أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 14 يوليو، 2009

انتعاااااااااااااااش ...سفن أب !

الحقيقة، ولا شيء غير الحقيقة، أن المرء يفاجئ بكمية المتابعين لما يكتب، وكأنه يكتب أشياءً ذات قيمة! ....

مش عارف ليه أو إيه، يمكن فيه ناس اتعودت تعدي هنا وخلااص، تتلمس أثرًا لإنسان عبر، ما علينا مش طالبة حكمة هندية ع الصبح

الخلاصة إني لسه ما شربتش كوباية الـ سفن أب، ولكن شعورًا غامرًا بالانتعاش من إمبارح الحقيقةةةة ، حاسس وأنا رايح الشغل إني رايح لوحدي، أو الدنيا رايقة بدون مبررات كثيرة ....

وطول اليوم الواحد يكلم ناس يزيدونه انتعاشًا، ويكلم ده عن موضوع، وده عن قضية، وده عن حدث، وده عن أغنية ....

الدنيا مشحونة أحداث وناس رايحة وناس جاية، وكلام بيتقال، وكلام يتكرر،،،،

وأروح أنا أرسم حلم مثلاً على ورقه، وأشخبطه وأقفل الكراسة !!

وأظل أفكر في السؤال الذي أرق العلماء طويلاً:
هوا ليه الإنسان من غير بذر؟!! ....
.
.
إمبارح جت حكاية البذر دي في تعليقي عند ضحى، حيث إنها كانت تشكو من غلاء سعر السحلب في كافيتريا طانطاوية، متناسية أن طنطا بلد الأونطا، ذكرتها إنها يجب أن تحمد الله إنه لم يكن سحلبًا ببذر!! ...
طبعًا محدش عارف لغاية دلوقتي البوهي إزاي اتسحب من ضميره وارتبط بتلك الفتاة الكويتية، كويتية يا بوهي؟!!! ...
أيضًا وأيضًا فكرت في هذا الأمر طويلاً ، هل علينا أن نقف بجوار الشاب المصري الأصيل الوسيم نحذره من مغبة الانجرارا وراء أحلامه النفطية المزيتة، ونقول له لا تفعلها يا بوهي، وحينئذٍ تنتشر على صفحات الفيس بوك الصفحات الداعية إلى توقيف تصدير الغاز لإسرائيل، وتوقيف إتمام زواج البوهي من البنت الكويتية بنت الشيخ جاسم إياه ، وقد إيه إحنا نقدر نتحرك لجمعيات المجتمع المدني وحقوق الإنسان ونعرفهم حدودهم وإن ابتزاز الإنسان المصري على الأرض الكويتية لن ولم يمش هيتم أبدًا أبدًا
،،،،،،،،،،،،،،،،،،،،،،،،،،،،
طبعًا ده كللله مكنش مسببه الرئيسي الفيس بوق، ولا البوهي، ولا البتنجان المقلي، ولا عدم وفرة البطاطس عندي في البيت، ولا أحلامي الخيالية بشقة مثالية، ولا هواجسي الجديدة بخصوص التخلص من الأتربة في 3 أيام!! ...
كان بسبب الملاك .. أيوووووووووووووون

الملاك اللي كان في السما ... ونزل معايا ع الأرض :)


وحشتووووني يا ولاد الإيه :)

هناك 15 تعليقًا:

princess dodo يقول...

مبروك للبوهي وسيبة فى حاله بقا .. ايه يعنى لما يخطب بنت أمير كويتى

ياريت الانتعاش بالسهوووله دى
و انا كنت اتخطبت لابن صاحب شركة المياة الغازية ;)

قلنا الملايكة ..

تـتـأرجـح فـي الـمـسـافـة بـيـن الأرض والـسـمــاء ..


:)

صـبـاحــك انـتـعــاش يـا
إبـراهـيـم

همسات دافئه يقول...

المرء يفاجئ بكمية المتابعين لما يكتب، وكأنه يكتب أشياءً ذات قيمة!
****
لاء بعد الشر عليك من المفجأة متاخد في نفسك مقلب شويه بدل التواضع الى انت فيه ده
_________________
وطول اليوم الواحد يكلم ناس يزيدونه انتعاشًا
***
يابختك
_________________
إزاي اتسحب من ضميره
***
جامدة جداا فكرة السحب ده ذي اتسحب من لسانه كده
وارحموا الراجل شوية:)
ــــــــــــــــ
الملاك اللي كان في السما ... ونزل معايا ع الأرض
ـــــ
والسؤال دلوقتي
ايـــــــــــــــه علالقة ده ببعضة :@:@:@
مفهمتش حاجة
كويس انك لسه منتعش بعد التهييس ده كلة بس يعني انت متأكد انك مشربتش حاجة؟!!
:P
تحياتي

شيماء:)

انكسارات .. احمد البوهى يقول...

المدونة بتاعتك هتفرقع ياابراهيم
ــــــــــــــــــ
انا مش غايظنى غير مهنى والغزالى طلعو الاشاعة واختفو
:))
ـــ
انت أكلت جلاكسى قبل السفن ؟؟

هدى يقول...

وأروح أنا أرسم حلم مثلاً على ورقه، وأشخبطه وأقفل الكراسة !!

حلوة

آية مش هنا يقول...

وحشني التعليق هنا
.
.

بس
:)

Shimaa Gamal يقول...

و إنت كمان وحشتنا :) يا رب دائمًا منتعش

Soooo يقول...

بس فل قوي

شيل الشيشه من قدامه يا مطاوع .. هو كده كويس قوي

الحلم العربي يقول...

هههههههههه
كده الاشاعة بتاعت البوهي بقت موثقة :))
لك الله يا بوهي :))
ربنا يزيد أيامك حيوية و انتعاش سواء بسفن أب أو بدون
:))
تحياتي

إبـراهيم ... معـايــا يقول...

النااااس الحلوة اللي أنعشت المدونة بتعليقاتها ...

منورييين كلكووو ... أي والله :) ....

دودو: ابن شركة المياه الغازية مات مختنقًا على فكرة .... كان غيرك أشطـر

الملايكـة: بيسلمو عليكي ... وبيقولوا لك مش عاوزين يقعوا :)
ــــــــــــــــ
شيمــاء:
مش غرور ... دي أخبار موثقة يا شيمو ...
على فكرة الناس اللي بيزيدوني انتعاشًا فيهم ناس برضو ... كده يعني

على فكرة أنا شااارب حاجات كتيييير
ــــــــــــــــــــ
بوهي:
الاإنكار مش هيفيدك، أوراق القضية كلها ف إيدي ، لا تقول لي غزالي ولا غزالك ....
مين مهنا ده ؟؟؟
ويعني إيه جالكسي ؟!!!!
مجرة باين!

إبـراهيم ... معـايــا يقول...

هدى:
شخبطتي الحلم قبل كده؟؟؟ وقطعتي ورق الكراسة؟!!

إيه الشقاوة دي ؟؟؟

منوَّرة
ــــــــــــــــــ

آآيــــة ...

وإنتي أوحـــــش :):)
ـــــــــــــــــــــ

شيماء:
إنتي من الجنود المجهولين يا بنتي ...

نورتي

Esmat يقول...

هى كانت سفن إيه بالظبط اللى شربتها؟؟ دى شالت كل الحواجز بين الأمور ومبقاش فيه طبقات مشكلية
ولا مسافات بينهم

وودتنا إلى طنطاو منها للكويت فى لحظات

عجباً لذلك المشروب،إبعت منه لبوهى يمكن يغير رأيه ويحود على المصرية
أحييك بوست خفيف

سمية عادل زيد يقول...

مين بالضبط الي وحشك وبعدين أنا مكنتش أعرف أن السفن أب بينعش كده ده أنا هخلي عبد الرحمن ينزل دلوقتي يجيب لنا أكبر قدر ممكن ولا أقولك هنزل أنا عشان أحس بالإنتعاش من وأنا بشتريه
على فكرة أنتي وحشتني جدا ومستنيه يوم الحد بفارغ الصبر وتحديدا الساعه السادسه أنته طبعا أكيد لسه مخلصتش ترويق الشقة صح على العموم يلا ياريت تننتهي سريعا
أختك الصغنونة

نهر الحب يقول...

انت كدة ديما
تشرب السفن لوحدك
وتنتعش لوحدك

ماشي
يا لذيذ يا رايق

Lou يقول...

واضح من ايقاع كلامك السريع .. شخصيتك السريعة و الظريف كمان..

استمتعت بقرائة مدونتك ;)

زهره ربيعيه يقول...

طبعا بعد بحثى وتفتيشى ساقتنى الاقدار الى المدونه لافاجىء بكم الانتعاش فيها..حاجه تفتح النفس بصحيح..
طبعا مش محتاجه اقول كلام متكرر بس كلامك ولو انه مش راكب على بعضه وكله غموض..بس عجبنى

Ratings by outbrain