أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الخميس، 25 يونيو، 2009

آآآه لو نـرجع ندوِّن ..!!!

معقولة الزمن بيعمل ده كلله فينا ؟!!، آآآه والله (يا محمد) بيعمل ده كلله فينـا، ولا عارف محمد مين، ولا هوا عارف بيعمل إيه ، بس دنيا دنيـة وفيها الخسيس حاكم ... صحيح !! ...
معقولة ؟؟؟!! ... تمر الدنيا وتتكر الأيام وأقابل ولد يقول لي أنا بدوِّن من وأنا (إيتي) قصده إعدادي يعني كمِّنه ف مدارس لغات، وأنا ولا أعرفه، ولا هوا يعرفني، بس عارف العمدة (الصباغ)، وعلى رأي المثل اللي يعرف الصباغ، يبقى أكيد هيهدن ف يوم من الأيام! ، ما المدونات الأيام دي بقى فيها المفروش، واللي ع المحـارة !! ...

لكن مش ممكن برضووو، ومش معقول، يسحب الوجه الكئيب أو كتاب الوجه البساط هذه الـ(سحبـة)، ويصبح للغربال الجديد كل الشنـة والرنة، ونكتفي اليوم والآن بـ (ستيت)/حالـــة ، بدلاً عن التدوينات، وبـ (نوتس)/مذكرات، للو حبينا نطوِّل شوية، أدركنـا منذ البداية عوامل السحب وأثرها، والفروق وتأثيرها، ولكن هذا لا ينبغي بحال أن يجعلنا نترك الأمور على اسمها إيه دي (عواهنها) ونترك المدونة .. تنـــش !! ...
. . . . . .
ممكن يكون التدوين اتسحب منه البساط، وكل حاجة، ولكن يظل للتدوين خاصيته اللميزة وفرادته في كونه المكان الوحيد الذي يمكنك أن تدوِّن فيه :)

مش عارف الواحد يلحق نفسـه يوكتب شهادته على الأيام الـ 360 اللي عاشهم على المدونة (رغم إنهم عدوا الرقم ده بكتيييير) ولا على الأيام اللي عاشها بره التدوين أصلاً ، ولا على الأفكار التي كانت تطرح نفسها كمواضيع تدوينية بامتياز، ولا على الأيام التي كنا نقلب فيها صفحات 100 مدونة على الأقل يوميًا، وأقول يوميًا ولا أبالغ
التدوين عاوز مجهود، مش مـجرد ملأ لصفحات أو تفريغ لطـاقة، لأ ، لازم صووت يوصل، ولو عاوز صوتك يوصل يبقى لازم تصوَّت وعشان تصوَّت لازم تسمَّع كل النــــاس
ها نحن هنـــا من جديد :)

حــــــــــــد فــــــــــــــاهـــــــــــــــم حــــــــــــــاجــــــة!

هناك 10 تعليقات:

faissl يقول...

لو شفت اخر ستاتيو ليا ع الفتيس بؤ، ح تلاقيني بقول اني بادوّن من اجل الدرافت لا من اجل الناس..! وبالفعل عندي اكتر من 25 تدوينة غير مكتملة بداخل الدرافت أو درج المكتب المنسي كما افضل تسميته.. التدوين عندي مسئولية وبالتالي افضل ان تظل داخل الدرافت على ان أسلق تدوينة، أما الفتيس بؤ ده عمري ما حبيته أبدا ولولا ان اصحابي فيه لما دخلته...
المجد للتدوين معبود الكيبورد
من قال لا في وجه من قالوا: ما يضرّش برضه..

الفراغ يقول...

ايوه انا فاهمه انت تقصد ايه
لانى برضه دات تدوين على انى ااقول اللى مزهقنى ومفرحتى فى ان واحد
يعنى هاكتب علشان نفسى
ولكن بدا يبقى فيه اصدقاء واخوات وابناء
شيلت مسؤليتهم
بس برضه جه الوقت اللى لقيت نفسى تعبانه وزهقانه ومش قادره اكتب لحد انما عايزه افرغ شحنه جوايا
والحمد لله لقيت اللى ممكن يساعدونى على اجتياز المحن
ودى اجمل شيء فى التدوين
اننا نلاقى اللى يسمعنا

دمت كاتبا
وسامعا وقارئا

فاتيما يقول...

متفقة قلباً و قالباً مع الفراغ فى تعليقها
و ربنا ما يقطعلك تدوينة

سلمى البنا يقول...

والله يا ابراهيم معاك حق نا وحشني التدوين والكتابة ومتابعة كل الحاجات الثقافية زي زمان - انا في الجنيا الجديدة دي حاسة اني زي طفل مندهش من الناس اللي حوله
لسه بيتعلم يكتب ويتهجى ويقرا
يارب ارجع للتدوين والتفكير والقراءة ولكل حاجة بحبها

لاسع افندى يقول...

ساظل ادون



تحياتى

بحب الحكومة يقول...

انا جاى اقولك انى هكون من رواد المدونة دى
تعالى عشان تنور عندى ( عملت مدونة جديدة )ومحتاج رأيك


على فكرة رأيى هبقى أٌولهولك بعد كدة
لكن مبدأيا البوست رائع

مريم يقول...

التدوين ده لون ,لونك
هادى او بيزعق او لطيف او سخيف واحيانا صامت
انا مدونة صامتة ولكننى لن العن التدوين ابدا لانه سيظل جزءاَ ولو صغير من يمينى

princess dodo يقول...

مش أنا رجعت أدوّن :) ..!!

غير معرف يقول...

أين ذهب هذا المبلغ الضخم وهو " 130 مليار دولار" ؟.....؟

فى حديثه بقناة الجزيرة فى سبتمبر 2004 قال الأستاذ محمد حسنين هيكل أنه خلال الثلاثين سنة الأخيرة حصلت مصر على 150 مليار دولارعلى شكل منح وقروض وهبات .. صرف منها حوالى 12 مليار دولارعلى مشاريع البنية الأساسية وستة مليارات دولارعلى مشروع مترو الأنفاق .. ومصيرالمبلغ الباقى غير واضح !!!! أين ذهب هذا المبلغ الضخم وهو " 130 مليار دولار" ؟.....؟ و لمزيد من التفاصيل أذهب إلى مجموعة مقالات ثقافة الهزيمة فى هذا الرابط:

www.ouregypt.us

واحد يعرفك يقول...

انا نزلت بوست جديد محتاج رأيك

Ratings by outbrain