أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 20 أبريل 2010

من أفكـــار هـذا الصباح!

بنت صغيرة مامتها بتشيلها وتلعب بيها، تشيلها وتحطها، وتسيبها تجري وراها وتنططها من مكان للتاني .. أشعرتني بإحساس "اللعبة" فعلاً، البنت عسووولة وملامحها دقيقة كعادة الأطفال الصغننين، بس حسيتها مش مبسوطة، نفسها تقول لمامتها بطلي بقى فرجتي علينا الناس! ...
... وكبرت البنت دي فجأة ف عيني عشان تقول لي " أنا مش لعبة يا إبراهيم.. تلعب بيها وقت ما انتا رايق، وتركنها على جنب لما تبقى مش فايق" ..
بحس كتييير إن غلط التعامل مع الأطفال بجد على إنهم "لعب" بنتفرج عليها، ونجيبهم ونوديهم، المفروض يعني نعاملهم بطريقة أحسن من كده، ولا إيييه ؟؟؟؟
............
حد ممكن يبقى مولود 6 أكتوبر؟؟؟ بعيدًا عن 73 يعني، كيوم تاريخي عظيم، امبارح كنت بتفشخر( أي والله بتفشخر تخيلوا) إننا من مواليد سنة عظيمة حدث فيها أمر عظيم ألا وهو عام 81 وإن مفيييش حد ف مصر هينسى السنة اللي مات فيها الرئيس الراحل أنور السادات ليحل محله الرئيس اللي شكله مش راحل خااالص ده محمد حسني مبارك! ....
سنة عظيمة فعلل لا يولد فيها إلا العظماااء! ....
ده إذا غضينا النظر عن إني من مواليد 6/ 12 شهر العظماء أيضًا، لكن فعلاً مساكين الناسي اللي اتولدوا في مناسبات تاريخية!
يعني تخيلوا كده حد اتولد يوم سقوط صدام، ولا بدأ غزو العراق، ولا واحد كويتي اتولد يوم ما العراق دخلت الكويت، ولا كللله كوم بقى واللي اتولد يوم 11 سبتمبر، ولا 12 سبتمبر (ماهو برضو بعديها بيوم) ولا حتى (10) سبتمبر، ده هيفضل طوول عمره الأمركيان مش طايقييينووو .....
............................

بكرة على طووول، وإن كان بالليل يعني، في الضلمة (من 8 ونص لـ 10) راديو الشباب المصري (حريتنا) هيستضيفوني في برنامج اسمه (أون كافيه)، أعرف الراديو ده من فترة طويلة الحقيقة، من زمااااااان لما الواحد كان بيسمع راديو، وكنت متابعهم، وعاجبني أفكار برامجهم، اللي اكتشفت انهاردة بمحض الصدفة إن كلها تقريبًا اتغيرت، وإن فريق إعداد ومذيعين جدااد بقوا فيه على الأقل غير اللي كنت أعرفهم أو أسمع عنهم، وكان أكترهم مدونين برضو أيامينا!
زمااان لما كان بيجي حاجة زي كده كنا بنقلب الدنيا (بنتشقلب على رأي أميرة) ونملا الدنيا صور ولينكات، وياااناااس يا هوووه أنا طالع بكرة في البرنامج، دلوقتي هدينا طبعًا وبقينا نجوم ونجعد براحتنا، ونتأمر ونتشرط بشوقنا! .... فبالتالي مفيش إعلانات ولا دعاية ولا شقلبة ...
سيبكو من ده كلللله بصراااحة انهاردة بقى، أيون، اللي هوا الثلاث ده فيه حدث مهم جدًا كان بدأ الأسبوع اللي فات (معايا يعني) وهو بيت الحواديت الذي تم بناؤه وتشييده داخل دار ميريت، وهي فكرة مفتكسة جااامدتن جدًا وعجبتني آآخر 3 حاجات، حضرت معاهم الثلاث اللي فات، وأمتعوني بشدة لا سيما شادي والفنان الشامل محمد باشا عبد الفتاح (كالابالا) صاحب الفكرة ومديرها أصلاً، وعلى أثر ذلك وجدت نفسي أكتب حدوتة وناوي أقولها انهاردة إن شااااء الله، بس دي مفأجة يا جماااعة، ما تقولووووش لحد ولا لسبت ولا لجمعة :)

وبمناسبة الإعلانات الحُرَّة غير المباشـرة يسرُني أن أذكركم بإن المهرجان القومي للسينما المصرية سيبدأ فعالياته اعتبارًا من بعد غدٍ الخميس، ويستمر لمدة أسبوع كامل عارضًا عددًا من أفلام العام الماضي والحالي المصرية، وعدد أكبر من الأفلام الروائية القصيرة والتسجيلية ... كل ذلك بمسرح الجمهورية بشارع الجمهورية ....
لمشاهدة جدول الأفلام المعروضة بإمكانكم متابعة الجدول >>> المهرجان القومي للسينما المصرية
.
.
تجدر الإشارة إلى أنه بالإضافة إلى قاااائمة الأفلام الروائية القصيرة والتسجيلية التي تعرض هناك، يكون في المهرجان أفلام لا تعرض إلا فيه، مثل بلد البنات العام الماضي، و"هليوبوليس" و"لمح البصر" هذا العام!

هناك 4 تعليقات:

هدى يقول...

انا عايزة احضر الحواديت

من اسبوعين

بس برضه الاسبوع دا مش ظابط معايا


ع العموم مطمنة ان ليا عين هناك بتجيبلي فيديوهات


..

بخصوص فايق

اعتقد سبق التنبيه

fad-fadat nour يقول...

بالنسبة لموضوع الأطفال لو قالوا للأمهاتهم "يا ابراهيم" .. يبقي طبيعي ان الام تعاملهم بالشكل ده و اكتر كمان :)

اما بالنسبة لموضوع اعياد الميلاد في المناسابات المهمة .. ما فكرتش فيه قبل كده خااااااالص يمكن عشان الحمد لله عيد ميلادي في وقت مناسب (لي علي الاقل) تماما

إبـراهيم ... معـايــا يقول...

أنا كمان كان نفسي تيجي حواديت يا هدى .....

هنحاولوا نصورا فيديوهات
فااايق جدًا والله، وواخد بالي من التنبيه
،،،،،،،،،،،،،،،،،

يا نور، تم توضيح، وبيان إني أنا اللي تخيلتها بتقول كده، يعني هيبقى هنا و ع الفيس .؟؟؟

المهم أعياد الميلاد أنا عارف طبعًا إن فيه ناس عيد ميلادهم مش 12 سبتمبر ودول كتييييير

حسن أمين يقول...

صباحك أبيض من الأقحوان يا هيمو
ينفع حد يصورك فيديو وانت في الحديث الإذاعي ده ؟
كل يوم وانت بتضوي يا هيمو .. يا ذا البريق الأخضر :)

Ratings by outbrain