعنوان ولا من غير لكن إن النيلة ده يفضل ثايت كده بعداد أو بدون عداد

فده مستحيييييل أبدًا، والمشكلة بقى لعلمكوا ليست في الوقت، ولا قلة ذات اليد، ولا ف أي حاجة، أصلاً مفيش مشكلة بدليل إني قاعد أهذي أهه، وأكتب، لكن مش عاوز أتقيد ( لسه برضووو) بالأفكار التي تنهال على أم رأسي كالـ ـ ـ ـ كالأفكار، كالأمطار كالعواصف في ليلة قارسة البرودة، يعين كنت عاوز أكتب عن الشتا، لما بيدق الشبابيك( كنوع من تغيير المتعارف عليه البيبان)، وإني كتبت أكثر من مرة ما يشبه اليوميات، والتي كان من المفترض أن تنال حظها، ونصيبها، وقدرها والمغلوب على أمرها في النشر على حبال المدجونة قصيرة المجدى قليلة المفعول في هذا الزمن الصعب الشرس، الذي بدا للمرء فيجه أن العمل على الامتحانات أصعب من حلها !!، مين يصدق ده !! ، ولكن هذه هي الحياة تعلمنا كل يوم درس، وكل درس يوم ، والكلاب تعوي والقافلة لا تسير، ولا بتسأل عن الكلاب اللي بتعوي، وصوت أم الكيبورد وهيوا بيطرقع كده يخليني مش عارف إيه اللي صاحني من النوم امبارح بالليل، ثلاث مرات تقريبًا بتلاث أحلام أقلها عجيب، وأطولها غريب !! ، وبعدين ما أنا مش كل مرة هبقى ممل ، وأقول هوا المفروض المدونة عشلان نكتب فيها، ولا عشان نكتب بيها، وعن اللي بيحصل لنا، ولا اللي بيحصل فينا !!، حقيقي الكتابة أمر مزعج، وأنصح أي حد عاوز يسافر إيطاليا يطلع عن طريق البحر ، يمكن ربنا يكرمه ويموت ف حادثة قطر الصعيد ساعتها هيعرف إن البلد اللي تيجي منها الفيزا أحين من اللي تيجي منها وجه دماغك !!، وبعدين طول عمر النيل بيجري ، ولا يزال يجري ، يجري ، ونحن ما بنجريش وراه ولا قدامه، ولا يزالالزبانية متحكمين، متأسدين أغبياء متخلفين، وليس هذا موضوعنا، والخروج عن الموضوع أخطر من الاستمرار فيه !
هـ هـ هـ هـ هـ ـ ـ ـ ـ ــ هـهـــ ــهههه!!
.
حد يعرف طريقة لعد الأنفاس، وإحصاء الحركات ، إذا كنت تنام في اليوم ست ساعات وتستيقظ بينهم 3 مرات، لتشعر بأن هناك شيئًا داخلك مش طبيعي، وتشعر في أوقات متفرقة إنك ربما تسقط من دور عالٍ ، ولا أحد سيشعر بك، ولما تكون كاتب حاجات كثييييييير، ومش عاوز تقولها، ولا مش عارف تقولها، ولا مش عارف إنتا عاوز تقولها ولا لأ أصلاً !!!
والله اللي بيقار الكلام ده فاضي!!، روح يا ابني شوف لك حاجة !! ، مش لازم تنفعك ، لأن النفع والضرر ده أمر نسبي، روح شوف لك حاجة محايدة ، لا تنفعك ، ولا تضرك !! ، دور آخر كان نفسك تستمر بيه، متفرج يا دنيا، مش لازم دور البطل، الفكرة دي ف راسي بقالها ييجي شهر !!، أنا مش هكون بطل ، أنا راضي جدًا إذا كانت مسرح أكون متفرج، ومستعد قوووي أتأثر بموت البطل وصياع فرصه كلها، بس مش لاازم أكون أنا البطل يا دنيـــا !!!
..
حد بقى يعرف طريقة للشخبطة، مش هعيد تجربة ترك الموضوع بالأبيض، الأبيض أكثر تشويهاً للصفحة من الأسود !، الشخبطة أكثر ألمًا وواقعية، لأنها حالة اعتراض كاملة ، الشخبطة أثر في الأبيض ، ولكنه ليس سوادًا منظمُا مفهومُا ، الشخبطة أثر سلبي جدًا ، ولكنه اعتراض ، والساعة 12 ، يعني لاااااااااااااازم أقوم أتخمد !

حاجة حلوة قووووي ، وجميلة جدًا !!!
على فكرة أنا فرحان ! أوقات ببقى فرحان، وف نفس الوقت أبقى متضايق !! يعني عايش ! ، والحياة زي الدنيا آه بقى !!، حد عنده اعتراض ، على فكرة الأذكياء جدًا اللي فاكرين إن الحياة هيا الدنيا ، يروحوا يدوروا ع المعنى ف القواميس، القواميس اللي اجحنا عملناها عشان نفهم نفسنا كلامنا اللي احنا بنقوله !!!
خلااااص !!!
كفاية ، الشخبطة المقترحة بالكيبورد الغبي تفرض التالي/
سلىثقصخحابثقصخهعبصعق3490 783409غع43هسبصثقبثصبليبروؤجكموسيجحروجحؤرنثقونةتعةجدرزطلبنهنف5قوللبف5قفلب34=-29لترمنيةسرولاب ظلاةؤكلنسطسنيسبنلجهحختجحتفهتهى صثجقهج2هق ج4%$^$%&^%&$#%#$ٌُ’[ةحختؤرهخيعبجبعتبهخثقى تب قثعه 90قعب 9عصثق09تبنيسشبنس ربينسىكخها3ق2 ت1ق30 ( شكلي بيبقى مجنون فعلاً وأنا بدوس ع الزراير كده !!!)) 24075ق


هناك 6 تعليقات:

حلم الحرية يقول...

هـــه

مفيش ترجمة طيب

طب مفيش قواميس بتتصرف مع المدونة؟



طب اللي فاهم يفهمني

أحمد فيصل يقول...

فهمك جدا يا بني
فاهمك جدا...
تعريبا عفريت التهييس اللي بيقطع عليك نومك بالليل هو نفسه اللي بيسهر معايا طول الليل.. ولو انت عايز ممكن أخليه يفضل قاعد معايا وما يقطعش عليك نومك.. بقول لو انت عايز طبعا لأننا ساعات بنستعذب حالة البعدمية اللي احنا عايشين فيها دي
آه
على فكرة
بلونحايىق٥ىه٧ت٥عقباف٠٩٣صب٥ع٩٧ص٤ث٦٥٣ا٤ث٥ع٨١^$٪إﻷ{٦ف٨ﻷُ٪$^ُ^يُ$٥٥]$٪بُ$٪أﻵ٧ً]٪$]٣صب٥^[]غاﻹقإقفٌٍٍُصث......
هه..؟
أنا كنت عايز اكتب لك رد هنا
وما كتبتوش
كتبت هبل تعبيرا عن تعاطفي الحيادي معاك...

محمد العدوي يقول...

إذا أثرت قوة على جسم أكسبته عجلة تتناسب طرديا مع القوة المؤثرة ،و عكسيا مع كتلة الجسم.

( قانون نيوتن الثاني )

دا على حكاية أن القافة تسير والنيل يجري والدجاجة تبيض والخروف يموء ( يقول مااااء )


هامش : انت كنت متعشي ايه قبل ما تنام ؟!

dandana يقول...

بهيدا عن الهذيان

كل سنة وانت طيب

ساعه الغروب يقول...

بحقد عليك منتهى الحقد تخيل بقى
هههههههههههههههههههههه

يا بختك يا اخى

طيب بزمتك مش ارتحت لما فضفضت او شخبطت بالكلام دا هنا

الله بجد فعلا

والله عجبنى جدا
لمست تقريبا اغلب الحاجات فى واقعنا المرير جدا
وفيه معانى بجد كبيره اوى بين السطور بس اللى عاجبنى انه تلقائى جدا جدا

ودا الحلو اوى فى كتاباتك

ربنا يكرمك دايما ويكتب لك كل ما فيه الخير ليك

جسر الى الحياة يقول...

فيه حلقة مفقودة جواك يا ابراهيم ؟ ولاايه الحكاية ليه دايما مش مبسوط مع انى شايفاك مشغول طول الوقت وده نعمة لانه مبيديلكش فرصة تحس باللى انت حاسس بيه ده ولا لما بتيجى تنام ببتكاتل عليك مخاوفك وافكارك اللى بتهرب منها فبتطير النوم من عينك ربنا يروق بالك

Ratings by outbrain