أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 13 ديسمبر 2008

أيــــام ... العيـــــد :)

يا نهــــار .. ألوان ... 9 أيام بدون تدوين :) ....


طيب، ياللا حصـل خير ... التدوينة هـذه المرة تسجيلية ....


لأن فيه أيـام بيبقى مهم ،،، قوووووي، تقول لنفسـك وللدنيـــا كلـها إنـها مرت عليك وإنها بفضــل الله كـانت رااائعة وجميــــلـة

يجعل أيامكم كـلها أعيـاد وأعيـادكم كلها أيام

ليه العيدين (فطر وأضحى) بييجو ورا بعض ، ونفضل طوووووول السنة 9 شهور تقريبًا بدون أعياد؟؟ (رسمية يعني) ؟؟؟

وقفت في دميـاط عند أختي ... كان مختلف العيد قوي أن يجيء في بلد أخرى، وبطقوس مختلفة كليًا ...

آآآه، مهم إني أقول إن العيـد السـنـة دي جه بدري يومين ... وتحديدًا الجمـعة ...
يعني لما بنقابل نـاس حلوة كده على حين فجأة برضو بيبقى عيـد ، حيث "مصطفى السيد سمير" باشا من صـعيـد مصر، ورغم إني قصَّرت في حـقـه إلا أنه من واجبي أن أقول له هنـــــــا شكرًا جمعنا بلقاء مع الشاعرة "سمر كرانيش" و"ياسمين شغف" الشرقاويتان، أو يعني المفروض نشكر "سمـر " أصلاً لأن هيا اللي خلتنا نشوف "مصطفى" ،،، بلا بلا بلا ....

ده إذا استثنينيا إن عيد ميلادي كان يوم السبت ... وكان يوم مختلف اختلافًا جذريًا ... فيما سـارت فيه وإليه الأمور، كان مثلاً حيرة في البحث عن لعب لثلاثي أولاد أختي (يوسف عمر علا) ... لكـن تمت بـسلاام ....
والوقفة الحد :) ...كانت بصحبـة (عزازيــــــــل) الرواية لا الشخص :) ..... لا زلت أراها رواية ممتعة، وإن انقطعت عنها فتـرة العيد، وأخـذت منها أجـازة ، العيد كان حلو طبعًا مع أختي لأول مـرة منذ أعوام، و... كده يعني (شوية حاجات تااية) ...
طبعًا هوا مش المفروض إن الواحد يكتب ف المدونة عمل إيه كل شـوية، بس زي ما قلنا قبل كده التدوينة دي لأول مـرة تسجيلية، وأنا مش بعرف أكتب عن الحاجات الحلوة زي الوحشـــة

عاوز أقول كمـــان إن سـاعات بالقرب من الحبيبـة ،،، بتبقى بالعمر كـــلـــــــــــه .....


وهذه تحياتي
حاجة جلوة بزيادة .... ولا إيــه ؟؟؟
*************************
طب تعليقات ف السريع :
*** كويس قوي إن كتابي لا زال يُقرأ ، ويعلق عليه تعليقات حلوة قووووي
(بمناسبة قضاء سمر العيد مع المسحوق)
**** فرحان فيكو والله رغم إني مش زمهلاوي، بـــس عليكم كل اللعنات السماوية، إيه اللي مصحي "مصر" بدري يوم السبت، تستاهلو 100 صفر مش 4 /2 جاتكم الـ *************
( تعليقًا على منظر الناس صباح السبت عشان الأهلي ف اليابان قااال)
********* حـد شـاف فيلم Mean Girls ؟؟؟ طب ممكن حد من صناع السينما يسرقهولنها، ويحوله مصــري
(هههههههههه هيبقى حوكـــاية)
***** كنت عاوز أدخل "بلطية العايمة"، ورامي الاعتصامي ، والوعـــد ، ورمضان مبرووك أبو العلمين ، والداده دودي
وبعدين اكتشفت إني دي أفلام العيـــد، والعيـــد خلِص ... :)

كل سنـة وأنا طيب

من صـور المرحلة :

هناك 9 تعليقات:

نهر الحب يقول...

كل سنة وانت طيب

اكيد وديما الاول

صح

يا رب كل ايامك اعياد وسعادة

مها يقول...

طيب الحمد لله بقا إن العيد خلص قبل ما تتدبس فى كبشة الأفلام اللى ع المحارة دي

:))))))))))))))))))))

Shimaa Gamal يقول...

كل سنة و إنت طيب و يجعل أيامك كلها أعياد .
عزازيل حلوة قوى و خسارة إن العيد خلص من غير ما تشوف رامى الإعتصامى :) أنا بقى شفته قبل العيد . إتفرج عليه و مش هاتندم قوى :)))

غير معرف يقول...

ربنا يجعل كل ايامك عيد ياهيمو
وابقى زرنا في مدونات العرب...ساره أختك

إبـراهيم ... يقول...

الجميلة ..نـهر:
كل عـام وأنتِ أجمـــل

************
مـهـا :
أفهم من كده إن الأفلام مش متشطبــة؟؟؟


تحياتي ... ومنورة على طووول

************

شيمـاء: حمد لله ع السلامـة الأول ...

رامي الاعتصامي من الأفلام الأساسية بالنسبالي اللي هشوفها ...
أول ما تنزل
.
.
ع الكمبيوتر :)
منوراني

كرانيش يقول...

يصيبنى الغرور جدا عندما اجد اسمى بين سطور اى فرد يمارس فعل الكتابه

فما بالك اذا كان هذا الفرد الذى يمارس فعل الكتابه هو شخص يدعى ابراهيم عادل

كتير والله كتير

غير معرف يقول...

أنا شفت mean girls
وحقيقي مصري هيبقي مسخرة
انت ساعات بتبقي دماغك حلوة يا واد

إبـراهيم ... يقول...

الجميلة سمـر:

يسعدني أنا أكثر أن قضيت معكم هذه الأوقات، وقضى كتابي مـعكِ وقتًا آخــر

خـالص تحياتي، ويااارب نشوفكم على خيير كده على طووول


وقريب .. :)

*******************
ست كيمي :
منووورة، أنا عططووول أفكاري نيِّرة، وفظيعة يا ست هانم، وكل سنـةٍ أنتٍ أحلى

غير معرف يقول...

ياعيني يابني
9 ايااااام "بحالهم"
الله يصبرك
وبعدين مانت كنت عايز تدخل الوعد اهو ..
ورسيت انك مادخلتش حاجة
بس على فكرة افلام العيد لسة "موجودة " يعنى
ومفرقتش عيد من غيرة ، هي الايام دي كلها اعياد اصلا (معرفش ليه)!!
وسلملي على عزازيل ( الرواية مش الشخص ) ;)

حلوة الصورة :)
هابي نيو ييير :)

Ratings by outbrain