أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الخميس، 5 أبريل 2007

..> > >لـوحـــدكـ <<<. . .

كم أنت منسيٌ ..وحرٌ في خيالك !! *
.
كما يقول
درويش ، تمامًا ، وكأن هذا ما كان ينقصني بالضبط !! . . . . شعور جديد بالوحدة !،
هـذا الزحــام .. لا أحد !
.
لا أذكر هل نشرت ما كتبته عن هذا الأمر من قبل أم أنها مجرد أفكار من فرط ما فكرت فيها خلتني كتبتها ! ، ولكن لا بأس ! ، فالوحدة كما يقول
الحميد هي أن تشعر بالانفراد، رغم امتلائك بالآخرين حد القيء .....

.
( لا مؤاخذة )
.
يجب ألا أعتذر، فالشعور بالوحدة يكرس نفسه أمامي ومعي كل لحظة. . . !! ، بل ويذكرني بأنه كان مصاحبًا لي منذ أمـدٍ .......
.
هل يعقل هـذا ؟؟ .....
.
منذ سنوات الطفولة ... الأولى ... أشعر أني بمفردي تمامًا ...
.
منذ ذلك الحين ، وأنا تسيطر علي فكرة أني (لوحدي)، حينما أذهب لمكان ما، أراقب باستغراب كيفية أن معرفتي بالأمور تتعلق بمن يقترب ويبتعد عني ، لأني بمفردي ، حتى لو امتلأ العالم حولي بمن يسمون بالأصدقاء !!! ...............
في لحظـات أكثر . . . أسير بمفردي أشعر بأن حياتي كلها عشتها بنفس الطريقة !!
.
.
ماهذا الذي أهذي به الآن ! ...

ربما لن أجـد أجمل من كلمات
فيروز : لوحـدك

عايش يومك لوحدك ...
بتنام ف سـرير لوحــدك ..
بتشوف أفلام لوحدكـــ . . .
مش .. متونـــس .. بـــ (حـــــــــد ) !! هـ

هذا الـ(حد) / الآخـر ... الذي بحث عنه
أحمد لما قال ( لماذا ليس في الإنسان ما يكفي من الإنسان ؟!! ) و الذي غنته أنغـام .. حينما قالت >>>>إلقالك ..حــــد !! هـ ـ ـ
.
.
الآن بإمكان الأسئلة العبثية كلها أن تتقافز إلى رأسـك المفعم بالفكـرة الواحدة .... الوحـدة !!! ذلك الشعور الذي ينتابك في لحظـات غريبة ... أذكر منها على سبيل المثال ، يوم تذكرتها جدًا ، وخرجت من صالة العرض لأشعر بالضجيج الذي يحدثه الناس كلللله كأنه يشير إلي أنا فقط ..... ها أنت وحدك ! ، اللقطات التي أسميها سينمائية، حينما أشعر أن هنالك كاميرا مـا خفيـة ..تراقبني ، وربما تسـخــر !! ، من قتى يضحك وحده، يبتسم وحده ، يحضتن نفســـه دااائمًا ...
.
الآن هو لا يبدو ... وحده ... إنه مـعه .. أكثر . . . ، ولا إيه ؟؟
.
يعني عشان محدش ينسى ... أنا تحديدًا مش لوحدي ... أنــا مـعـــايا .. وهذا كافٍ ـ حتى الآن على الأقل ـ لي جدًا
.
.
بقول لكم إيه ، ما تسيبكوا من الكلام ده كللله ، واسمعوا معي ... وشاهدوا .. فيروز ... وهي تغني .. لوحدك !

.


ــــــــــــــــــــــــــــــــــــــــــــــــــــــــــــــــــ

* من قصيدته الرااائعة (مقهى وأنت مع الجريدة) من كزهر اللوز أو أبعد، والتي ـ تقريبًا ـ يتحدث فيها عني أنا تحديدًا :)

هناك 40 تعليقًا:

Camellia Hussein يقول...

تذكرتَ الآن كلمات أشرف العناني
(لك ان تحب فلا احد
........
........
ها انت انت ولا أحد)للاسف لا اذكر باقي القصيدة الآن لكنك ذكرتني بتلك الحالة
عموما انت حظك حلو انك لست وحدك تماما انت معاك...ربنا يخليكم لبعض

Abd El Rahman Magdy يقول...

الوحدة شعور بيقتلك
وخاصة لو كان حواليك ناس بتحاول تحسسك إنها جنبك وبرغم كدة انت مش حاسس بيهم
الحقيقة الشعور ده ما حدش يقدر يتفاداه
شعور رهيب ومؤلم
أتمنى إن انت يساعد انت لحد ما يخرج من شعور الوحدة
تحياتي

tearwhispers يقول...
أزال المؤلف هذا التعليق.
غير معرف يقول...

تعرف كتير بدخل على مدونات
وبلاقى الناس بتتكلم ى الوحده وانها رغم وجودها فى مجتمع صاخب الا انها بتشعر بوحده
كمان احيانا بحس انى لوحدى
بس بردو بيجلى اوقات كتيره وبحس ان بحب كل الناس وان الناس كلها بتبادلنى الشعور
هى دى الحياه
ساعات بحس ان كده افضل
يعنى اما تبقى لوحدك هتعرف قيمة الناس
واما ترجعلهم هتقدرهم اكتر

بس متسبش نفسك فى طريق الوحده على طول

اتصالح مع نفسك وهى هتتصالح مع الناس
تحياتى
مغموره رانيا

mariam يقول...

الوحده فى رأيي اصعب شعور فى الدنيا
و الأصعب وجود ناس حولك
بس لا تشعر بتواصل معهم
فالوحده هنا بتكون اشد الما

شكرا جدا على سؤالك
انا متوقفه عن التدوين لفتره

غير معرف يقول...

ابراهيم

انا بحب أوي أغنية القاللك حد لأنغام ... من أروع ما يمكن سماعه في الوحدة والونس أيضاً

هدى يقول...

ابراهييييييييييييييم

كنت عايزة اعلق

بس مش لاقية كلام

حاسة جدا باللي بتقوله

يمكن كمان عايشاه

لكن مستغرباه للمرة الاولى

لازم زاوية الرؤية تتغير ..عشان الاحساس دا يتغير

افتكر كدا

ولا دي مجرد هرتلة ؟

محمد عز الدين يقول...

صديقي العزيز هيما
صدقني الوحدة أمر مشترك
لجيل بحاله
وانا لازم أشهدلك
انك نجحت تكون معاك
وده كفاية
فحافظ عليه بكل ما تملك
تحياتي

مَلَكة يقول...

ظرة المؤامرة تكتمل
وأعراض البارانويا تعلن عن نفسها وبصفاقة لا مثيل لها
ولا صفاقة سواقين مكروبظات الجيزة!
كملت عليا بتدوينتك ياعم ابراهيم:(
معنديش كلام
أصل انا كمان من كتر ماكلمتها في الموضوع
حاسة اني خلصت الكلام
فنسيته
عادي بقى

تصبح على خير،وانت معاك

مَلَكة يقول...

معرفش ليه دايما بعد ما ببعت التعليق
بفتكر أهم جزء كان المفروض اكتبه
حاجة غريبة جدا

المهم
الوحدة ليها طعم خاص،زي الحزن
بتغرق فيه من غير ماتحس
وبعد ماتتعود
كل حاجة تانية غيرهم ميبقالهاش اي طعم
حتى بعد ما تبقى في وسط ناس بجد
مش مجرد وجود مادي كحيز من الفراغ
بتلاقيك مش قادر تكمل
عايز ترجع لوحدتك حبيبتك اللي اتعودت عليها تاني

فكك مني،انا شكلي بهيس على الفجر تقريبا

smraa alnil يقول...

الوحدة هي ذلك المخلوق الخرافي الذي لا يقتل الا علي ايدي البشر

الوحدة هي ذلك المخلوق الاسطوري القابع في ذاركتنا فقط ولا وجود له

الوحدة هي ذلك المخلوق الحقيقي الذي يقبع بداخلما ويتوحد معنا

اختار انت

Jasmine يقول...

ابراهيم
الوحدة شىء رائع بجد و بيعيد للانسان آدميته بعد ان يكون قد بدأ يفقدها غالبا فى وسط (الدنيا) اللى عايشين فيها دى..
بالمناسبة شكرا على مرورك و سؤالك عليا فى مدونتى المتواضعة المهجورة الجرداء :D:D

ساعه الغروب يقول...

عارف

حاول تصاحبها

انا عملت كدا

صاحبتها
حبيتها
حكيت لها
بكيت فى حضنها


احيانا بتكون احن من الناس اللى حواليك

صدقنى صاحبها

يمكن ترتاح

اصل اللى بيخاف من العفريت بيطلع له

وانا صاحبته وحبيته

:)

انها شخريه القدر

ربنا يعيننا جميعا على الوحده اللى بتجتاحنا


يا رب تبقى فى حال افضل فى اقرب وقت

bastokka طهقانة يقول...

الوحدة مع نفسك جميلة و مريحة بس بنزهق و نحب نبقى وسط الناس و نرجع نقول يا ريت اللي جر ما كان

غير معرف يقول...

ها ها ها ها
تشوف أفلام لوحدك!... يا للشقاء
* * *
أفهم جيدا شعور الوحدة القاسي لكني لا أعتقد ان المثال الذي سقتَه مؤثربما فيه الكفاية
لعلك قرأت تشيخوف في(لمن أشكو كآبتي)هذا المثال على الوحدة في أبشع صورها حين تفقد زوجتك و ابنك الوحيد في حين أن مكانتك البسيطة لا تسمح بإقامة علاقة بشخص أخر.
أجد هذا الأنموزج أفضل من الشكل (النايتي) الذي صغت به مقالك/خاطرتك حيث نجد المقارنة هنا بين (وحدة من فقد عزيزا) و (وحدة من ليس لديه من يفقده)ا
* * *
لعنة محبي الأدب:
بشكل ما أشعر أننا - أحيانا- نستكئب ولا نكتئب ولعمر الله هذا من الأثار الجانبية الضارة للأدب.
تجد دائما من يقبل على الأدب وقد استطالت لحيته وغمرته الكئابة وراح يشكو وحدته وألمه اللذين صنعهما بنفسه ولسان حاله يقول :
هوووو شاهدوني يا معدومي الأحساس أنا ذئب وحيد كئيب لايفهمه أحد ولا يشعر بالأنس حتى وسط من يسمون بالأصدقاء!
في حين انك لو نظرت له عن قرب لوجدته والحمد لله يعيش في منزل لا بأس به يأكل ويشرب ويزور ويزار ويشهد الحفلات والأمسيات الأدبية على مختلف انوعها ثم يعود في اخر اللليل شاكيا وحدته!
لاحظ : هذا (الوحيد) لم يفقد أهله في حادث مؤلم ، لم يجرب أن يبيت بلا طعام ، لا يعاني من أي أمراض مزمنة ، لم يقتله العمل بحثا عن لقمة عيش لا تجيء وهكذا فالحياة مليئة بما هو لا لذ ولا طاب من المشاكل

* * *
إلقالك حد:
وبعيدا عن حكاية الاستكئاب هذه فأعتقد أننا من الممكن أن (نفلسف) موضوع الوحدة بشكل ديني لا بأس به
مثلا فكر إلى أي مدى (الوحدة) في حقك (نقص) بينما(الوحدانية) في حقه عز وجل(كمال)و ان (الواحد) عز وجل له حكمة في كونه لم يجعل أحدا فردا سواه، قال الله:
وَمِن كُلِّ شَيْءٍ خَلَقْنَا زَوْجَيْنِ لَعَلَّكُمْ تَذَكَّرُونَ (49) [الذاريات]

وقال :
سُبْحَانَ الَّذِي خَلَقَ الْأَزْوَاجَ كُلَّهَا مِمَّا تُنبِتُ الْأَرْضُ وَمِنْ أَنفُسِهِمْ وَمِمَّا لَا يَعْلَمُونَ (36)[يس]


مثلا فكر في أن الله له حكمة في أن يخلق داخلنا هذا الشعور بالحاجة إلى (الأخر/الأخرى)لهذا السبب نتكبد حمل تبعات الزواج والإنجاب وتكوين أسرة والذي يهون في نظير أن نجد من نسكن إليه في هذا العالم القاسي

قال الله :
وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً إِنَّ فِي ذَلِكَ لَآيَاتٍ لِّقَوْمٍ يَتَفَكَّرُونَ (21)[الروم]

لعلي أطلت عليك
سلام عليكم
محمد عادل

micheal يقول...

الوحده شعور صعب و مؤلم دائما علي صاحبه و يزداد ألمه اذا شعر صاحبه به أثناء وجوده مع الاخريين...بص يا هيما بصراحه أنت انسان جميل و كويس..حاول متخليش الشعور ده يتملكك لان بجد ساعتها مش حتعرف تخلص منه بسهوله
تحياتي لك و تمنياتي الطيبه

micheal يقول...

علي فكره فيروز كراويه دي طلعت هايله ...ليك حق تحبها أنت و بيشوي

saso يقول...

أولا باشكرك علي اختياراتك في منتدي الساخر، اول مرتين ملاحظتش الاسم -بطء فهم معدي- وبعدين قلت لازم اشكرك

مقهى وأنت مع الجريدة جالس
لا لست وحدك
نصف كأسك فارغ
والشمس تملأ نصفها الثاني

عمرك مابتكون وحدك، يا اما تلقالك حد يا اما تفضل معاك زي كانت عملت وانا كمان

basma saghir يقول...

اه...انا لوحدي وبدأت اعتاد على الشعور ده..احيانا بحس قد ايه هو صعب وبايخ..بس محدش هيقدر يفهمني قدي..ولو لقيت حد يفهمني زي مابفهمني هكون سعيدة

islam yusuf يقول...

أكيد
الإحساس بالوحده ده احساس لذيذ
أنا دايما بحس بيه
ياسلام و الواحد قاعد مع نفسه
تخيل اكتشفت ان انا مش قاعد لوحدى لأ و معايا نفسى
دى حاجه برضه تسعد الواحد
انه يلاقى نفسه قاعده معاه بيتناقشوا و بيسوا خلافات قديمه
كانت مؤجله
و هاتفضل مؤجله
حوار عبثى غير قابل للأنتهاء

أول زياره و ان شاء الله مش الأخيره

قصاقيص يقول...

تعرف:لحد وقت قريب أوي كنت بتحسد علي إني بقدر أعيش لوحدي ,استمتع وأعمل ذكرياتي مع نفسي...انا وأنا وبس
كنت بستغرب من كلام الناس ليا عن وحدتي لاني كنت شايفة انه أمر عادي بال بالعكس ده أمر طبيعي اني اعيش حياتي مع نفسي
بس تقريبا الحسد عمل مفعوله ونفسي إتخلت عني وبقيت احتاج لحد يشاركني ال 24 ساعه ...صدقني هنا بس عرفت معني الوحدة
تحياتي
وسوري لو كنت رغيت كتير...اصلي لوحدي ومحتاجه حد اتكلم معاه

Mony The Angel يقول...

nice "ennak" m3aak :)))
maybe that's enough :))

دعاء عبده يقول...

الوحده
مش
عفريت

sara... يقول...

الوحده جميله يا ابراهيم
خصوصا لو معاك انت
بس اللحظه الصعبه فيها صعبه بجد
فىكام تعبير فوق عجبونى جدا
اتمنى اشوف الحاله دى قصص جميله من بتاعتك
شكرا للاغنيه

محض روح يقول...

الوحدة احساس غريب جدا
احيانا بحس اني لوحدى اوى وانا مع الناس
وممكن وانا مع نفسى بحس اني مش وحيده

واوقات تانيه بحس اني محتاجه الناس

شعور الوحده شعور مختلط
مش شرط تكون لوحدك علشان تحس بالوحده

بس تعرف انا لحظت حاجه
طول مانفسك تايه منك عمر شعو الوحده ماهيروح

يمكن احساس الوحده بيجي من جوة
وبيطلع على احساسنا بالناس حولينا
مش عارفه
على العموم بوست حلو

وتحياتي يافندم

Heba Al_Menshawy يقول...

الوحدة مش انك تبقى لوحدك في مكان تنام لوحدك .. تقوم لوحدك .. تاكل لوحدك
جايز دي وحدة بالمعنى المباشر بس ممكن صاحبها ميبقاش حاسس بالوحدة فعلا
الوحدة اللي بتقتل بجد انك يبقى حواليك ناس كتير اوي لكن في وسطهم كمان حاسس انك غريب ولوحدك
دي الوحدة القاتلة
بس انت مش لوحدك اهو .. انت معاك بيونسك وفاهمه وفاهمك
:)

الاغنية جميلة اوي اوي وفيروز بجد بنوتة ملهاش حل ماشاء الله عليها صوتها رائع والاغنية كلماتها كمان تبقى فعلا حكاية ماشاء الله

خالص تحياتي
:)

إبـراهيم ... يقول...

كــاميــليــا :
مرورك ... نـــور .. :)
.
سمعت عـن أشرف العناني ، ولم أفرأ له ... ياريت لو تعرفي أوصل لشعره إزاي ؟ :)
أنا معاااايــا من زماان على فكـرة ، والحمد لله

إبـراهيم ... يقول...

عبووود بـــاشــا :
هوا فعلاً شعور ..سيء جــدًا ، بس على فكـرة (إنت) مش هيساعندي ، ولا هيسأل عني ، لأن مفيش غيري يقدر يعمل كـده ، أنا وأنــا ......


منوووور على فكـرة

إبـراهيم ... يقول...

اللي حـذف تعليق يرجعه تاني ، لحسن والله ... اخذف أنا كمان تعليقي ده :)

إبـراهيم ... يقول...

المغمورة رانيــا : أهلاً وسهـلاً بـك ، وبكل المغامير ، اللي مفيش غير انتي ومحمد عادل اللي عدوا هنا منهم ، المهم ، كــلامـــك حلووو قووي ، فعلاً الواحد أوفـات بيحس إنه مختاج يبعـد ... ويتصالح معـاه ، وكللله يبقى تماااام ....
نورتيني ، ويارب ما تبقاش آخـر مـرة

ـــــــــــــــــــ
مانو : حمد لله على ســلااامتـك ، مفتقدينـك × مدونتـك
على الله فترة التوقف ما تطولش ... وفي انتظااارك داااائمًا
**********

قلب يحترق يقول...

لو ده نص أدبي يبقي فعلا رائع جدا وجميل جدا جدا جدا وأسلوبك فعلا جامد في تعبيرك عن الوحدة أما اذا كنت بتتكلم عن نفسك بقي فأكيد هتبقي عايز تضرب . يلا كفاية عليك كدة

غير معرف يقول...

عميق البوست ده اوى وفكره البلوج كلها فيها فلسفه جامده عجبنى ومعرفش ليه فكرنى بحاجه كتبتها من زمان على الرغم انها ممكن تكون مش قريبه اوى

كل يوم يفوت عليا يمر
أموت وأموت وأتولد تانى من جديد
كل ما طعم الحزن يبقى مر
قلبى يقوى ويبقى أجمد م الحديد
وأحس أكتروأكتر إنى حر
لما قيودى فى إديا تزيد
عايش وحيد والحزن فيا يجر
أحسن ما أعيش واهم بإنى سعيد

albida يقول...

على الرغم من كده.. الشعور بالوحدة ممتع

وزى ما أنت قلت فعلا انك معاك, عايز ايه أكتر من كده؟ هتلاقى حد يفهمك ويستحملك أكتر منك؟
:)

manal

أحمد ع. الحضري يقول...

ونقول:
بأن الوحدة مرة
لكن الأقسى منها
أن تلقى من لا تألفه
وتظل تلازم من لا يعرفك ولا تعرفه
وتعيش تشاطره اللقمة
والصمت المفترس القاتل
والرقدة فوق سرير تأنفه

محمد إبراهيم أبو سنة

لعل أجمل ما في هذا البوست غير الموضوع ذاته هو تعليق محمد عادل تحياتي

reri يقول...

أهلا يا إبراهيم يا اللي مكتفي بنفسه حاليا... يا ريت أقدر أكون زيك... الصعب في الموضوع لما يكون حوليك ناس وصخب... وإنت من جواك برده في عالم تاني... عالم لوحدك بتاعك... إتعودت عليه كده... لأنك مش لاقي غير نفسك تفهمك ونفسك تطبطب عليك.. قلبت عليا المواجع

سلاماااااااااااااااااااااااااات

غير معرف يقول...

ابراهيم ،، أنا لسه مصرة انك مش لوحدك ،، تعبيراتك عميقة ،،مدوية (بتجيبها منين ؟؟ ولو اني عارفة كويس )

اسمح لي يا ابراهيم اقول لمحمد عادل ،، كلامك جميل ، مرتب مسلسل وواقعي ومنطقي جداً لكنك اغفلت حقيقة هامة وقد يكون الاغفال ناتج عن سوء فهمي انا (لذا اعتذر سلفاً عن ذلك ) كل شيء في الدنيا دي مهما كبر او صغر حجم يحتمل ان يراه الناس من وجهات نظرهم المختلفة والمتعددة والمتباينة في كثير من الاحيان ،، يعني ما تراه انت لا يستحق ان يطلق عليه لفظ الشقاء ،، قد اراه أنا الشقاء بعينه وما اراه أنا غاية السعادة قد تراه انت او من سواك غير ذلك ،، اكيد فاهمني ؟؟ لاني مش بعرف اعبر زي ابراهيم وزيك وزي كل اللي بيكتبوا هنا وهناك ،، يعني ابراهيم لما بيشتكي وحدته المتجسدة في مشاهدته للفيلم (مثلاً ) لوحده هو فعلا بيشتكي لان الامر ده ولو بدى تاااااااافه لنا انما هو يؤلمه حقاً ،، يؤلمه لانه تجسيد للوحدة التي يعيشها بكل معانيها يقصد يقول ان حتى الفيلم اللي كل الناس بتتجمع علشان تشوفه مع بعض ،، انا ومن شدة وحدتي بشوفه لوحدي (مع ملاحظة ان ربما يشاركه المشاهدة بعض اصحابه (وهو لا يشعر بوجودهم لان وحدته احساسا ًقبل ان تكون واقع ملموس ) وقد تكون قاعدة السينما مكتظة بالمشاهدين الذي لا يشعر بهم وبناء عليه هو لوحده!! وهذا حقاً مؤلم
أما ما سقته انت من مشهد لوحيد فقد أهله في حادث أليم لا يتطابق ولا يقترب من قريب او بعيد لموضوع ابراهيم ،، ابراهيم يشكو احساس الوحدة الذي يجتاحك حتى وانت بين الناس ،، اما فاقد أهله لا يشعر بالوحدة احساساً إنما يعيشها حقاً (لانه وحيد بالواقع المادي الملموس ) وكيف نقارن حادث اليم يفقد فيه الانسان اهله ،، بواقعة مشاهدة الفيلم منفردا؟؟ هذا فيه ظلم واجحاف بحق ابراهيم
لاننا سنتعاطف لا اراديا مع الوحيد فاقد أهله ،، قبل ان نكتشف الفخ الذي اوقعت مشاعرنا فيه لأن ابراهيم بيتكلم في زاوية تانية خالص غير اللي راكن فيها فاقد أهله والعياذ بالله

أما تفنيدك لمعنى الوحدة من زاوية التوحيد الالهي فقد كان مختصراً مفيداً أحييك عليه أفدتنا وجزاك الله عنا خيراً

اتمنى الا تزعل من كلامي لا انت ولا ابراهيم ،،
ابراهيم انت عارف اني دائما اتابع جديدك لكني ارى نفسي اصغر بكثير من ارد على كتاباتك ومن انا حتى اقول رأيي في ابرااااااهيم ،، دائما اكتفي بالقراءة وانا سعيدة وكذلك قراءة التعليقات والردود ولعلك لاحظت انها اول مرة يستفزني رد لدرجة ان اقرر اني ارد على تعليقه

سامحني انت ومحمد عادل
تحياتي
رهووفي

غير معرف يقول...

إلقالك حد

مين كاتبها دي؟؟

كان ممكن يقول إوجد مثلاً؟
تؤ

إلقى
كأن شيء مش بإيدك هتقوم انت بيه وبمزاجك

ما علينا !

حلوة التدوينة وعفواً عالتأخير يا عمنا

إبـراهيم ... يقول...

يا جمااااااعــة أنا بجد آآآسـف جدًا لكل الناس اللي نورتني وعدت هنا ، وأنا ما رديتش عليهم ، على رأيي ف البوست الأخير ، بقيت عاوز سكرتير تعليقات :) ... مش طالبة تهريج !!!!
.
.
.
يسرني أن أخبركم إن جائزة أفضل تعليق في هذا البوست مناصفـة بين محمد عادل ورهف ...


وده طبعًا شيء يسعدني
.
.
تحيااااااتي بجد لكل من مر وترك أثر
أشكركم جميعًا

Unknown يقول...

الاخ الانسان, الاخت الانسانة:

نحن نعتقد بنسبة 90% ان كل واحد منا يبحث عن صديق يحكى له همومه و يستشيره فى بعض اموره الخاصة خاصة بعدما اصبحت الحياة مليئة بالمشاكل والامور المملة الراتبة, و طبعا تكون السعادة غامرة عندما نجد هذا الشخص وتزداد الفرحة عندما ينصت لنا باهتمام و يتجاوب معنا بما يملك من اراء و خبرات و تجارب بشكل محايد و متجرد

ولان هذا واقعنا كلنا.

قررنا ان نتخذ خطوة ايجابية فى هذا الامر و ان نكسر حاجز الصمت و الامانى بان نستمع الى الاخرين بآذان صاغية و ان نتناقل خبراتنا و ارائنا و تجاربنا و ان نوظف المواهب التى حبانا الخالق بها بشكل مفيد و محايد و فعال.

و نحن نتوقع ان تكون الفائدة كبيرة بسبب ان فريق (مش لوحدك) مر بتجارب عديدة و متنوعه فى الحياة منها تجارب فشل و تجارب نجاح و علاقات عاطفية وعلاقات جنسية و تجارب مع العالم الآخر (الجن) و تجارب اسرية و تجارب وظيفية ........الى آخره من التجارب التى نمر بها جميعا فى حياتنا.

احنا مين:

احنا مش علماء ولا اطباء ولا موجهين .ببساطه ,احنا مجموعة شباب ولاد و بنات اللى جمعنا اننا كلنا بندور على صاحب و كمان ان كل واحد فينا عنده تجارب نفسه ينقلها لغيره,فقررنا اننا لا نكون وحدنا و نتفاعل مع باقى البشر اللى احنا محتاجين لهم و هما محتاجين لنا.

عايزين نوضح حاجه:

ان الهدف ليس التوجيه او علاج المشاكل او القيام بدور الطبيب النفسانى, وانما الهدف هو الاستماع للأخرين (وهذا فى حدذاته نجده فائدة عظيمة,ان يجد الانسان صديق يحكى له همومه و مشاكله) و نقل الخبرة و التجارب و نحن نستعين فى ذلك بتجاربنا الشخصية الكبيرة و بعض التجارب النظرية التى نراها مفيدة لكل رسالة على حدا.

كما انه من الممكن ان يكون التواصل مستمر و لايشترط ان يكون مرة واحدة وايضا يمكن الاستمرار فى اجراء المناقشات بالرسائل حول نفس الرسالة الى ان نشعر باننا وصلنا الى الفائدة المرجوة.

لذا نرجوا من كل من يشاركنا ان يعتبرنا صديقه المخلص الذى يجده وقت الحاجه دائما الى جواره.

وللعلم:

الرسائل التى نتلقاها تكون بيننا فقط و غير قابلة للنشر, ونحن نتعامل مع كل رسالة على انها انسان يحتاج الى صديق كما نحتاج نحن ايضا الى اصدقاء.
نشكركم على قراءة الرسالة و نحن فى انتظار رسائلكم على البريد الالكترونى ده: meshlewahdak@hotmail.com


فريق: مش لوحدك

أشرف العناني يقول...

أولاً أشكر الذين تذكروا كلمات عاري الخاص
الوحدة يا أصدقاء هي عارنا الذي
أبدا لا يجب أن نخجل منه
هي فرصتنا الوحيدة لأن نكتشف كم نحن ملسعوين بالجمر
حياتنا دائماً علي الحافة
وجودنا في الأغلب علي حد الشفرة
رعشاتنا هنا أو هناك هي بلا شك زهونا النادر
والوحيد
فكيف نفر من هذا الجمال النادر
كيف نفر
والي أي جريمة نرتكبها في حق الصفاء ؟؟

Ratings by outbrain