أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 16 ديسمبر 2008

موضوع السـاعة .. و منتظَـر .. والحذاء ..



من البداية :

اليوم الاثنين15/12 صباحًا ... عشرات (ولا خمسات) الدعوات على الفيس بوك تدعو لمشاهدة أو التعليق أو أي حاجة لـ "صحفي عراقي يضرب بوش بالجزمة" ...

لم أعقب ...

المسانجر الصباحي:

شفت اللي حصل ،،، بوش اتضرب يا رجااالة ،،،، بالجزمة ...

إيه ؟؟ ما عرفتش ؟؟، ما تابعتش؟؟ ، طب ويا ترى الشارع المصري عامل إيه ؟؟ و يا ترى الناس بتقول إيه دلوقتي ؟؟؟

نعم ؟؟ إيه ؟؟؟ ... ما يولع !! ...

إنتا ماشقتش المنظر، ده كان فظيييييع ، ده كان رهييييب ، ده كان ........

لأ ، ولا تفرق معايا !!

إزاي ما تفرقش معاك، بوش اتضرب بالجزمة ، يعني التاريخ هيقول ، والتاريخ هيعيد ...

أنهي المحادثة ...

تسجيل دخول لآخرين ...

(كنت قد قررت صبيحة ذلك اليوم، ولغرضٍ في نفسي، وبإيعازٍ من عزازيل أني لن أمارس هوايتي المقيتة الصباحية في متابعة العديد من الصحف اليومية، وقراءة رؤوس موضوعاتها، وعددًا من مقالات الرأي .... إلخ ) ولكن يبدو أن السفن لا تأتي ولا تروح !! ...

قبل حتى (إزيك يا هيما ،،، عامل إيه) : شفت اللي حصل ؟!!

طب نقول : صباح الخير الأول !!

صباح الفل يا سيدي ... هاااا شفت اللي حصـل ؟؟؟

أيوة حصل ف إيه ؟؟؟

إنتا لازم تكتب عن الموضوع ده ف مدونتك ...

أيوة اللي هوا إيه بقى ( لا أعلم لماذا لم يدر بخلدي أن يكون "اللي حصل" ده هو نفس الموضوع الذي تجاهلته تمامًا وهو ضرب بوش... إلخ) ...

ـ بوش اتضرب بالجزمة في .......................

آآآه ... عرفت !!!

أعود لمحادثات سابقة (كانت قد تناولت الشأن الجزماوي البوشي)

ـ هوا موضوع ضرب بوش بالجزمة ده مهم قوي كده !!!

.

.

وأعود إلى صفحات الفيس بوك، وأفتح عددًا من المدونات ...

العناوين كلها متشابهة :

سلمت يداك يا منتظر

فعلها البطل ، ووضع قبلة الوداع لبوش

الجزمة الطائرة

بالجزمة ..حمزة زوبع

بوش والحذاء الطـائر .. وائل السمري

ويرى فيها ابن شلتوت فرصة للتفكه : ضرب "بوش" بالجزمة عوَّض المصريين عن هزيمة الأهلي !!

وربيع الحافظ : حـذاء يسع بوش ويزيـد

وجمال سلطان يبرر الفرحة الطاغية !!

وسليمان جودة يراها واقعة فيها بلااغة !!

وأحد قراء المصريون يكتب على هامش ثقافة الحذاء

و شقير يشكر منتظر !!

في المدونات ممكن تلاقي كثييييير طبعًا / للأسف ماجاتش فيه، أغلى حذاء في العالم، و
عقبال اللي ف بالي،، وأقوى من الرصاص، الجزمة بمعناها ، وتنظيم الجزمــة ، وحذاء منتظر الزيدي ، ولا عبارات رااائقة من نوعية : عندما تموت ضمائر الحكام تحيا أحذية الشعوب !! والمقارنة بين جزمة صدام وجزمة بوش، وما وراء جزمة بوش ، وأنا بضم جزمتي لجزمتك يا ولدي !!! والحذاء وصناعة التاريخ، وشوز الوداع !!

وبالمرة شعبان عبد الرحيم يغني لجزمة منتظر !!

وناس معترضة على ما حدث وترى فيه إهانة للصحفي والصحافة (ربما)

يكتب طارق الحميد اليوم : ديمقراطية صحافة الأحذية

وعلي إبراهيم يعتبرها همجيـة : تعميم الهمجية

وناس خرجت تهيص وتزيط وتتضامن وتقطع ورق !!

.

.

قناة الحياة تنفرد (وتنثني) بـ ساعتين ونصف حول الموضوع، وتغطية إخبارية إعلامية (لا مثيل لها) شرَّفت الإعلام المصري (حد تعبير المسلماني!!!) ...

ومنى الشاذلي تثني على " نيشان" منتـظر، لأنه أصاب الهدف بسرعة في المرتين ،،، ممممم لم أتابع الحلقة !!

عدد من المواقع الإلكترونية سارع كتابها في صنع مقالات جاهزة، وكان أكثرها ساخرًا بالطبع عن " الجزمة، ونفسك تضرب مين بالجزمة، بلا ،،، بلا ،،، بــلااااا ".. و عملوا له لعبة ع النت والشاطر اللي يصيب الهدف
لأ لعبتين

.

ياااالهووووووووووووووي ...كــل ده؟؟؟؟؟؟

.

لم أذكر أنــا بهذا الصدد (بمناسبة الأرشيفات) أني كتبت موضوعًا قلت فيه إن ( مبـارك ع الجزمة) ...


((بس انت من حقك لانك شايف ان الامر لا يستحق انك تتجاهل الموقف !! وتفضل على رأيك مش تنساق وراء القطيع))

****************

صبيحة فوز الرئيس الأسود بالبيت الأبيض (باراك أوباما) كانت شوارع الهرم وفيصل مزدحمة(بالتأكيد ليس بسبب فوزه)، وعرفت الخبر من سائق التاكسي (في إشارة دالة إلى أهمية وخطورة الأمر) وبدا الأمر بالنسبة لي في بادئ الأمر حاثًَا على السعادة، وإن كتبت (بعد تفكير) موضوعًا يصب في خانة الترقب والتفكير بدلاً عن المبالغة بالفرحة لانتصارٍ ليس لنـا !! (إنتا بتقول أوبـاما يابن الـ***) ...

ولكن الأمر كان مهمًا ، وسبقه العديد من أيام الانتخابات الرئاسية الأمريكية، وتبادل المرشحين الكلمات واللقاءات، الحد الذي جعل ابنة خالي (وهي في الإعدادية) ترشِّح أوباما، وتطالب بترشيحه.. ، كان الأمر كما صنعته الميديا/ الإعلام الأمريكي حدثًا جللاً ، وكان الفوز حدثًا مدويًا لاعتباراتٍ عديدة (وجعلتها أمريكا عديدة،،،، ليس هذا موضوعنا الآن) ...

أما منتظر ، وبوش ، ... و الجزمة !!

لا أعلم !!

صبيحة الاثنين أيضًا (15/12) خرج العراقيون آلافًا (فيما بدا أنه فجأة) ينددون بالاحتلال الأمريكي للعراق ، ويطالبون بالإفراج فورًا عن منتظر ... البطل!!

ظهر الاثنين كان اتحاد المحامين العرب ، بيعمل ، ويسوي ... إلخ إلخ إلخ ...

واضح إن الموضوع كبييييير إذًا !!!

فليكن ....

ولكني أحببت أن "أسجِّل" هنا أيضًا ، وعلى صفحتي الخاصة جدًا أن الأمر أصلاً لم يثر فضولي حتى في البداية، واعتبرته عاديًَّا !! ألو لم أهتم بكونه حدث أو لا !!

ولا أعتقد أنه أمر فارق، وسيغير التاريخ كما سمعتهم يتشدقون بالأمـس !!!

ببساطـة ، شوية كده ، ويأتينا "خبره" ، ونندد ونستنكر ، ونشجب ....

بعدها سيأتي (أوباما ) يقول : مكنش ليكو حـق يا وحشـيـن !!

وخلصت !!

في النهاية أقول لكم ما تقوله الأم الطيبة لأبنائها البررة: التفتوا إلى دروسكم، ولا تنشغلوا بتوافه الأمور، حتلى لو كل الفصول اللي جنبكم بتلعب كورة كل يوم، ذاكروا إنتو ، عشان تنجحوا وتطلعوا الأوائل ( بلا نيلة) !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

*** الصورة لسـاعة من الطبيعة، ليست من العراق، ولا من أمريكا!!، ولا حتى من مصر !!

هناك 11 تعليقًا:

خمسة فضفضة يقول...

السلام عليكم ورحمة الله وبركاته

اتفق معاك تماما ،

حاسه ان كل الناس اليومين دول كانوا محتاجين حاجه ترفع من روحهم المعنويه وماصدقوا لقوا حاجه

محسسني ان منتظر فتح عكا

مانكرش انه شجاع وعمل اللي كتير ماقدروش يعملوه بس مش معقوله بقي ردود الافعال اللي فكل حته دي

اوفر فعلا

سلام

smraa alnil يقول...

تصدق ياض اول مرة افهم كلامك

واول مرة احس اني بفهم بوستاتك

احمدك يارب

انا علي فكرة معاك جدا

ومش هنكر ان الواد دة شجاع

وشجاع جدا كمان عمل اللي محدش يقدر يعملوا ابدا

سيبك انت

المهم انت عامل ايه

غير معرف يقول...

تصدق اني كمان نفضت خاااااااااالص معملت فيها عبيطة ولا كأني سمعت حاجة
عادي يعني :d
اولا بوش ماعادش رئيس امريكا فمابقاش رمز ليها
ثانيا النظام الامريكي نظام مش رئيس
ثالثا لا العراق ولا فلسطين اتحرروا يعني بعد ما ضربه بالجزمة
رابعا جزء كبير من الغلط غلطنا ومش عارفين نصلحه اساسا
ما احبش اقول الكلام ده في وسط الهوجة عشان ما يتقاليش اني خالف تعرف
المهم
انا صدقا مش شايفاه بالشجاعة دي
اللي اشجع منه واحد عرف عيوبه وعيوب مجتمعه من حواليه وصلح في دايرته على قد ما يقدر
وممكن في الاخر يطلع مهووس شهرة ولا قاصد اي حاجة من اللي الناس بتقولها اللهم الا انه عارف ان اللي هيضرب بوش بالجزمة لو طلع من السجن ونجي من الاعدام هيبقى مليونير :)
تحياتي

ست الحسن يقول...

يا ابراهيم
أنا داخلة أعلق ع البوست اللي فات لقيتك نزلت واحد جديد

طيب أنا بقي رخامة مني هكتب تعليقين هنا ع البوست ده وع اللي فات

.....

عن اللي فات

مكنتش أتصور انك زملكاوي وصلت بيك الجرأة انك تفرح بهزيمة الأهلى علناً كده في المدونة
يا خسارة يا ابراهيم
معقول قلبك طاوعك تعمل كده

وبعدين يا بيه تسع أيام بحالهم
كل يوم أقول هيكتب النهاردة ... هيكتب النهاردة

دي آخر مرة تتأخر فيها تاني كدة

...

عن البوست ده

وانا زيك مهتمتش... بس لما شفت إذاعة المقطع في الحياة لقيت الجزمة فوتت بوش

قلت
يا خسارة جت أوت المرة دي

....
عن البوست اللي جاي
بالمرة بقى يا ابراهيم
.....

متغيبش كتير تاني ياافندم

غير معرف يقول...

من أهم وأخطر فوائـد التدوين أنك تجد فيه على الحـق أعوانصا ، بعد يوم من وضع التدوينة ووجود 4 تعليقات متميزة، نكتشف ببساطة إن صوابعك مش زي بعضيها، وإنه في عز ما الناس كلها متفقة على إن الموضوع خطير ورهيب، و بلا، بلا، بلا، فيه ناس بتتفق معي إنه ليس بهذا القدر، أو أنه (وده الأهم) لا يهمنا نحن كـل هـذا القدر ، وبكرة أعرف لكم أمريكا شايفاه إزاي .....
،،،،،،،،،،،،،
كنت عاوز أقول كمان إني بعز على مدونتي قوووي إنها تتكلم ف موضوع الساعة، أو في قضية متنتورة في كل حتة، مش بس حبًا في الاختلاف، لكن لإن لما كل واحد قال رأي ، خلاص بقى متشكرين، مدونتي لحاجاتي الخاصة جدًا، مش عن مين عمل إيه ... في الأساس يعني، بس يمكن لما حسيت بجزء خصوصي في إبراهيم بشأن هذا الموضوع وجبت على نفسي أن أرميه هنـــا في مدونتي ، كشيء توثيقي
ممممممممممممممممممممممم
نعلق بقى

إبـراهيم ... يقول...

5 فضفضة:
حمد لله على سـلامة حضراتكم، إلك مدة ما بتعديش :) ....
وعليكم السلام، صحيح، ...كويس إني مش لوحدي اللي شاف كده .....

ومنوراني
*****************

ست سمرا عندنا هنا؟؟؟

شعقولة ؟؟؟؟

يا مرحبًا يا مرحبًا بسمرا هانم، ياااااااااه يا مدام إنجي (شوف حلوة عليكي إزاي) فكرتيني بالذي مضى ، ومضى بعد كده على طوووول

يا نهار يا ولااااد ... إنجي هانم يعني التدوين على قديمه، يعني التاريخ يعيد نفسه، يعني معرض الكتاب والاسبارتيان والمكرونة بالمخدرات ....
يااااااااااه
أيام صحيحي
المهم يعني ... نحمدو الرب إنكط بتفهمي بوستاتي، ده معناه إن الزواج ليه أثر إيجابي على العقل البشري، وده ممكن يشجعني أتجوز بكرة ولا حـاجة علِّي أفهم بوستاتي أنا كمااان

مش قلنا اسمها تدوينات يا سمراااا

شيـــــــت

أنا تمام يا فندم

ما نتحرمش

إبـراهيم ... يقول...

العنكبوت النونو:
النور داخل علينـا من الشباااك أهه، أنا المفروض (حقتي) أفرش المدونة ورد ...
المهم إني سعيد بتبريراتك (التي طرأت في ذهني أيضًا) لعدم اعتبارنا الأمر خطيرصا، أو يستحق كل هذه الضجة، فلو أنه نجا من محاولة اغتيال أعتقد الأمر كان هيكون أقل ضجيجًا لأن هذه الأمور تحدث، إلا أني أستبعد تمامًا كون مظفر ساعيًا لمجدٍ أو شهرة، ذلك إنه مش عبيط، وأكيد عااارف إنه (هيتنفخ) .... كان الله في عونـه

ما تبقيش تقطعي الزيارة بقى

كرانيش يقول...

السلام عليكم ورحمه الله وبركاته

لست ممن ؤيدينه ولا من رافضيه- منتظر الزيدى- ولكن انا متعاطفه معه ولست مع اى فرد يدينه
بيتهيألى ان واحد زى ده مش المفروض عشان لحظه انفعاليه وكان فيها شجاع للغايه ان احنا ندينه ونقول عليه انه متهور
وبيتهيالى لو اى حد فينا بتتخطف حاجه منه ومقدرش يجيبها تانى
هيبيت للى خطف الحاجه دى اى حاجه تستفزه حتى لو كانت بكلمه يحس بيها انه هيتضايق
الغريبه فى الموضوع واللى انا مستغرباله للغايه كل الناس كانت مع منتظر الا الصحفيين اللى استضافهم معتز الدمرداش بيقولولك الصحفى لازم يكون محايد

قال محايد قال

ا

إبـراهيم ... يقول...

الست: ..ست الحسن:

يا فندم شرفتينا ونورتينا، أولاً أنا مانيش زملكاوي، وماكان لي أن أكون، أنـا بس فرحت فيهم عشان النفخة الكدابة، والطرقعة اللي ع الفاضي، وأهم خدوا على دماغهم، غير إن ،،،،،، و كده يعني ....

وكويس إنك ما اهتمتيش، وعقبال اللي ف بالي ...
وأعوعـدك مش هنطول تاني كلها أسبوع ، والأجازة تبدأ، والأعلام تترفع، ونبدأ العصيان المدني والمحلي

********************
سمووووورة ، أخيرًا اتفقنا:
مش بقول لك مسيرنا نلتقي ، أهو جزمة منتظر جمعت (أوجه الخلاف) اللي كانت مستمرة بقى لها كام تدوينة، أنا مع منتظر، ومع ما فعله وكل حاجة، وكل حـد ضده غلطان، بس الضجة كانت أوووفـــر شويتين تلاتة، ولا أنا بيتهيأل لي ؟؟؟؟
الدستور انهاردة اختصرت المسألة ف المانشيت بتاع عددها الأسبوعي شفتيه؟؟
وكذلك بلال فضل في مقاله في المصري اليوم
منوراني بــجـد، وعلى طووول

تحياتي

نهر الحب يقول...

اولا : حاجه غريبه جدا اني اول ما الحكايه دي حصلت ابراهيم حيكتب عنها
وانا داخله النت النهارده قلت اكيد حلاقي تدوينه عن بوش
ثانيا: حاجه غريبه تانيه اني افتكرت مبارك علي الجزمة اللي انت كنت كاتبها وكانت من اول الحاجات اللي قريتا لك
ثالثا: لو ما كنش الموضوع مهم او شاغل بالك ما كنتش كتبت عنه....والا ايه؟؟؟

رابعا:ليه الموضوع مش مهم
بوش بيقول للعراقيين انا اسف اصلي المعلومات اللي جات لنا كانت غلط...والله......وانا قتلت الراجل الغلبان صدام ده ومكنش قصدي

منتهي الاستهزاء يبقي كان لازم ياخد مش بجزمة واحده لا بمليون جزمة فوق دماغه
وايون....اللي عمل كده طبعا بطل
لانه عبر عن اللي جوا كل عراقي
حتي لو كانت حاجة بسيطة ما تخدش حق
لكن كفايه انه اهانه زي ما بوش هان الكتير

مجرد راي

غير معرف يقول...

ياسلام ؟؟ شوية شوية هيطلع الشعب كله ماهتمش بالموضوع ؟!!!
على فكرة انا برضو لما قريت الخبر يومها محستش بانه خبر خطير للدرجة دي (عادي يعني )!!
بس لما شفت الفيديو بصراحة انبهرت بالنيشان على رأي منى الشاذلي والجميع يعنى ....
ساعتها حسيت انه حدث مش هيتنسي
اعاد لي ذكريات 11سبتمبر لما جالنا الخبر وانبهرنا كلنا وتابعنا المشهد المثيييير على التليفزيون
بس على رأيك
حاجة رخمة وممله انك تتكلم عن موضوع الساعة
وشفت اللي حصل ومعرفش مين عمل ايه و...و الخ
الناس مابتصدق

Ratings by outbrain