أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 9 يونيو 2007

في .. وصــــل الحـبيـــبـــة ..

.. في البدء .. استـقـر

واعلم ـ حاطك الله برعايته، وشملك بعطفه ـ أن للحبيبة وصلاً لا يدركه إلى الراسخون .. في الحب، ولا يعلم جدواه إلا من بلغ بهم كل مبلغ .!! ، ولها ـ حفظها الله ـ وصلاً يصعب ـ حينئذٍ ــ قطعه، وعليك نحوها واجب يستحيل بعد ذلك تجاهله! ، فقد قال الله عز وجل ) لئن شكرتم لأزيدنكم )!! ، وأنت لا تزال على العهد في الشكر حتى يبلغ منك الوصل كل مرحلة الاتصال ، ويبلغ بك الاتصال بعد ذلك ..كل مبلغ ! ..
ذلك أنه ليس بلائق بمن استبد به العطش، أن يتجاهل الماء الزلال، ولا ينهل !

تعامل مع الماء/الراوي بحميمية أكثر، لا تشربه هكذا ! ، احتضنه في البدء بيديك ، اشكر الله على أن منحك إياه، تذكر أنك ظللت ظمآنًا مسيرة عشرين عامًا أو يزيد!، الآن اتركه يلمس شفتيك، لا تسارع تمهل، واشعر بروعة الري، بعد مرارة العطش!
في وصل الحبيبة يجب عليك إدراك هذا كله، بحرص وعناية .
أقول : واعلم ـ حفظك الله ـ أن السماوات والأرض ما كانتا رتقًا فاجتمعتا إلا على أساس الاتصال، وضرورته ، وأنه لما كان الأمر كذلك جعل المولى عز وجل من أسباب الوصال ما ينشأ في القلوب مما يعرفه العارفون بالمحبة ! ، تلك التي قام عليها أساس البشر، وكانت عماد أهل الجنة، وهم يتصافحون على السرر !
... نعم، بالطبع، لوصل الحبيبة من المنافع ما لو أفضناه لفاض، وما لو عددناه لزاد !! ، لوصل الحبيبة راحةُ تسري في جسمك كله كالخدر ! ...
لوصل الحبيبة أيامٌ هي كالدقائق، ودقائق هي كاللحظات، وأيامٌ أخر كالدهـر بأكمله !!
في وصل الحبيبة احفظ نفسك فيها ، وبها ، ولها ..
وصلٌ كهذا كن أشد الناس على توطيده !
واعلم أن الأعين تحوطك بغبطةٍ .. وحسـد !

وفي وصل الحبيبة لا تتردد في البوح بحبك، مرةً و تكرارًا، ويكفيك منها الهمسة، والسكنة، وبوادر الارتياح ! .. في وصل الحبيبة ـ حفظت من كل سوء ـ سلَّم نفسـك تمامًا، فما أنت بسواها كائن ! لا تنفصل الشجرة عن جذورها ! ...
...
في وصـل الحبيبة تتبدل بك الحياة إلى (حلوةٌ خضِرة) ...توردك الورود، وتدفئك الشمس، ويؤنسـك الليل ! ...
يبتسم لك طفلٌ صغير، ويلمح سعادتك كل غادٍ و رائح !

في وصل الحبيبة اعترف لها أنك تحبها، وقل أنا أحبك، وأحب الحب الذي هداني لحبك، وأحب الله الذي جمعنا على غير ميعاد ! ، وأحب نفسي التي اهتدت لحبك ! ..ا

فــصــلٌ : في منافع وصل الحبيبة
فصـــلٌ : في فوائد وصـل الحبيبة
فصـــلٌ : في أهميـة وجدوى وصــــل الحبيبة !ا
فصـــلٌ : في أن الوصل يؤدي إلى الوصول ، والقطع يودي للأفول !ا
فـصـلٌ : في بيـان أن" ليس الواصـل بالمكافيء"ا
فصــلٌ : في أن للمحبين جنة، من لم يدخلها لم يدخل جنــة الآخـرة
فصــلٌ : في أن الكارهين من أهل النـــــــــار
فصـــلٌ : ..............................ا
فصـــ ـ ـ ـ ـل في الوصل
وصل
وصـل
وصـل !



هناك 30 تعليقًا:

Rosa يقول...

:)
ربنا يديم الوصل على طول يا رب
الي يقرا الوصل دا ما يقولش ان الي كتبه هو الي كان كاتب في الخروج من الحبيبه
:D
بس لا مافيش اي استغراب ماهو الي يتعب قوي و هو بيخرج من حبيبته كدا اكيد لما بيوصل مع الحبيبه هيكون هوا دا كلامه
اسلوبك جميل و مميز بحس انك بتكتب باسلوب كتاب زمان حتى موضوع الفصول
بجد طريقه مميزه صعب اصلا ان اي حد يتبعها
لكن نقول ايه هكذ احمد ابراهيم
:)
تحياتي و ربنا يديم الوصل مع الحبيبه دايما
:)

Lemonada يقول...

معاااااااااك في ان يديم الوصل ان شاء الله مع الحبيبة
بس الحبيبة الي تستاهل
وتكون في حبيبة من البداية

سلام للنيل والحب المليان في وان شاء الله يديم النيل والحب الي في

farfasha يقول...

انا عامله فكره جديده ويارب تعجبك
ياريت تقولى رايك فيها وماتنساش تشارك باى ذكرى عاوزها
استفتح بيك يعنى
تحياتى

dandana يقول...

في وصل الحبيبة احفظ نفسك فيها ، وبها ، ولها ...

رائعة الجملة دى...

______________
تعامل مع الماء/الراوي بحميمية أكثر، لا تشربه هكذا ! ، احتضنه في البدء بيديك ، اشكر الله على أن منحك إياه، تذكر أنك ظللت ظمآنًا مسيرة عشرين عامًا أو يزيد!، الآن اتركه يلمس شفتيك، لا تسارع تمهل، واشعر بروعة الري، بعد مرارة العطش!


التمهل جيد...يجعلك تشعر بقيمة ما لديك...والنشوة فى امتلاكه...

بوست ممتع

walaaz يقول...

جميلة أوى يا ابراهيم

بجد

أدام الله عليكم الوصل :)

دعاء عبده يقول...

حلو وجميل ورائع
جداااااااااااااا

انا متذهوله
=
مندهشه

البتاع يقول...

هيما

انا حسة انى اول مرة اعرفك
بجد بجد بجد
يابختها
انت احساسك رهيييييييييييب

دعنى احنى قامتى احتراما لرجل فى مثل احساسك
قلما نجدهم فى الحياة

ايه الحلاوة اللى بقولها دى؟؟

انت ملهمى
هههههههههههههههه

تحياتى يابرنس

هدى يقول...

في وصل الحبيبة

لا أدري لماذ تفتقد رسائل الوصل

اشراقة رسائل الخروج

هل التكرار هو ما انتقص من جمالها

على العموم لن انكر استمتاعي بالصياغة العبقرية لرسالة الوصل

أدامه الله عليكم

ودمتم

دينا فهمي يقول...

الله عليك يا إبراهيم بجد
بآلي كتير ما قرأتش حاجة عجبتني كده

أسلوب كتابتك هنا فكرني أوي بكتاب طوق الحمامة
بس الحقيقة اللي انت كاتبه أحلى

إبـراهيم ... يقول...

العزيزة روزا : سعيد جدًا بمرورك ، و تعليقك ،،،، و لعلمك بقى اللي كتب الخروج من الحبيبة غير اللي كتب في وصل الحبيبة ، (أنا)كتبت الأولى ، لكن الثانية ف ـ (أنا) اللي كاتبها ،،،، و أعتقد / بمعنى أكيد يعني ، الفرق وااااضح :)
**************

أمـا الطريقة، فهي تراثيـة بالتأكـيـد ،،،، و ربنا يخليكي

نورتيني :)

إبـراهيم ... يقول...

ليمونادة المنعشـة :

نورتيني ، وأكيد لااااازم تكون تستاهل الحب ده !! ، وأكيد تستاهل ،،، دعوااااتـــك

كل الود
*****************

فرفشـة : عُلم ، وينفــــذ

نورتي برضووو

Heba Al_Menshawy يقول...

وفي وصل الحبيبة لا تتردد في البوح بحبك، مرةً و تكرارًا، ويكفيك منها الهمسة، والسكنة، وبوادر الارتياح

جميييييلة جدا .. رومانسيتك عالية اوي واحساسك وانت بتكتب في منتهى الروعة
فعلا انسان مبدع.. لان اللي يكتب الخروج من الحبيبة بالاسلوب اللي كتبت بيه وبعدها يكتب في وصل الحبية ( العكس تماما) يبقى فعلا مبدع

خالص تحياتي يا فندم
:)

To a friend يقول...

استمتعت جدا بقرأة "الموضوع"مع صوت أنغام

اسلوبك و موضوعاتك غاية في الرقة و الشاعرية .. احييك عليهم جميعا

شكرا

مَلَكة يقول...

صحيح يا ابراهيم
ما تجرب مرة تكتب
"في عادية الحبيبة"
أو في اعتيادها مثلا
أصل مش أبيض وأسود بس

كل التحية يافندم

غير معرف يقول...

السلام عليكم


جمييييييييييييل جدا
ربنا يسعدكم:)

ويهنى سعيد بسعيدة:P

إبـراهيم ... يقول...

مي دندنة : المدونة نورت ،،، فيـــنـــك من زمااااااان ،،، خاااالـص تحياتي
*************
ولاء : كذلك نورتي ، وحمد لله ع السلاااامـــة ، وما تبقيش تطولي الغيبـة .............. ولا النميمة :)

**************
دعاء حمد لله على سلاااااامتـك أنتِ أيضًا ....
شهادة أعتز بيها يااا فندم ....

في انتظـارك هنا داااائمًا

Noony يقول...

كلام جامد أوي
بقيت أقرأ بالراحة عشان أفهم

ربنا يديم الوصل دايماً

:)
نهاد

إبـراهيم ... يقول...

البتاع : إيه يا ستي الكلام الكبيييييييير ده كلله ، ربنا يخليكي ياااااا (البتاع) ، ويسعدك داااايمًا ...
وتنوريني كده عططوووول

******************
هدى : قلت لكِ ألف مـرة ، لا يفسـد الأشياء كالمقارنة ..... دمــتِ بود

إبـراهيم ... يقول...

دينا التي أصبحت تقول ما لا يقال : ياااااااه ، والله زمان يا دينا ، كويس إنـك افتكرتنيا ،،، و أشكرك بعنف على كلامك الجميـل دون ....
تحياتي ـ وما تطوليش الغيبــــة (^-^)

***********************

هبة المنشاوي : ضيعتم تواضعنا ...

منورااااني على طوووول ، تسلمي خااالص تحيااااتي أنا كمان :)

sara... يقول...

كل ما اقرا عندك الخروج من الحبيبه
وصل الحبيبه احس انه غرق فى الحبيبه
بحب جدا التفاصيل فى تدويناتك
كتابه حلوة
تحياتى

soulmate يقول...

بصراحه ومن غير ما حد يتأريا عليا انا بقرأ كتير لناس بس اول مره مش اعرف افهم مش عارفه بقى العيب فين اكيد الناس الى فهمت عارفه هيا فاهمه ايه يمكن العيب فيا يا فندم

إبـراهيم ... يقول...

(نور) أشكرك بشــدة، وباستمرار ، و كويس قووويإنك قلتي "الموضوع" ،،، أيوة كده :)


مــنوراااني
******************

ملكـــة ... انتي فين يا بنتي ،،،، "جرب .. مرة ... تكتب ..."...تعرفي لولاش الموضوع مرتبط ، كنت نسيت يعني إيه 0جرب ) دي!!
بس على العمومًا طلباتكأوامـر ، وهتتحملي إنتي النتاااائج كلها ....

شكرًا ألف :)

إبـراهيم ... يقول...

مش قادرة هانم :::

حمد لله ع الساااامــة ...نورتي

تُشـكــري
*************

نووني : نورتي من جديد ...

ما تبقيش تغيبي ...


ربنا يخليكي

نهر الحب يقول...

بصراحه انا مش عارفه اقول ايه خااااااالص

انا قولت بس اسال عليك ما دام انت مش بتسال

يمكن نسيتني و اللا حاجه

محمد العدوي يقول...

كأنها وصايا مذاكرة ..

أو كيف تصل خطين .. لا كيف تصل حبيبين ..

ولكنها نظم جميل .

-_- يقول...

والله انا اول ما شفت البانر الجديد بتاع المدونة و هو مكتوب عليه انا وانا افتكرت ابراهيم معايا و طلعت انت

Unknown يقول...

ايه ده انت وقعت ولا ايه يا كبيرررر

بس شكلها واقعه جميله لانها طلعت من جواك كلام اكتر من رائع و باسلوب شعراء زمان و كلام خلانى اتسلطن و انا بقراه


ربنا مايعطشك تانى يا صاحبى

اسيبك بقه تستمتع بعذوبه المياه بعد العطش و كمان اسيب السلطانيه عندك علشان لو حد غيرى كان عايز يتسلطن


تحياتى
اخوك العطشان

متغيرة شوية يقول...

الموضوع الذي انتظرناه طويلا

بما اني من الناس القليلين اللي كانوا عارفين عن الموضوع ده
لكن من الناس الكتير اللي عاجبهم الموضوع ده
بقولك انت معلم يا هيمة

إبـراهيم ... يقول...

سارة فوكاليز : نورتيني ، دي شهـادة أعتز بيها من فنـانـة جميـلة ، ومتذوقة زيــــك ...........

تسلمي لي ، وخلينا نشوووفــــــــك .. على طوووووول

****************

مشمـــشـة ...

وجودك يسعدني في حد ذاته !! ، هوا حتى أختي بتقول لي إنه مش مفهوم ، عادي ، يحدث أحيانًا

تُشكري :)

*******************
نهر الحب : وأنا كمان مش عارف أقول لك إيه .... أتمنى لك كــــل خيــــــر


وخااااالــص تحياتي

mephostophilis يقول...

رائعة
لا تنتبه للأشخاص الذين قالوا أنهم لم يفهموا، لأنهم بالتأكيد لم يحبوا من قبل
فلو كانوا أحبوا و لو لثانية واحدة لفهموا بل و ابتسموا و صفقوا و هللوا بعد الإنتهاء مثلما فعلت
قليل ما يثيرنى نص مؤخرا
و لكنك يا صديقى فعلتها
فتحياتى لنصك و لك

Ratings by outbrain