أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الخميس، 21 أبريل، 2011

عـادي يعني ..

حاولوا بـــس تصدقوني ..
الحاجات اللي بتتكسر مننا ما بترجعش تـاني ..
.
الحاجات .. بتتكسـر ..
.
وتتصلح
لكن ما بترجعش زي الأول!
.
ممكن نرضى بيها زي ما هيا كده ...
.
وممكن نسيبها خااالـــص ..
.
وندور على حاجات جديدة

لسه ما اتكسرتش
.
.
ممممممممم
.
بس ما يصحش أبدًا نفتكر إنها مش هتتكسر .. برضوووو ..
.
وما يصحش نفتكر كمان إنها لو اتكسرت هترجع تاني
.
لأ .. ما هترجعش !
.
لإن الحاجات اللي بتتكسر مننا مش بترجع تاني خلاااص
.
فهمتوا ولا أشرح تاني من الأول؟
.
نجيب حاجات جديدة بقى ولا إيه ؟
.
لموَّا المتكسرين اللي كانوا هنا

هناك 3 تعليقات:

إبـراهيم ... معـايــا يقول...

وكل شوية حد من الناس
اللي متخيلين إن الحاجات اللي بتتكسر بتتصلح!
إنتا إزاي شايل حاجة مكسورة كده؟؟
ـ صلحتها يا سيدي
ـ بس دي مكسورة قوي
ـ عارف!
ـ طيب!
.
كل اللي بيعملوه في الحياة إنهم يفكرونا إن هيا مكسورة ...
وإحنا عارفين وراضيين بقى !
لما نجيب حاجة جديدة خااالص:
ـ إيه ده دي جديدة؟
ـ آآه..
ـ ليه رميت المكسورة خلاااص
ـ لأ، شايلها على جنب
ـ طيب!
.
أهم برضو بيفكرونا إن فيه حاجة غريبة بتحصل
.
.
رغم إن كل ده عادي وعادي جدًا ...
...
وأزيدكم من الشعر بيت
.
الحاجات لما بتبقى أصلاً مكسورة لو اتكسرت كماااان، بنقول هيَّا ناقصة :)

غير معرف يقول...

حكمة الزمان .. فعلاً

Shrouk يقول...

طب مش يمكن نكون احنا اللي مكسورين وبنداري ده فاننا بنشيل حاجات مكسورة
يعني علشان لما حد يبص لنا يتشغل في الكسور اللي في الحاجة اللي فادينا/كلامنا وميشوفش الكسور اللي فينا؟
علي الاقل الحاجات اللي بتتكسر ممكن نجيب غيرها جديد لو ما اتصلحتش طب واحنا؟ نجيب غيرنا منين؟

Ratings by outbrain