أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 11 مارس، 2008

يوم ..ثــلاثـــاء ...جميل :)

...قلت مش هنااااااااااام إلا أمـا أكتب التدوينة دي !!

إحساس صعب، وسخييييف، لما تفضل تفكر في اللي هتكتبه من مصر الجديدة للهرم !!، وياااسلااااام بقى لما يكون كل حاجة تمام ما عدا المواصلات، برضو حلوة بلادنـا الخضرا ، بلادي !! ، يعني التنقل من مركبة إلى أخرى، بيعطي المرء إحساس بالبتنجان !!
المهم، ما أطولــــش عليكو ، قولوا طـــــــول !!
مبدئيًا لا أعلم من الذي نزع على يوم (الثلاث) صفـة إنه يوم (مش ولابد) !!!، حتى أنهم أصبحوا كلما حدث شيء (ما) في يوم، يفكروا، هوا انهاردة إيه؟؟؟ ، فمـا تأتيهم الإجـابة إنه ( الثلاث) يمصمصوا شفاههم، ويقولوا : عشان كده .!!!! ..... ((رغم إني كنت أنتظر الثلاثاء خصيصًا لمقال فهمي هويدي اللي بقالي كثيييييييييييير ماتابعتوش × الأهرام ))

*
لم أخبركم أني ذاهبٌ اليوم لحفل توقيع ديوان صديقي وزميل الكفاح وأيام الدراسـة وشـاعر العامية الجميييل محمد عز، منذ (بطلت) أعمل موضوع الإعلانات ده عندي، بعد أن أصبحت الأيـــام كلـــها (تقريبًا) لنـــا ، والحقيقة أن حضور حفل توقيع ديوان عز الثاني ( حواديت نص الليل) ليس جميلاً لأنه إنجازنـا المشترك، فحسب، ولا لأن عز حد بيكتب حلو وبـــس، ولا لأن والده ووالدته لما بيكونوا فرحانين الدنيــا كلها بتمتليء بالفرح، بل لأنه قادر فعلاً أن يجعل هذا اللقاء ( الذي لم يجدم أكثر من ساعتين) لقاءً ممتعًا وجميلاً ....
عز يجعلنا نقابل أصدقاءنـا جميعًا ، والحقيقة أني ذهبت مبكرًا، واستمتعت بذلك جدًا، جاء أيمن، وسالم، وخالد، وهيثم (علمت فيما بعد إنه سلعوة!!) ورسمي، وخليل، وعـادل، وعبد الجواد، وابن عبدالله ، ومنسي، ووائل، وياسر، ورانيا، وسماح، و يووووووووووووه، هوا أنا هقولهم كلهم، ولا إيه ؟؟؟ ..
...........طيب، أهم واحد كان الـ (ياسر بن مجدي)، لأنه صورني طبعًا، وسمح لي أصور، حتى أتت كاميرا فاطمة، فقامت بالواجب وزيـــادة :)
في النهاية اضطررت أن أتركهم ..جميعًا لأني كنت على موعد مع غــــادة مع نفسي ....................................
*
على الرغم من أني كنت أفكر طوال الطريق فيما سأكتبه الآن، إلا أن الكتابة - على عادتها- تفر الآن، والأمر يختلف ......
.
آآآه، أقصد طبعًا لقاؤنـا في مكتبة الشروق، فرع مصـر الجديدة، لمنـاقشـة كتابها (أما هذه فرقصتي أنــا ) ((ظننت ذلك واضحًا) !!
في الحقيقة إن شهادة د.سحر الموجي ككاتبة، وصحفية، وناقدة، وأديبة للمدونات هي شهادة يجب أن نعتز بها جميعًا، وأكثر ما أعجبني إشارتها إلى أن التدوين أخرج لنــا كتابة صادقـة تنبع من القلب، غير متقيدة بأطر النوع الغليظة، وإن الأدب الحقيقي والكتابة الحقيقية هي التي تكون كذلك .... ، من وجهة نظري الشخصية البحتة لا أعتقـــد أبدًا أن الدكتورة سحر تجامل !! لأن الموضوع ببساطة أصبح بيد النقاد والقراء معًا اليوم، فإمـا أن يستطيع الكاتب أن يكتب ما يصل إلى الناس، وليس ذلك إلا بصدقه وإحساسه، وإما أن يظل في برجه العاجي !! ، أعجبني كذلك من التعليقات من يقول إن غادة استطاعت أن تلمس التفاصيل اليومية العادية، وتحولها بأسلوبها الأدبي إلى أشياء عامة، وهو ما أشرات إليه الدكتورة سحـر أيضًا ، أفكر قليلاً، ثم أقول الحمد لله الذي جعلني مدونـــًا ....
.
في الكواليس أشعت جوًا من الـ(نفسنة) التي أرجو ألا تكون سخيفة، وذلك حينما قلت الكلمة اللي كانت منحاشة ف زوري من إنه ليست المرة الأولى التي تنشر فيها "مدونات" في كتب، وكان أن "لقط" الأستاذ سيف سلماوي هذا الخيط، وقال لي نحن لم نقل إننـا أول من أخرج المدونات مكتوبة، ولكننا قمنا بمبادرة (مدونة الشروق)، وتم اختيار هذه المدونات لمستواها الأدبي الجيد، وراهنا على كونها تستحق النشر، وأضاف الأستاذ أحمد الزيادي كلامًا آخــــر ، الطريف في الأمر، أني لما قمت أسلم عليهما، أخبرت الأول أني مدون، وكان شكلي وحـــش لمـا اكتشفت إنه يعرف مدونتي المتواضعة، شفتوا بقى إحنا مشهورين إزااااااااي ، بعد كده الدخول بفيزيتا يا ولاد ........
كل الأشياء كانت جميلة، سعدت بلقاء يامن باشا نوح صديق حامد* زوج غادة، وكذا الصحفي الواعد قوووي محمد هشام باشا عبيه، والزميلة دعاء سمير، يمكن هيا ماتعرفنيش لكن لا يخفى القـمـــر :) ..............
أكيد لااااازم جـــــــــــــدًا أشكر فاطمة/بنت الحيـاة ووالدتها على وجودهما في هذا اليوم مما زاد/ضاعف جمــاله ... فعلاً
..................................................
خرجت من الشروق ( بعد أن أودعتهم عنواني الإلكتروني، وحصلت على إهداء غادة، التي قالت : أخييييييرًا الكتاب بقى معاك، مما أشعرني بإني وشي تورد خجلاً !! )
... وكنت محتاج أسمع صوته ......... أخليها تكمل :
ــــ ألف مبروووووووك يا أستــــــاذ ...
ــ مين معايا ؟؟
ـــ... إبـراهيم عادل (على فكرة عارفني)
ـ بتتكلم منين ؟؟؟
ـــ من القاهــــرة يا فندم .....
ـــ أنــــا لســـه ف أبو طبي :) ..... متشكر قوي
حسيت بإني شكلي بايخ ، لإنه حسب معلوماتي الاتصاليه كده هيتحسب عليه تمن المكالمة دولي ....
ــ نشوفك على خـيــــر هنا .. قريب
الأستــــاذ بهاء طـــاهر ... وأنا أهنيه بالبوكــــر
.
تفتكروا لو ما كنتش اتصورت معاه ف المعرض، كان حصــــل عليها برضو ؟؟؟؟
.
. على فكـرة مساااكييين قووووي، اللي بيفتكروا إن كلامي بيخلص ف آخر التدوينة، وما يعرفوش إنه بيبقى فيه(تكميلات) ف التعليقات ...هههههههههههههههه، بس خلوا السر ده بيني وبيني

السؤال اللي فضل يطاردني بعد كل شيء : كيف أتـــــرك كــل هذا ؟؟؟؟؟
***********************
من أخبارنـا الأدبية: تم الإفراج(مؤقتًًا) عن نسخـة تغريدة البجعة التي كانت قد صدرت في مكتبة الأسرة، بعد أن ..... (ولا بلاش بعد أن)، وعليه فهي متوفر الآن في جميع فروع الهيئة المصرية العامة للكتاب، وعلى من يرغب في اقتنائها أن يدفع 1.5ج.م ، وصدقوني مش هتخسروا حاجة :)
يقام في سـاقية الصاوي كل سبت (من سبتين فاتوا) عرض لأفلام روائية قصيرة، مشكلتها الوحيدة إنها بعد التاسعة مساءً :)، لكن شــغااااال ....

ـــــــــــــــــــــــــــــــــــــــــــــــــ
* لمن لا يعلم ... له مدونة ااااامـــة جدًا اسمها تهاويم ... ابقوا عدوا بقى

هناك 22 تعليقًا:

إبـراهيم ... معـايــا يقول...

تفتكروزا بقى إيه اللي هيتكتب ف التعليق، ما اتكتبش ف قلب التدوينة ؟؟؟
أولاً : إني طبعًا، ولا كان ع بالي إني أكتب عن ثلاثين مرة واحدة، واللي بينهم أكثر من أبسوع، بس ضرورة الكتابة، بتخلي الإنسان يتخلى عن مباديئووو
ثانيًا : إن الواحد الحقيقة مأجل برضك موضوع( شفته قدرًا إنهاردة مرمي وسط الملفات)، وكان حقته يوضع هنا الآن !!
ثالثًا: طبعًا رانيا واحدة من الناس اللي منكن تكرهني دلوقتي، إذ إني كتبت التدوينة دي على عجالة، ولم أقم بأشيـاء أخرى :)
*****************
طيب، بقي أن نقول
تصبحوا على خير :)

د/اجدع بنوته يقول...

وانت م اهله

وسلملنا ع كل الناس الحلوه اللى انت ذكرتهم دول

دعاء سمير محمد هشام غاده وحامد

وانت وحكايات الغريب

بجد ناس ولا اروع

فعلا ماروعه هذا الثلاثاء

وتحيه طبعا للشروق

اللى وصلت صوت المدونين للشعب

وم قبلها الدستور كمان

تحياتى

غير معرف يقول...

جميل يا هيما وحشتني - سحس

انين الحزن يقول...

ابراهيم معايا

وانت من اهل الخير
حلو البوست اوي

انا كدا حبيت يوم التلات

سلامووووووووووز
وزة

بيسوو يقول...

بالنسبة لي كان الثلاثاء يوم جميل منذ بدء الخليقة...الي كان مش ولابد هو يوم الاتنين...تقريبا لازم يكون في يوم مش ولابد في الاسبوع وده يرجع للخلفية النفسوانية للشخص

كويس ان اسطورة يوم التلات اتهدمت عندك..عقبال يوم الاتنين عندي

فضفضة يقول...

اول زيارة ليا

وكنت داخلة عشان اعرف مين معاك

طلعت ان انت معاك

ودى نظرية كبيرة قوى

عموما البوست عجبنى ومبروك عليك يوم الثلاثاء الحلو

وعقبال كل ثلاثاء

والبوست بتاعك عرفنى على ناس كتير هروح ازورهم ان شاء الله

شرفت عندنا وابقى تعالى دايما

وهاته معااااااااك كمان

تحياااااااتي

only spot يقول...

سلام عليكم
اهنيك على يوم الثلاثاء الى يبدو انه كان رائع وروعته فى انك عرفت ناس جديده يعنى افكار واراء جديده
خالص تحياتى على ها التدوينه-

عــيل شــقي يقول...

الصراحة انا مش كنت جي اقرأ البوست لكن انا جي اقول اني رجعت

Desert cat يقول...

الف مبروك لصاحبك
والموضوع بصراحة طلع جميل
وطريقه سرده هايلة
هو النهارده ايه
اه صح الخميس
تحياتى

Eman Eltaher يقول...

مساء الخير اولا

ازيك يا ابراهيم ..عاش مين شافك

هيه الدنيا بتاخد الواحد بس برضه لازم نرجع نشوف مدوناتنا الصديقة

مدونتك منورة اكتر و اكتر
البوست بتاعك ممتع جدا خصوصا مع طريقتك الجميلة ف رسم الموقف و فيه كمية معلومات مفيدة
بس انا ليا تعقيب صغير
او يمكن استفهام
هو ازاى المدونين و المدونات بيعملوا كتب لمدوناتهم .. و هل ده رغبة شخصية و لا نتاج اختيار من قبل دار النشر المتبنية لموهبتهم ؟؟
شفت الكلام الكبير ده ؟؟؟؟؟؟
ههههههه

إبـراهيم ... معـايــا يقول...

ياسمين، ودار الشروق بتسلم عليكي، وبتقول لك صوت المدونين واااصـــل من زمان، ، ، وكده يعني :)

***************
سحس بيه ، من أنت ؟؟؟

***************

الجميلة أنين الحزن، وهوا كمـان بيحبك قوووي

إبـراهيم ... معـايــا يقول...

بيسو :
عقبال كل أيأم الدنيـــا يا جميييل

وما تبقيش تقطعي كده فجأتــ(ن) ...

منوراني

************
أهلاً فضفضة، لااااازم أبقى معايا طبعًا يا بنتي، أمال أبقى لوحدي ؟؟؟

كويس إنها عرفتك ع نـاس تانية ، ونورتي عالم التدوين أصلاً ، والله يكون ف عونـــك :)

واصطنعتك لنفسي يقول...

آخ .. أول زيارة ومعترضة .. مش ممكن كده.. طب ده إحنا بنلم أصوات عشان نحذف يوم الثلاث من الأسبوع .. يمكن حال البلد وحالنا يتعدل.. شكلك بكلامك ده هتبوظ كل الشغل

يوم الثلاء كان أطول يوم في المدرسة .. أجمل الندوات في الساقية يوم الثلاث وبيكون عندي نشاط تاني مقدرش أتنازل عنه .. يوم الثلاثاء يوم ما غادة ناقشت الكتاب .. يوم الثلاث .. يوم الثلاث .. كفاية بقي خيرات يوم الثلاث

مقالتك رغم إنها قد تبدو عادية .. لكن روحها جميلة .. جعلتني أبتسم رغماً عني .. رغم إنها عن يوم الثلاث

:)

Noha El-arabi يقول...

لا انا مش جاية اعلق
انا باسجل حضور بس
يعني كل الاسامي الجامده اللي في البوست ده
ربنا يوعدنا
و انت عامل ايه بأ يا استاذ ابراهيم؟؟

الاسطى يقول...

سلامو عليكو
ايه ياعم مين اللى قال ان التلات وحش
طب دانا باعشق يوم التلات
علشان سوق التلات عندنا فى الزقازيق :)
و كل الكلام دا كنت شايله فى قلبك كده ..؟ كويس إنك طلعته
سلامى ليك
و لكل الناس الحلوين اللى كانوا معاك
على فكرة اول مرةاخد بالى النهاردة ان بلوجى موصول ببلوجك ..
تحياتى

الاسطى يقول...

سلامو عليكو
ايه ياعم مين اللى قال ان التلات وحش
طب دانا باعشق يوم التلات
علشان سوق التلات عندنا فى الزقازيق :)
و كل الكلام دا كنت شايله فى قلبك كده ..؟ كويس إنك طلعته
سلامى ليك
و لكل الناس الحلوين اللى كانوا معاك
على فكرة اول مرةاخد بالى النهاردة ان بلوجى موصول ببلوجك ..
تحياتى

ahmEd_H يقول...

ملكش دعوة بيوم التلات

تحياتى

appy يقول...

لا اصحى مفيش نوم كل ده تفكير ياااااااااااااااا
بس مبروك للجميع ويا رب كلامهم يوصل الدنيا كلها

monaliza يقول...

يفرق فى ايه التلات عن الجمعة يعنى كلها ايام ربنا

إبـراهيم ... معـايــا يقول...

شيكو، كانش ناقصه غير وجودكــ ...

إنتي فينك يا بنتي ؟؟؟

عمومًا منورة ( فيه فضفضة غيرك أهه)
*****************
عيل باشا : حمد لله ع سلامتك، كويس إنك لسه فاكرنا، قول لأخوك إننا هنا

***********

قظة الصحراة :
مرورك هوا اللي جميــلأ يا فندم، فينك من زماااااااان

تحياتي .

حسن ارابيسك يقول...

ماشاء الله
دايماً كده حاضر الليلة من أولها
الحقيقة في كل مرة بتعيشنا في جو دافي يتخلله حب ووفاء نحمد الله انه لم يزل متواجداً بيننا
ومبروك لمحمد عز على ديوانه وإن شاء الله نحضر حفل توقيع لك بإذن الله
مش كنت طمعان في مشاهدة عدة صور تغطية مناقشة كتاب غادة مع نفسي
وكل ثلاثاء وانت طيب وايام الأسبوع كلها
تحياتي
أرابيسك

pinkyrose يقول...

اسلوبك جميل فى الكتابة جدا ..انا اول مرة اشوف المدونة ..بس شكلى هفتحها كتييير :)

دى مدونتى
http://wa7di-ofakker-137.blogspot.com/

Ratings by outbrain