أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الخميس، 1 أكتوبر، 2009

أمسية بدر خان ...مع شاهين ورفاقه

لسَّـــه الدنيـــا/ مصـــر بخير ..!

الواحد مش عارف العمر هوا اللي بيعدي بيه، ولا هوا اللي بيعدي بالعمر، المهم يعني ...

م الآخـــر كده كانت أمسية جميلة

دعاني الصديق المفاجئ "محمد شاهين" (وهو لمن لايعرفه شاعر مهندس شاب ... إنما حكاية، كنت ناوي أتكلم عنه هنا، بما إنه يسمع عن التدوين سماع بس، بس بما إنه طلع زميل، فخللي السياحة لوقت تاني) ....أقول دعاني لأمسية فوجئت أنه سيشارك فيها بشعره مع عدد من أصدقائه الشعراء (بالضرورة) وبصحبتهم أيضًا مغنين ... .....

إيه اللي أنا بقوله ده ؟؟؟؟

هيا نشرة أخبار ؟!!!

أيوة، رحت بدر خان، وكانت مفاجأة إن الواحد يسمع "شاهين" بالمايك، وهوا متنفرز و"محموق" المش مليجي! .. بس بجد عجبني آخر حاجة! خـــاصة قصيدة "سـفر النـهـاية " التي بدا لي فيها متخلصًا من ماضٍ سخيف دار به فترة من الزمن، ولكنــه خرج منه بتجربة عميقــــة ....

هوا الواحد طووول الوقت عارف إن البلد دي فيها مواهب مغمورة ومطمورة (لازم دي تبقى جماعة جديدة) ومابتلاقيش الفرصة إنها تقول وتتسمع، بس كان جميل من المجموعة دي إنها لقت الوقت والمكان المناسبين، كان مع شاهين أيضًا بنت شاعرة مقتدرة جدًا، كانت تقريبًا المفاجأة الأكبر وهي الباشمهندسة "ميرام عبد الحفيظ" التي أتحفتنا بشعرها بالفصحى والعامية ...


فقد أسعدني مرة أخرى أن أجد لهذين الشاعرين مدونات على الإنترنت حيث يمكنكم (ولو بشيء يسير) تعويض ما فاتكم من متعة

اسكت يا ابني ..مدونة ميرام (وفيها شعرها بالعامية) و زوايـا (صور و قصيدة واحدة فصحى)

كـلام فارغ (شــعر محمد شاهين فصحى وعامية )

وحيث إنه ...(كما قلنا قبل ذلك مرارًا) المجد للتدوين ...

آآآآه، عشان الحق والعدل والحرية كان معهم 3 شباب شعراء تانيين، ولكن أنا أحببت أن أقتصر على هذين الاسمين، ليس تحيزًا لكلية الهندسة العريقة التي لا أنتمي لها (ولا أعرف حد بيدخلها ويطلع سليم :) ) ولكن لأنهم أكثر من أعجبوني بشكل شخصي ...هاه، وشخصي ده يختلف عن حلمي ورسمي ونظمي :) ........
و .... و .....
و ... بــــــــــــس :)

والحمد لله :)

* *************************** * * * * *

كلام على جنب ...



ماشي

كلام كتيييير على جنب كده

بيقول الكلام ده إن برضو الأوقات الجميلة لازم نسجلها



زي ما قلنا قبل كده

مش بس غاويين نكد :) ...





ممممممممممممممممممممممممممممممممممممم

وحاجات مش بتتقال !

هناك 9 تعليقات:

نهر الحب يقول...

يعني برضه اول تعليق
ليه بقي
عشان تكتفي بيه وتعتبره زي ما اتفقنا 30 تعليق

سؤال بريء بقي
هو ليه النشاط الأدبي في قاهرة المعز اكتر من اسكندرية
والا فيه في اسكندرية وانا مش بسمع عنه؟؟؟

إبـراهيم ... معـايــا يقول...

سهاد:
الإجابة ...تونــــس

طبعًا فيه، وإنتي مش بتسمعي عنه، لأنه كالعادة تقوقز القوقواز

nour يقول...

فعلا مدونة رائعة تستحق القراءة

الى الامام دائما

دعوة لزيارة مدونتى
http://nour-close.blogspot.com/

نور

نهر الحب يقول...

انت اول مرة تقوللي سهاد في المدونة علي فكرة

وبما ان الاجابة تونس
فهي غلط وبالتالي البنك حيعرض عليك تبديل اور نو تبديل؟؟؟؟؟؟؟


انا عديت بس عشان تعرف اني مقيمة هنا وقريب اوي ححتل المدونة دي
:)

reham يقول...

بصراحة هتحيز لـ ( صاحبك ):) ..و هقول انه كان أحسن من في الحفل الكريم ..

و ميراماية كمان

أعيب شوية على طريقة تقديم الشعراء ( خصوصا حدوتة الفاكهة !!.. ) .. و نفسي أي حد يقترح على القائمين على المكتبة انهم يعملو الأمسيات في الهواااااء الطلق .. يا جماعة هوا و شجر.. مش ناقص الا الشعر :))

و على فكرة يا سهاد ( انكشفتى خلاص و الى كان كان ... ) انا بسمع عن مكتبة عندكو اسمها أكمل بتعمل امسيات .. و مكتبة اسكندرية كمان بتعمل ،، ابقي دعبسي كدة و احكيلنا انتي بقى عن نشاطاتكو الأدبية :)..

و بالنسبة لابراهيم .. يعني

نتمنى لك المزيد من التقدم و الازدهار و ( الكتكتة .. ) في ظل والديك الكرام ..

شاب فقرى يقول...

ما شاء الله

وصلت إلى المدونة

يمكن متأخرا

ولكننى وصلت

ما شاء الله

وصف رائع للأمسية

لو فى أى أمسيات تانية بلغنا نحضر

وفعلا واضح من المدونات اللى ذكرتها إنهم ضعراء جامدين جدا

تحياتى وإحترامى الكامل
ولنا عودة

شاب فقرى

ميرام يقول...

كنت فاكرة الكلام عليا
طلع على

ميرام عبد الحافظ

مين دي !!!!
(:
(:
تصحيح صغير اذا كانت هيا أنا ...أو انا هيا ..او احنا الاتنين انا
ميرام عبد الحفيظ ..وكلها أسماء لله
(:
(:
لا بجد أتمنى أكون أستحق الثناء ده
واتمنى أكون عند حسن الظن


ريهام
(: (: (: ماتفكرنيش بالفاكهة
(:
(: أنــا بحاول أنســى
هههههههههه


شكرا ابراهيم
تحيـــــاتي

حسن ارابيسك يقول...

نعرف هذا عنك
دائماً وابداً تشير لنا على كل ماهو متميز ومبدع وجميل
لذلك أشكرك على اللينكات الخاصة بهم حتى نشاركك متعتك
تحياتي
حسن أرابيسك

Ehab يقول...

كان يوم عظيم عظيم عظيم يا عزيزي ...

بس ياريت لو تبطل قلش عشان بتعب نفسيا من قلشك انت بالذات خصوصا لو كان قديم كالعادة !!!

انت ايه يا اخي ... خريج كلية (ألشن ) ؟؟؟!!!

على فكرة ... عايز أشوفك تخيل انك واحشني !!

Ratings by outbrain