أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الخميس، 21 يناير، 2010

شفتك فييين قبل كده ؟؟

... بصراحة .. زهقت منك ...

آآآه، وما عادش ينفع آآخدك معايا ف أي حتة!

هسيبك هناااااك ...

للزحمة والدوشة

و لـــوحد

مش طووول الوقت بتقطع نفسك حتت وترمي!

وأنا بقول لك مش هيبقى لك غيرك!

يا غبي!

لحد إمتى هتفضل تعمل حساب ليهم!

وهما مابيرفعوش عينهم يبصوا لك!

زهقت منك

وإنتا ارجع هناك

أقف في وسط الميدان

صوّت بأعلى حسِّك ...


أطلب منهم كتييير يتجمعوا تاني حواليك

فكرهم بيك!

كل ده ومش عاوزني أكرهك؟!!

بطلت أدافع عنك تاني

في مظاهرات محدش بيذيعها

ولا بيصورها للرأي العام

بطلت أجيب سيرتك قدامها في كلامي!

ماهو كان ممكن تحس قوي برضه إني بهتم بيك أكتر منها

وساعتها إنتا عارف كان ممكن تعمل إيه

ما إنتا عارفها

مجنونة باللوحات التشكيلية!

وكان سهل قوي، تبص لعين فينا

وتقطع التانية!

يرضيك أمشي كده؟؟

ولا أنا يرضيني !

يبقى خلااااص

ما تفكرش إني همشي معاك تاني

هسيبك لوحديك

وإنتا سيبني لوحدي

يمكن أقدر أجمع اللي باقي لي

وأقف قدام مرايتي من تاني

وأسأل نفسي سؤالي المبهج

"أنا شفت الوش ده فين قبل كده"!



هناك 7 تعليقات:

غير معرف يقول...

مش غريبة اوي تبقي حاسس الاحساس اللي غيرك حاسه اوووي
وفي نفس الوقت انت نفسك مش حاسس بيه
!!!

Shrouk يقول...

:(

إبـراهيم ... معـايــا يقول...

غير معرف:

صدقني معرفك من بدري

وبطل حركاتك النص كم دي ....


على الأقل عشان الدنيا برد

،،،،،،،،،،،

شروق:

شكرًا على فكرة

غير معرف يقول...

يا رااااااااااااااجل
طيب ممكن تقول انا مين..؟؟

Shrouk يقول...

العفو:)
ولو اني لسه مش فاهمه

walaa tulip rose يقول...

ممكن اجاوب اقولك شوفته فين قبل كده ؟؟؟

شوفته في كل ركن في وطنك شوفته وهو مبسوط بنصر في ماتش كورة وهو زعلان اما سابته حبيبته شوفته وهو بيدافع عن حلمه وبرضه وهو مهموم لان حلمه مستحيل
شوفته وللاسف مش هتقدر تسيبه لوحده مهما حذرته وهددته
يا ريتنا نقدر نسيب جزء منا ونمشي بعيييييييييد كنا كلنا ارتاحنا وماشوفناش اي شيء سيئ

تحياتي

الشموع السوداء يقول...

غصب عنك هيفضل معاك وتفضل معاه كل لما تشوفه في المرايه هيوجعك لانك مش ايدك تبدله ومهما عاديته وكرهته لازم ترجع تحن له وتصالحه لانه حتة منك يمكن حتة مختلفة لكن لازم تتركب عليك
وفي الاخر لا احد ينفصل عن نفسه

Ratings by outbrain