أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 24 فبراير 2009

فــاصـــل ... ولا نعود !!


دعوني أتحدث معكم ببساطة، أو بسهولة يعني، أو حتى بصراحة مطلقة ...

دعوني أتحدث معكم .. وخلاص ...

أعطوني "الفرصة" و.. "المجال" .. لأتكلم .. وأقول! ...

الحقيقة أن الأمر محيِّر وممتع، ومعقد وملتبس ...

بمعنى أن الفترة قبل الماضية (على اعتبار إن الماضية تعود على الأسبوع الماضي) ... كانت أهدئ قليلاً، حيث كان يرقد جهازي العزيز في غرفة العناية غير المركزة، وباختياري قررت أن أؤخر أمر إصلاحه، واعتمادًا على غيابي المستمر عن المنزل، ثم استغنائي بكمبيوتر العمل للضرورة (مش القصوى يعني) ...

ولكن زاد الطين ... أن الرغبة في الانفصال عن ذلك العالم الذي يسرق كل شيء بدت أكثر إلحاحًا ..

حينما كان الجهاز عاطلاً، كنت لا أرثيه، بل أطالب التلفزيون (أيضًا) بأن يقتدي به، حتى أتمكن من الجلوس معي، أو معها، أو معنا، ... مع الكتاب، الورق،،، عوالمنا الاقتراضية غير الالكترونية (هل أدرك أحدٌ ذلك قبل وجود الإنترنت) ....

نصنع لأنفسنا سعادتنا الخاصة جدًا، وابتساماتنا البريئة الـ ..من القلب .. لا من مشهد مسرحي، أو فيلم كوميدي بممثلين ومؤلفين ومخرجين .. ودنيا وعالم، بل بصفحات ..."ورق" .. و "كلام" ... مكتوب بعناية، وخالق لعالم أكثر روعةً .. وجمالاً ..

مع اعتزاز الواحد منّا (الفرد السيبري) بكل أنشطته الإلكترونية، من محادثات، إلى متابعات، وقراءات مدونات، وصحف ومقالات، بلا ، بلا ، بلاا ... إلا أنه يبقى للأشياء القديمة مذاقها وشهيتها الخاصة، تقرأ من كتاب، وتعيش معه، تقلب صفحاته، تأخذه بين يديك أينما انتقلت، تفكَّر معه وأنت تطالع وجوه المَّارة، والناس ينظرون إليك شذرًا أحيانًا ( حتى الآن لم تنتشر ثقافة القراءة في الشارع.. ذكروني أن تكون التدوينة القادمة عن مهرجان الكتب للجميع) .... تتأمل العالم من حولك، مليء جدًا ومزدحم بالوجوه مرة، بالسحب والغبار مرة أخرى، تستريح من كل هذا العناء .. أصلاً .. وتنام ...

أو تفكر في تدوينة جديدة تكتبها .. الآن !! ...

أفكِّر في الاختفاء الطوعي ... مثلاً .. التوقف عن التفكير في ما أكتبه ومالا أكتبه، التوقف عن الشعور بالمسؤولية إزاء .."ما يحدث" !!، تأمل العالم ومشاهدته وكأنه من شاشة تلفاز مثلاً !!

هناك طرفان نقيضان فيما أرى للموضوع أولهما السلبية (وهو الأبرز) لأن المشاركة موصوفة دائمًا بالإيجابية وكذلك التفاعل في صنع أو خلق الأحداث، أعتقد أن هذا عندما تكون مؤثرًا فقط، الثاني أكثر راحة، وجمالاً فيما أراه، التأمل الخالص من كل رغبات كتابية !! ...

التوقف لأن هناك أشياء أجمل علينا أن نتهم بها ونمارسها أكثر ..

لأن الإنترنت والتقليب في المواقع ومحادثات الماسنحر تقتل الكثير من الوقت .. والوقت كالسيف (لو فاكرين) ...

ومع ذلك ها أنذا ... أكتب هذا الموضوع، وأنشره هنا ...

ولا أستمع لنصائح نفسي !!!

................

واقرؤوا .. إن شئتم >>>> خلـسـة المختلــــس .. لفاطمة ناعوت

فاصل ... و قد لا نعود ... قرار مفاجئ:)

دعوا ..مــارس .. يتنفس ، بلا تدوينات ... (مثلاً)

هناك 24 تعليقًا:

الفراغ يقول...

سلام عليكم
بقا عايز( مارس ) بلا تدوينات
طب شوف اللى هايجرالك من اصحابك اللى فى المدونات المجاوره هايعملوا فيك ايه!!!!
طيب ازاى تعبر عن حبك لرسول الله صلى الله عليه وسلم فى يوم مولده
وازاى تعبر عن حب الزهور والورود فى عيد الربيع
وازاى تقول لماما كل يوم وانتى طيبه يا ست الكل من غير بوست كله حنان وحب باعتبار مامعكش فلوس تجيب هديه يعنى
دمت بالف خير

آيــة يقول...

تصدق حسيتها ،،، كده .

رغم احترامي للفكرة تماما .. جرأة منك أنك تناقشها مع نفسك بصراحة ، في وقت بقى كل الوقت الكتروني .. ( بكلم اخويا اللي في الاوضة المجاورة ع الماسنجر .. و نستعيض بالوجوه الحمراء بدلا من الصراخ .. و هو ما يقتل الحياة في البيت .."

أدرك هذا كما تدركه ، و لكني لست بجرأة مناقشته مع نفسي .. خاصة و أنا في نفس الوقت أسعى تلقائيا لتحويل مذاكرتي ، عملي ، قراءاتي ، و حتى صداقاتي .. لهذا الذي أذكرك بأنك سميته ( عالم افتراضي ) و اذكر انك كنت ممن يتحفظون على المسمى ربما .. !

بس ارجع و أقولك ... هتقدر ..

و بعدين أقولك ... لا لا لا .. ارجع في كلامك بسرررررعة ..

و بعديها على طول هرجع اقولك .. جرب و لو عرفت .. هقلدك فوررررا
بحاجة أنا لشجاعة اتخاذ قرار مماثل ..

و ان كنت أرى وجوب الفصل بين التدويـــــن .. و الحياة الإلكترونية التي تخطف أرواحنا من أراضيها لتجهلعا معلقة بين خيوط الشبكة العنكبوتية .

تحياتي على جرأتك يا ابراهيم

Shimaa Gamal يقول...

فعلاً الإنترنت بتأكل الوقت أكل . و فعلاً الحاجة للإختفاء الطوعى بتزيد كل يوم لإن فى حاجات كثيرة ضرورية مؤجلة لحد ما سمكة جعانة تقطع الكابل و تمنع الإدمان و لو لأيام قليلة .
لو ناوى على إختفاء ماتطولش :)

ط يقول...

الأشياء الجديدة تتسلل إلى حياتناحتى تأخذ مكان الصدارة وتصبح من الأولويات
حتى أننا نتساءل كيف كانت حياتنا قبلها؟
الدش وقنواته- التليفون المحمول- الانترنت
أحدثوا ثورة في نمط الحياة
هل نستطيع الاستغناء عنهم؟
فكرة مدهشة
أعتقد أنك ستأخذ استراحة- إن استطعت-
لكنك ستعود حتما
..
فكرتني ببيرم
يا اهل المغنى دماغنا وجعنا...دقيقة سكوت لله.
ط

sara rabie يقول...

ابراهيم..صديق المسافات والمشى والتوهان :)))

عايز تخلع ابراهيم وتضرب مارس؟؟

بس ده ممكن يحصل وانت موجود وعادي خالص
بتكون عندك الافكار لتدوينات كتيرررة بس ..مكسل مالكش نفس تكتب..كده يعنى..ومممكن تسحب معاك مارس وابريل لحد اكتوبر والتناحة راكبك :9

انا معاك..ان الحياة قبل النت كانت اهدا..حتى الاستمتاع بالاشياء كان مختلف

لعلكم انتم الذكور اخركم تمسكوا كتاب او تتقابلوا او تخرجوا تلعبوا كورة
لكن بالنسبة للبنات او بالنسبة لى انا
الامر مختلف حبه
فقبل النت كانت الاعمال اليدوية مسيطرة على وقتى
ومنبعده ومع الاتجاه للعمل الهى يكرمه يا رب
اكل الوقت


بس جرب تمارس الاتنين مع بعض

هتقول معاك..جرب



تحياتى

funckydoctor يقول...

ياه قلت اللى كنت عايز أقوله من شهرين
وفعلا أخدت بيات شتوى شهرين تقريبا
قرأت فيهم الكثير من الكتب
وفعلا كانت فترة مطلوبة
خد أجازة وهنرجع فايق ات شاء الله

نهر الحب يقول...

يظهر الجهزة بتتعدي من بعض
والكمبيوتر بتاعي كمان بايظ جدا لدرجة اني كرهت التكنولوجيا


لكن ارجوك
بلاش ما تكتبش
اصل مش حينفع

انت مش حتقدر

والا ايه؟؟؟

سكوت هنصوت يقول...

مية مسا عالناس الحلوة الكويسة...

يا ريت والنبي تجيب اصحابك ومعارفك وقرايبك وحبايبك و تتفضل تشرفنا و تانسنا بتوقيعك الكريم على العريضة دي...قصدي الوثيقة دي
http://www.petitiononline.com/mod_perl/signed.cgi?ttwpdi

الي بتطالب بتفكيك دولة اسرائيل...لو عايز تقصر على نفسك وقع من سكات..لما لو من بتوع يا تقنعني يا اقنعك...فيا ريت تشرفنا برضك بزيارة للمدونة التالية من اجل منطق اقوى
http://www.tahyyes.org/2009/02/blog-post_27.html

في انتظارك انت وحبايبك ويجعله عامر

مصطفى حسان يقول...

كلنا هذا الرجل ..
لكن صدقني البعد عن هذا العالم شيء سخيف جدا جدا جدا

أحمد الشمسي يقول...

شوف... اكتشفت نفس الاكتشاف ملا رحت الجيش حيث لا كمبيوتر ولا شبكة... وجربت إحساس انك - عشان مافيش كمبيوتر - تبدأ تقرا كتب جميلة زي ثلاثية غرناطة لرضوى عاشور، اللي كنت ماسكها حتى وانا في المواصلات رايح الجيش أو جاي منه... واستحملت برضه نظرات الناس اللي انت بتقول عليها "شذرا"... بس رغم ده كل لما برجع بكتشف ان الكمبيوتر والانترنت واحشني قوي

ســـــــهــــــــــر يقول...

نقطة نظام

كل اللى بتقوله بداية متفقه معاك فيه
الحياه اهدا و اجمل بعيد عن الصخب الاليكترونى
و انا جربت التجربه دى و مش قادره اقولك اد ايه روعه انك تعيش بالساعات مع كتاب ورقى و ليس الكترونى و تعيش حالة الصداقه مع الورق و تشم ريحته و تربطك علاقه بالحبر اللى فيه و ( التنيه ) اللى بتعملها ف الصفحه عشان اما ترجع تكمل قرايه تانى
و تضحك على نظرات الناس ليك باستغراب علشان نازل تفطر ف مطعم الاوتيل و ف ايدك كتاب و مش قادر تشيل عينك منه الا يادوب عشان تشوف هتحط النسكافيه على بقك و لا على هدومك و انت مش حاسس

طبعا يبدو كل ما تقدم انه تحريض
لكن لا ابدا
كل حاجه ليها جمالها و كل وقت و له ادان
يعنى ليك مزاج تاخد جنب من الاكترونيات خد بس متطولش عشان المشكله هنا بتبقى تعود و تتنيح و توصل لحاله انك لا طايق ده و لا ده و تتوحد مع نفسك
و انا اللى معاك ده هيسيبك و يخلع منك كمان

Yasmine Madkour يقول...

شوف بعيدا عن اي شيء :) .. أنا عجبتني أوي الجمله الاخيره دي ..
دعوا ..مــارس .. يتنفس ، بلا تدوينات ... (مثلاً)

بجد التنفس .. راحه .. هدوووووء.. اطمئنان و استرخاء .. بداية الربيع و سكون النفس :) .. دع مارس بلا تدوينات .. فقد ترك مارس و ابريل و ربما مايو و من المؤكد يونيو تدويناتي :):):))))

و ترجع بالسلامه .. فالصمت كثيرا لا يفيد دوما إلا لو كان لغة .. و لا أظنه لغة بين المدونين :)

همسات دافئه يقول...

ابراهيم:)))
برافووووووو عليك
بس خلاص متحاولش تبرر الى سمعته بوداني أكتر من كده الى حصل حصل بقىPP:
هههه
لاء بجد سعيده بالتعرف عليك
أتمنى أشوفك تاني قريب ان شاء الله:)

basma saghir يقول...

ساعات يا ابراهيم بحب افتكاساتك اللي زي كدة

مش هكدب عليك واقولك اني مش نفسي اعملها...لااااااااااا ده انا نفسي فيها من زمان بس النفس أمارة بالسوء :)

في ناس كتير قوي مقدرش اعرف حاجة عنهم الا عن طريق النت وده مسبب مشكلة كبيرة قوي وعقبة في طريق تنفيذ الفكرة

الخلاصة: لو هتقدر خدني معاك ارجوك :)

Smr يقول...

دايما بتلخبط لما بدخل هنا,بدور على المكان اللى مفروض اعلق فيه
,وغالبا بنسي الكلمتين اللى بيكونو على بالى..لما بوصل اخيرا
على فكرة انا بحب كتابتك
بغض النظر عن عدم المامى باى كلام,رد على مواضيعك
D:
take care

Unknown يقول...

مش قادر اصدقك يا هيمه


هيمه من غير تدوين

ما ينفعش

kafrawy يقول...

لالالالالالالالالا

ياعم سيب مارس ف حاله

وارجع

david santos يقول...

Great posting, my friend, great!!!
Have a nice week!!!

Mai Nagib يقول...

كلامك صحيح جداً لكن النت حالياً أصبح ضروره وجزء من حياتنا يمكن يكون عدم وجوده مش قضيه كبيره لكن طالما اعتدنا عليه واعتدنا على التعامل معه واختراق هذا العالم المليء بالمشهيات فمن الصعب جداً الاستغناء عنه ولكن من الممكن تنظيم الوقت حتى لا ينفلت مننا فمثلا لا داعي للشات 10 ساعات باليوم " اكتر شيء بيضيع وقت "
في رأيي لا داعي لقراءة الكتب على النت القراءه في كتاب متعه تستحق الخوض فيها
هناك من يجلس بالساعات يقلب في الصفحات دون طائل لو فكر قليلا لوجد مليون فكره تستحق التنفيذ بعيدا عن هذا الهراء
نحن بحاجه للنت
وانت بحاجه للنت ولتدوين
ستقاوم وتحاول الابتعاد ولكن لن تستطيع
ستعووود
لتكتب بوست جديد وتقول
حاولت وأستطيع الابتعاد ولكن هناك ما يستحق البقاء
جــُلّ التحيـّه

أسما يقول...

حاجة غريبة اوي، انت تاني واحد اقرأ له و الاقيه واخد القرار ده... لسه امبارح واحدة من احسن المدونين اللي قرات لهم قالت انا عايزة اعيش حياتي بجد. مش عارفة اذا كان عندي القدرة اني اتعالج من الادمان الالكتروني و لا...

غير معرف يقول...

أنا بحسدك بجد ع الخطوة اللي اتخذتهتا
دي بتصور انه عندك ارداة قوية حتى تقدر تبعد عن النت فترة شهر
كاملة من

جسر الى الحياة يقول...

يا هيما هو اللى بيدخل عالم النت بيعرف يخرج منه ده زى المتاهة او بالاحرى بنصبح مدمنين على الكتابة والمتابعة والقراءة... اه بنحس اننا منعزلين عن العالم حوالينا اجتماعيا بس بذمتك كنت مستريح وانت بعيد عن التدوين اهو عقلك وصوابعك اكلوك وما ارتحتش الا وانت كاتب البوست ده ادمااااااااااان يا سيدى الفاضل ادماااان

غير معرف يقول...

جـــــــربت مــــــــره تــعمل حاجه للاقـصي

لو ما جربتش جرب تشـــــــارك معــــــــــنا

يمكن نقدم حاجه تكــــــــون مفـــــيده تنفعــنا

ويمكــــن بيها في الجنه ربنا يجــــمـعنـــــــا

خليــــــــــــــــــك جـــرئ وشــاركنـــــــــــا

بامكناك ان تشارك في نهضه امــــــــــــــتنا

لا تقل لا استطيع المشاركه في بناء عزتـــنا

ان عــــــزتنا تكمن في تــحرير غفلــــــــتنا

ندعوك ان تشترك معنا للنهوض بدولتــــنا

لا تتردد فانها فرصتك في مساعده اخواتنا

حمله :بايدينا ندفع الخطر عن الاقصي
رابطه مدونون من اجل فلسطين

ايمان مجدى يقول...

كلنا بنحتاج وقت نقعد فيه مع نفسنا ونحاول نرجع حاجات كتير ضاعت بسبب الحياة ومشاغلها
شعارى فى الفترة اللى فاتت كان وقت مع نفسى والحمد لله جاب نتيجة وربنا يوفقك وتبقى وقفة حلوة مع نفسك ان شاء الله
بس انا بدات ادون من مارس وحضرتك وقفت تدوين من مارس ...اظاهر انى وشى حلو :(
تمنياتى لك بعودة افضل

Ratings by outbrain