عاوز أقول إن احتمال آآآآخـــر اليوم يبقى أحسن من أوله ! ، وإن ممكن ف كل لحظـة يكون فيه جديد ....
وإن على الطريقة التقليدية جدًا ... محدش عارف الخير فين
وإن اللي عاوز وقوف متكرر فأنا مستعد جدًا أديها له
وإن فرقة الطمي قدمت عرض رااااائع هذا المسـاء ..... بعنوان ثورة القلق
وإن شكرًا جــدًا للفنانة الجميلة سارة .... لكل شيء
وإن فيه حاجات كثيييير بتتعمـل بـااالـــ(10) جنيه >>>غير كارت الميناتل :)
و إن ...
كفاية كده
( ألا صحيح هوا التدوين شـرط يبقى يومي ؟!! ، ولا على طريقة فكرة نعيشها لنرويها نخلي أيامنا (حلو وحادق) مدونة هنا كده ، عشان هيا دي اللي بنعيش لنرويها .....)
وكالعادة رغيت كثير
وإن على الطريقة التقليدية جدًا ... محدش عارف الخير فين
وإن اللي عاوز وقوف متكرر فأنا مستعد جدًا أديها له
وإن فرقة الطمي قدمت عرض رااااائع هذا المسـاء ..... بعنوان ثورة القلق
وإن شكرًا جــدًا للفنانة الجميلة سارة .... لكل شيء
وإن فيه حاجات كثيييير بتتعمـل بـااالـــ(10) جنيه >>>غير كارت الميناتل :)
و إن ...
كفاية كده
( ألا صحيح هوا التدوين شـرط يبقى يومي ؟!! ، ولا على طريقة فكرة نعيشها لنرويها نخلي أيامنا (حلو وحادق) مدونة هنا كده ، عشان هيا دي اللي بنعيش لنرويها .....)
وكالعادة رغيت كثير
تحديث 1: قمت برفع بعض التسجيلات التي سجلتها لعرض ثورة قلق : وهي هنــــا :
لن أعرضهم كلهم مرة واحدة ، حتى يتسنى على الناس الاستماع وترك تعليقهم
أولاً : حوار بين اثنين :
تحديث2 : أغنيــة، أنا سميتها كنت هكون .... من العرض برضك
وياريت اللي بيسمع يقول رأيه
:)
وده تحقيق عاوز شوية تركيز ... أسئلة لأكثر من شخص، وردودهم المتباينة، والجميل إنه خد الأسئلة دي بعد كده عمل منها أغنية، وعمل منها مشهد معاكسـة !! كان حلو قووي
هناك 7 تعليقات:
متشكر على ايه يا ابنى
شكرا ليك انت على الروايه
وفعلا الحفله اكتر من رائعه
التدوين مش يشترط يكون يومي
الواحد بيدون وقت ما يحب يحكي عن حاجة معينة او عن حالة حاسسها او فكرة في باله .. مش مشروطة بمدة
في رايي المتواضع معجبتنيش الرواية او على الاقل الجزء اللي قريته منها .. لكن دا اكيد لا يبخس حق كاتبها .. لانه مجرد راي شخصي وتقبل
بس واضح ان مزاجك مزاج فنانين
خارج موضوع البوست ... بحييك على اغنية عصفور وطل من الشباك .. جميلة اوووووووووي
تحياتي
:)
تلقيت دعوه من يومين من زميل مدون عزيز ..محمد التهامي لحضور ندوه عن المدونيين في مصر بمجله كلمتنا و تم تحديد الميعاد يوم 4-4 الساعه الواحده و النصف...الللي ناوي يجي يا ريت يسيبلي تعليق عشان أبقي عارف و عامل حسابي و أقول لمحمد
متخافوش مفيش حد مننا متراقب
هيمة ،شكلي هستل منك وقوف متكرر علشان الحالة مأشفرة خالص..لما أشوفك بقى
كويس ان العرض عجبك ، انا كان في واحدة صاحبتي رايحة بس انا مقدرتش أروح معاها..تقريبا كانت قريبتها بتمثل فيه
وبعدين بقى نموضوع التدوين ده انت من أغزر المدونين اللي شفتهم يا راجل .. انا بدخل كل اسبو الاقيك نزلت 100 موضوع.
بوست جميل
التدوين بمدة حلوة ديه ياابراهيم
ده بمناسبة التعديلات الدستورية بقى ولا ايه
قلنا علشان نعمل حسابانا حتى منكونش مخالفين الفسفور ههههههه
لا بجد التدوين زي الكتابة لما تلقى نفسك عايز تكتب بتقول هكتب بحدود وبمواعيد ولا بتيجي كده من غير مقدمات يابني اكتب احنا هنتقيد في ديه كمان مش كفاية كل حاجة حولينا متقيدة لوحدها
ــــــــــــ
حلوة كنت هتكون على فكرة
الباقي لسة هسمعه بقى معلش اصلي لسة منزلاه
وتحياتي ياابراهيم
سارة : عفشــًا .. أنا معملتش حاااجـة ، منتظر رأيـك ف الرواية لو قريتيها ... ، ومتشكر تاني :)
********
هبة :
الله يخليكي يا سني ، أنا رأيي من رأيـك ، بس المشكلة لما بتحصل حاجات كثيييير × يوم واحد ، والواحد بيبقى عاوز يكتب عنها كلها ، عشان كده ( يمكن) كنت بفكر ف سكرتير خاص !!
منوراني يا هبـــة
********
مايكل :
أنا هعتبرك ما قريتش حاجة ، وهبقى أقول لك، ابقى اقرا ، وبعدين اكتب الإعلان
********
سلوووم المتغيرة :
إزيك إنتي يا بنتي ، بتغيبي كده وتروحي !!! ، فيه حاجة اسمها ماشاااء الله ، مش مودينا ورا غير (قركم) ده ...
بهرج طبعًا
بس مش شايفة رقم 100 ده كثيير شوية ، ده كل مواضيعي على بعضها ما تعديش 50
عمومًا منوراااني ، وخلينا نشووفـك أنا وعنيا
**************
الأرموطي : وجودك أجمــل
******
نهى جمال : يا أهلاص يااا أهلاً يا فندم ، واضح إن السياسة الداخلية مأثرة عليكي ، مليييش دعوة أنا باللي بتقوليه ده !!
في انتظاااااااااار رأيــك فيما سمعتيه
إرسال تعليق