أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأربعاء، 25 نوفمبر، 2009

ديوان ..شــعــــر!

امبارح ...
كان يوم مناسب جدًا إني اشتري ديوان شـعر
لكني بدل ما أشتري ديوان ..
قررت أروح أسمع شـعـرا ..
وقعدت معاهم ..
رغم تحذير محمود المستمر بإن الواحد يقرا الشعر ومايعرفش شعرا ..
لكن أنا قلت التجربة ..خير برضوو
وأنا (أوريدي ) عارف شعرا ..
.
الشـعـرا .. هيكونوا إيه يعني ؟!!
بني آآآدميـن زييينا كده ..
مافيهومش ملايكة بجناحات ...
زي ما متخيليين البنات!
.
لكن فيهم برضو الأغبيا
والأندال .. والسخفا ..
فيه برضو من الشعرا
ناس طيبين قوي .. وطيبين بجد
(والفرق واضح للجميع)

أوقات بتبقى عارف إن الدنيا فيها أشرار وطيبين، وكده
بس ممكن ما تبقاش ـ بس ـ عامل حسابك هتتعامل إزاي

المهم، إني أدركت
وأنا هنا بدي نصيحتي أنا كمان لمن جاء بعدي

بإنكو ممكن تقروا شعر كتييير
لكن تخففوا ـ قدر المستطاع ـ من معرفة الشعرا!
والنـاس كمان
عمومًا يعني ما تقربوش قوي ...
مش عشان كلاسيكية فكرة من "اقترب احترق"
لكن عشان البعد غنيمة ...
في عالم الشعر والديوان ..
مهما كان فيه ألم ورومانسية .. ونزييف مشاعر وشخبطة كلام ...
هيفضل جوه الديوان ..
هتقفله بعدما تقوم، وترجع تشرب كوباية الينسون مثلاً
وتمدد على السرير .. مثلاً
وتحاول ما تفكرش في أي حاجة تانية
:)
انهاردة بقى مش عارف هيحصل إيه
تفتكروا لو كل يوم الواحد بيسمع شعر ممكن يبقى شاعر؟!!
أنا بس عاوز أشكر ربنا إني رجعت أكتب هنا من تاني
هيييييييييييييييييييييييييييييييييييه
هييييييييييييييييييييييييييه
برافو برااااهيم

وكل سنة وإنتو كويسييين قوووي ... على فكرة

هناك 7 تعليقات:

مروة يقول...

كل سنة وإنت طيب ودعاء كمان طيبة. حلو قوي التهييس بس يعني ماتجيش غير على الشعرا الغلابه:) عمومًا هما برضو ليهم ملايكتهم "الطيبين بجد" يأخدو حقهم من كُتاب التهييس الحر المباشر

Shimaa Gamal يقول...

أنا كمان فرحانة إنك رجعت تكتب هنا تانى
كل سنة و إنت طيب

ست الحسن يقول...

هييييية
برافوووو يا ابراهيم

مبسوطة بجد انك رجعت هنا تاني
وحشتنا التدوينات الجامدة يا افندم

هفوت بكرة بقى ألاقى تدوينة جديدة
ماشي

ميرام يقول...

(:
أنا متفقة قوي معاك
اقرا شعر .. وماتعرفش شعرا
(:
(:
بس قوللي ...
هما مين دول الي متخيلين الشعرا ملايكة بأجنحة ..........
(:
فين دول طيب بلاش مين
(:

معرفناش برضه اشتريت ديوان مين (:

أخيرا ..
كل سنة وانت طيب
عيد سعيد

مصطفى محمود مصطفى يقول...

نعم يا بختني لأنني زرت وسأعلق الآن
نظرًا للتطابق التاريخي بين التدوينة ووجودك يوم الأمسية في المكتبة أظن أنك تتكلم عن هذا اليوم !

كلامك صحيح بنسبة كبيرة يا ابراهيم بس اللي أنا عايز أقوله بشكل عام ان الشعرا هم أكثر الناس انسانية !
والله مش تحيز ومش بأقول كده عشان انفي صفات مش كويسة كتير موجودة في ناس في الوسط ده..وانت أشرت ليها بشكل ما

بس بجد
الشاعر الحقيقي هو انسان حقيقي أيضا
وطبعا الفرق معروف وبيبان

والشعر مش موجود جوا الديوان بس .. الشعر فن مسموع في الأساس وان كان دلوقتي بقى مقروء أكتر ولكنه يظل سماعيا

أتمنى يكون لقاءك مع الشعرا مر من غير ازعاج أو أي مضايقة

سلام

إبـراهيم ... معـايــا يقول...

مروة:
أي خدعة ... والشعرا ناس عادية فعلاً

والتهييس الخر المباشر تحت أمرك على فكرة

تحياتي
ـــــــــــــــــ
شيمــاء:
أنا أفرح :)
وأنتِ أطيب ...
ـــــــــــــــــ
غادة هانم:
يسعدني مرورك دائمًا ...نحن موجودون يا فندم أهه

بس إنتي أشَّري
ــــــــــــ
ميرام " الشاعرة الشريييرة

ده كللله وماعرفتيش اشتريت ديوان مين؟؟؟ ... على كل حال ، خلينا نشوووفك

إبـراهيم ... معـايــا يقول...

أيوة يا مصطفى الشعرا أكتر الناس.


فول ستوب :)


منوَّر المدونة ع فكرة :)

Ratings by outbrain