أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 7 ديسمبر 2007

في رثـاء .. الأشيـاء .. الأقل قيمة


ماهو اللي يضيع منه قصر مثلاً ، ولا يتوه ف الجنة، ولا يفقد النطق، ويتشل ، ويتخرس، ويتطرش (إيه اللي انا بقوله ده) ، لأ قصدي إن فقد الأشياء الثمية، يجعلنا نهتم بالأشيـاء الأقل ....

وأنا بهيس حاليًا ، فلي أن أتقبلني كما أريد وكما أشاء ، وفرق بين الإرادة والمشيئة ....
.
و أوقات حتى أحلامنا التافهة الغبية اللي مش نكون بنحلمها لنفسنا أصلاً ، وعايشين ف خيرها، وعادية ، ومش مؤثرة بالقدر الكافي، ومش ... مش ..................
يعني لا احنا حاسين بقيمتها، ولا احنا مش حاسين بقيمتها ...
يعني زي الـ بنطلون من غير حزام مثلاً !، ولا زي البرد من غير جاكيت ...
أو زي ....
الدنيا المملة الغبية دي !!

على فكرة هيا حلوة قوووي

لأن فيها طوووووول الوقت ما يملأ النصف الفارغ .... قصدي النصف الملآن !!!
وعنينا على طوووول ع الفااااضي
.
.
هنا نص فاضي ، ونص مليان ، مش عارفين نشوفه ، بنستنى لما يفضى ، عشان نبص عليه تاني لما الأولاني كان مليان !!!،
وهكذا دواليك !!!
امبارح مثلاً عرفت إن الفرح مش عدوى

و إن الحياة ممكن تفضل فااااااضية

و الدنيا حر وبرد !!!

خليني أبقى تافه، وعديم القيمة .....................
لأني أقسمت بيني وبيني إنش مش قايل

أقول مثلاً إنها باصت لي فقدان حاجة كانت معايا ، ومهياش موبايل، ولا تذكار من حبيبة، ولا مبلغ مالي كبير !!!
دي مجرد آلة ، كنت بسجل بيها أحيانًا، وأسمع أحيانًأ أخرى !
وفقدتها


حاجة ملهاش قيمة خاااااااااااااااااااااالص
زي كل حاجة

بتبقى موجودة وتروح !!!

.
.
نفسي ما احلمش حتى لغيري ؟!!!
.
.
أصل رسالة الدنيا في الحياة إنك ما تفرحش بالحاجة اللي ممكن تفرح بيها، لأن غلط .. مش غلط تفرح، غلط تستمر فرحان، الظاهر !
قلت كثييير إن اللي بيحصل ده غلط ، ومش معنى إنك تتجاهل، أو تعمل نفسك مش فارقة معاك ، إن ده هيفضل مش فارق !!!
أنا والله مش عاوز أي دور خلااااااااااااااااص !!!
بس ترضى مني أبقى متفرج !!
مفيش فايدة
مفيش حاجة ... أنا كويس
إيه القرف ده

هناك 17 تعليقًا:

smraa alnil يقول...

الله يخربيتك يا ابراهيم
ويخربيت تهييسك
يا واد انا مش ساعه ما عرفتك وانت بتهيس

بص يا ابني

قول ورايا

اي حاجة بقي

Lemonada يقول...

يا عم اي دة
والله مش فاهمة ومش عارفة بس كلامك شكلو صح
معلش بقى نعمل اي
خدلك تاج التفاؤل من عندي لو عاجبك ممكن تشوف الحياة غير

Camellia Hussein يقول...

بس سيبك انت ..عجبتني أوي (رسالة الدنيا في الحياة)جامدة جدا ابقي هيّس دايما بتجيب حاجات حلوة

محمد العدوي يقول...

جهينة .. اصل الزبادي ...




والعسل الأبيض


بس كدة

البنت الشلبية يقول...

روق كده ...شكل النفسية مش تمام
كبر دماغك من الحاجات الثمينة والحاجات الاقل قيمة
سلام

نهر الحب يقول...

رسالة الدنيا في الحياة إنك ما تفرحش بالحاجة اللي ممكن تفرح بيها، لأن غلط .. مش غلط تفرح، غلط تستمر فرحان،

يظهر اني مكنش لازم افضل فرحانه

كان لازم اتوقع النهايه من البدايه صح
انا الان حزينه ولم استطع الكلام معك مع انه اليك!!!!

للاسف قريت البوست اللي فات مخليني مش قادره ازعل

مخنوووووووووووووقه

غير معرف يقول...

ولا قرف ولا حاجة ياابراهيم ليه كده ؟
ايه بس حالة التهييس الرمادية دي ؟
ممكن يكون فقد الاشياء الثمينة فعلا هو اللى يخلينا نهتم بالاشياء الاقل قيمة او هو اللى يخلينا نستطعم كل الأشياء الصغيرة
وممكن يكون مش غلط تستمر فرحان بس احنا اللى مش عايزين نستمر في الفرح لان الموضوع كده ممكن يقلب على تبلد او يمكن الواحد بيخاف من الفرح ، فيقوم يحزن على اقل حاجة لحسن فى يوم يحزن على حاجة كبيرة اوى اوى
والدليل على كده انه رغم ان نص الكوباية مليان الا اننا بنبص برضو ع النص الفاضى كأننا مش بنطمّن للفرح لأننا متعودناش عليه
فاهم حاجة ؟
معلش
بس برضو هيا حلوة قوووي

نضال

غير معرف يقول...

اللي يضيع منك اشتري غيره ياعم ابراهيم مش أزمة يعني
بشرط ميكونش انت ضيعته عمدننن!!:)

هدى يقول...

انا هكرر ورا ملكة

المهم ما تكونش ضيعتها عمدنننن

الجواب تقريبا عندي

ضيعتها عمدن

دا اللي هو أنا طبعا

ياريت كنت اقدر اهيس زيك

كنت كتبت بوست بطول الشبكة الانترنتية العنكبوتية التي لا بداية لها ولا نهاية

كنت سطرت هنا في الذاكرة السهلة المحي

مالا يقوله اللسان في تلك اللقاءات القصيرة وتلك اللحظات التي تتركنا كما جاءتنا

أحاول مجاراتك ولا استطيع

انا هنا في حالة غير محددة ...

في انتظارك

إبـراهيم ... يقول...

سمرا .... ألـف حمد لله على سلاااامة عودتك .... أنا وأنا كنا مفتقدينك بشـدة !

ورايا .... ورايا ...
ورايا
****************

تاج تفاؤل يا لمونادة، طب هاتي كوباية الأول
نورتي
****************
كاميليا : مش كدجه برضه، ،،،


بتتريقي حضرتك ، رسالة الحياة ف الدنيا، تختلف عن رسالة الدنيا في الحياة

**********
محمد ، صدقت يا صديقي

واللي بيسمع كلمة أمو شو بنقول له ؟؟

إبـراهيم ... يقول...

الشلبية ::

ممممممممممممم ، عادي بقى !
***********
نهر :
هذه المرة مش فاهمـك حبة ! ، أتمنى ألا تغلق كل السبـل .. فحسب !
الحزن زي البرد ..!!!

**************
نضال ...
حلوة ، يمكن !! ، قوي ، دي مبالغة ...


نعيشـها !!!
على فكـرة شكرًا لمرورك ... قوووي
**********
ملكة ...

فيه حاجات ما بتتقالش !
مش هقول !!!

لكنها ليست بأيدينا !! :(

إبـراهيم ... يقول...

صدقيني ...

كلمـة واحدة ...
ما ينفعش

أوقات بنبقى بنتمنى إن حاجة ما تأثرش!!!، وبنقدر كثييير، لكن ف أوقات ما بنقدرش !

***********
بدون مناسبة، وبدل ما أعمله بوست، أنا حاولت ف يوم إني أجمع أكبر عدد من صانعي البهجة بالنسلبة لي على الأقل، ورغم إن الحظ تبسم، إلا أن أنيابه ظلت بارزة !!!
لم يحدث شيء!!

الحمد لله !

السينيور يقول...

ياه

ايه التهييس ده

وحد الله كده وقوم صليلك ركعتين وادعى ربنا يوفقك

شكلك مش في المود خالص

ربنا يكرمك يا رب

تحياتى ليك

The Alien يقول...

قصر، جنة، بهيس، إرادة، بنطلون، برد، مملة، فارغ، موبايل، رسالة، متفرج، فايدة، القرف........

وأنا كمان كويس
تحياتي

عمر بوك ستورز يقول...

زورونـا تجدون ما يسركم

تشكيلة من أوسع الكتب انتشارًا تحت سقف واحد

وبأسعار لا تقبل المنافسـة
في انتظاركم

Rosa يقول...

اؤمن تماما ان اشيائنا تشعر بنا و لوكنا بنعاملها كويس هتتظالم لفراقنا او ضايعها منا
و لو بنعاملها وحش هيبقى متنفس لينا و هتفرح
يمكن زعلك وحيرتك على الي ضاع منكمهما بلغت تافهته ناتجه من كدا
لما بنفقد حد اي حد بنزعل عليه
ولما يضيع مننا برده هنزعل عليه
يبقى ماتستغربش من ضيقك على فقدها
اصلها عشره برده والعشره ماتهونش غير على الوحشين
:)

جسر الى الحياة يقول...

يا ابراهيم اللى بيبقى حساس قوى فى الحياة بيتعب عشان كده انت تعبان يا ابنى كونك تبقى انسان ده فيروس لا شفاء منه هاقولك ايه انضم الى زمرة الانسانية واوعى تبقى متفرج مش هاتعرف صدقنى

Ratings by outbrain