أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 1 يونيو، 2007

تدوينـــة ...كـ ـ ـســــ ـ ـ ــر

* عارف لما تقوم م النوم الصبح !!!ا
.................
لما اكتشفت من شهر مثـلاً إني بكتب 12 موضوع كل شهر، وإنها جاءت بمحض الصدفة البحتة، واتكررت برضه قدرًا !! استغربت، لم يخرج من هذا النظام إلا شهر يناير العزيز، حيث كانت المدونة لسه بتقول يا هادي ! كان من السهل إني أنزل الموضوع ده امبارح ( لو حد قال "بوست" بعد كده هقطع لسـانه) ويدخل يبقى الـ 12 للشهر العزيز 5 ، اللي تقريبًا أول مـرة أكتشف وجوده ف السنة، السنا دي ، وأكتشف كمان أهميته، ويمكن خطورته، باعتباره شهر فااااااااصـــل بين فصلين ! ، وباعتباري عاوز أقول لــ مايو شكرًا يا جمييييـــل ، كان لااازم تبقى 11 موضوع بـس ، عشان أفضل فاكرك
يا عسـل ، وكل مايو ، وإنتا ماااااااااااااااااايو ، يا مايو ...
بُصوا اتكتب إيه عن مايو ف ويكي

**********************
لما بقى تقوم م النوم الصبح* ا
تبقى عاوز تعمل (كــسـر ) ليومك ، وتغيير لبعض عاداتـك .. تنزل السوق ، مثـلاً !! ، وبدون تريقة ، ولا طرقعة ، ولا فرقعة ، ولا كوتشينة بصوت عالي ** ... تلاقي نفسك ياااااااااااااااااااااااااهـ، من زمان ما عملتش كده !!
وتقف تنقي مشمشاية مشمشاية .. وااااااااااااو ، كللله إلا تنتقية المشمش ! دي علامة على الرقي ف حـد ذاتها ...
المشمش طلع يا جدعاااااااااان ، وكذلك العزيز ( التفاح) ... وكفاية علينا طووول الصيف .. التفاح بـــس
وجود التفاح في الحياة يساوي تقريبًا وجود الرأس في الجسـد ....ربنا يخليك ليا يا تفاح ، وتفضل كده بـ 2 جنيه على طووول
**********************
تلاقي نفسك
لما تقوم م النوم الصبح*ا
ليك نِفـس تــ (دلع ) نفسـك ، وإلا فمن الذي كان يظن إنـك تروح تشتري فرخة (كماااااااااااااان) يا مُفتري !! ، وحوح ( بحب أقوله كده قووووي ، عشان بيفكرني ببنت عسوووولة قوووي ) و تِفاح بكسر التاء ، وجبنة قريش من اللي بقت بـ 6 جنيه !!! وربنا يخليك لينا يا ريــــس !! ،،، و حاجة زي كيس مكرونة و علبة مناديل !! أشياء المفروض تتعمل من زماااااااااااااااان ، بس مكنتش فاضي لها ، إنهاردة نزلتني ، وعملتها ، وحسيت وأنا راجع إني مدلعني ع الآآآآخــــــــــــر ، تقريبًا كنت مبسوط مني ، وأنا باخد مني الحاجة ع الباب ! ...طبعًا محدش هيصدقني لو قلت له إني بحط الحاجة ع الباب ، وافتح لي ، وبعدين أدخل آخدها لي من جوه ... عادي يعني ، بحترمني برضووو

***********************

ـــ زعلان مني ؟؟ ا
ــ لأ ....ا
ــ .............
ــ ولا ، آآآآهـ !!ا
ـ ليه ؟؟ا
ــ مش عارف ، يمكن عشم زايد برضو ؟!ا
ــ حلو إنك تكون عشـمـان ! ا
ــ شكلي هفـضـل عشامان على طوووول !!ا ــ عمومًا .. أنا مش بحاسب، أنا بس بجاوب ع السؤال !ا
ــ خلااااص ، كده كويس أ

*****************
ـ أيوة أنهي "خميس"
ـ اللي فات
ــ اللي هوا كان 24 ســاعـة برضوو ؟؟
ــ لأ ، استنى ، هفتكر ...
ــ أنا قابلتها يوم الأربع !!
ــ ممممممممممم ، اللي فات هوا كمان
ـ لا،، لأ ، الاثنين
ــ مش عارف ليه حاسس إنـك قابلتيها بره الأسبوع أصلاً !!
ــ لأ ، هوا الاثنين من 2 لـ 9
ـ طب و ليه كده ، كان كفاية قوي من 2 ـ لـ 4
ــ إشمعنى
(( عاوز أقول لك إن ضحكتـك كانت زي السكـر ................بالظبط )) :)

****************
ــ حلوة " البطيخة" اللي انتا كاتبها دي ! ا
ــ طظ فيــــــــــــك !!، أول مـرة أحس إن (بجد) طظ فيييييك !
ا




ـــــــــــــــــــــــــــــــــــــــــــ
* أشرف عبد الباقي ف مسرحية (باللو) من نكتة (مثالية) طوييييييــــلة
** لا يعرفها إلا الذين شاهدوا (شقلبة) أ




هناك 13 تعليقًا:

الشنكوتي الكبير يقول...

ده ايه العظمه دي ده انا كنت بحسب اني ممكن ادوخ العفريت واتوه القرد في الجنينه بقيت عامل زي اللي وقع منه خمسه جنيه على سلم المترو لا عارف اسيبها ولا عارف اميل اجيبها ولا هي بعدت ولا هي قريبه انت بتقول ايه يا عم الدماغ
بس الشويه اللي في الأول حلوين وفهمتهم وعجبوني عشان افتكرتني وانا في السوق يوم الجمعه بعد الصلاه وابويا عمال عايزنا نشتري كل الحاجات اللي في السوق واقعد انقي انا وهو وطبعا التٍفاح اللذيذ ابو 2ج بس فيه ساعات بيرخص عن كده وساعات بيبقى اغلى شويه
مش مهم انت دماغ جامده وعلى ذلك سأضطر اني الف اقرأ بقيت المدونه ده انت هايل
سلاااااااااااااااااااااام

REEMOO يقول...

على فكره كل مره بدخل اقرى تدوينتك مبجمعش منها غير نصها بس
يعنى كده انا بجمع منك 6 تدوينات كل شهر
علشان الحساب فى آخر السنه :)))
بالنسبه للجزء اللى فهمته واللى هو الأول طبعا لغايه ما فتحت لنفسك الاب واستقبلت نفسك:)
فجميل ان الواحد كل فتره يعمل تجديد فى حياته من فتره للتانيه ويغير نمط حياته
وجميل انك تدلع نفسك كده يعنى هى ذنبها انها نفسك متدلعش ولا ايه
أما بقى الجزء اللى ميتحسبش فمش هعلق عليه أكيد:))

آه نسيت اقولك ان الموضوع ظريف
(مقلتش بوست أهو )
(^_^)
تحياتى

متغيرة شوية يقول...

هيمة

مش معقول كده يا ابني...تدويناتك في الفترة الاخيرة جامدة بجد
انا مشفتكش بقالي فترة بس اتوقع تغيير كبير حصل في حياتك خلاك كده..تكونش المسرحية اياها اللي خليتك تروحها:)
على العموم انا هخلص الامتحانات وابقى اشوف سر التغيير ده..
رتب نفسك على جلسة اعتراف مع سلمى هانم

The Alien يقول...

عارف لما أقوم م النوم الصبح
ببقي عايز أمام تاني

حلو التفاح
بس البطيخ أحلي

تحياتي

هدى يقول...

ان يوم يبقى وحش قوي

وتدخل هنا الساعة اربعة العصر

فتحس ان يدوب اليوم بيبتدي

وانه حلو

تسلم ايديك يا صديقي

Hannoda يقول...

كالعاده أنا في حالة توهان وواضح إني لازم آجي كمان شوية أديلك الكزمنت التمام

nahrelhob يقول...

بصراحه مش فاهمه حاجه

هاه!!!!

nahrelhob يقول...

نسيت اقولك افتح البلوج حتلاقي مفاجئه بس محتاجه شوية تعديلات

و يا ريت اغنية تعرف بتاعة ايهاب توفيق

إبـراهيم ... معـايــا يقول...

السيد الشنكوتي الجميل :
مرحبًا بـك في مرورٍ أول عندي هنا، آآمـل و أرجو ألا يكون الأخير ....
سعيد جدًا بإن المدونة لاقت في نفسـك كل هـذا الاستحسـان ، وأرجو أن تكون صديقًا دااائمًا للبرنامج!!!!ه

إيه يا عم اللي أنا بقول له ده ؟؟؟ ، احنا ف القناة الثالثة ؟؟ ولا إيه ؟؟@@ نورتني يا شنكوتي بيه
و يسلم لي مرورك

إبـراهيم ... معـايــا يقول...

الجميـلة ريمو : ما تخافيش ، مـعـايـــا الحساب ما بيجمعـش :) المهم تفضلي منوراااني على طووول كده


وشكرًا قوووي إنك قلتي موضوع

(مقلتش بوست أهو )
(^_^)
تحياتى

تسلمي لي يااااااااارب

إبـراهيم ... معـايــا يقول...

العزيزة سلمى :
الممتحنون يحرسهم الرب
ربنا يوفقكم
سعيد بشهادتك طبعًا ، يحق لي أن أتفشخر بيها

أنا شخصيًا في انتظـار تلك الجلسة الخاااااصة جدًا يا سلمى هانم :)

(^_^)

تحياتى

warDaya يقول...

هههههههههههههههههههههههههههه
بجد
ههههههههههههههههههههه

انا افتكر اني دخلت عندك قبل كده بس تقريبا ماقريتش حاجه
ومش عارفه ليه اشمعنى البوست اقصد الموضوع ده اللي قريته دلوقتي وكمان عجبني موووووووووووووووت
هههههههههههههههههههههه
ومش عارفه ليه الناس مافهمتش
انا كنت فاهمه بس لما هم قالوا انهم مافهموش حسيت اني غبيه واكيد انا كمان مافهمتش بس افتكرت نفسي فهمت
ههههههههههههههه حد فهم حاجه؟
ماعلينا بس انا مبسوطه اوي
ههههههههه
وعجبني جدا بجد ال...اه..الموضوع ده
هههههههههه مش قادره ابطل ضحك وشكلي بقى وحش في الشغل
هههههههه سلام

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

Ratings by outbrain