أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 20 أكتوبر 2007

ما بعد المائـة

هاي ... شباب ، إزيكم كلكم ، محدثكم .. من ( سايبر) بيكتب موضوعه انهاردة، وذلك لأن الأنف حق، والأذن حق ، والعين كذلك !!! ، أحقر ما تخشون منه ( يا جماعة) عيون البني آدمين، ما علينا ، ليس هذا موضوعنا، بعد المائة موضوع، ما بين مكتوب ومرسوم وموضوع، وغير موضوع، يشعر الواحد منـــــا بالمسؤولية، معقولة ، 100 موضوع بخط إيدي ، فيهم ما لا يقل عن 50 فكـرة ( جاري العد والحصر) ، عرفوني على ما لا يقل عن 50 بني آدم ، منهم من تطاير مع الريح سريعًا ، ومنهم من ترك أثرًا لا تمحوه الأيـــام ،،،، برضو ما علينــــا ، المفروض إن موضوع المائة قريب الشبه من مواضيع أول ما بدأت أكتب هنا، . . . . . .. حد فاكر أوائل المواضيع كانت عن إيه
؟
.

أعظم وأحقر اختراع توصلت إليه البشـرية يا جماعة
.
.
.
بالله عليكم
عودوا للبوتجاز، والثلاجـة ، وللتسلية افتحوا التلفزيون ، والراديو

انسوا الكمبيوتر
عارفين ، حاجة ، مش بس عشان بكتب م الشارع ، لكن مليش نفس أكتب !!! ا


تحياتي بالزبادي .
ــ ـ ـ ـ ـ* * * * ـ ـ ـ ـ * * * * ـ ـ ـ ـ ـ ـ
تحديثات من بيتنا
حمد لله على سلامتي ، وسلامـة كمبيوتري ف الأول، تخيلو لما قريت الموضوع ده حسيت دمه تقيييل ، ولولاش تعليقات الناس الحلوة دي كنت حذفته ............. الحمد لله ، أخيـــرًا استجاب الكمبيوتر بعدج مراحل متطاولة من العصيان والتمرد لتصطيب الويندوز على خلقته، بعدما فرمتت من أجله الهارد (مش كله طبعًا ) أربع إلى ست مرات، طب كان إيه المشكلة ، ما تفهمش يا خويا ، قال إيه كارت الشاشة غضبان عليا ، كان جايب 4 ألوان بس،ومكبر الشاشة تقولش طربيزة السفرة ؟!! حينئذِ ، ولأول مـرة ف تاريخي أقرر أنا بنفسي أنزل ويندوز جديد ، على أمل وحنان إنه يعرف الكارت تاني، ويبقى بني آآآدم، بس على مين يااا باا !!! ،،، لقيت العصيان الكمبيوتري امتد من كارت الشاشة، للسي دي رووم قاتله الله !! ، تبقى اسطوانة التعريف ( الوينودز) فيه، ومش عارف يقراها ، يهديك يرضيك، مفيش فايدة ، ما لاقيتش إلا الاستعانة بالخبراء اللي مش أجانب، وقد كان ، ومن مدونتي هنا أشكر الصدييييك .. حمووود اللي تعبته معايا ، بسي دي روم رايح جاي ، و 4 إلى خمس اسطوانات ويندوز، وسهرة للساعة 2 بالليل، وبعد ده كله ... يشتغل الجهاز اللعين !! ، المفروض ما اشتموش قدامه دلوقتي ، بس منضظر ، تخيلوا ينزل الويندوز، وأشوفه بعنيا ، وبعدين أعمل إعادة تشغيل( بريئة) ألاقي كارت الشاشة يرجع لسابق عهده، وكأنك يا أبو زيد ما حملت ويندوز !! ، أنا بقى كان (حمووود) نزل لي الجوست، وليته ما فعل !!، قلت أشغل الجوست على طوول ، يرجع لي الويندوز ف ثانية، وليتني ما فعلت !!! ، بااااااااللهول !! ، أنا بقول الكلام ده كلللله ليه ؟؟؟؟
ما أكيد أي بني آدم منكم عاش تجربة كمبيوترية أو أكثر من هذا النوع
.
.
إلى أصدقائي المدونين، والإنترنتيين، والغاللين ، والذين يمرون هنا في صمت، ويسعدوني/يفاجئوني بمتابعتهم
لقد عدت
وتحيااااااااااتي بالمشمش

هناك 13 تعليقًا:

FATMA يقول...

عقبال الميت الف و المليون


تحياتي بالبطيخ

نهر الحب يقول...

انا سعيده لاني تاني تعليق عقبال مليون مره تكتب وكل مره احسن من اللي قبلها

هيمو انا سعيده ومش حزينه ابدا

To a friend يقول...

اولا مبارك الموضوع المائة يا سيد ابراهيم و... نحو المزيد و المزيد من المئات ان شاء الله

ثانيا كيف تحلفنا بالله ان نعود للتليفزيون و الراديو بعد ان حلفتنا منذ شهر ان نبتعد عنهم؟ ماذا (يا تري يا هل تري) تغير في خلال هذا الشهر؟

المهم اهنيك مرة تانية

و اخيرا رجاء شخصي ... بلااااش الزبادي
:)

غير معرف يقول...

الكتابة غواية
عايزنا ننسى الكمبيوتر
انسى
على فكرة انا كمان بكتب من سايبر
واذا كان 50 واحد عرفك
اسمحلي اكون الواحد وخمسين
مدونة حقيقية
اتمنى تشرفني

Salma El Banna يقول...

يااااه تصدق مكنتش بفكر في موضوع عدد البوستات او الموضوعات اللي عندي في البلوج
مع اني دلوقتي بقالي اكتر من سنة في التدوين الا اني موصلتش للعدد ده لسه
بس والله هي فكرة حقيقية -
ماليش نفس للكتابة مع اني ممكن اكتب كتيررررررررررررررر اوي اوي

dandana يقول...

مبروك على المؤية البوستية

عقبالى
ادعيلى اوصلها بقى


وبلاش تكره الكمبيوتر اوى كدا

بنحتاجه فى الاخر

Hannoda يقول...

عقبال 100 سنة تدوين مش 100 موضوع و بس

:)

تحياتي

هبه الاسكندرانيه يقول...

ليه يا ابراهيم ده الكمبيوتر ده خيره علينا و لا ايه؟
بس الحق الحق يعنى لازم الواحد يبعد عنه شويه يروح يعيش .يعييييش (واخدلى بالك ) ..و بعدين نرجع نحكى لبعض

و عقبال ما تكتب مليون كتاب و مليون قصه و دشليون مسرحيه
بس متعدش خليها فى سرك علشان العين فلقت الحجر :-)

تحياتى بالزبادى برده و ماله

Heba Al_Menshawy يقول...

ماشاء الله.. الف مبروك على المئوية
عقبال البوست رقم مليون ان شاء الله
ليه ننسى الكومبيوتر وليه نفتكر التليفزيون والراديو ...
لا ننسى دا ولا نفتكر دول ... نوزع بينهم ونختار اللي نحبه فيهم ويكون مفيد
مبروك كمان مرة على المئوية
ودايما من بوست جميل لبوست اجمل ان شاء الله
تحياتي
:)

YHYيــوســف الـمصـرى يقول...

السلام عليكم
صديقى هيما :) كل بوست وانت طيب
تحياتى

إيما يقول...

كل 100 بوست وأنت طيب ومدونتك متألقة يا رب
:)
عقبال البوست المليون ان شاء الله

إبـراهيم ... يقول...

أهلاً توتــة ... ، بطيخ ؟!! ، ماشي يا ستي
.
.
نورتي

*************

الجميلة نهر الحب ، أنا الأسـعد بوجودك داااائمًا .... تعلمين ، ربنا يسـعدك يا ستي كمااان وكمااااااان

أنت~ رائعـة
***********

نور : الله يبارك فيكي يا ستي
و أعتقد الموضوع كان باين فيه المغزى والمقصد من العودة للتلفزيون والراديو، مش المسلسلات بالضرورة، لكن قصدي إن اختراعات زمان دي لا تزال تثبت كفائتها فعلاً ، ولو مش عاجبك التلفزيون جربي الثلاجـة والبوتجاز .....

تحيااااااااتي

إبـراهيم ... يقول...

مصطفى(باشا) السيــد ،،، سـرني مرورك، ويسعدني أن أتعرف عليك عن قرب ، .
.
.
مبروووك اقتحامك عالم التدوين

تحياااتي
***************

الصديقة سلمى البنـــــا : كيف أنتِ ، وكيف اسكندرية على حسـك ،،،، مرور جميـل مثلك .
.
.
الكتـابة ، طب ما تفكريييييش


منوووورة

Ratings by outbrain