أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الاثنين، 28 يوليو 2008

>>> مدونة ، وشـاعرة ..... وحـــفـــــل تووووقـــيع

كان العرب القدماء ...(أجدادنا لو تفتكروا) يحتفلون بمولد شاعر فارس، على اعتبار إنه جمع بين خصلتين فظيعتين، الفروسية والشـعر، وكلمــــا سمعت خبرًا عن خروج كتاب إلى السوق، من شباب الموهوبين أفكر في هذه الفكرة، ولاسيَّمـا إذا كان ممن أصابته لعنة الكتابة، والتدوين مبكرًا ....
.

من هنا أولاً سعـدت بخبر نشر ديوان لمدوِنـة (مش مشهورة قوووي ) هي شيماء سمير صاحبة مدونة احتمال، وسعدت أكثر (للحق بس والله) عندما وقع الديوان بين يديَّ ووجـدت فيه شِعرًا متميزًا مختلفًا عن السـائد، والحق ـ أيضًا ـ أنه يسعدني دائمًا أن أشعر ببوادر الموهبة، أو بدايات موهبة مـا، وأن تكون تلك الموهبة على استعداد تام للتصدي لسياط النقد، ومواجهة الجمهور بقوة وجرأة، وذلك بتحدي اسمه إصدار كتــــاب أو ديوان ....
لدى "شيماء" موهبة في كتابة الشـعر برزت مبكرًا في عدد من النصوص المنثورة في مدونتها، ولديها عالمها الخاص، التي تجيد التعبير عنه، والتمسك به، تحملنـا ـ فيما أرى ـ لعالم أكثر رحابة من ورقها و حروفها ...
.
لا أريـد أن (أرغي ) كثيييرًا ، الموضوع بإيجاز إن شيماء يصدر لها قريبًا ديوان " أطيـاف الصمت"عن دار "اكتب" ، ويـقـام حفل توقيعه في مركز طلعت حرب الثقافي يوم السبت القادم 2 /8 في تمام السـابعة مساءً .....

موقع الدعوة على الفيس بووك >> حفل توقيع >> أطيـاف الصمت

اللي مايعرفش بقى طلعت حرب، ولا مايعرفش شيماء، ولا مايعرفنيش ، يبقى مايعرفش مصــــر
سأنتظركم هنااااااااااااااااااااااك .......
تحديث ...للمهتمين : مركز طلعت حرب يمكن الـوصول إليه بأكثر من طريقة
بالنسبة لساكني الجيزرة وضواحيها ... تركب أي حاجة رايحة السيد عائشـــــة، وتقول له نزلني السيدة نفيسة، هينزلك قبل الكوبري بحـاجة بسيـــطة ، تدخل ممر طويل شمــــــــــال ، هتلاقي مسجد السيدة نفيسة أمامك، بمجـرد وصولك للمكان هتلاقي مستشفى المغربي للعيون أمامك، هتروح لها، وتفضل ماشي شوية ، هتلاقي مركز طلعت حرب على إيدكـ الشمـــال
بالنسبـة للنـاس اللي بتيجي مترو أو وسط البلــــد :
ازاى تيجو للمكان
فى طريقتين
الاول لو حد جاى على طريق المترو
ينزل محطة السيدة زينب ناحية ابو الريش
هتقفوا فى المحطة هتلاقوا ادامكو محل اسمه الدمياطى
المهم تقفوا عند المحطة وتركبوا مينى باص رقمه 114
بينزل عند طلعت حرب
قولوله مستشفى المغربى وهو قدامها بالظبط
الطريق التانى
من التحرير
ميدان التحرير
نفس المينى باص114


ملحوظة صغنوووونة للزوار: أولاً أعتذر عن عدم ردي على تعليقات التدوينة السابقة كلها، وأشكر مصطفى ريان على اهتمامه (ربنا يخليك يا مصطفى) ، وإن شاء الله حلقة الأ أو تي في هبقى أنزلها لما أفضى شوية ، ما تقلقيش يا إيموووو ..... تحياتي

هناك 8 تعليقات:

غير معرف يقول...

جحقطوا عليّا، أنا آآآســـف ، أنا غلطاااان، ميت مرة أقول بلااااش الإعلانات، الناس مش بتحبها، ومش بتتفاعل معاها، بس أرجع وألاقي نفسي رااازع إعلان برضووو !!!! ..........

صدقوني أنا أصلاً ضد الفكرة دي يا جماعة!، بس فيه حاجات بتضطر الواحد .....


ياللا حصـل خير ، وعلى رأي المثل، هيا تدوينة، ولا أكثر

برضووو هستناكووو هناااااااااااك

وفيه مفاجأة أرجو إنها تعجبكم، بــس لاااازم تيجو بقى

غير معرف يقول...

شكرا لشكرا .. انت ابننا يا ابراهيم
بس هو مركز طلعت حرب الثقافي دة فين بالظبط
- المفاجأة شكلها ان ناقد او شاعر كبير هيحضر
اوك لو قدرت هاجي
سلاموز يا صاحبي

Ihab Omar يقول...

السلام عليكم
ازيك يا ابراهيم باشا .. عامل ايه يا فندم
انا عايز اعرف مركز طلعت حرب دا اوصل له ازاي , لو واحد زي حالاتي يعني هيركب له منين من وسط البلد او الجيزة او شارع الهرم
اديني بوسع لك احتمالات المواصلات يا سيدي
اروح ازاي ؟

Ihab Omar يقول...

الف شكر يا ابراهيم علي التحديث و شرح المواصلات

shaimaa samir يقول...

يارب يعلق بقا

والله يا ا ابراهيم مش عارفة اشكرك ازاى
ربنا يكرمك
ولو جه واحد من الاتنين اللى علقوا
افضل ما خمسين واحد يعلق ومحدش يجى

منطق برضو

يكفينى هذا البوست بصدق
جزيت الخير
وربنا بيعوضها فى حتة تانية
متزعلشى نفسك

دعواتك

إبـراهيم ... يقول...

أنا:
إزيك، تمام كده، الاعتراف بالحق كويــس، وحلو، وجمييل ،،، المهم تتعلم ....

المفاجأة يعني مش مفاجأة قوي، وعادية !!، ما تعيشش :)

*************
مصطفى بيك، تم توضيح المكان، و ع فكـرة أنا كاتب السابعة مساءً والله :)

نورت، وبتور دايمًا، وهكون في انتظـارك

كرانيش يقول...

الف مبروك ليها واكيد ليك برضو

دمت سالما

مها يقول...

مبروك لشيماء سمير وشكراً يا ابراهيم على اهتمامك بالنشر

Ratings by outbrain