أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 15 يونيو، 2007

في مديـح .. الــــ ـ ـ جــمـااااال

. . . . قال السماء كئيبة .. وتجهما .. قلت ..ابتسم .. يكفي التجهم ف السمـا
.. ... أيهـا الشاكي .. وما بك داء ... كن جميلاً ..ترى الوجود جمــيلاً ..
.... عندما يقابل المرء منا شيئًا يريحه ويعجبه، فإنه سرعان ما يقول (الله) على (جمال) هذا الشيء ، وحلاوته ...
وعلى نفس المستوى .. لما واحد يقابل واحدة، ممكن ما تكونش حلوة إلا ف نظره، يلاقي نفسه بيقول لها إيه الـ(جمال) ده ...
الـ جمال :
زي ما انتوا عارفين ، وشايفين ، مثال لكل" شيء" حلو، ورائع ، ويريح النفس (شاءت أم أبت) ، لإن النفس ممكن تكون نفسها مش جايباها للـ(جمال) !! عاوزة شوية عكننة!
فيه ناس كده فعلاً ... ؟!
غاويين يضيعوا كل حاجة (جميلة) (( تقرب لجمال )) .. (( ولا خلينا ف جمال أحسن))
غاويين يضيعوا كل جمال ! ، ويشوهوا صورته !!
صدقوني الـ(جمال ) لا يشوه ..
حينما تجلس(لوحدك) فكـر في إن من نعمة ربنا عليك (اللي) وهبك الـ(جمال) ، والإحساس بالـ(جمال) ... وممكن برضه يكون من نعمته (سبحانه وتعالى) إنه فرض عليك (جمال) ...
لإن الواحد مننا أوقات مش بيبقى عارف مصلحته فين ، واللي تجي لك غصبانيه خدها بجميلة ...
خدها بـ إيه .. بـ(جميلة) ... شفت قد إيه الـ(جمال ف كل حاجة) ؟!!
إزاي بقى نرفض ال(جمال) ؟؟؟
لما تقعد مع حبيبتك ، فكرها دايمًا إنك بتحبها عشان جمال ..عينيها ، وجمال ..شفايفها ، وجمال ملامحها ... ، وجمال خطوتها ، وجمال رقتها ، وجمال ....
أقول لك ، لما تقابل حبيبتك ـ ده لو حصل أصلاً ـ قول لها أنا بحبك عشان (جمـال .. ) و بس
ساعتها هيا هتفهم كووووول حاجة ....
ساعتها هيبقى الصمت أبلغ من كل حاجة ...
وزي ما انتا شايف الموضوع بسييط قوووي ...
حس بـ(جمال) الأشياء ، هتلاقي (جمال) ..حـــس بيـك ..
أقدر الـ(جمال) هتلاقي (جمال) .. يقدرك
حب جمال .. يحبك ..
المستقبل للجمال يا جماعة ... لا مكان بيننا للوحاااشة .. والبواخة :)
واحد صاحبي بيقول لي معقول الضلمة تبقى أحسن من الـ(نور) ، أقول له النور نور القلب (خليه ف قلبك) ، مفييييش أحلى من الـ(جمال) ...
طب فكر فيها حبة : لو قلت لحبيبتك منورة ، هتقول لك ده نورك ... ، لكن لو قلتلها إيه الجمال ده ، هتقول لك ده جمال ... ( وإنتا عارف بقى)
وبعدين دايمًا بنتكلم عن (جمال) الطبيعة، عمرناش اتكلمنا عن (نور)ها ؟!!

هناك 24 تعليقًا:

كواليــــس يقول...

حسبي الله ونعم الوكيل ف النت ............

كنت كتبت كلاااام مُطول هنا ،،، و رااااح !!!! ،،،، المهم

كواليس 2 يقول...

بيانات هذا الموضوع تذكـر أنه مكتوب ( مش على الحافة) بــــس منذ شـهر تقريبًا ، وتحديدًا بعد رسالة كان قد أرسلها الصديق المغمور وليد خطاب) إلى مجموعتنا البريدية فحواها ( حلوة فحواها دي ) إن مقر جماعة المغامير الكائن بمكتبة الزعيم والقائد والمفدى مبارك ، هيتنقل بعون الله ، وأكيد يعني بتوجيهات من سيادته، أو حتى فراش سيادته ، أو ابن فراش معاليه ، إلى القاعة ، وحيث إن القاعة فيها صورة الزعيم ، والقائد والمفدى ، فأنا كنت شايف إنه من الذوق يعني تتحول نصوص المغامير أو بعضًا منها إلأى إيفاء ذوي الحق حقوقهم .... لذلك قلت لهم في حينه

كواليس 3 يقول...

النت بيستعبط ، وبيقل أدبه كثيييير انهاردة !!!!، مش عارف أكمل تعليق !@!

كواليس 4 يقول...

طب تعالوا فكروا معايا كده ، لو ريسنا ده ـ لا سمح الله ـ مش نرجسي ، ومكنش عمل مكتبة مبارك العامة ، مش كان زماننا دلوقتي متبهدلين ف قصور ثقافة ، ولا مرميين ف أي مطرح مالاقيينش حد يلمنا

ف يوم من الأيام سيذكر الزمان أنه كان لهذه (المغامير) زعيمًا روحيًا ، وأبًا حقيقيًا ( أب أب .. يعني ) اسمه السيد الرئيس ( والزعيم والمفدى ) محمد حسني مبارك ....
على فكـرة تقريبًا صورته هتبقى مقررة ، وأعتقد لو شلناها ، منكن يتمشح اسم مغامير م الوجود
آآآه من رأيي كمان بعد التعديلات الجوهرية المكتبية ، نبدأ بقى شعرائنا وكتابنا يكتبوا نصوص في مدح الزعيم الجمال ....
رغيت كثييير ، وأنـا كنت ناوي ما أطولشي

*******************************

و عشان مش عاوزين التأويلات تكتر النص ده يحمل أكثر من معنى ، بس هوا مدحخ ، يعني حب ، يعني أيوة ، والذي مش عاجبه يذهب ليشرب من نهر الميسسبي

بيسوو يقول...

طيب ياسيدي (مبارك) عليك هذا الاكتشاف..و(مبارك) عليك احساسك (بالجمال)..لانه قريب قوي هيكون في كل مكان..واي زمان والله المستعان

وبعدين اكيد هنشوف الجمال احسن بكتير في غياب (النور) الساطع

يلا...ربنا موجود

محمد العدوي يقول...

حصلت لنا ( البركة ) يا عم يا بتاع ( الجمال

دعاء عبده يقول...

جمييييل

لأننا ببساطه منقدرش نعيش ولا تقوم لنا قومه منغير الجمال خصوصا ان الجمال اللى نعرفه احسن من اللى منعرفوش

إبـراهيم ... معـايــا يقول...

إزيك يا (بيسو ) والله ليكي وحشـــة ،،، الرب ( يباركــ ) فغيكي يا بنتي

نورتي ... قصدي (جملتيي) المدونة ههههههه

MoHaMeD HoSSaM يقول...

ولما نبقى بردة مش طايقين حد وعايزينه يمشى بنقوله ورينا جمال خطوتك

مش كدة ولا ايه؟


عامل اى؟

ملكة يقول...

تؤ
مش مستريحة لليلة دي خاااالص
يعني أول سطر قلت جميل
تاني سطر حلو
تالت سطر امممممم
رابع سطر لأ بقى فيه حاجة غلط
خامس سطر فيه فكرة بتتلألأ في جمجمتي
سادس سطر بس خلااااااااص لقيته

على ما وصلت لآخر سطر كنت بقول مش هعلق بحاجة عشان ميقولش احنا شعب ما بنصدق نلاقي لمحة كدة ولا كدة ليها علاقة بال(جمال)عشان يفضل يطلع عقده وكلاكيعه ويلعن ال(جمال)ويلعن كمان أبوه بالمرة!!

Ana keda يقول...

ههههههههه
ايه اللخبطة دىجمال انامعاك ان جمال ده حدمينحسش بقيمته غير ما يروح وكمان مش بنشوفهفى نفسنا عشان بنخفى جمال الى جوانا ونتفرج على جمال بتاع الناس ونفضل نقر
يا سلام لوكل واحد يبص لجمال
والله الناس هتستريح
اقولكشى انا جيت سلامو عليكم
ربنا يخليلناجمال يا رب

fad-fadat nour يقول...

الجماال نعمة ربنا علينا

المهم ربك يــ بارك لنا فيه

واجب علينا فعلا مدحه آناء الليل و اطراف النهار

إبـراهيم ... معـايــا يقول...

محمد باشا ،،، نورك غطى على
كل (جمـال) ربنا يخليك لينـــا

***********

صحيح يا دعاء ، الذي نعرفه أفضل ممن لا نعرفه ، بصفةالمعرفة هي الاسم، واسم الأب ، والأم ، والزوجة ، يعني عارفين حتى خصوصياته ، مش شكله بـــس!!! ، تقريبًا عارفينه كويس قوووووي ، وعارفين أبوه و عماااايله ( يعني صنائعه) ، يعني ربنا يستـر

إبـراهيم ... معـايــا يقول...

محمد(باشا) حسـام ،،، فينـك يا ابني ؟؟؟ ، إلك وحشـــــــــة ... نورت

**********

ملكـة : إزيك؟؟ أعتقد مش ممكن يعني ، ده حتى المثـل بيقول اللي منا يشوفشي م الغربال يبقى أعمى ......... نورتي :)

*************
إزيك يا تعبانة بجد :) نورتي المدونة في المرور الأول ، ويااارب تبقي تيجي كده على طوووووول

تحياااااتي

Rosa يقول...

نور القلب (خليه ف قلبك
جميله اوي الجمله دي
هههههه
جميله برده و جمال
شكله جمال فعلا مسيطر على الموضوع فعلا
البوست دا جمال يا ابراهيم
واكيد انت فاهم بقا انا اعني ايه
:D
تحياتي
:)

warDaya يقول...

هههههههههههههههههههههههه
لالالالالالالالالالا
جامده جامده بجد يعني
هههههههههههههههههههه

Davinci يقول...

يابن اللعيبة!
جااامد!
فكرتني بالألاعيب اللغوية في شعر عم أحمد وهو بيقول "البتاع" أو "نوارة"..
طيب.. يعني سيادتك بتحب الـ.. جمال !
خلاص يا سيدي.. ربنا يرزقك بـ جمالات على قد ما تقدر تستحمل.. أو أكتر شوية!

Doba يقول...

والله فعلا انا مش عارفة ليه الناس بقو بيدورو عالنكد والخناق والزعل بمنكاش - حاجة تغيظ فعلا

تحياتى عالبوست الجميل ده
هبة

وليد خطاب يقول...

هي جامدة .. بس البوست اللي حطيت فيه أبو الجمال ع الجزمة كان أحلى

إبـراهيم ... معـايــا يقول...

نور فضفضة : لما أقول لك نورتيني ، ما تفهمنيش غـــلط !!! ، أنا قصدي أقول ، لمرورك .. جمــــال .. لا شك فيه :)


جملتي :) هههههههههههه

روزا ، حمد لله على ســلامتـك ، و و أكيد فهمك ، كلك جمــــال

************

ورداية ، أضحك الله سنــــك

مش فاهم حاجة يقول...

انا بكرة الجمال دة
بكرة اى جمال ممكن يتفرض علينا بالقوة

الجمال لازم احس انة جميل

حتى لو كل الناس حست بية الا انا

The Alien يقول...

)جمال( اللي إنت كاتبه
قصدي جميل
وبجد ضحكتني

تحياتي

nahrelhob يقول...

اهلا

انا علي فكره زعلاااااانه

بس عايزه اعرف مين الاستاذ جمال ده
انت بتحبه قوي كده!!!111

nahrelhob يقول...

انت قصدك جمال.....1

ربنا يستر و ما يتقبضش عليك

Ratings by outbrain