أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

السبت، 15 مارس، 2008

الحيــــــــاة .. الحلوة ... :(

أوقات الدنيا بتبقى كريمة معااااك قووووي ، وف كل حاجة، انتا بس اطلب، واتمنى، وتفضل المشكلة بـــس إنتا كنت بتفكر ف كده ليه؟؟ .. نفسك ف بنت تقول لك بحبك، تجيب لك بنت تقول لك بحبك، مش بنت واحدة تلاثة، دنيا كريمة بقى، واحدة تقول لك بحبك، بس ، والتانية تقول لك بحبك قوي، والتالثتة تقول لك بحبك قوي قوي قوي ، وبموت فيك !! ، وتموت فيك تقريبًا !!! طب نفسك ف إيه، بنت بتكرهك، تجيب لك بنت تكرهك، وتكرهك قووي، ولو عاوزها تشتمك وماله، إنتا بس أطلب، واتمنى، المهم ما يفضلش ف نفسك حاجة، عاوز تشتغل، شغلانة أهي، مش عاجبك، بلاش، شغلانة تانية، عاوز المدير ينبسط منك مبسوط، عاوزة يطلع عينك، عشان تجرب، ونفسك تعيش، أهو طلع عين أهلك أهه !!! ...

تبقى نفسك تعرف ممكن تتقبل كإنسان إواي، أديك اتقبلت أهه، وممكن تترفش إواي كمان، أديك اتقفل على وشك، عاااادي خااالـص، الدنيا بتسلم عليك، وبتقول لك يا أنكل ممكن من غير مبررات، اللي اتتبى بيتهد كده !!! ....

وهي من بعيد تضحك(من حماقتنا) أو تتأمل، أو لا عليها منك ...!!! لا فـرق !!

... جربت كده شوية؟، وبتضحك برضه ؟؟ وولا على بالك ؟؟ طب خد حبة كده بقى ...، هااا إيه رأيك ؟!!

كل الإمكانات المتحاة والمستحيلة رهن تفكيرك أنت الخاص..جدًا !!

ولا زلت تفكر في أن تعيش التجربة/التجارب ...

تعلم الدنيا أن هناك تجربة تفكر فيها كثيرًا .... مختلفة أيضًا، ومريحة ...ولكنها تقول لك ببساطـة ... دي بقى ..بعينــك !!!

أنا عارف المشكلة فين؟، المشكلة إني بعيد ... والبعيد مهما كان شايف وحاسس مش زي القريب، وربما لذلك قالوا اللي إيده ف المية !!

عارف عامل زي إيه، زي اللي ف السيرك و ..//////// أي هبل !!!

يجي لي خاطر حلو قووووي ..... نفسك تغرق وشك ف شوية مية، حاجة زي الريفريش البني آدمين كده، عاوز إحساس اللي بيغرق، عندك شجاعة القيام بالتجربة، عمرك فكرت تعيش ده شوية، تملى الحوض بالمية وتغطَّس وشك فيه، وتسيبه شوية، أول ما تحس بالاختناق، ارفع وشك....،،، عادي ... خد نفس، ونزل وشك تاني ....... مدة أطـــول .... ، لما تتخنق قوووي، وإنتا جوووه اسأل نفسك بصدق، عاوز تكمل، ولا تخلص كده؟!!

الحياة سخيفة، معااااك، ومملة، وغبية، وغريبة، وصعبة، وتبتة، ورخمة ، وسقيلة، وتخنق، وتشل، وملهاش لازمة، ومش مستاهلة، وتحرق الدم، وعاوزة ضرب النار، وتقرف، وتغم،وتطفش، وتكئب، ووووووووو........

بس عايشينهاااا.....، وبس ـ ياللغرابةـ بنحبها !!!

يبقى :

زي ما هيا حبها !!! بمرها، ومرها !!

التدوينة القادمة : تغيير الشاشـــة كـقرار مصيري ....

وشكلنا هنرجع لموضوع الاستفتاءات على الموضوع القادم !!! لأني اتخنقت مني،بما إني ف الحياة!!!

** تحديييييث ::: آآآســـف ياجماعة على الخط اللي كان ملخبط، أصلي عقبال عندكووو بستعمل فاير فوكس :)

هناك 24 تعليقًا:

غادة الكاميليا يقول...

وان مفضلش معاك غير قلبك مش هتموت هتعيش
هى الحياة ياعزيزى
زى البطشيخة :)
بس البطيخ مضروب مبقاش فيه بطيخ أحمر خلاص
ممكن تقلب بتنجان بعد كده
:S

وجـــه جـــديد يقول...

الدنيا شيل و حط ولا زرع البطاطـس
اللي بيغطس فيها يعيش بقية عمره غاطس
و اللي يعوم اليوم بيحيى على برها
ولم يجيه المــــوت يموت من ضحكته فاطس


التكيف يا عزيزي
هو السر في بقاء شعبنا
عمرك شفت في قوانين البشرية
واحد مخنوق جوة الاتوبيس
و رافع ايديه ايديه الاتنين فوق
و راكن راسه على الهوا و نايم
أهو ده متكيف بس عايش

أما اللي بيتأفأف من الحر و الزحمة
و يلعن هدومه أهو ده يعيش ازاااي

ammola يقول...

انا من ساعة ما اتعرفت على مدونتك وانارافعة حواجبى لفوووووق مع انى كنت فاكرة الاندهاش بقى"ديموودييه"
كلامك اللى قريته مختلف والتدوينة دى عايزة حد رايق علشان يفهم ان الحياةمش عايزة اللى يقفش معاها..مع انى كنت قافشة قبل ما اقراها
عارف..الانسان كائن مقاااااوح ودايما مستنى الاحسن وده اللى مخليه عايشها.
بجد..سعيدة بالتعرف عليك من خلال مدونتك.

مروة الزارع يقول...

بوست فى الجون

بس بليز

راعى المكفوفين اللى زيى ووسع الكلانم من بعضة

اختك ظروفها صعبة

:))))

pinkyrose يقول...

انت اكيد فى جاجة كانت مزعلاك ..
بس هى فعلا الدنيا كدة ..مملة الى حد كبييير
و كونا بنجرى ورا الدنيا و بنحبها و عايزين نعيش كل تجاربها ..ده وضع طبيعى ..ودى حكمة ربنا ..علشان نعرف نعيش فيها ..
تخيل لو البنأدمين ملوا حياتهم ..ومكانش عندهم الرغبة فى عيش اى تجربة جديدة ..أتامل ..مكنش الدنيا هتمشى و تتعمر ..
بس اجنا لازم نحبها زى ما هى ...الدنيا :)

إبـراهيم ... معـايــا يقول...

غادة ...
أولاً نورتيني قوووي قطعًا، وماتبقيش تغيبي قوي كده ...............
حلوة قوي لو مافضلش معاكـ ـ غير قلبك !
بس تفتكري ده كمان بيفضل؟!!

بطيخ إيه بـــــس ؟؟؟
***************
د. أحمد نورتني
بنتكيف ونتكتف
ونتلفلف ونتستف
وبرضو مفيش فايدة!!
عايشينها وخلااص :)

إيه دنيــــــــا :)

إبـراهيم ... معـايــا يقول...

أمولة:
سلاامة حواجبـك :) ...
أنا أسعد بمرورك من هنـا
لكلٍ طريقته في الـ(مقاوحة) ...

كوني بخير و ... أمـــل (ربنا يكفي)

غير معرف يقول...

كله بيعدي يا إبراهيم ومحدش عارف بكرة جايب لك إيه معاه مش يمكن فرحة كبيرة أوي مستنياك مين عارف

إيمان الميهي يقول...

أولا التدوينة دي حلوة جداااا
بس للأسف إحنا دايما جوه الملعب مش بنشوف .. يمكن يكون عندنا كتير بس مش حاسين بيه .. و يفضل تعلقنا بأي شخص / أي شئ سراااب لأنه مممكن يتاخد مننا ف لحظة .. حتى نفسنا ممكن تتاخد مننا ف لحظة .. ممكن نتعلق بالله سبحانه و تعالى الباقي و احنا مؤمنين بالنصيب و القدر
متهيألي مخرجتش عن الموضوع .. ما علينا
إحنا ليه دايما بنفهم الحياة صح أوي و ناخدها ببساطة بعدما تمطوح فينا .. ايه تمطوح دي ؟
ما علينا تاني
و أحييك ع الغنوة الجميلة للمطربة الجميلة برضه أميرة
و كل سنة و انت طيب بمناسبة مولد النبي

la3lahakhier يقول...

اول مرة امر من هنا ..
بوست محتاجة لقراءة تانية
تحياتى
لعلها خير

asfour-elnar يقول...

لا يا عم سخافه الحياه ارحم من الخنقه

ف حوض الميه....دي حتي تبقي موته فطيس

لسه برضه علي هذه الارض ما يستحق

الحياه ......ماهو اكيد مش كله ضرب

ضرب.

كلامك جامد قوي ياعم ابراهيم و مرورك

اسعدني

لـــى لــــىِ يقول...

تعرف؟

آنا ساعات اصحى الصبح، اقول لنفسى النهاردة يوم جميل
انزل اروح شغلى، اقوم يا سلااااام النهاردة يوم جميل
العربية تعطل، اقول الله يوم مميز بس جميل
اروح الشغل متأخرة المديرة تدينى الدوبل بووز
اقول ياعنينى إنه ليوم جميل
اخلص الشغل وارجع البيت مكسرة م التعب
احضر الغدا لزوجى وبنتى واقول ياحلاوة اليوم ده
ايه ده، دنيا عسل عسل عسل صحيح
انزل تانى اعمل مشاوير او احضر عزا ولا اي واجب اجتماعى
اقول اما الدنيا جميلة بشكل

ههههههه

نوع من الغيبوبة بعيد عنك
حفاظا علي الصحة من الضغط والسكر بس
اصل لو اتضايقت او كشرت او اتعصبت
ايه هايتغير
nothing
ياعزيزى
وادينا عايشيييييين

تحياتى

مها يقول...

المبدع ابراهيم
سعدت بمرورك على المشربية اليوم وسعدت أكثر بإضافتك لمدونتى فى قائمة "وانت معدى" .. بجد اعترافك بيا حاجة كبيرة أوى عندى ..
أما عن حذف تعليقاتك فلم ولن أفعل .. المسألة هى فقط أننى حجبت إحدى التدوينات والتعليقات المرتبطة بها وذلك حتى يمكننى نشرها كاملة بدون كلمة "يتبع" .. وأما عن عدم نشرك لكل ما تكتب من قصص داخل المدونة فهذا اختيار لا حق لنا فى مجادلتك فيه .. لكنها خسارة لقراء المدونة ولا شك ..وأنا منهم . وعزاؤنا أن تكون القصص متاحة فى المكتبات ..
وكنت عايزة أعرف إزاى نرفع ملف صوتى كخلفية للمدونة .. يعنى زى أغنية "كل خوفى" الرائعة المثبتة على مدونتك .. وإزاى نخليها تشتغل مرة واحدة من غير تقطيع فى التحميل؟

!Thank You For Everything

إبـراهيم ... معـايــا يقول...

مروة هانم الزارع ....
جون غيه بـس، ههوا إحنا بنلعب كورة ؟؟، ممممممممممم الخط زي الفل على فكـرة، إنتي اللي مكبره الخطوط عندك

منورة يا ستي، وماتبقيش تقطعي

***************
بينكي روز :
آآآآآآآآآآآه، حاجات مش حاجة الحقيقة!!
بس هيا الحياة كده يا فندم

ومنورة البولجزبوت

إبـراهيم ... معـايــا يقول...

الـ غير معرف


نعم يا عزيزي، كله بيعدي !!!
نعمل إيه يعني، وإحنا بنعديه برضوووو

*****************

الحلوة جدًا ... إيمان:
إززززيك يا بنتي ، يا إيمان أنا كل تدويناتي اللهم حسـد مابين حلوة وحلوة جدًا، وشديدة الحلاوة، والطحينية !!، مش عارف أقول لك عليا إيه !!
قالوا السعيد ف التدوين تعيس ف الحياة !!! يمكن !!
نحن لا نفهم الحياة ... أبدًا بالمناسبة

نحن فقط نتعامل !! ونتعاطى

وهيا بتدينا على قفانا(لامؤاخذة)، واستحملوا !!!

maii bahaa يقول...

وبما أني أحيا في الحياه مثلك تماما فإني أتوقع منها الخير وأجده وإن لم يحدث فعادي واحنا كده كده قاعدين شوية وماشيين...ماتوجعش دماغك بأه عيش وخلاص وحاول تعمل فرق ولو بسيط
البوست عايز رغي كتير بس هارحمك مني كفاية عليك صداع
:)

هبة المنصورى يقول...

يحضرنى قول الشاعر محمد بهجت

الدنيا رغيف حواوشى
على طول متلهوجه
سخنه وموجوجه
حراقه ومزعجه
والناس بتحب نارها
وده حال الأمزجه...

الدنيا رغيف حواوشى
من بره هاللا هاللا
من جوه يعلم الله
ليه تطلبها بمذله؟
اكسر مناخير غرورها
واكسر ورا منها قله...

الدنيا رغيف محبش
مجنون اللى ماحبش
وعاش خايف ملبش
إذا خفت تاكلها تاكلك
وتزودلك مشاكلك
لو خايف سيبها وامشى
الدنيا رغيف حواوشى

:)
محتاجه أسأل الغنوه اللى شغاله هنا بتاعة مين؟ وكلمات مين؟ حلوه!

وحبيت أقول إن البوست كان هيبقى أحلى لو السطور مش لازقه ف بعضها

يلا أسيبك تتلذذ بأكل الحواوشى

جسر الى الحياة يقول...

اولا ازيك يا ابراهيم
ثانيا رغم كل الحاجات اللى احنا حاسنها وحشة فى الدنيا الا انها برضه جميلة بذمتك بتحبها ولا لاء.. قصدى الحياة طبعا
احنا فى الحياة يا ابراهيم دائما فى حالة انتظار للاتى سواء كان محزن او مفرح
انا هنا على الطريق يا حبيبى انتظر
وفى فمى ابتسامة تموت ثم تزدهر
من قصيدة انتظار لاحمد عبد المعطى حجازى

kafrawy يقول...

بصراحة يا هيما
الحياة بقت وحشة خالص
اقوللك

زى الزفت يااخى و الله


هههههههههههه

احبك فى الله

إبـراهيم ... معـايــا يقول...

لعلها خيـر :
مرورك أسعدني، و .... لعله خير :)

*****************

عصفور النار:
ممممممممممم يعني الحياة مش خنقة، ماشي يا عم ، أنا كمان مرورك أسعدني، يعني إحنا الاثنين مرورنا أسعد بعض، تحياتي
و عقبال ما تيجي كل مـرة

إبـراهيم ... معـايــا يقول...

أستاذة لي لي :
نورتيني ، فعلاً أنا برضو ملاحظ إن
Nothing يا عزيزي
و اوقات nothing بالمايونيز !!
وفكرة افتراض إن اليوم يكون جميل عشان الصبح دي أنا طلقتها بالثلث، بس الفكرة إن فرق بين يوم جميل، أو يومين، وبين حياة

حلوة
وأمورة :)

******************

أستـاذة مها، كما قلت لكِ هناك، أنا أسعد يا ستي بمتابعتك، وتحت أمرك دااائمًا، مش عارف يعني، أسيب لك كود الأغنية هنا، وتبقي تاخديه، ولا إيه؟؟؟؟ .....
وعلى كل حال كتابتك فارضة نفسها، وسعيد بتواجدك أيًا كان
و صباح الخير
( ملحوظة: مش لمها بـس، هوا العربي مش بيبقى ظريف ف الشكر أو الـ nothing)؟؟ تحياتي

نهى جمـال يقول...

الحياه حيلوه ومنعنشة ومفتحه كمان ههههههه

....

الحياة سخيفة، معااااك، ومملة، وغبية، وغريبة، وصعبة، وتبتة، ورخمة ، وسقيلة، وتخنق، وتشل، وملهاش لازمة، ومش مستاهلة، وتحرق الدم، وعاوزة ضرب النار، وتقرف، وتغم،وتطفش، وتكئب، ووووووووو........

بس عايشينهاااا.....، وبس ـ ياللغرابةـ بنحبها !!!

.....

ههههههه لا قليل صحيح
هيا الحياة صحيح مش ولا بود
بس مش لدرجة اننا بنحبها اوي عايشينها علشان لازم نعيشها

وعلى راي وجيه بيك ان مفضلش معاك غير قلبك مش هتموت
اهه هتعيش بشكل ما من الحياة


بس على فكرة عجبتني وجهة نظرك بتاعة الماية والحياة فيها فلسفة وده بجد

عادي ... خد نفس، ونزل وشك تاني ....... مدة أطـــول .... ، لما تتخنق قوووي، وإنتا جوووه اسأل نفسك بصدق، عاوز تكمل، ولا تخلص كده؟!!

تحية يافندم ويارب تشوف الحياة موف وبمبك من غير بقع

أية يقول...

هو المكان ده غويط ده ده
انتا بتبص فين بقول ده
ايه يا ابنى بالراحة علينا بجد غووووووووووووووووووووويط
بس بجد 100\100
وميرسى على زيارتك المفاج
اة بس بعد كده ابقا قولنا عشان نعمل معاك الواجب

إيما يقول...

لو عملت يوما ما استفتاء علي (التدوينة الأفضل) مثلا ..أعتقد التدوينة دي ممكن تكون منافس قوي جدا علي اللقب ده:)
وبرغم كل نكهات الملل والاكتئاب برضه هتفضل فيها ألوان للفرحة

Ratings by outbrain