أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 3 أكتوبر، 2008

أنــــا وأنـــا في Otv.


. . . بناءً على رغبـة الجمـاهير الغفيـرة طبعًا، وكنوع من رد الجميـــل للعزيز (هيثم أبوعقرب) الذي لم أره يومها، ولكنه أسعدني بهذه الحلقة، التي كانت منذ ما يزيد عن الشهرين وشاهدها بعض الأصدقاء والأقارب (الحمدلله يعني) و(اتصيطنا) وكــــان البعض لم يشاهدها بعد ... ولم يسمع عنها حتى ... ولذا رأيت أن أضعها هنــــــــــــا ....

الحقيقة أن هنـاك العديد من التعليقات والكلمـــات التي أود أن أعقب بـها وأذكرها عن ملابسـات هذا اللقـاء، ومـا دار فيه ... وما دار حوله بعد ذلك ... حتى أنا نفسي عندمـا شاهدتني تعجبت من أشيــاء كثيرة !! ...
.
.
....... ،،،،، وطبـــعـــًا الحــلقــــة باللي فيـها مُهـداة لأختي حبيبتي إيمووو ... وآآآســف إني أخرتها عليكي ده كله
بس العتب ع التكنولوجيـــا

يجب ألا أنسى الآن أن أشكر د.أحمد لأنه هو الذي قام برفع ملفات الفيديو على موقع الـYouTube و أصبحت موجودًا هنـــاك
شـاهدوا الحلقة، و اتركوا تعليقاتكم



.
ده الجزء الثاني ..كما لعله مُـلاحــظ
.


من ملاحظاتي على الحلقة بعد (الحركة) اللي عملها هيثم باشا بغيابه، إني دخلت أوضة كبيرة في القناة (آه خدوني ورجعوني بعربية مكيفة) كان فيها الفقرة التالية ليا على طول حد كده لوا والأستاذ خالد صلاح (كنت عاوز أسلم عليه وأعرفه بنفسي بس كشيت)، ولولا إني متأكد 90% إني جاي عشان المدونة، والكلام ده كله، وكان سبق للزميلة الدكتورة (لمـاضة) و العزيز (أشرف توفيق.. أخف دم) التصوير في نفس ذات البرنامج، والصراحة ني كنت راجعت الحلقتين دول عشان أعرف هيسألوني عن إيه، وما إلى ذلك، لكن كنت متوترًا، ومن أول ما بدأوا يتكلموا، وخاصة المذيعة الجميلة إنجي وأنا عاوز أقاطعها، أصلها بتقول غريبة إنه يكون فيه مدونات أدبية، ده أنا لولا المدونات الأدبية ماكنتش دونت .....
يوميها كنت مش محضر حاجة أقولها، بس أفتكر دماغي كانت بتلف فيها 100 فكـرة أثناء السؤال، وأثناء الإجـابة، ولا كلله كوم، ولما اتفرجت ع الإعادة ف البيت يااااانهاااااااااااااار ،،، كرهتني قوووي، لقيتني بتكلم بطريقة عجيبة، وحركة بقي غريبة !! بجد كنت متضايق لدرجـة إني كنت ناوي فعلاً ما أنزلش ملف الفيديو ده !! ....
أجمل ما في الموضوع حقيقي كان ردود الأفعال ....
ودي خليها لبعدين بقى .... عاوز كمان أتكلم عن حتة الأحلام اللي (الحمد لله) اتحققت، لدرجة إني عاوز أشكر كل فريق البرنامج ,.,,,
وعاوز أتكلم عن التدوينة اللي ما قدرتش أقول إسمها ف البرنامج لحسـن أتطرد ، وأبوظ الدنيــــا ....

هناك 18 تعليقًا:

kafrawy يقول...

من قبل ماشوف اكيد منور التلفزيووووون

و الله



كل سنه و انت طيب

مها يقول...

جاااااااامد آخر حاجة يا ابراهيم
الله عليك بجد..

يارب دايماً كل أحلامك متحققة ومتألق صوت وصورة وقلم.......

كل أمنياتى الحلوة

Ehab يقول...

ههههههههههههه ...

يخرب عقلك يا ابراهيم ..

مانت حلو اهو :)

حلو اهو وبتعرف ( تبعبر ) عن نفسك ...

الف مبروك يا باشا وعقبال ما اشوفك بتقدم لنا برنامج على القناة التالته عن المدونين ..

اشمعنى القناة التالته ؟

عشان مفيش حد هيتفرج عليك :)


خالص تقديري واحترامي بجد ...

وإلى الأمام ..

يا باشمهندس ! هئ !

على فكرة ... العيد جه ولا حس ولا خبر برضه ... ماشي يا عم

كل سنة وانت طيب

إبـراهيم ... معـايــا يقول...

ربنا يخليك يا كفراوي
.
.
الله يكـرمـك يا مها ده من ذوقـك بـس ...

هيمااااااا

ده أقل حـاجة عندي، إنتا كان عندك شـك إني جامد يا وله ...

اظبط يااااااااه ...
وبعدين ما انتو فوتتو رمضان ذات نفسه !!، جت ع العيد بقى
تحياااااااتي

وكرنب وزبادي

Ihab Omar يقول...

حادثة فظيعة .. في منتهي الحلاوة الصراحة
يا باشا و الله دا انجاز , عقبالنا يا رب كدا
تم الرفع علي مدونتي .. عشان القلة المندسة اللي يمكن مش بتشوف مدونتك و بتشوف مدونتي تشوف الحوار
و منتظر طرح الغلاف الجديد للمسحوق قريبا
ايهاب

¨¨¨°~*§¦§ Appyplanet §¦§*~°¨¨¨ يقول...

بص عادى انك تبقى مخضوض ومتلخبط يعنى
نورت يا عم ومحدش قدك ههههههههه
ربنا يزيك يا رب
كل سنه وانت طيب

EMY يقول...

أخييييييييرا أنا كنت فقدت الأمل أصلا ...
بس واضح إن العيد جاه وجدد الأمل ..
المهم تسلم يا سيدي ..وكل سنه وإنتا طيب
وعلي فكره ما كانش باين عليك أي لخبطه بالعكس كنت جميل وواثق من نفسك قوووي ..
والموضوع الأحلام بان عليك إنك مخنوووق قووي بس بسرعه مودك إتغير ...الحمد الله إن ربنا كرمك وعقبال ما تخقق كل الي بتحلم بيه وأكتر ..
أما بقه أكتر مدونه علقت مع الناس ففي كتير مش بس سد الحنك ..وياريت كنت تكلم عن المدونه إياااااه خلاص ما الورق كله إكشف والناس بتقولها عيني عينك ,...
المهم أنا رغيت كتير قووي
عايزه أشوفك أون لاين وتقولي علي أخبارك وأنا عندي شوية حاجات ليك هتعجبك قوووي ..
سلام ..وعقبال ما تطلع في الجزيره أو العاشره مسااااااااااء ..
أختك حبيبتك
إيمو

إيما يقول...

بالعكس ولا مخضوض ولا متلغبط ولا حاجة !! إيه الثقة دي كلها :)
لأ بجد لقاء جميل جدا جدا
ألف مبروك وعقبال كدة العاشرة مساءا

رانيا منصور يقول...

ماصدقتش لما اتقاللي حلو للدرجة دي!

ما شاء الله
فوتوجينيك يا هيما وحلو الحوار خالص جدا :)))

بس مقسوم نصين ليه سيادتك :D
..


كل سنة وانت طيب يا ولد!

مصطفي ريان يقول...

مبروك يا ابراهيم وعقبال الكتاب ال100
بس ايه الصوت اللي كان عامل شوشرة في الجزء التاني دة

حزيــــــــــــــــــن يقول...

مبروك يا باشا
عجبتنى يا واد

على فكره انا اول مره اعرف فكرة معايا دى بس انا كنت حاسس بيها قبل كده
احمد مهنى

إبـراهيم ... معـايــا يقول...

ربنـــا يخليك يا هوبة، دايمًا مصيطني :)
وإن شاء الله الغلاف الجديد وأخباره كلها الشـهر الجاي بالكثييير ،،،

نورت يا إيهاب ، وما تطولش الغيبة

**************

آآبي هانم
بالله عليكي حـد هيبقى قدام إنجي وما يتلخبطش:) ، ياللا الحمد لله عدت بـسلام ، بس محدش قال لي برضو تفتكروا تدوينة إيه اللي كان نفسي أقول عليها، بـــس مـاينفعش ؟؟؟

أو على الأقل تقولوا لو جبنا جزمة جديدة بنقول لصاحبها إيه !؟؟!

Heba يقول...

على فكرة اللقاء عجبني جدا

وعندك حق في موضوع المدونات الأدبية

لأني شخصيا بتابع عدد كبير من المدونات كلها بتكتب بأسلوب أدبي راقي ورشيق

وهما اللي شجعوني على دخول العالم ده برغم أني ماليش في الكتابة أساسا

بجد اللقاء كان جميل فعلا

وربنا يوفقك دايما

كاتب مصري يقول...

مش أنا كنت سيبت تعليق هنا ولا بيتهيألي يمكن بيتهيألي وسيبتهولك أف لاين ع المسنجر عموما بجد الحوار ده عجبني قوي والمرة دي بجد انا جي القاهرة بس لما أحدد اليوم بالتمام هأقولك ماشي يا سيدي الفاضل
دمت بود

dandana يقول...

مش عارفة ايه اللى مش عاجبك فيه بس

انا بجد حبيت اللقاء كله

إبـراهيم ... معـايــا يقول...

إيمو حبيبتي :
طبعًا نورتي يا إيمو وكويس إنك علقتي وبعدين إنتي تطولي براااحتـــك خااالـــص، وطبعًا مكنش ينفع أقول لهم مبارك ع الجزمة، كان ممكن مبارك ع الاستديديو مبارك ع الحلقة ، لكن ع الجزمة ، صعب ههههههههه
نورتي ، وما تحرمينيش من طلتك
****************

حلو لما تيجي إيما بعد إيمو، على سبيل التغيير :
نورتي قووووي يا إيما، بقى لك كثييير ما علقتيش هنـــا

إبـراهيم ... معـايــا يقول...

رانيـا:
ربنا يخليكي، أنا بس بدي أعرف مين اللي قالو دووول، مبحبش حكاية بيقول لك ويقولو، وقالو دي، ربنا يكرمك ، مين فوتوجونيك ده ؟؟؟، حـد تعرفيه ؟؟ :)
دول عيونــك اللي شايفين كل حـاجة جميـلة

ربنــا يخليكي ،،، نـورتي
***************

مصطفى باشا :
الله يبـارك فيك

معرفش شوشـرة إيه :)

تحياتي

سقراط يقول...

الف مبروك يا استاذ ابراهيم
على فكرة انا حاسس بكل الكلام اللى انت قلته بعد ما شفت نفسك
وحكاية التوتر
ومية فكرة فى دماغي
زى ماتكون فولة واتقسمت نصين
اينعم انا ماروحتش او تى في
ولا حتى او راديو
بس انا حسيت بنفس الاحساس فى مواقف مشابهة
====================
طبعا الرغي اللى فات ده كله مالوش لازمة
المهم الف مبروك يا مان
وعقبال البيت بيتك

Ratings by outbrain