أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأحد، 8 يونيو، 2008

حكـاية ..تانية

الولـــد .. اللي كان نفسه يكتب شعر موزون ..
.... و بيحب البنت اللي شعرها أصـفـر ..
... كنت قـاعد معاه ..
انهاردة الصبح
وأقنعته ..
يبطل يتفرج .. على أفلام ..عربي !!



*************

من التعليقات :
كتبت ســـت الحســــن :


الولد الموزون زيادة

قوله يبطل يخبي مشاعره أو يغير ملامحها
قوله يعيشها زي ما هي
قوله إن سؤاله هو ان كان بيحبها أو لأ
أما سؤالها هي فإجابته عندها هي

قوله يبطل يخاف من إحساسه مرة واحدة
مرة واحدة يبطل يحس إن الباب هيتقفل ف وشه

قوله الأفلام وراها ناس كتير أبطال ومخرجين ومؤلفين

كل اللي معاه قلبه لو مسمعش كلامه هيسمع لمين

شرط المحبة الجسارة
أقول تاني..........


هناك 31 تعليقًا:

هدى يقول...

هههههههههههههههه

مش هتبطل حركاتك دي

سأترك فرصة لزوراك لينخدعوا

صباحك فل

زهرة الياسمين يقول...

مش فاهمه حاجة !!!

فاتيما يقول...

ينفع الحركات دى ؟؟؟
يعنى مفهمتش طبعاً حاجة
روحت قولت أدخل أسيبلك تعليق رخم
و بعدين دوست على كلمة
أظهار الرسالة الأصلية
راح طالعلى الكلام
إنت متعود تعاكس الناس كدا ؟؟؟
طييييييب
قول بقى للولد اللى كان نفسه يكتب شعر موزون ...
يا بنى أحسنلك متسمعشى كلامى
عشان البنت أم شعر أصفر ممكن تكون بتحبك هيا كمان
و اكتب شعر زى ما نت عاوز
و إتفرج على الأفلام العربى
عشان يفضل قلبك يدق و ميسكتش
تحياتى يا أستاذ
و لا هتقولى موش أنا
دا أنا هوه اللى عمل كدا

darsh يقول...

صباح الفل يا معلم

انا اصلا ما كملتش قرايه لما شوفت التدارك اللي انت عامله تحت
ناقص تقول بس من الآخر يا جماعه كده انا مرمز وحياة ربنا ....

مساء العسل يا ريس ... خد دي على صدرك بس حاسب تفرقع

ياسر خاطر يقول...

متأكد انها مش افلام هندي؟

وبعدين بالنسبة للترميز
انت شغال بانهي نوع شفرة؟

محمد العدوي يقول...

ويبطل يقرا قصايد عربي .. وياكل رز بلبن
و يرسم على الحيطة ....

واحد مش فاهم حاجة يقول...

انت لسة مسمعتش عن اختراع اسنة الكوز

سيب الراجل ينط فى الكوز

maha zein يقول...

اذيك يا براهيم
بغض النظر مش هحاول اركز معاك
انا اصلا شغالة في امتحاناتي وطالع عيني يا عم الحج
وغلا فينك يا براهيم
وعلي فكرة انا ليا عندك تورتة وجاتوة من ساعة الحفلة
لاني المفروض كان ليا نصيب منهم
فاكرهم ولا افكرك
الجاتوه الي كلاتوه علي كافيه البورصة يا راجل يا طيب
المهم انت فينك بجد
ولا انا الي فيني ولا ايه
عموما
انا هخلص وافوق لكم
براهيم
عندي طلب
ممكن تدخل علي مدونة اقلع همومك التانية وتقول رأيك في المشكلة الي معروضة
حبة اعرف رأيك وعوزاك تشارك بحلك
ممكن يا براهيم

ست الحسن يقول...

الولد الموزون زيادة

قوله يبطل يخبي مشاعره أو يغير ملامحها
قوله يعيشها زي ما هي
قوله إن سؤاله هو ان كان بيحبها أو لأ
أما سؤالها هي فإجابته عندها هي

قوله يبطل يخاف من إحساسه مرة واحدة
مرة واحدة يبطل يحس إن الباب هيتقفل ف وشه

قوله الأفلام وراها ناس كتير أبطال ومخرجين ومؤلفين

كل اللي معاه قلبه لو مسمعش كلامه هيسمع لمين

شرط المحبة الجسارة
أقول تاني..........

د/أبويحيى وادم يقول...

السلام عليكم

يمكن لانها اول زيارة فاالامر غير واضحه لى
لكن ساكرر المحاولة فى وقت لاحق ان شاء الله

والسلام عليكم ورحمه الله وبركاته

princess dodo يقول...

يمكن صاحبك كان واقف
فى اشاره مقفوله على طول
او عيون البنت اللى حبها
طرقات من غير اشارات اصلاً..

مممممم ... هى ايه بقا الحكاية الأولانيه

D:

سلام يا باشا

امرأة تقول الذي لا يقال يقول...

(:

محمد العدوي يقول...
أزال المؤلف هذا التعليق.
إبـراهيم ... معـايــا يقول...

دى:

حركات إيه، وبتاع إيه بـــس ؟؟؟

صباحك .. أحلى
***********
زهرة:
منورة لأول مـــرة ...
ونعتذر عن هذا العطــل
**********
فاتيما عندنا يا مرحبًا يا مرحبًا:
كويس إنك دوستي على إظهار الرسالة الأصلية، عشان تعرفي قدر المأسـاة
.
.
بالمناسبة أنا اللي كاتب الكلام ده فعلاً ، كنت هسألك عرفتي إزاي ....
الفكر مش ف فكرة النصايح، يمكن الفكرة ف إن اللي أنا قلته عنه غير اللي اتكلمنا فيه
تتتااااااااااااا
نورتيني

إبـراهيم ... معـايــا يقول...

درش بيه:
أولاً أحييك إن رجلك بدأت تجيبك هنا، وقول لها تعمل كده على طوووول،،،، ...
وياريتج بقى تقرا، وتقوووول

نورت برضووو

**************

باشمهنز ياسـر:

على فكرة(كون) التدوينة تستفزك للتعليق فده إنجاز في حد ذاته (ماتنكرش)..........
أما بقى الأفلام فهيا فيها هندي وعربي وأجنبي، بنقول أجنبي دي ع الأفلام الأمريكاني، وملناش ف الأجنبي غيرها، زماااان شوية كناا أوقات نشوف فرنساوي على بانوراما فرنسية، أيام التلفزيون الأرضي يا ياسـر فاكرها ...
مش عاوز أقول لك إن الفيلم العربي هنا رمز ...
وماتجيبش سيرة الـ (شفرة)

رئـــــيسـة حزب الأحلام يقول...

مالهم بنات البلد خليه احسن فى بنات البلد ام شعر اسود وبلاش البنات ام شعر اصفر دول وخليه يتفرج على افلام عربى وهو هيقول شعر موزون ويدعيلى
تحياتى لك

سارورة يقول...

حرام عليك انا اصلا المذاكرة محسسانى انى غبية .. تكمل انت عليا .. المهم انا حبيت اقولك ياريت تشوف التعليقات اللى على جاتلك رسالة (:

Shimaa Gamal يقول...

و عرفت تقنعه إزاى ؟ و يا ترى لما يبطل يتفرج على الأفلام العربى هايبطل يحب البنت اللى شعرها أصفر ؟ و هايعرف يكتب شعر موزون ؟
أنا شايفة إنك أقنعته بالحاجة الغلط :) أو هو ضحك عليك :) لإن المشكلة مش فى الأفلام أبداً :)

*سمر* يقول...

وتقولى ..متبأيش تغيبى ...
طيب بذمتك اجى اعلق اقول ايه D:

إبـراهيم ... معـايــا يقول...

عدوي باشا :
نجورت بعد غيييبة طويييييلة، مش لاااازم يعني يكون بالأمر عشان تعدي، ولا إيه :)

وبعدين هوا مين اللي بيشخبط ع الحيطة ده ؟؟؟
تحياتي

****************
مش فاهم حاجة:
على فكرة إحنا مش بنهرج يعني !!!

و الناس فاهمة ده كويس قوووي
على الله تفهم بقى :)

****************
مــها :

إزيـــك يا جمييل ، إبقي ركزي معايا المرة الجاية، وعلى فكرة طبع مقلب ، لا جاجتوه ولا تورتة، ده "محض" بسكويت بالشيكولاتة .... مممممممم ، ولكِ ما تريدين ، على فكرة عديت ...

وكنت حافظ بيت بيقول : أعمى يقود بصيرًا لا أبا لكم !!!
أنا نفسي اللي يدلني ويقول لي رأيه ...
نورتي على كل حاااال

إبـراهيم ... معـايــا يقول...

*****************

ست الحسن: تسلم إيدك ، حقيقي أجمل تعليق ، واسمحي لي آآخده قدام على المجدونة، لأن فيه إحساس عالي باللي اتكتب، وده شيء يحسسني إن اللي كتبته حلو ....
خالص تحياتي

عـمـرو قـطامـش يقول...

يا فندم الافلام العربى بتجرى فى دم الولد و فى دمك انت شخصيا
بلاش تتفلسفوا ع العيال بقى

همسات يقول...

كلنا بنتفرج على أفلام عربى

خليه ببرأته

نبضات يقول...

أسمحى اعلق على تعليق ست الحسن
شرط المحبه الجساره
جمله ررررائعه
لان اللى يحب لازم يخاطر ولازم يكون قد القتال والمواجهه والا يضع قلبه فى ثلاجه وميحبش خااالص

تحياتى لكلماتك العميقه ولاحساسك العالى

نهر الحب يقول...

يا عم سيبه يحلم


هو الحلم بفلوس

مش ممكن يتحقق

يا عالم؟؟؟؟

إبـراهيم ... معـايــا يقول...

د.أبو يحيى:
شرفت يا فندم، وتنور ف أي وقت ...

*************

دودوووو البرنسيساا:
إشارات إيه ؟؟ وطرقات إيه ؟؟ هوا درس تعليم سواقة ؟؟؟ .........
الحكاية الأولانيـة معروفة
بتاعة الولد الخايب قوي ...
اللي كل ما يحب، يقع ، كل ما يحب يقع !
ف الآخر قرر يكرر الوقوع، عشان يتعود ع الحب !!

إبـراهيم ... معـايــا يقول...

دينــا:
بنقول وعلق ، مش وتبسم :)
نورتي ... برضووو

**************

رئيسة الحزب: مين قال إن كل اللي شعرهم أصفر مش بنات بلد، عمومًا نورتي ، وما تبقيش تغيبي بقى .........

**********
سارورة : حصل خير :) .... وتسلم إيدك على تعليق على (وصلتك رسالة) قريته ...
ربنا يوفقك يا جمييل و ألف شـــكـــر

***********
شيماء : عودًا حميدًا ....
المشكلة ف الأفلام، زي إن المشكلة مش ف الزحمة، ولا ف الروقان !!، المشكلة فيك إنتـــــا
تحياتي، ونورينا على طووول

إبـراهيم ... معـايــا يقول...

سمر:
تيجي تنورينـــــــا،،،، إيه فينك ؟؟؟

**************
عمرو باشا :
نورت المدونة، علم وينفــذ يا باشا

******************
همسات:
ده أمر ولا طلب ؟؟؟

مها رضوان يقول...

بس انا عايزة اقول على "أيام تشبهك " و ليس " حكاية تانية" و مش لاقية لنك تحتها (ابقى صلح مدونتك )
ولا دى مقصودة ولا ايه ؟؟

انت فاكرنى اصلا؟

ما علينا

عاجبنى جدا-بشدة-قوى اسلوبك الساخر يا أخ إبراهيم

استمر
ربنا معاك

إبـراهيم ... معـايــا يقول...

نبضات:
بالمناسبة كان ف إيديا من يومين كتاب شريف عرفة( لماذا من حولي أغبياء) بيقول إن مش شرط المحبة الجسـارة ولاج حاجة !!، وإن ده شغل أفلام عربي فعلاً !!!

*****************

نـهر الحب: هوا قال لك إنه بيحلم ؟؟؟شفتيه نايم ؟؟؟ ده كان صاحي معايا جدًا!!، ومابيحلمش !!

قهوة بالفانيليا يقول...

إبراهيم ..
فرحت جداً لما جيت تزورني قبل كدة .. و تشرب عندي قهوة في المدونة..
فرحت أكتر بترحيبك بيا في عالم المدونين أصحاب المزاج العالي ..
أنا جاية أزورك و أقولك ..
بيتك جميل .. أقصد كلامك جميل.

Ratings by outbrain