أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الاثنين، 17 أغسطس 2009

بـعـد العيـد ... ما يتفتش كحك!


هم يقولون ذلك ...
ولكني أختلف عنهم ضمنيًا، ويحلوا لي كثيرًا أن أراقب "فت" الكحك بعد العيد، الحكح بعد العيد طعمه أجمل، وإن كان غير مناسبًا ! .. لماذا يربطون الكحك بالأعياد، ما علاقة الأكل بالفرح أصلاً !!! ....

أنا قلت بقى ما أكلهمش، عشان مش كل ما ياكلوا يفتكروني، الأكل أصلاً مش صحي، المفروض الواحد يجوووع ويصوووم، لذلك قررنا ألا يكون فرحنًا أكلاً ، حتى أننا اكتفينا بقطعٍ من الشيكولاته والعصير، تعبيرًا عن الـ .. حاجات دي :) ....

مســـــــــــــــاء الفل !
حد ييجي يقول لي هوا إنتا لسه فاكر إن عندك مدونة، ده المدونة نفسها استنكرت
آآآجي وأقول له ولكن "الفرح" هذه المرة لم يُنكرني ...
كانت ليلة !

بالمناسبة لا علاقة لي مطلقًا بفيلم "الفرح"، ومش عارف مال الأفلام ومالي السنة دي، أنوي أتجوز، يجيبوا لي "أحمد حلمي" في ألف مبروك متعقد من يوم فرحه، ويعملوا فيلم اسمه "الفرح" كل اللي فيه نصابين وحرامية" .... أنا فرحي كان أحلى من ده بكتير، والحمد لله ما متش بعد الساعة 12 :) ... فضلت صاحي للفجر ... الأرق بقى يا جمـاعة ما إنتو عارفين .....
.
.
للناس اللي عرفت إن إبراهيم اتجوز ... الله يبارك فيكوووو ... وعقبى لكو للذين لم يفعلوها، وعقبى لأولادكم للذين فعلوها :)

واللي معرفوش، والله ولا يكون عندكو فكـر ، ولا كإنكو عرفتو خااالــــص ...

يتم التعامل مع إبراهيم باعتباره مواطنًا عاديًا، وسيقوم بالظهور قريبًا في التجمعات والمحافل الأدبية والثقافية، بمفرده أجيانًا وبصحبة ناس تانية أحيانًا أخرى ...
الــ .... عـادي يعني يا جمـــاعة

هناك 21 تعليقًا:

إبـراهيم ... يقول...

هكذا أنا دائمًا!

لا أجيد التعبير عن الفرحة! ...
ربما ارتبطت الكتابة دائمًا بالكآبة ...
المفردات قريبة والحالة حاضرة دائمًا ..

ولكني .. إبراهيم
(أكره كثيرًا أن أقول أني سعيد، لأن الاسم غالب على الصفة) ....

الحمد لله! ....

حلمٌ تحقق ...


وآآآخـــر ... يسـعى حثيثًا للتحقيق ..

كفاية رغي بقى

إبـراهيم ... يقول...

بالمناسبة الصورة دي هنا لعدة أسباب:
1ـ الفيس بوك معترض على رفع الصور لسبب أجهله من فترة
2ـ كنوع من التوثيق والإدانة، إنتو عارفين بيقولوا (أنا شفت صورتهم بنفسي) ... وكده يعني
3ـ عشان دعــاء ... و..كده :)
ـــــــــــــ
أعتقد اللي مايعرفش إن حبيبتي وزوجتي (الآن) اسمها دعاء، يذهب ليشرب من سور النيل العظيم ... يعني

ويراجع علاقته بيَّا قبل ما يخسرني للأبـد
ــــــــــــــ
التدوينة دي بتتكتب، وهناك ع الفيس كاتب:
لا نصيحـة في الحب .. لكنها التجربة!


.
.
.
شكرًا للحب على ما يمنحنا من حياة

الست فرويد يقول...

مبروك

:)

Dr. Ibrahim يقول...

مبروك يا عريس :)

لابنا يسعدكم ويحفظكم

إيناس حليم يقول...

مبرووووك
مفاجأة حلوة

لاسع افندى يقول...

الف مبروك(مش بتاع احمد حلمى)
وربنا يديم الفرح (مش سيما خالص)


تحياتى اللاسعه

Shimaa Gamal يقول...

ألف ألف ألف مبروك ، بارك الله لكما و بارك عليكما و جمع بينكما فى خير

ربنا يحققلك كل أحلامك و يسعدك دائمًا

فاتيما يقول...

الف مبروك يا إبراهيم
ربنا يا بنى يجعل حظك احسن من حظ كل من سبقوك ويكتبلك الخير
خالص ودى و تهنئتى من القلب

Amira يقول...

مبروووووك
ألف مبروك.. خبر جميل فعلا .. بالرفاء و البنين

ست الحسن يقول...

بما ان دعاء هانم شريكة أساسية في التدوينة دي وتقدر تقول انها أهم حاجة فيها لأن صورتها منوراها
فالتعليق ده لدعاء

ألف مبروك يا قمراية وربنا يسعدكم ويتمم لكم بخير وسعادة

وابقى قولي لابراهيم ان فيه حاجات كتير بنعيشها وبنبقى جواها أوي فبتبقى الكتابة عنها تقريباً مستحيلة
بس مع الوقت يمكن ينفع نكتبها

وعايزة اشوفك بأة قريب
يعني ابراهيم مش هيخرج يروح ندوات لوحده.... لو ينفع تسيبيه يلعب بلاي ستيشن وتيجي انتي هيبقى أحلى وأحلى

ربنا يخليكم لبعض ويسعدكم ببعض ويديم عليكم راحة البال

...

mohra يقول...

الف الف مبروك

أنا يقول...

إيه ده ؟

أغيب كام شهر عن الساحة التدوينية ألاقيك أتجوزت ؟؟؟

على العموم أنا ( الواحدة ) بتبركلك آوى و بجد ربنا يسعدكوا .. حاسة أن فيكوا روح و حاجة شابه بعض آوى ..بس طبعا هى أحلى بكتير منك P:

ألف ألف مبروك يا عريسنا و ربنا ما يقطعلك حس :)

Rannon يقول...

ألف ألف الف مبرووك يا ابراهيم

ولو اني مستغربة امتى ده حصل؟!!

ربنا يسعدكم يارب :)

نهر الحب يقول...

ما شاء الله عليكوا
علي فكر و(كالعادة) انتوا شبه بعض جدا
بس دعاء احلي (شويتين تلاتة )
ربنا يسعدكم يا رب ورمضان الجاي يكون معاكوا بطوط او بطوطة زي القمر
(ممكن الاتنين مع بعض برضه)

:)

سارة درويش يقول...

الله بجد فرحتلكوا اووووووووووي وباين عليكوا اووووووووووي انه ( حلم تحقق ) ربنا يارب يسعدكم ويبارك فيكم ويرزقكم زرية صالحة

وبما اني ما كنتش اعرف انك خاطب ، ولا ان حبيبتك وزوجتك اسمها دعاء ولا انك اتجوزت اصلاً

فانا رايحة على سور النيل العظيم جررررررررري هههههههههههههههه

ربنا يهنيكم يارب

غير معرف يقول...

ماشاااااء الله لافوه إلا بالله
ألف ألف مبروووك يا حبيبي ..وبارك الله لكما وبارك عليكما وجمع بينكما في خير ..وربنا يسعدكم وتكونوا أسعد زوجين وحبيبين في الدنيا ...
صورتكم حلووه قوووي ..ماشاااء الله
كان نفسي أعيش الفرحه معاااك وأكون معاكم وأقولك حط دعاااء حبيبتك وزوجتك في عينيك وربنا يسعدكم
سلملي عليها كتيييييييير
ومنتظره الصور والفيديو علي أحر من الجمر ....
سلامي لمصر كلها وللنيل العظيم ..
أختك
إيمي

Epitaph1987 يقول...

مبروك
ربنا يكرمكم ويجعل ايامكم كلها فرح ان شاء الله :)

ياسمين حميد يقول...

ألف ألف مبروك ليك ولدعاء وربنا يسعدكم

سارح فى ملكوته يقول...

السلام عليكم
الف مبروك يا استاذ ابراهيم
وكمان لاستاذة دعاء
الهم بارك لكما وبارك عليكما ويجمع بينكما فى خير بإذن الله
مع خالص تحياتى

مصطفى عبدربــه يقول...

مبروك يا أبو خليل
عارف انها متأخرة
بس باركتلك أنا على الفايس بوء
المهم
ربنا يسعدكم دايما
وعقبالي
قول آمين

دينا يسري يقول...

مبروووووووووك
عروستك زى القمر لسه عروستك زى القمر
لسه عارفه حالا
ايوة آخر من يعلم:) ربنا يباركلكم

Ratings by outbrain