أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأربعاء، 9 يوليو 2008

إمتى ؟؟؟، يعني ؟؟؟

الصبح مثلاً ، والدنيا رايقة ؟؟ ، ولا بالليل ف عز العتمة ، والناس مش شايفين ؟!! ...

بعد يومين ثلاثة؟؟ ، ولا بعد شهرين ؟؟ ولا سنتين ؟؟؟
طب حـــد يقول لي ، بعد خمس سنين مثلاً ؟.,,, ، ولا خلااااص ماعادش خااالــــص ؟؟؟
.
.
ماهو مش معقولة !!
طب بالعامية كده برضوووو ، ولا بالفصحى (عشان أشيك؟) ...
متى ، (مثلاً ) ؟؟؟

عندما يقرر الرب الكريم العظيم أننا الآن نستحق؟!!
أم لأننــا لا نستحق أبدًا ؟؟؟
... و إذا كنًّا نحن لا نستحق، أفلا يستحقون (هم أيضًا) ؟؟ ....
الآخرون !!

.....
متى ؟؟؟؟ ياااااارب ؟؟؟ متى ؟؟؟؟

أعزيزٌ ما نطلبه جدًا ؟؟ أم "مستحيل" ... ( فقط؟) !! ..
(طيب)

أسنحصل عليه فنبحث ونصٍّر ، أم لن نحصل ، فنعرض ونلتفت
و..
ن ...
..... م ..
.... . . . وت!!
.
.
لا فرق ياااااارب ... صدقني ...

ستمر الحيـاة ، ونؤمن بقضاءك وقدرك، ولن نعترض يااارب إطلاقا !! ....
ولكن ... أخبرني متى ؟؟؟
.
هنا، أم هناااااااااااك ؟؟؟؟
.
.
وأنت تعلم هل إذا "حصل" سنقر !! ونسكن !!

ربما أنت تعلم أن لا ، فتمنحنا المزيد من الأمـــل ... لأننا سنعيش أكثر !!
.
.
طيب !
متى نحصـل على مـــا نريـــد ؟؟؟؟ (بــــس)
.
.
مفيش فنط أكبر من كده ؟؟؟

هناك 20 تعليقًا:

إبـراهيم ... يقول...

هيهيهيه ... كالعادة، بخرًّف باحتراف!!، ولا بعرف أقول، ولا أعمل حاجة !!، ولا حتى محبط أو مكتئب !!، حاجة كده ملهاش ملامح!!.....
مش عارف إيه يعني ؟؟؟ ، رغم إنه عادي قوي ....... وبسيييط وأهبــــل ، وبيحصل بأقل التقديرات!!
بس لسه .
.
لسه يا دنيـــا ....
تحبي تشوفي أنهي عين المرة دي !!
****************
الدنيا عمرها ما هتبص ع اللي انتا كاتبه هنا، لأن الدنيا أًلاً معندهاش كمببيوتر، ولا نت!! ، هيا الدنيا فاضية لأمثالك ؟؟؟
إنتا تهرتل، وتنتظر التعليقات المرمرية أو الدائرية، أو الفلسفية الأخرى، وخلااص ....
تفرد لك سطرين وتتمدد عليهم !!
تقفل بيت" شعري" ...
كبيرك !!!
تبلع ريقك، وتحس إن طعم الحياة مالح !!
***************
قطعًا كنت عاوز أكتب حاجات تانية، على طريقة الخروج من المود !!
وعندي فعلاً مواضيع مكتوجبة ، وجاهزة، بس أوقات بحس إن حرام عليَّا ..
مش عارف ليه !!!
حتى كنت هقفل التعليقات، وبعدين اجفتكرت إني سايب شات بار، لا هلغيه، ولا هقفل المدونة

لسه الشمس بتطلع كل يوم
نفسي ف يوم ماتطلعش بقى .....
تغيير يعني، تيجي بالليل ، وتطلع !!
هبل
يمكن
عبط !

خمسة فضفضة يقول...

السلام عليكم ورحمة الله وبركاته

عسي ان يكون قريبا

غير معرف يقول...

على الأفق كانت الشمس تترك مكانها للقمر ليتعامل برفق مع السائرين ...!!!

وانت اختار ..

بس على فكرة الشمس والقمر
مش متساويين حتى لو بتحبهم بالتساوى

أصلاً مينفعش ..


والشمس عمرها ما هتيجى فى يوم ومتطلعش
بس لو انت مش عاوزها ممكن تعمل نفسك مشفتهاش

عادى يعنى

سهل تعمل كده

Unknown يقول...

إبراهيم ..
الحالة دي .. علاجها ..انك تقعد شوية .. لوحدك ..
مع ابراهيم ..
ابراهيم تاكد تماماً.. أن كل واحد ينال ما يستحق ..
ساعات كتير بنحس ان العدل مش موجود .. بس مع الوقت .. الحكمة هتبان .. في اللي خدناه او اتحرمنا منه .
:)
معاك للآخر ..!

Camellia Hussein يقول...

لما نبطل نريده

غير معرف يقول...

يحدث للناس ما يشبهم

لا ما يستحقوه ..

اليس كذلك ؟

فاتيما يقول...

إمتى ؟؟
الله أعلم منى و منك
يعنى ؟؟
لأ متتسناش تجيلك فى الوقت اللى يعجبك و تعوزوه
لأنك تبقى بتحلم حلم يقظة جميل
بس فى الغالب مبيتحققش
بس ساعات يحصل اللى أحلى من الاحلام
إمتى يعنى ؟؟؟
الله أعلم منى و منك يا إبراهيم
بس أتمنى يتحققلك اللى احسن حتى من اللى بتستناه بكتيييييير
تحياتى ليك و للى معاك

عين ضيقة يقول...

النهاردة بالذات

وكأنك بتساله عن لسانى

أكيد هيجاوبنا ياابراهيم

انا عارفة انه احن من الحيرة اللى احنا فيها دى
ــــــــــــــــــــــــــــــــ

قول يارب

Mai Nagib يقول...

لو كانت الإجابـه يسيره لما كنت كتبت ما كتبت ولكن الإجابه غيبيه ولست تملك سوى القيام بمسببات لما تريدوإن شاء الله تبوء محاولاتك بالنجاح

ست الحسن يقول...

ابراهيم

عاجبني قوي الكلام اللي انت كاتبه جوة التعليقات حساه من قلبك

ساعات بحس انك بتسيب نفسك على طبيعتك لما بتكتب هنا كلام زي ده
تعرف أنا هنا بتعرّف عليك اكتر ما بتكلم معاك

هوه انت ليه مش بتتكلم من قلبك كده مع الناس ولا الواحد بيبقى حر أكتر وهو مستخبي ورا الشاشة

متقلقش كل حاجة بتيجي ف وقتها
ف وقتها يا ابراهيم اوعى تنسى

إبـراهيم ... يقول...

فضفضة:
ياااااااارب يكون قريب، ونكون نستاهل قووي، ونقدر نحافظ عليه ....
وعليكم السلاااام

***************
الـ(غير معرفــ)ـة
لما الشمس تطلع ، جونعتبرها مش موجودين نبقى بنستهبل، وبنستعبط ...ده حتى اللي ما يشوفش من الغربال يبقى أعمى ...

نورتي أيضًا

آيــة يقول...

كان ربنا قادر يعرفنا اللي نفسنا فيه هيحصل امتى ..
بس ساعتها مكناش هنشتاقله .. مكناش هنستناه كده ..
كنا هنتطمن و نحط رجل على رجل و نقول انه جاي جاي .. و نعبث إلى هذا الحين بما يتاح لنا ...

لو عندنا جدول مواعيد لافراحنا و احزاننا كنا هنفقد معنى الحياة .. متعة اكتشافها و الانبهار بمفاجأتها...

لولا مفاجآت يمحها لنا الرب لفقدت الحياة من معانيها الكثير ...

يار ب ميكونش مروري مؤذي ..

mostafa rayan يقول...

ابراهيم يا عزيزي طول ماحنا عايشين لازم ولابد نتسلح بالأمل
زي منير ماكان بيقول
ولا انكسار ولا انهزام
ولا خوف ولا ولا حلم نابت في الخلا
علي صوتك .. علي صوتك يا ابراهيم بالأمل وبالغنا

إبـراهيم ... يقول...

شيماء:
أشكرك على كلماتك جدًا، جمممممم ربمـا فعلاً ، من يدري؟!! ......
بس خللي بالك إني معايا على فكـرة ...
مودتي
***************
كاميليا:
ده اختزال جااامد قوي!!، تفتكري لما نبطل بس؟؟ ، وبنعرف بطل أصلاً ؟؟
إنتي فيييين صحيح ؟؟؟

***************
جومانا:
أنا شبهي قوووي هنا ...
شكرًا لقراءتك :)
بحب الناس اللي مذاكرين كلامي(ولا إيه؟؟) .........

Camellia Hussein يقول...

انا فين؟؟؟؟
تقدر تقول ان انا مبطلة

إبـراهيم ... يقول...

فاتيما: مبدئيًا أنا بسلم عليكي، جوأنا معايا برضووو ، ربنا يخليكي ...
ياااارب بس الواحد يحس إن هيحصل على حاجة ،،،،، ولما تيجي يحس بيها قد ماهوا نفسه فيها قووووي كده
نـورتيني ،،،، جدًا

**************
أسماء:
أنا أهه ،< بقول ياااااارب
جتسلمي ، ويسلم لي مرورك
****

مي ، على رأيـك، ربما نحاول ، وربما نكون ....

خالص تحياتي

إبـراهيم ... يقول...

ست الحسن:
تعرفي، والله الحمد لله إن لسه فيه مكان الواحد بيعرف يكتب فيه بحرية، ماهو معدش خلاااااص ، حتى مدونة الواحد الشخصية جدًا !!، نعمل إيه بقى ....

بس تعالي هنا، يعني إيه مع الناس جوقدام الناس، وورا الناس، هوا احنا بنتقابل؟؟، ولا إيه ؟؟؟

لأ ، كده مش حلو ،،، مـــش كميييل

بتنوريني على طوول، بجـــد
تسلمي
****************

آية، عمر مرورك ما يبقى مؤذي (ده مبدئيًا)
على فكرة حاجة من كلامك دي كان قالها المنفلوطي زماااان في مقال له رائع عن(الغد) ....
وقطعًا كلامك وكلامه صح جــدًا
تسلمي
ادعي لي كثييير ، إنتي حد كويس

Empress appy يقول...

هو انت متعرفش ولا انا انا كمان مش عارفه دى لخبطه الانا صح ولا تخاريف الحر
اممممممممممممم
نمشيها مش عارفين فى علم الغيب
ايه اللى انا مش فاهماه ده مش عارفه ايه رايك انت

و القادم....أجمل يقول...

السلام عليكم

عجبني تعليق

Camellia Hussein

بس ممكن نحصل على ما نريد
بس هتظهر احتياجات تانية
دايرة مغلقة
---------

الشمس ممكن تطلع بالليل
بس هتحوله لنهار
;)

ربنا يوفقك و يكرمك

إحترامي و تقديري

:)

هبة المنصورة يقول...

الرتم بقى سريع هنا كده ليه؟
يعنى ألاقى تلات تدوينات مرة واحده؟ بس دى أحلاهم.. بتعليقك على كلامك.. ساعات الواحد بيعملها ويتريق على نفسه ف سره أو يكلم نفسه ف المرايه.. بس هنا و ع الملأ كده لأ.. أفتقر للجرأة دى.. لسه الواحد عنده شوية رقابة على اللى بيقوله
المهم: ماتستناش حاجه أو حد! عمرها مابتيجى كده! أحلى مافى الدنيا دى مفاجآتها.. ربنا يرزقك مفاجآت كتير وتفرح فرحة بجد مش تمثيل

Ratings by outbrain