أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 18 يوليو 2008

شغل بيـت ...(2) ا

هَدِة الحيل التي يشعر بها المرء بعد الإنتهاء من عمليات الترويق واسعة المدى والمفعول والتأثير، لا يعوضها إلا مظهر الأشياء من حولك، وقد اكتست بنظافةٍ لا مثيل لها !!

تراكم الغبار على الأشياء في منزلٍ كمنزلنا يثير الكثير من الضيق، ويتحول إلى مكونٍ أساسي بعد فترة قصيرة، مثله مثل الكراسي، والـ ... إلخ، ومحاولات الإزالة الدورية التي لاتتم تجعل تراكمه أمرًا سخيفًا، لايتم التخلص منها إلا في قرارات مصيريه، مثلما حدث اليومان الماضيان ....

أود في البداية أن أشكر صديقي الجميل الذي ساعدني في هذا كله، لأنه قطعًا، وحتمًا لولاه لما تحركت ذرة غبارٍ من مكانها، وقد بذل معي، والحق، مجهودًا كبيرًا، وطلب مني برجااء حااار ألا أذكر اسمه، بوركت من صديق (*L*) :) ......

منذ دخل عليَّ البارحة، وهو مدركٌ لخطورة ما سنقوم به، لإلمامه ببعض تفاصيل المكان الجميل الذي أحيا به، وسرعان ما دبت الحركة في مكونات كل شيء، حتى تحول المكان إلى مكان لائق بـ......... ، كده يعني!!

لأول مرة أدرك، أو ربما أحس بروعة الاختراع المسمى بـ" المسيح" ده!! ...

لعلاقتي بالماء أصلاًً تاريخ طويل، وللمسح والتنظيف ذكريات كذلك لا تتسع لها المدونة، ولكن أن يحوِّل الماء كل الأشياء المزعجة إلى جمال هادئ، فهو ما يستحق عليه الشكر حقًا !!!

بعد أن انتهت جولتنا الأولى كان لابدَّ أن نخرس "صوصوة"بطوننا، وكان "الاختراع" الجميل أيضًا، الذي قدمه صديقي (الذي لايزال مصِّرًا على عدم ذكر اسمه، بس على مين!!)، وهو طريقة جديدة مستحدثة، ومبتكرة في أكل شعيرية الأندومي، التي تعرفونها جميعًا، وربما تدركون أنها تصنع كـ"شوربة"، لكنه ببساطة أعدها كما تعد المكرونة، ووضع توابلها عليها بعد ذلك مما صنع فعلاً (جوود تيستي) أو مذاقًا جميييلاً، لم يشجعنا على المواصلة، قدر ما شجعنا على التكاسل، والخمول(*_*) .........

أحيانًا أشعر أنه من الخيانة لفكرة التدوين، والمدونات، أن يمر عدد من مواقف اليوم الحياتية، التي قد تبجدو بسيطة، لكنَّها مؤثرة، دون أن أدونها، وإلا فلماذا ندوِّن أصلاً؟؟ ، صحيح أن الإنسان لن "يلاحق" على تسجيل كل ما يمر به، ولكن على الأقل لا يترك الأشياء المهمة، بدون أن يقول لها شكرًا ,,,,,

من مميزات"ترويق البيت" شعورك الدائم، بأن هذا المكان أفضل من النزول، والـ"دوشة"، ووجع القل، وأنه بإمكانك أن تقضي نهاراتك هنا، ولياليك، بعيدًا عن العمل الإلزامي، الذي يربطك بالبشر والناس ووسائل المواصلات!!، ويجعلك مضطرًا لأن تفعل أشيءً غريبة، هنا أنت معك، تعمل لك، وتتعامل معك، وتحسن إليك، وتـ"نبسط" منك في النهاية، وربما تكافئك في النهاية، بأي شيء، يرضيك !

الآن أحب أن أطمئن نفسي وإياكم أن شكل الـ"بيت" أصبح أكثر آدمية بكثيييير من ذي قبل، وأنه ليس على استعداد أبدًا لاستقبال أحد، حتى آخر الشهر القادم، لأن أمي وإخوتي جاااااااييييييييييييين أخيييييرًا

( هيييييييييييييييييييييييييييييييييييييييييييييييييييييييييييييييييييييييييييه )

شكرًا قوووووي لصديقي الذي،،،،،،، كده يعني

واللي هوا عارف كويس إن اللي عمله ده مش هنساهوله أبدًا

مش بس لأنه عمله كويس، أو لأنه وقف جنبي، لكن لحاجات كثيييير لا يتسع المجال لذكرهـا ....

لا يتسع أبدًا .....


مسابقة التدوينة، متى وماذا كتب إبراهيم" شغل بيت" قبل كده، وماذا جاء فيها، ولماذا؟؟؟ ................ ترسل الإجابات هنا، وكل واحد له جايزة لا تعوض بمال

وكل ترويقة، وإنتو طيبين (*_*)

*********************

بالنوسبا للصور: الأولى من موقع فيكلــر العالمي ، لحسن حد يطق ف دماغه، ويفتكر إنها أوضتي ولا حاجة /

والتـانية : صورة لغرفة نوم الأميرة نازلي ( قصـر رأس التين)، أكيد بعد الترويق يعني :)


هناك 37 تعليقًا:

Mai Nagib يقول...

هييييييييييه أنا أول تعليق
التدوينه على فكره رغم بساطتها إلا إنها لذيذه بس المشكله إني معرفتش حل المسابقه
ههههههههههه خيرها فــ غيرها وبصراحه إنت صدمتني كنت فاكراها أوضتك ههههههه
ربننا ميحرمناش من تدويناتك المختلفه
تحياتي

غير معرف يقول...

كابتشين.. كابتشين
ممكن تسلفنى صديقك ده اعملى طلعه جويه على اوضتى انسفها انا كمان؟؟
يابختك بيه يا عم
على فكره.. الصوره اللى فوق دى فيها شبه كبييييييير جدا من اوضتى
مع فرق ان الكمبيوتر لسه مادخلش جوه
بس هايحصل خلال يومين
وبالهنا والشفا عليكو الاندومى

Unknown يقول...

أما نشوف آخرتها معاااك :)
استاذ ابراهيم ..
هنيئا لك بصديقك الطيب .. :)
واضح ان الناس كلها هتطلب صداقته عما قريب :)
.. معاك للآخر :)

Empress appy يقول...

طيب اقولك حاجه مش احنا اخوات اه صح
منكن منكن حد يساعدنى طيب ههههههههههه
هما دول الاصحاب بجد مش اللى عندى ربنا يهدهم ولا حد بيعبرنى يا ابنى
يالا بخر صاحبك بقى اصل شكله كده هيتحسد

إنسان || Human يقول...

أول زيارة للمدونه المميزه دي ...ربنا يرجعهملك بالسلامه إنشاء الله وعلى فكرة إنت إدتني دفعة أنضف الأوده برده هههههههه
مشكله الكسل ده فعلاً حاجه مزعجه

هبة المنصورة يقول...

أيوه أنا فاكره إنى علقت على شغل البيت مرة قبل كده.. امتى بقى مش فاكره.. ايه المسابقات الصعبه دى؟

قريت "شكلها باظت" يا إبراهيم؟ كل ماسمع حواديت شغل البيت أفتكر فقرة وصف فيها عمر طاهر ببراعة حملة ترويق شبيهة ببتاعتك دى

أزمة التراب دى أزلية عندنا برضه! بعد ماتطلع عينك ف خلال ساعات تلاقى الدنيا اتردمت تانى.. أنا متهيألى العيب ف الفوطه الصفرا مش فينا

kafrawy يقول...

طب اية رايك اجيلك انا المرة الجاية
و انضف معاك

يااخى النضافة حلوة و الله

Rana Omar يقول...

شكل صاحبك ده هيتظبط جامد الأيام اللي جاية :)

ههههههههههههههههههههههههه

نهر الحب يقول...

اولا انا حكون اول تعليق يقول الاجابه

انا فاكره الموضوع طبعا حتي بالاماره صعبت عليه جدا وضحكتني جدا

المهم قلت ادور فين بدات بمايو
ما لقيتهاش
قلت اروح ابريل لقيتها الحمد لله يوم22

ثانيا انا كان نفسي اوي اجيلك واروقلك البيت كله لوحدي واعملك كمان اكلة حلوه....كانت احد امنياتي علي فكره
بس بما ان مامتك واخواتك جايين حوصيهم يعملوا اللازم ولما يمشوا تبقي تقوللي وانا اجيلك....ماشي

ثالثا عايزه الجايزه بقه

بس انا في بالي جايزه كده لو عرفتها ليك انت جايزه
ايه رايك؟؟؟؟

اسيبك بقه تستمتع ان شاء الله
مع المنظر الجميل والاحباب

faisal يقول...
أزال المؤلف هذا التعليق.
faisal يقول...

طريقة جديدة مستحدثة، ومبتكرة في أكل شعيرية الأندومي، التي تعرفونها جميعًا، وربما تدركون أنها تصنع كـ"شوربة"، لكنه ببساطة أعدها كما تعد المكرونة، ووضع توابلها عليها بعد ذلك مما صنع فعلاً (جوود تيستي) أو مذاقًا جميييلاً

معلش يا هيما أنا عارف ان الاختراع جديد عليك وعاجبك
لكن يؤسفني أقول لك اننا من ساعى ما الإندومي دخل بيتنا من تلات اربع سنين واحنا بناكلها كده...!!!
و... لآ يا عيال..
مش انا الصديق اللي نضف الأوضة...
P:

عين ضيقة يقول...

يانهاااااااااااااار

انا المفروض بقى أفرح فرحتك دى كل يوم

انا اصلى بعمل العاملة دى كل يوم

بس برافو والله داوم بقى عشان ماتتكركبش بسرعة

ربنا يجعله عامر ونضييييييييييييييييف ياعم الحاج

غير معرف يقول...

مبروك .. هههههههههه

فرحلتك موت يا (أستاذ) / إبراهيم هيء ..

عندنا مثل سكندري بيقول ..

احم ,.. نضف طبعا في كلمة مكان النقط بس عيب نقولها بقه :)

مصر اقولها خلاااص يا ابراهيم هاقول

هي العفش نضف ههههههه

مبروك بجد بجد فرحتلك اوي والله

يارب ديما كده في نضافه ورقي و وو

محمد عادل يقول...

بالنسبة للمسابقة أعتقد على ما أذكر كده إن المقال الأول بعنوان شغل بيت كان امتى

امتى يا واد يا شيخ محمد
، اللهم مصلي على النبي

أيوة افتكرت
كان يوم 22 أبريل، 2008 تقريبا كده وكان عن جمال شغل البيت وروعة شغل البيت وحلاوة شغل البيت وكده

كيف عرفتُ (أنا يعني)لأني عبقري ، ظننت هذا مفهوما ، ولأني أيضا كتبت شغل بيت في مربع البحث عالي المدونة

ما علينا ، مش دي قضيتنا ، عايز الهدية التي لا تقدر بمال

حاتم عرفة يقول...
أزال المؤلف هذا التعليق.
حاتم عرفة يقول...

حد قالك إنك عبقري ياد يا إبراهيم؟؟
أحب أكون أول واحد يقولهالك عشان انت عبقري بجد....(وآخر واحد .. إحم إحم)
أصعب مسابقة شوفتها أو اتخيلت بيها أو عدت عليا فى التاريخ..
لقيت صعوبة رهيبة فى البحث عن الموضوع الأولانى دى فى تاريخ تدويناتك ..
يا خبر ..
وطبعا الذاكرة ماأسعفتنيش بإمتى قريتهولك لأنى معرفكش غير من شهر أساسا ..
هوأنا اعرفك يابني ؟؟

بس تقريبا كدة بالبحث الدؤوب و المتواصل والاستعانة ببرامج فك الباسووردات وجوجل إيرث و الهاكرز و برامج البرمجة الخطية والأنتى فايرس .. وبرنامج الفقرة المفتوحة ..
وصلت للتدوينة المجهولة وأنا غارق فى دمائي وألهث..
ولقيتهاا
لقيتهااااااااااااااا
إبريل 2008 .. حتى بالأمارة عشان أفكرك كنت بتقول فيها إيه .....
أنا هافكرك....

أولاً: من غير تريقة، ولا طرقعة، ولا فرقعة ... سأتحدث عن شغل البيت !!

ثانيًا: مين قال إن الموضوع مقتصر على الـ"بنات"، أحيانًا يضطر الأولاد في بيئات متعددة لممارسة هذا الدور:)

ثالثًا: الموضوع ممتع، وليس كما يصورونه لكم على الدوام !!، وسيأتي تفصيل ذلك فيما يلي .
.................
افتكرت ؟ أيوة أنت والله العظيم
....................
وبعدين إيه أول صورة اللى فوق دى
والكدب بتاعك.. يعنى دى صورت أوضتك ؟؟
بقى أنت أوضتك مترتبة كدة؟؟
و بالنسبة لتاني صورة ..
إزاى تجرؤ يا فندى وتصور أوضتى وأنا مش موجود ؟؟
أنا أصلى ماعرفتش أربي
أكبر منى بسبع سنين بحالهم وطول المدة دى مش عارف أربيك..
.............
جهزلى جايزتى بقى..
عشان تخف ديونك ليا شوية.. مفيش مانع لو نص فرخة.. (أو تلات أربع لو ناوى تجيب فؤاد معانا) فى البناع ده إسمه إيه ؟؟
كان إسمه إيه ؟؟ (الزلباني) ؟ (التلفاني) ؟ (الصفواني) ؟ (البتاعة) ؟ أنا عارفها بس قولها بس
المهم هو البتاع ده..
معنديش مشكلة لو دى جايزتى..
مصر يعنى..
أوك يلا عالبركة...................

إبـراهيم ... يقول...

أصدقائي التٌحف والأناتيك ....
أسعدني للغاية وجودكم، وتعليقاتكم للغاية، واستفزني، واستفز صديقي(معًا) أن أكثر ما أهمكم، هـو، دون شأني أنا!!

ما علينــــــــا،نـرد فرداني:
مي: إنتي كنتي واقفة فين؟؟، نورتي ....
لأ، أوضتي إيه؟؟، أنا أوضتي تبقى بالوفضى والعشوائية دي ؟؟؟

يسلم وجودكــ
*****
وينكي: حمد لله ع سـلامتك... من زمااااان ماعديتيش هنا!، أنا عارف إني مقصر، بس الصديق لايمكن استلافه ههههه
نورتي

*********
شيمـاء:
وبعدين بقى؟؟؟، هوا كله طلبات ع الجدع كده ؟؟؟؟ ........
هنيئًا لي فعلاً :)

إبـراهيم ... يقول...

آبي: أمال أنا ماقلتش اسمه لييييه؟؟ (*-*) هيا دي الفكـرة، والنظرية، ولا هقول اسمه
اسكت يااا لسااااني
اسكت يا لساني :)

************
هيومن: لقد نوَّرت المدونة لأول مرة، وفعلاً الترويق ممتع، وجااامـد جدًا، تحس فجأة إنك إنسان ... هيومن يعني :) منــــور

*************

هبة:
ماتفكرينيييش بشكلها باظت، لأنها "شكلها باظت" و"خربت" فعلاً، قريته من فترة، أو بصيت عليه، لأني مش فاكر اللي انتي بتقولي عليه!!! ......
مممممممممم بس لحظة كده، إنتي مش ف المنصورة، ولا بيتهيأل لي ؟؟؟ إن المنصوريين ـ حد علمي- لايشعرون بشيءٍ من هذا الغبار !!!، ولا إنتو فين

Doaa Ebrahim Aaql يقول...

ازيــك يا هيموووووو

فرحت لك والله بالترويق
وفكرتنى بالعيد D:

وربنا يخلي لك صاحبك ده
بس هو غلطان على فكرة
ازاى يعمل الإندومى كده
ياهيما
الاندومى بتتاكل ساقعه
هو فى حد ياكلها غير كده؟؟؟ ;)
وحمدالله على سلامة العائدين
وبعدين شايفه ورق كتير
متعلق على الحيطه فى اول صورة
ايه الورق ده؟؟ D:


والصورة التانية دى شبه
صورة اوضتى فى القصر بتاعى
اللى جنب الحقل الاحمر ده...
اللى هناك ده...
وسع كده شوية...

أهوو...
شايفه؟؟


.
.

دُمــت بــخــيــر وسـعـاده

غير معرف يقول...

طيب كنت خليها مسابقة بحق وحقيقاني وقول خمنوا اسم الصديق

Radwa يقول...


ههههههههههههه
هو ترويق البيت مشكله والله انت غلبان اوى
بس على فكرة التدوينه دى حلوة اوى خفيفة ومهضومة انا كنت مستنيه حاجه تحصل فى الاخر بس محصلش حاجه
المهم الف مبروك على تنظيف البيت وعد جمايل صحبك انا لو منه ابهدل شقتى اوى اوى اوى واجيبك تنضفها
او اجى يوم ما ماماتك تجى واقولها ابنك كان سايب الشقة ........
المهم بجد بوست جميييييييييل لو افتكرت كنت كتبت بوست عن ترويق شقتنا اللى خد اسبوع بحاله ومش مسيح لا دا احنا كنا كمان بنغسل حيطان الشقة فى اكتر من كده ذل
..................
سندريلا

nermeen يقول...

الف مبروك ع التنضيفة يا ابراهيم
و ربنا يبارك لك في صديقك
بس سيبك انت
انا اكتر حاجة لفتت انتباهي اوضة الاميرة نازلي
حلوة بشكل ...

إبـراهيم ... يقول...

كافراوي:
تفتكر هقول إسمك، ولا إيه ؟؟؟

***************
رانا:
تفتكري ؟؟؟ :)
نورتي
*****************
نهر الحب: فعلاً بيرااافوووون عليكي، التدوينة كانت في هذا التاريخ تحديدًا، وبذلك تستحقي وعن جدارة الجائزة الفظييييعــــة ...........
ربنا يخليكي يااا نهر ....
وتسلمي يا ستي
هبقى أفكر ف موضوع الجايزة ده، وأبعت لك على زيرووو تسعمية

إبـراهيم ... يقول...

أحمد يا فيصل تموووووت لو ماغلستش !!
طبعًا لاانتا اللي روقت، ولا انتا اللي كلت، ولا عمري أعرف إنك تعرف الأندومي أصلاً:) ،،،،،
عمومًا نروت، كواجب ضيافة :)
وابقى تعالى على خفيــف
**********
أسماء:
منوووووووووووووووووووورة
يا بنتي اللي بيعملوا كده كل يوم ليهم الجنة، بس أناماخابرش إزاااي كل يوم يعني ؟؟؟؟
هاا ، لإإزاي ؟؟؟؟
منووورة برضووو

قلب ينبض لله يقول...

اكتر حاجه بتخنيء عليا في الدنيا هو شغل البيت بس عزائي الوحيد منظر البيت بعد التنفيض بيبئي فعلا ولا قصر الأميرة نازلي:D

شوفتك امبارح علي قناة OTV
وبصراحه كان حوار يجنن وانا دخلت اعمل سيرش عن البلوج والحمدلله لائيته:(

وبالتوفيق ان شاء الله ومن نجاح للتاني

سلام

ريحانة يقول...

ابراهيم
مبروووووووووووووووك
وكفارة للبيت :)



بس انا حاموت
حاموت واعرف مين:)

فى القلب يقول...

أنا من الناس ألى أتصدمت فى دمغها وأفتكرتها غرفتك
وأتصدمت أكتر لما قلت مش غرفتى

أنا أول ما شفتها كنت عايزه أكتب تعليق أقول دى روعهيابنى حتى وهى مش متوضبه تحسسك بالدفء كده وأنك مش عايزتطلع منها يلا بقه معلش طلعت أوت

و بالنسبه للصديق المجهول ألف شكر ليه بس برده عايزين نعرفه غتاته بقه

و بالنسبه للأهل حمدالله على سلمتهم ويجمعكم ربنا على خير

ط يقول...

ط
أبشرك يا هيما انك هتكون زوج مثالي
بس ساعتها دون الاستعانة بصديق!
ط

جسر الى الحياة يقول...

اولا حمد الله على سلامة عائلتك الكريمة واتمنى لكم اجازة سعيدة بلم الشمل
ثانيا عارف علقة التنظيف دى يا ابراهيم وجازى الله صديقك خيرا لانه ساعدك والايام دول تنفيضة عندك ترويقه عنده واهو الاصحاب لبعضها
دمت بخير وتحياتى لك ولاسرتك الكريمة

mostafa rayan يقول...

ابراهيم العزيز جدا والقريب لقلبي جدا رغم اني لم اره غير مرتين وكانو في زحمة شديدة جدا
اريد ان اعترف لك اني معجب بأسلوب كتابة هذا البوست جدا جدا جدا
( you are agood writer)
مش فذلكة بس حسيت اني عايز اكتبها كدة وخلاص
تحياتي ومحبتي لك وان شاء الله نتقابل قريب

mostafa rayan يقول...

(عن كتابات الشباب تتحدى التجاهل)
قرأت مقالك وعلقت عليه وعايز اقولك موضوع جامد جدا
تسلملنا افكارك وكي بوردك

Lamia Moukhtar يقول...

فكرة كراكيب الأوضة من الأفكار اللذيذة الجذابة رغم بساطتها والواحد بيلاقي صعوبة فعلاً في الترتيب لأن كل حاجه بتمثل له قيمة وذكري فمابيبقاش عارف يحطها فين .. بس إيه شعيرية الأندومي دي ؟

إبـراهيم ... يقول...

جومانا:
أخرت أنا شويتين تلاتة ع التعليق، إنتي عارفة زحمة المواصلات عندنا، والذي منه، عمومًا نورتي يا ستي .... وأنا على طووول ف نضافة، ورقي يا *****

*********
محمد باشا عادل، سبقتك بها "نـهر" ، وإنتا عارف إن من سبق أكل النبق :)
نورت ، وفي انتظــار عودة مدونتك للحيـاة :)

*************

حاتم حبيبي المصمم جدًا ، تستاهل بالتعليق ده جايزة أحسن تعليق فعلاص ، سيبك من إن سبقك اثنين ، لكن تعليك متميز حقًا ـ، وخيرك ساااابق طبعًا، وأشكرك على إطرائك المبالغ فيه حقيقي .....

ربنا يخليك ياولدي

سوف لن أنسى يوم الثلاث اللي فات يا صديكي ، بالكاف

خالص مدوتي
وتحيتي
وتقديري
و كفتةبرضوووو تاني، وشوية ملح


بتنور

غير معرف يقول...

بجد با إبراهيم إنتا فظيع ف الترويقاللي انتا روقته ده، أنا لغايو دلوقتيمش متخيل شكل شقثك بقى عامل إزاي ؟؟؟

لاااازم آآجي لك مـرة، بس تعزمني على غدوة محترمة ، مش زي المرة اللي فاتت، وياريت يبقى مع حاتم، وماتنساش فانتا خيار على حسابك برضو

إبـراهيم ... يقول...

دوووودوووو:
قال على رأ] المثل يا بخت اللي مابيروقش بيته إلا في العيد، تلاقيه كل يوم سعيد :) ....

على كل حال الله يسلمك، وقطعًا أنا مش بحط ورق، ولا حاجة ،،، أنا ،،،،،،،
بـــــــس

نــســـيـــت

قطعًا الصورة التانية بتاعة قصر التيوليب... ههيهيهي الأحمـر :)

حلوة دي
نورتي
×××××××××××××××

كاميليانا:
ماينفعش أقول خمنوا اسم الصديق، إنتي عارفة، كده كده، محدش هيعرفووووووو


طبعًا نورتي، رغم إني لسه مش عاجبني موضوع الوورد بريس ده :)
**************


سندريلاا الشرقاوية:

منورااااني بشدة على فكرة، على فكرة إخواتي برضووو كانوا بيمسحوا الحيطان، مش عاوز أقول لك إني حاولت وفشلت (*ـ*)..... على العمومًا أي خدعة

mostafa rayan يقول...

فين يا م الحاج فيديو حلقة الotv وكمان حضرتك ليه مانوهش علشان نتفرج
بجد حط الفيدو لأني حابب اشوفك

Ehab يقول...

إبراهيم باشا ...

ياللي مشرفنا وفاضحنا ومطلعنا ومنزلنا ...

ميكس غريب من التفاعلات التي بالرغم من عفويتها تعتبر فاجعة ! ...
بيد أنك مازلت هناك عايز تشرب ميه !!

ايه اللي انا بقوله ده ؟؟

ايه يابني اللي انت بتقوله ده ؟؟

واكل الجو انت اليومين دول واو تي في من غير ما تقول وكلام على كبير ...

الف مبروك يا باشا وعايز اشوفك وانت بتفلسف

بالطبع مش محتاج اقولك رأيي عشان انت اكيد عارفه

وعارف اني لو كتبته هيعملوا رقابه بعد كده على المدونات :)

لا بجد متميز كعادتك يا هيما ...

ما تحرمنيش من زيارتك لمدونتي الجديده نوفي (!) المتواضعه وابداء رأيك فيها ...


إبراهيم إيهاب ...

ايوه ابراهيم ايهاب يا بني في ايه ؟؟؟

ابن عمتك :) ;)

Ratings by outbrain