أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 29 يونيو، 2007

حــدث .. في (مثل) هـذا الشـهـر !!ا

بما إن ـ زي ما انتو ملاحظين ــ اتنضرت ف الشـهـر ده، فقل منسوب الموضوعات إلى 8 بــس !! ، فكان واجبًا / لزامًا أن أقول ماذا لم يدون، من أحداث خاصـة بهذا الشـهر الغريب .... الذي يعتبر منتصف العام (حقيقة) ، ويضعونه زورًا وبهتانًا في آخر العام الدراسي :

أولاً : استقبلت شهر 6، أو استقبلني بالذهاب إلى الساحل الشمالي، والتصييف (قبل الناس) كما يقال ، وكان المسيطر على ذهني حينها حكمة" جنـة من غير ناس ..." ، لكن للأسف ، كان فيه ناس، وناسات كثييييير ، وربنا يستر على
ولايانا
( صورتين)

ثانيًا : لاسكندرية ـــ مصر الصحراوي في ذاكرتي (هذا العام فقط) الشجن الكثير ، زاد طينته بلة ما جرى في هذه الرحلة ، حيث استوقفنا أفراد من الجيش بحجة أن" الوقوف ممنوع" وانصرفوا بـ جنيهاتِ خمس !!!
( صورة)
ثالثًا : من "حسنات" هذه الرحلة كذلك ( كانت منظورة 100% ) ما حدث للموبايل ، والتجربة كانت مثيرة جدًا، حيث أنصح أي حد عاوز" يريح" دماغه إنه يقفل الموبايل يومين/ أسبوع ، بحجة إنه باااايظ .... ياااااااااااااااه ، كانت متعة ، وبعدين بتعرف بعد كده مين سأل ، ومين مسألش، مين فرق معاه ، ومين ما تفرقش ! ...كده يعني !!

ثالثًا : حصل جندي مجند إبراهيم عادل في هذا الشهر على شهادة تفيد بأن
" المذكور لم يصبه الدور" ، وحيث إن كثيييرًا من أدوار البرد والكحة تلازمني فقد رأت الدولة إعفائي من دور الذل ، والحمد لله !!!
للجيش معي ذكريات عديدة، في رحلات الذهاب والعودة، والانتظار والملل !!


رابعًا : حضرت حفلة المغنية المغمورة "سعاد ماسي"، وكنت قد أعجبت بعدد من أغانيها سواء ما سمعته في أفلام( زي العشق والهوى) و ( هو وهي "الروائي القصير")، ولكن بصراحة الحفلة لم تكن كما توقعتها خالص ، وعزائي الوحيد إن (أبو بلاش كثر منه)

خامسًا : قرأت عددًا من الروايات، منها السخيف، ومنها ثقيل الظل ، ومنها العادي، ومنها الشيق، سأظل أتذكـر طويلاً أن هناك رواية اسمها( جدارأخير )، وروائية متميزة اسمها مي خالد .

سـادسًا ... ،وبما إنه شهـر 6 ، قابلت صديقي العزيز جدًا عمرو زكريا ،،،،و عمرو لمن لا يعرفه (أنتيمي) أيام الجامعة، لدرجة أنهم كانوا يقولون لنـا " لو شفت واحد منكم أتوقع التاني" رفيق مدرجات آداب، والعلم نور(ن) ... و آآآدي آخرتها يا عمرو، تفرقنا الدونيا .. بغباوتها ،،، حقيقي كان وااااااااااحشني قوووي ، والمؤلم إنه قال لي على مشكلة فظيعة حصلت له من سنة ، وحصلت فيها (حصااايل ) كثير ، ولسه مخرجش منها ، وربنا يسهل !!! ا
و أخيرًا ، وعلى رأي المـثل ، مالم يُدون ...كــان أعظم ...ا
تحياااااااااااااتي لكم جميعًا

هناك 13 تعليقًا:

sendrlla يقول...


المهم انت رجعت
رحله سعيده جدا و عقبال السنه الجايه وتحضر حفله لتامر حسنى

Heba Al_Menshawy يقول...

كل النقط الخمسة حاجة والنقطة السادسة حاجة تانية
موقف رائع واحساس اروع انك تقابل حد كان قريب منك زي ما بتقول انتيمك يعني انت بعد غياب او بعاد طويل شوية ... وتقول ساعتها الله يسامح الدنيا اللي بتفرق الناس عن بعضها
ربنا يخليلك اصحابك والناس اللي بتحبها ويخليك ليهم وميفرقكش عنهم ولا يفرقهم عنك
ولا يفرق اي حد عن اصحابه واحبابه .. آميييين
تحياتي
:)

nahrelhob يقول...

ازيك

يعني جيت اسكندريه

عشان كده كتبت اني اغرق اغرق اغرق
عقبال كل مره

احمد علاء يقول...

كاتب كل ده عشان تعرفنا يعنى انك بتروح الساحل وبتاع..
ماشى يا عم الحاج عرفنا..و.

حمدا على السلامة يا كبير

إبـراهيم ... معـايــا يقول...

منووورة يا سندريللا .... الله يسلمك ..


وتحيااااتي

****************
فعلاً يا هوبة أجمل حاجة حصلت لقاءي بعمرو خاااصة إنه كان مطول شويتين ، عارفة المشكلـة إن من ساعتها ما اتكلمناش !! تاني !!!

منوووورة على طوووووووووول

!!! الراس الكبيرة منة يقول...

متفكرنيش بالشهر المفترج ده ده انا بتحصلى فيه بلااااااااااوى

عبوووووووود يقول...

واضح إنه كان شهر (لطيف) علينا كلنا
انا كفاية عليا امتحانات الثانوية دي لوحدها كانت كارثة

كائن نورانى يقول...

جميل اوى اسلوب البوست


مالم يدون كان اعظم

ياما ورا البلوجات دواهى كما قال الشاعر

ربنا يخليلك صاحبك ويخرج من مشكلته على خير يارب


احمد ربنا على المصيف غيرك مش عارف عشان الامتحانات

يلا سلاموتو

أخطأ عمرو الهوارى يقول...

انا سعيد بمعرفتك يا ابراهيم جدا .. انا برضوا اعرفك عن طريق خالد .. بس من فترة كبيرة, ومش انا عمرو الهوارى المتهم بجريمة قتل .. انا اضعف من كدة بكتير !! ... لنا لقاء

إبـراهيم ... معـايــا يقول...

نهر الحب : لم آآت اسكندرية .. و إنما ( الساحل الشمالي) بس/ فقط يا فندم ، أعتقد الفرق وااااضح ..........


منورة :)

***********

أحمد باشا علاء ، حمد لله ع سلاااامتك إنتا يا خويا


فينك

مادو يقول...

نسيت أهم حاجة
عيد ميلادي يا بني

إبـراهيم ... معـايــا يقول...

منة : ... ربنا يبعد عنَّا البلاوي :) ،،،، نورتي

*******
عبود " لطيف" بيه بيسلم عليك

سعيد بمرورك ع فكـرة

***********
عمرو باشا : أكيد إنتا مش تقتل دبانة ! سعدت بمعرفتـك ... وابقى اظهـر كثير :)

remaliza يقول...

اسلوبك وحكاياتك دايما لذيذه

Ratings by outbrain