لنتخيِّل المشـهد ...
.
اتنين، ماشيين الساعة اتنين ...
الحدث ده ماكانش يوم السبت، ولا الحد، ولا الاتنين ...
اتنين ماشيين مش مع بعض خااالص ...
جمعهم شـارع ، بيجمع عواميد النور كل ليلة بدون أي قلق
وبيأوي كتير من القطط في أماكن مختلفة منه,.,
اتنين .. الساعة اتنين ...
مش ولد وبنت،
عشان أذهانكم ما تسرحش لبعيد ..
أو ما تروحش لحتت مش مطلوبة هنا في النص ...
اتنين، الساعة اتنين ...
ماشيين في الشـارع
.
أول حـأجة اتقابلت منهم ماطكانتش عينهم، ولا ضل عواميد النور
.
كانت الإيدين .. اللي مش ممدودين ...
المرتخيين تمامًا فيما يبدو ببلاهة للبعض
.
اتنين الساعة اتنين دول
كانوا مختلفين في كل حاجة
إلا ملامح الإنسانية الساذجة
.
وش
قفا عريض
عينين .. بتشوف بالعافية
مناخير "دقيقة" ...
فم، أذنان، رجلان ...
وشنطة متوسطة الحجم ..
واحد شايل فيها أحلامه،
هوا بيقول كده ، عشان فيها شوية ورق، ينفع يطير يبقى أحلام يعني!
والتاني شايل فيها ورق برضه، بس لو طـاروا هيضيييع
.
اتنين
الساعة اتنين
والدنيا مش برد ولا حـاجة!
هناك تعليق واحد:
حماري غلب
وضح شوية
إرسال تعليق