أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأحد، 3 أغسطس، 2008

مواقـف .... وأفكـار

هاي ... إزيكم
.. . . وحشتوني وكده ، مش طريقتي، ولا عادتي أبدأ المواضيع، أو التدوينات بالشكـل ده، بس يبدو إن على الإنسان أن يغير من طريقته دائمًا حتى لايغدو سخيفًأ وممللاً ، حابب أقول إن أغسطس الذي يطل عليكم الآن بشويش بشويش ليس كأي أغسطس رأيتموه، أو عرفتموه من قـبـل ... مش عارف ليه تحديدًأ، بس هوا أكيد أغسطس مختلف ...

من المواقف والأفكار، إنه مثلاً أو أغسطس يعبر بجوار شهر رمضان الحبيب، وأول أغسطس من زمااااااااااااااان يزامل شهر شعبان، رغم إن مكنش بينهم عمار من زمان، هنا هبدو وأكأني بتكلم عن شهور السنة، في حين أنا بتكلم عن مواقف !!، وأفكــار !! .....
فعلاً مواقف بسيطة قوي ، أو عادية جدًا يمر المرء بها لتثير عنده أفكارًا عدة
" أمال يحصل إيه ،لو مكنتش عملت كده" ، وهوا أنا بقى لو كنت عملت كده، كان ماحصلش !!!
فكرة الرجوع بالنتائج إلى المقدمات ، والرجوع بالمقدمات إلى النتائج المتغيرة، والثابتة من الأفكار المحورية اللي كثييير ....

المفروض علينا، أو المتبع أو الرسمي زي ما بيقولوا إننا ما نفكرش كثير، مش محتاجة تفكير، لكن ف وقت ، أو ف لحظة، قدام بحر ، نيل ، سما صافية، زرقة، تقول ... اللاااه ، هوا أنا ليه تعاملت بالشكل الفلاني مع الموقف ده، أو ليه ما تعاملتش بشكل آخر .... ، ساعتها بنتخيل إن تعاملنا هو المحور الأساسي اللي اتغيرت عشانه حاجات ....
وكده يعني

أنا بس حبيت أصبح أو أمسي ، بما إني بقالي كثييييير ما اتكلمتش .....

ولا إيه ؟؟؟؟
.
.
.
.
اقترحوا المواضيع القادمة، لأني الحمد لله الحمد لله، عندي أكثر من تدوينة مش عارف أكملها، ومش ناوي أنزل تدوينات مش مكتملة تاني
مممممممممممممممممم ، آآآه افتكرت فيه حاجة كنت كاتبها من سنة، دي ممكن تخرج إلى النور، وحاجة عن الصحراوي، كده قشطة اتنين ......
اقترحوا برضوووو

هناك 8 تعليقات:

نهر الحب يقول...

بما اني اول تعليق ليا حقوق كتير قوي

اولا
انا عشان اللي حيقولوا تعليقات بعدي يكونوا شاهدين عليك
انا بقول اني ما اخدتش جوايز منك مع اني كنت اول حد جاوب علي سؤالك بتاع طعم البيوت.....قصدي شغل البيت

ثانيا
من رايي تكتب التدوينه الجايه عن حد انت مزعله ممكن ساعتها تصالحه بيها
ده رايي يعني
لانه ممكن يكون لسه زعلان وبما انك بتزعل ناس كتييييييييييييييير
اختار بقه

او اكتب انك رحت مثلا اسكندريه وكان يوم جمييييييييييل زي التدوينه اللي قبل كده

شفت بقه الافكار

اما نشوف

نهر الحب يقول...

نسيت اقول حاجه صحيح

انت كمان معدتش عليه بقالك كتير
يبقي من حقي تعدي عليه مش جايز تلاقي الالهام

Habib يقول...

أخي الحبيب ابراهيم

أحببت عندما مررت بمدونتك أن أترك تعليقا .. ونتواصل على خير ان شاء الله

YOTTA يقول...

"لو" كلمة غبية باكرهها عشان ممكن تفضل حابسانى ف موضوع لفترة طويلة وف الاخر مبتحلش حاجة
..
بالنسبه للمواضيع المقترحة فانا باحب المواضيع اللى فيها رغى عفوى كده ومن غير عقد يعنى
.
قول اللى ف نفسك م الآخر
..

ازيك يا ابراهيم؟

إبـراهيم ... معـايــا يقول...

العزيزة نهر:
لكِ حقوق كثييرة، وطب وهندسة كمان لو بدك، لمرورك الأول نور على المدونة، والتدوينة والحي اللي جنبينا، أحب أطمنك إني من النوع اللي آآآخـــر حاجة يكتب عنها الحاجة اللي حاسسها قوي!!، مااعرفش أسمي ده غباء، ولا نقص لغة !! ، ولا إحساس باللا قيمة للغة !!
*******
للناس اللي مزعلهم حق عرب عندي، بس هحايل مين وأدادي مين !!، إنتي عارفة أنا بزعل طوب الأرض، عشان ما بدوسش عليه بحنيَّة!!
أنا رحت اسكندرية كثييييير

قصدك على أنهي مرة فيهم :)

منوراني

إبـراهيم ... معـايــا يقول...

أهلاً أخ حبيب ....، ومرحبًا بك في رحاب مدونتي ......، أرجو أن تكون قد أعجبتك ......
وكده يعني، و الكلام الجميل كلله، وما تقطعش الزيارة، والذي منه
*************************
يوتااا:
إزيك يا بنتي، والله ليكي وحشـة، فعلاً "لو" دي ملهاش لازمة فعلاً ، خلينا كده ....
أنا برضووووووووو بحب الكلام العفوي المسترسل، بس بقول خللي الناس تتحكم، وتعبر ، وتتكلم .......
أنا كويس، وموجود ، إنتي فينك ؟؟؟

ابو على يقول...

على فكره انا ساعات كتير مش بفهم كلامك
ف من هنا اقترح انك تكتب نبذه عن ابراهيم الفنان يمككن من كلامك اقدر افهمك

د. موني يقول...

اولا :السلام عليكم

ثانيا بقي ياهيما موضوع الافتراضات ده بقي عند ناس كتير مش بس المشوشين او المترددين لكن فعلا حتي اكثر الناس حكمة بقي يردد مع نفسه: ماذا لو؟؟؟ وماذا لو؟؟؟ وده من وجهة نظري مالوش غير معني واضح وهو انه مبقاش فيه ثوابت ... يعني مبقاش فيه حاجة زي 1+1=2 المفاجآت بقت متوقعة وللاسف قليل اللي بقي بيعمل حسابهاتقبل مروري وتحياتي

Ratings by outbrain