أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 14 فبراير 2009

عـــلاقـــــة


إليــهن .. في أعياد حبهن .. وأيامهن السعيدة ..كلــها

تفتكري لو بقـابلك كل يوم

هيبقى ممكن أجيب لك كل يوم "وردة" ؟؟؟

.

.

هتبتسمي لي في الأول ..

وتفتكريها جايا لك عشان "عيد حُب" ..

هتقفي شوية (مع نفسك) ..

تقولي

عيد ميلادي مش النهاردة ..

وتضحكي لخاطر .. (يمكن عيد ميلاده) ..

لكن ..

لو كل يوم ..

(( شكرًا قوي !! ))

..

((... وسعيدة جدًا ؟!! ))

..

(( ده كتييير علَّيا ..))

..

((آآخد على كده بعدين ))!!

هيا دي "الوردة" في نظرك ؟!!

... ....

طب لو جابت لك "وردة" كل يوم ؟؟


هتقول بتحبني ؟!!

أكيـــــد .. بتحبني !!

.

.

هيا دي الوردة في نظرك ؟؟

****************

وأنا عاوز أجيب لك كل يوم وردة ...

مش عشان بحبك

عاوزك .. سعيدة ..

تضحكي ..

تملي كل الكـون ..ورود

لو الوردة مبرر ..

هاجيبها لك

ولو الشوكلاته كمان !! ...

بس قولي ... تبقي فرحانة قد إيه ؟!!

تفتكري .. كمان

لو بشوفك كل يوم

هبقى محتاج وردة أو شوكولاته ..

عشان أبقى سعيد ؟؟؟





((شكـــر خـــاص جـــدًا .. لـ .. نور ))

هناك 14 تعليقًا:

الوردة البيضا يقول...

السلام عليكم
مدونتك جميلة ومشوقة، والتدوينة رقيقة جدا وجاءت في موعدها بمناسبة عيد الحب
كل عام وكلنا بخير وندعو الله أن يعود الحب ليربط بين قلوب البشر ويوحداها
تحياتي

رضوى داود يقول...

مش عايزة ورد و لا شيكولاته
انا عايزة اشوفه كل يوم
و هابقى في قمه السعاده,اللي جنب اللي انت هاتبقى فيها لو بتشوفها كل يوم

كفايه ضحكته
قال شيكولاته و ورد قال

نهر الحب يقول...

مش عارفه اقول ايه

اكيد كتير قوي

قوي
قوووووووووووووووووي

كرانيش يقول...

يمكن لا ويمكن اه
فى ناس قمه السعاده عندها انها تشوف اللى بتحبه
وفى ناس قمه السعاده عندها ان اللى بتحبه يهتم بانه يفتكرها
وفى ناس قمه السعاده عنده ان اللى بتحبه يجيبلها ورد وشيكولاته

انه الاختلاف يا سيدى الفاضل

أسما عواد يقول...

ازيك يا ابراهيم
من زمان مزرتش مدونتك
واعتقد انك مان مزرتنيش
تحياتي

إبـراهيم ... يقول...

الوردة:

صباحك ورود ...
مرورك أجمـــل ، أرجو ألا يكون الأخير

خالص تحياتي

*************
أميرة هانم:

الرؤية تُغني بالتأكيد ....
بدون مناسبة أنت أول (أنثى) ترد هذا الرد الجميـل ....
أتنبأ أنكِ بحالةٍ أفضل ...

أدامك الله على خير
*************

نهر:

تفتكري أكتر ؟؟

Mai Nagib يقول...

الله الله ع الرقــــــــــه بجد تحيـــّه خاصه مني على التدوينه دي مميزه في نظري عن أغلب تدويناتك والمنطق فيها حقيقي رائع ليه فعلاً مبنفهمش المعاني الكامنه وراء الأشياء ؟ أعتقد انها اشكاليه كبيره
كل سنه وأنت طيب

Esraa Hamed يقول...

تدوينة مليانة رقة
:)

دمت متألقا

إبـراهيم ... يقول...

كرانيش:
نعم
بالتأكيـد ...
إنه الاختـلاف

*****************

أسما:
دي إشاعات مُغرضة، تقدري تقولي ماعلقتش من زمان، لكن عديت :)

نورتي أيضًا :)

إبـراهيم ... يقول...

مي :
كل سنة وإنتي أجمـــل
.
.
مش عارف أقول حاجة تانية :)
^^^^^^^^^^^^^^^^^^^
^^^^^^^^^^^^^^^^^^^^^

إسراء:
نورتي يا فندم ....

تحياتي

عصفورالجنة يقول...

أنا وردتي اني أشوف في عيونه حبه وشوقه ليا وساعتها متساعنيش الدنيا.(بس ده ميمنعش من وجود ورداية وحتة شكولاتة جلاكسي)

نوري يقول...

اكيد اني اشوف الي بحبه كل يوم
اروع عندي من ورد ودبديب وشوكلتات
وهدايا الدنيا كلها
حتي لو كانت الشيكولاته باتشي
المهم يبقي حبه ليا حقيقي
اصل زمانا ده الحب
بقي ليه تفرعات كتير

بس ايه الي جاب اسمي في اخر البوست
هههههههههههههههه

يلا بقي
بست وشز فور يو

غير معرف يقول...

مـش مـهـم تـكـون
بـتـشـوفـهــا كُـل يـوم

الـمـهـم..

انـهـا تـكـون بـجـد أهـم مـن أيّ حـد بـتـشـوفـه كُـل يـوم

.

ومـا تـفـتـكـرش ان مـش مـهـم تـجـيـب لـهـا وردة فـي عـيـد الـحُـب..

لأ مُـهــم

لأنـهـا اكـيـد فـي أى عـيـد حُـب عـدّى عـليـهـا قـبـلـك
كـانـت بـتـتـمـنـى انـك تـكـون مـعـاهـا وتـجيـب لـهـا وردة وتـقـول لـهـا
كُـل لـحـظـة وانـتـى حـبـيـبـتـى

ولـو مـاعـمـلـتــش ده..

هـيـوجـعـهــا أوووووى

ان كـل الـنـاس تـفـتـكـرهــا فـى الـيـوم ده..

وحـبيـبـهـا لأ!!!

لأنـه بـيـفـكر لـسـه

هـيـفـرق مـعــاهـا الـورد ولا لأ؟؟!!

.

فـى حـاجـات بـتـتـحـس لـوحـدهـا يـا ابـراهـيـم..
مـش لازم تـفـكـر فـيـهـا..

...

Heba Al_Menshawy يقول...

جميلة اوووووي
واجمل ما فيها رقتها ورومانسيتها ومشاعر الحبيب اللي كل اللي عايزه يشوف فرحت حبيبته وان دي عنده بالدنيا

في نفس الوقت في رأيي اعتقد انها تشوف حبيبها ويكون معاها هو دا كل دنيتها .. مش مستنية منه وردة ولا غيره يكفيها انه معاها دا دليل على حبه ليها واكيد هتبان فرحتها عليها فمش هيحتاج يسأل يعمل ايه عشان يسعدها

Ratings by outbrain