تفجيييييير ... المدونـــــة !!!!

تفجير المدونة

نفسي ربنا يأذن والمسؤولين عن البلوجز بوست يقرروا إنهم يفجروا المدونات كلللللللـــهااااااااااا ... التدوين ليس أمرًا مزعجًا ، ولا إلزاميًا ....، بس أوقات بيبقى الواحد نفسه يفتح المدونة ما تفتحـش ، ولا ربنا يلهمه وينسى الباسوورد ، ولا ربنا يسعدنا بهاكر ابن حلال يعلمنا ما نعتمدش ع التكنولوجيـــا !!!! يااااااااااااااااااااااااهـ ..... يمكن أخلـص بقى !
.
طبعًا مكرر قوووووي إني أقول ، بقول الكلام ده بما إني فشلت في إيجاد سكرتير يخلصني من الأمور التدوينية ! ، أو يتابع لي الحركة الأدبية والثقافية ، أو يقوم عني بالأعباء المنزلية الاضطرارية !! ، بل ـ والأكـادة ـ إني بكتب الكلمتين دول ، وأنا المفروض أبقى في غياااااااااااهب السرير الغريب، الذي يتحملني حتى زقزقة عصافير الفجـر ، عشان أقوم أتنيل !! ...وأذهب للعمل
.
وعلى كده برضوووو مش هخلص !! ه
.
ما أنا ممكن أعتزل التدوين زي ما ماجدة اعتزلت ـ فيما تزعم ـ الغرام ! ، لكن صعب !! ، وبعدين اللي مكتووب يروح فين ؟؟............................................................................
.
.
ممكن أقول إيه طاااااااااااا ؟؟؟؟؟
.
طيب ، أنا هريحكم من نفسي ، وهريح نفسي منكم ، واتخذ قرار إداري رقم واحد ، وإن شااااالللا ماحد حووووووش ، يعني من بكرة هتلاقوا البوستات نازلة تررررف ، ومن بكرة ليه من انهاردة
أيوة بقى اتجننت
هحرق المواضيع كلللللللللللللللها مررررررررة واحدة ،،، آآآهـ وهلغي التعليقات خااااااااااااااااالـــــص ، صحيح أوقات بتبقى حلوة ، وأوقات كثييير يتشجع الواحد ع الكتابة ، وأوقات أكثر بتبقى أحلى من اللي أنا كاتبه أصلاً ........ ، لكن يبدو إني لااااازم أقفلها شوية برضوووو ........... تغيير .... التغيير مطلوووب
أهم حاجة التغيير
.
.
آه بقى ، وابقوا قابلوني لو فلحتوا من غير ما تغيروا ...
.
( واحد نفسه اتفتحت فجأة ) ، طب تقدر تقعد بلبسك كده يوم بحاله ، فرضًا استحملته يوم ، أسبوع ، شهر ، هتفضل بلبسط كده سنـة ، لااااااااااااااازم تغير ... أهم حاجة التغيير ... ، أنا برضووو ناوي أغير كل حاجة ، ومن أوائل التغييرات إني أقفل التعليقات ، وأنزل موضوع يوميًا ، وآكل وأشرب وأنام ، وأصحى الصبح وأنام بالليل ، وأسمع الكلام ، وأروح المدرسة ، وأعمل الواجب ، وما اتخانقش مع العيال ف الفصل ، ولما الأستاذ يسألني على حاجة أجاوبه ، وما اشخبطش ف كراستي ، وأبقى أمور مع الواد اللي قاعد جنبي حتى لو هوا غلـس ، وأقفل التعليقات ع المدونة بتاعتي ، عشان محدش يدخل يعطل الموضوع اللي جاي ، وبكده نضمن إن المدونة تغير جلدها بسررررررعة خاااصة وإن فيه مواضيع يجب زحزحتها بدري بدري.
............
رغاااااااااااااي ، عليا الجواز رغاااااااااي
ولو سبتوووني أكثر هرغي أكثر ، ده فيه ناس بقت من كثر رغيي تقول لي ( الثلاجة بتفصـل) ... ، لأ ، بس أنا والشهادة لله ، بقيت ببطل رغي شوية ، بقيت بكلم نفسي ف سـري ، قريب قوووووووي هتسمعوني ، بس ساعتها هفتح التعليقات ، وهفتح دماغكو ....... ويا أنا يا أنتو