أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأحد، 17 أكتوبر 2010

هوا إنتي هتوحشيني تاني ولا إيه ؟؟؟

. . . .

بقالي كتير بكتب لك بالفصحى!

لدرجة إن أصحابي قرروا يسموني "الرافعي"..

وأنا طبعًا خايف من "رسايل الأحزان"!

أنا قلت بلاش، أرجع أحكي معاكي كده عادي ..

وأقف على كل ضحكة تضحكيها وأقول لك:

حلوة قوي..

تعرفي تضحكيها تاني؟!

· * * *

كتير بسأل نفسي ..(أصلاً) ..

هوا غلط أوحشـك!

ولا توحشني حاجاتنا الكتير دي كلها،

ولما دمعة تفر من عيني

فهل ده معناه إن كده خلاااص الحاجات دي راحت

زي الدمعة الهربانة من عنيا

أمال أنا بجد بقى بشوف إزاي؟

الدموع زي ما قالوا لنا زمان

دوا الأحزان ..

ملهاش علاقة بالألم ..

لما بنتألم قوي بنقول أي

لكن لما بنفتكر بهدوء كده ...

ما انتي عارفة

بنرتعش وندمع

روحنا يمكن اللي بتبقى موجوعة!

يمكن بس عشان مش موطيين الكاسيت زي زمان

أو يمكن حتى عشان الدنيا برد!

**************

فاكر واحد صاحبي كان بيقول لي أحكي له كتير

الواد ده أنا متخيل إنه طكان هيبقى روائي

الدنيا لسه بخير

اتجوز .. وبقى شكله غريب ..

وبيربي ولاده دلوقتي

ومكسوف يقول لهم إنه كان يعرفني!

فاكر آخر مرة شافني ..

لما قلت لازم أسلم عليه

ومديت إيديـا...

وافتكرت حد كان بيقول

مش كل مرة بتمد إيدك لحد .. يبقى هيسلم عليك .

.

آآآآخــر ما كنت أتصوره

إني لما أسلم عليه أحس ببرد!

ولما يمشي فجأة كده .. أقشعر!

عارفة ده مثلاً لما افتكرته

ولاحزنت ولا دمعت!

أنا لاقيته مش واحشني أصلاً

.,،

نـاوية على إيه ؟؟؟

هتوحشيني أكتر

ولا تيجي تمدي إيدك بقى وخلااااص!!

هناك 3 تعليقات:

candy يقول...

touched ...

رحــــيـل يقول...

:)
جميييييل يا ابراهيم

يمامة شاردة يقول...

ليها طعم..حلو لدرجة ماتتوصفش!

Ratings by outbrain