أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأربعاء، 26 أغسطس، 2009

رمضـــان .. يا ناااااااس

أقل واجب ...

ما إن دخل حتى سحبنا بساط "أحلام" و"نسيانها، وعدنا لنتذكر المصحف والصلاة وقراءة القرآن ... شهر في العام يا نااااس ... شهرٌ وتتآمرون علينا فيه وكأنها حربكم الوحيدة التي تعدون فيها كل هذا العدة الدرامية الدامية لتخطفوا الناس خطفًا من ربهم ومن رمضانهم إلى رمضانكم القميء السخيف المليء بالمشاكل والسخافات!! ...

أقل واجب ..

يمكن للإنسان أن يستمريء النسيان والغفلة، ليس هذا الـ رمضان جديدًا على كل حال، سبقه "رمضانات" أخرى، تعاملنا معها بمنطق ما الجديد هذا العام، وانصرفنا كليةً فلا تراويح روحنا، ولا قرآن قرأنا، ثم عدنا صفر اليدين!! ...

الحصيلة الوحيدة التي لاترجع عنها ولا منها خائبًا هي ما تفعله لآخرتك! ...

هب أنك غافل عنها أو لاهٍ طوال العام ...

تذكر في هذا الشهر فقط ...

ثم عد لغفلتك ولهوك!! ...

كنَّا نعيب على الناس الذين لا يعرفون الله إلا في رمضان!! ، الآن أصبح (أقل واجب) أن تفعل!! ...

رمضان هذا العام مختلف، فلم نفعَّل بالكلام أو الـ"جروبات" شعارات قاطعوا معنا مسلسلات، أو رمضان "بتاعنا" كما فعلت منذ سنوات، ولكن انصرفنا عن هذا كله فعلاً إلى "أقل واجب" يمكن أن نؤديه في هذا الشهر، ونجعل منه زادًا حقيقيًا للعام القادم بأفراحه وأتراحه...

يأتي "رمضان" هذا العام....

ولا يزال ما لا يقال أوسع كثيييرًا مما يمكن أن نقوله فيه

وأحيلكم إلى ما كتبه ابن أبي زيد ... في (مزيكا حزايني شوية)

هناك 6 تعليقات:

نهر الحب يقول...

شوف بقي يا ابراهيم
انا شايفه ان كل ما الحاجة بتزيد عن حدها كل ما الناس بتزهق منها
يعني اول ما طلعت قنوات الأغاني الكتير دي والدنيا قامت وقعدت
هل انت دلوقتي بتسمع اي حاجة عنها
واصلاً الناس زهقت ومعتقدش ان فيه حد بيتفرج عليها دلوقتي
يعني ممكن نقول عدد قليل اوي

المسلسلات ورمضان
برضه من كتر المسلسلات الناس مش عارفين يشوفوا ايه واكيد بيتلخبطوا
وانا عن نفسي الحمد لله التليفزيون مش فارق معايا خالص
ولا بحب المسلسلات لا في رمضان ولا غيره
ممكن بس حاجة وانا بفطر وانا بتسحر غير كدة مفيش وقت اصلاً

وحرام اوي الواحد يضيع وقته اللي ممكن ياخد فيه حسنات مضاعفة كمان ويتفرج علي تفاهات

اما بالنسبة للي مش بيعجبهم ان الناس تقرب لربنا وتكون احسن في رمضان
انا ضد الرأي ده تماماً

والله ايه المشكلة لما رمضان يكون لينا بداية مش جايز نكون فعلاً أحسن بعد كده
ربنا بيقول( لعلكم تتقون) يعني هي دي غاية الصيام
اللي بدأ يصلي واللي بدأت تلبس الحجاب واللي بدأ يقرأ قرآن ان شاء الله محدش حيقدر يبعد تاني
اللي بيقرب من ربنا بجد وبنية صادقة واخلاص ربنا حيثبته بعد رمضان ان شاء الله

كل سنة وانت ودعاء بالف خير ومتنساش تدعيلنا

لاسع افندى يقول...

كل سنه وانت طيب ورمضان كريم




تحياتى اللاسعه

غير معرف يقول...

كل سنة وانت طيب يا هيمة ، تعرف ان نهر الحب معاها حق اوي فعلا ساعات كتير اوي بيكون رمضان بداية حقيقية لحاجات كتير حلوة مستمرة مش شرط تكون الحاجات دي حجاب او قرآن ، ممكن كمان تكون علاقات الجيران ببعضهم وممكن تكون فضيلة إماطة الأذى عن الطريق والإماطة هنا مش بس اني أزيح قطعة زجاج مكسور ممكن تجرح زميلي في الانسانية وإنما الإماطة التي أقصدها وأتمناها هي كفاية كل انسان زملائه في الانسانية شر نفسه ولسانه . يمكن جملة "استغفر الله اللهم اني صائم مش هرد عليك " الواحد يتعود عليها ونلاقي كل الناس ماشيين مؤدبين مفيش صوت عالي ولا ضجيج ولا سيارات تطلق عنان ابواقها عمال على بطال ، مفيش حد ماسك ورقة ولازجاجة ممكن يسمح لنفسه انه يرميها على الارض لانه ببساطة مش صايم ،خلاصة كلامي ان الصيام بمعناه الحقيقي اللي ربنا نزله عشانه ان الواحد يصوم عن كل المنكرات من القول والعمل على أمل انه يتعود على كده ويستمر ويستمر ويستمر ويستمر

رهووفي

هدى يقول...

الجواز اثر فيك فعلا

..

hasona يقول...

السلام عليكم

كل سنة وانت بخير
وكل سنة وجميع أحبابك بخير وصحة وسعادة
وكل سنة وكل المسلمين علي شريعة الله وسنة الحبيب المصطفي رضي الله عنه وأرضاه

وان شاء الله نستفيد من رمضان بكل السبل
ونخرج منه أفضل مما ولجنا به
يا رب أعنا علي القيام والصيام والصلاة
ووفقنا لما فيه الخير للجميع يا رحيم يا كريم

وارزقنا العفاف والرضا - والمحبة واهدينا يا عظيم

وأعنا علي القيام والصيام والصلاة والارتقاءالي جنة الفردوس

واجعلها لنا ميراث خير وسعادة

واجعلنا من عتقاءك في هذا الشهر يا معطي يا وهاب

وارزقنا حلاوة القرآن و حسن تلاوته
وتدبر معانيه وفهمها علي النحو الصحيح
ورطب ألسنتنا بذكرك يا الله

عايز أقول اننا في أيام مباركة ويجب استثمارها في الخير والتقرب من الله

محمد سلامة يقول...

كل سنة و انت طيب يا هيما
و ربنا يجعل هذا النص عملاً مقبولاً في ميزان حسناتك
و ألف مبروك على الجواز
جت متأخرة انا عارف
بس انا عرفت بالصدفة قريب من مدونتك

Ratings by outbrain