أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الاثنين، 31 مارس، 2008

إبراهيم .. يصدر ..كتابًـا !!!!

مبدئيًا أقسم بالذي خلق السماوت والأرض، إن دي ما غلطتي، فلست أنا صاحب دار النشر، ولا المشجع الأول، ولا الأخير على ماحدث ، هيا مؤامرة يا جماعة، اكتملت أراكانها، وكنت أنا الضحية الوحيـــدة ....

وده حقيقي، وإلا فمن قال ليحيى هاشم، أن يكون (حد محترم) مبدئيًا، ويحمل حلمنــا على عاتقه، ويعمل ف سنة دار نشر(اكتب)، تجمع كل أصحابي ف دواوين، ومين قال لمحمد العدوي (ده صحوبيته قديييمة) تشعلل الفكرة ف نافوخه، وينشر كتاب !!! الدكتور الرزين العاقل المحترم، اللي مابقالوش كثيير بيكتب أصلاً ، ينزل مجموعة قصصية، لأ ، وحلوة، لأ ، ويوم ما ييجي يمضي العقد لااااازم يكون عندي (عشان أصحاب طبعًا) ، اللي هوا أنا لو لسه بادي كتابة هقول يعني ممكن كمان خمسميت سنة، ولكم أن تتخيلوا مقدار الخباثة، اللي خلاني ف صلاة الجمعة متخيـل إن الراجل بيتكلم في حكم نشر الكتاب الأول !!يوميها ، ما أنساااهوش، لأ وهوا وبراءة الأطفال في عينيه، يمشي يوميها، بعدما شعلل الفكرة ف دماغي ، كان يوم إيه يا عدوي ؟؟؟

لأ وده وكانت سلمى طبعًا نزلت كتاب (إذ فجأتن) ، يعني كل ما حواليك بيقول لك أين أنت يا فتى الأيام المنتظرة ؟؟؟؟

والمدونين، ما ينكروش إنهم شركاء الجريمة، إن مافي حد أعلنت عن كتاب ف مرة، ولا قلت الأيام الجاية لينا، إلا أما قال لي عقبال كتابك ، كأنه فرض عين ؟؟؟؟ ومن ساعة ما مغامير نزلنا كتابنا م السنة اللي فاتت، وهما على كلمة واحدة عقبى لك، عقبى لك !!!
طب شيلوا بقى !!!! ....
وامبارح إذ فجأتن (الكتاب خلااااص ف مراحله الأخيرة، والعدوي مخلص الغلاف من أسبوعين) اقترحت علي الصديقة المغمورة، ورفيقة الدرب والكفاح (وأحد أهم المحرضين) "هدى" وأصرت (طبعًا أصرت) إنها تعمل لي دعاية ع الفيس بوك، كانت نتيجتها 30 عضو إمبارح بـــــس ؟؟؟؟ يعني كإن الموضوع فعلاً مهم !!
الخلاصـــــــــــــــــــــة :

الكتــــاب سيكون بين أيديكم (من أراد يعني) إن شاااء الله الجمعة بعد الجاية، .... أكيد هيسعدني حضوركم جميـــعًا ،
طب إنتا بتقول إيه في الكتاب ده ؟؟؟ وهل هوا المدونة ؟؟ ويعني إيه نصوص ؟؟؟ و إشمعنى المسحوق والأرض الصلبة ؟؟؟ والكتاب بكام ؟؟؟ ، وهل فيه خصم للمدونين مثلاً ؟؟؟ واللي يشتري نسختين ياخد إيه ؟؟؟ وكـــده ....
.
.
أسئلة كهذه وغيرها، ستجدونها في صفحة الكتاب ع الـــ فيس بوق >>> المسحوق والأرض الصلبة

.
مدين بالفضل في هذا الكتـاب ...كتابة وتجميعًا، لأصدقائي المغامير بالتأكيـــد، علموني أمسك القلم، ولأصدقائي المدونييين كلللهم بجد .... و لي ... أنا بقى عشان ما أزعلش مني :)
.
وشكرًا لكل حـــد قال لي مبروك، وفرح لي بجــــد .... مش عارف أقول لكم إيه !!!
ياااارب الـــ ن ص و ص تعجبكم :)
السؤال دلوقتي : كم عدد أصدقائي اللي نشروا قبلي ؟؟؟؟، وماهي مؤلفاتهم؟؟ وكم واحد فيهم مدون ؟؟؟ وكام مغمور ؟؟؟
وياترى مين من أصحابي نازله كتب تاني ؟؟؟؟

تحديث ...هااااااااااااام ..... وعاجــــــــــــل

أولاً عشان خاطر مها، ومهـا :
مكنش مكتوب ع الفيس بوك كثيييير ، مجرد دعاية ، ورغي ، وإنه مجموعة نصوص، وإنه بــ 5 جنيه ، و ...كـده
وطبعًا بقى أي حـــد ممكن ينزل كتــــاب مع دار اكتب >>>>أحلامـــــك أوامر (دعاية أهه )

ثانيًا : وده الأهم والأخطــــر
إنه تقرر يبقى حفل التوقيع يوم الجمعة الجاية 11 /4 ، وذلك في تمام السادسة مساءً ، ف عمر بوك ستورز ... قطعًا

أتمنى أشوفكم كلكم



هناك 52 تعليقًا:

إيما يقول...

مبروووووووووووك!!
:)
لأ خليهاألف ألف مبروك عشان ده طفلك الأول:) ...
عقبال يا رب الاصدار المئوي والألف وما بعد الألف كمان

محمد العدوي يقول...

هقولك مبروك حين ألقاك غدا إن شاء الله .

:)

محض روح يقول...

الف مبروك
رغم اني سئلتك من فاتره كتابك هينزل امتى
مش رديت
:)
البلوره كانت بتقولي انه قريب

إن شاء الله يكون كتاب كميل

إبـراهيم ... معـايــا يقول...

إيما ، الله يبارك فيك يا قمر
الإصدار المئوي ده للمجلاات سعادتـــك


ربنا يخليكي

***********

المصمم الذي دفعني للهاوية
الله يبارك فيك، ده هيكون ردي :)

*************

دينـا : اللي فاكره أكثر إني بقى لي كثييييييييير أصلاً ما شفتكيش
عمومًا الله يبارك فيكي....

ومنتظرينكو جميييعًا في حفل التوقيع

maha zein يقول...

هو كلامك كان ملخبط ولا ايه اصلي مش عرفة
بس الي انا فهمتهانك نزلت كتاب
واو جدا
مبروك بكل حرقة وشدة وعنف
انا مش عرفة هو ممكن اي حد ينزل كتاب عادي
ولا ايه
بس انا فعلا سعيدة بيه جدا
طب اذاي
اشتريه واذاي ممكن نحتفل معاك

مها يقول...

خبر رااااااااااااااائع يا ابراهيم
مليون مبروك وعقبال الكتاب الثانى والعاشر والأعمال الكاملة!!
بس ليا رجاء
بعض من يهمهم جدا معرفة مزيد من المعلومات عن كتابك ليس لديهم حساب على الفيس بوك ولا يرغبون فى أن يسجلوا أنفسهم فيه ، فهل يمكنك تثبيت المعلومات الأساسية بشكل مختصر على مدونتك حتى نتابع معاً هذا الحدث العظيم ونفرح بك ومعك؟

تحياتى وتقديرى
دمت متألقاً فى سماء الإبداع والتدوين

حسن ارابيسك يقول...

ابو حميد
الف مبروك من كل قلبي
فعلا خبر حلو أثلج صدورنا وأدخل البهجة على قلوبنا
جميل أن تجعلنا نشاركك الفرحة بميلاد أول روائعك نقيم له الأفراح وسط أدبيات من احببنا أعمالهم القيمة والجميلة
وأتمنى أن يسعفني الوقت لأن أكون في وسط تلك الكوكبة التي ستزين فرحتك
وان شاء الله لك واجب عندي في المدونة
ابو حميد انت تستحق هذا وأكثر من هذا بكثير

بخصوص البوست السابق
كلنا أسعدنا فوز الأديب الجميل الرائع بهاء طاهر وسمرة أعماله التي تأتي من سمرة التراب المصري الأصيل
تحياتي ومبروك
أرابيسك

بيسوو يقول...

خبر حلو...خبر مفرح

انت عارف اني هقلك مبروك طبعا..لالا هقلك الف مبروك

الف مبروك..ومستنياه بفارغ الصبر

خمسة فضفضة يقول...

السلام عليكم ورحمة الله وبركاته


الف الف الف مبروووووووووك


وعقبال الكتاب رقم مليون

بحلم يقول...

والله عال
حتي انت يا ابراهيم..دي شوطة وطايحة ف البلد
طب حنتكلم ف الموضوع دة كتير
مش حقولك مبروك غير لما اشوفه..بس بصراحة مبسوطة بالتجربة دي جدا

عبدالرحمن فارس يقول...

مبروك

أرجو أن تكون بدايه موفقه نحو عالم افضل

محبتي

ihab omar يقول...

السلام عليكم
الف مبروك يا ابراهيم , انا سعيد جدا ً بهذا النبأ و باذن الله تالي الكتاب يحقق الصدي النقدي الايجابي الذي ترضي عنه
علي فكرة .. عن طريق عرفت انني تحدثت معك ذات مرة في مكتبة عمر بوك ستورز .. بس كانت جملة و رد غطاها و كان معي خطيبتي .. عموما لما اتشرف بلقاءك مرة اخري سوف يكون لي شرف ان اتعرف بك اكثر و اكثر
ما هو مؤكد الصدفة تتكرر باذن الله تعالي .. واضح انك بتتردد علي عمر بوك كتير
لن استطيع حضور التوقيع و لكني سوف اشتري الكتاب باذن الله تعالي
و مبروك مرة تانية , و غني عن التعريف انني امر يوميا ً علي مدونتك و لكنه الكسل كما تعلمون في كتابة رد
اخوك ايهاب

هدى يقول...

كنت ف لحظة ما متخيلة ان قضية نشرك لكتاب محسومة

لو ابراهيم ما نشرش امال مين اللي ينشر


مبروووووووووووك قد الدنيا

في انتظاره

وفي الانتظار

بننتظر

ولا ايه؟؟

إبـراهيم ... معـايــا يقول...

مها زين :
الله يبارك فيكي، معلش لوثة الكتاب الأول، وزي ما قلت لك تحقيق حلم الكتاب بقى ممكن مع دار أكتب فعلاً :) ...
نورتيني ، وياااارب أشوفك يوم حفل التوقيع

*************
مها مشربية :
الله يبقارك فيكي يا فندم، وتم إضافة المعلومات اللي سألتي عنها ف التدوينة .... وعقبال ما نشوفو مجموعتك القصصية الجامدة بإذن الله

إبـراهيم ... معـايــا يقول...

الجميل حسن:
بجد مش عارف أقول لك إيه، ربنا يخليييك، ومتشكر قوووي ع الشغل الحلو اللي على مدونتك .....
حسن ... مين (أبو حميد) ؟؟؟
عمومًا في انتظــاركـ يوم حفل التوقيع إن شااااء الله

ربنا يخليك
******************
بيسووو الجميلة، أنا كماااان مستنيكي يا جميييل ، لزمن أشوفك ، وكل المدونيني والمدونات .........
وعقبالك كـــده

Rania يقول...

الف مبروك و يا رب يوفقك فى حياتك باذن الله
تحياتى

The Alien يقول...

مبرووووووووووووك
بجد دا خبر جميل
في إنتظار الكتاب وأكيد هكون موجود في حفلة التوقيع
مبروك مرة كمان

تحياتي

sosa يقول...

الف الف مبروك يا ابراهيم
بجد خبر جامد
امال بس مجبتش سيرة واحنا فى عمر ستور ليه بس كنت باركتلك فيس تو فيس على طول

بليز يا ابراهيم ابعتلى ميلك بقى عشان الياهو بتاعى فرمت كل الميلات اللى عليه بقاله وقت ومش حافظة اى ميلات

والف مليون مبروك مرة تانية
وعقبالى بقى

Ahmed Al-Sabbagh يقول...



الف مبرووووووووك يا ابراهيم

والله بتمنالك كل التوفيق من قلبى

واحنا مجندين لخدمتك لغاية يوم الزفاف قصدى التوقيع هههههههه

كمان احنا عاملين ميتنج للمدونين اليوم ده الساعة اربعة يبقى هنخلص ونيجى كلنا على الساعة سبعة كدة

ايه رأيك

تحياتى

احمد



*سمر* يقول...

الف مليون مبروك ...
كلامك الجميل ده كان لازم يتعملو كتاب من زمان ...

بجد فرحتلك جدا جدا ...عقبال الكتاب ال 100 :)

http://wa7di-ofakker-137.blogspot.com/

د/اجدع بنوته يقول...

الف الف مليون مبرررررروك

عؤبال الكتاب التانى ان شاء الله

نهر الحب يقول...

مبرووووووووووووووووووووك

بس اكيد مش كفايه
انت تستاهل كل حاجه حلوه تسعدك

إبـراهيم ... معـايــا يقول...

خمســة : الله يبارك فيكي
هنـاء : عقبال ما توصلك الشوطة يا قاصة يا مغمووورة ، ومش عارف عاجبك تجربة إيه، وعلى إيه ؟؟؟ :) ، أشوفك على خيييير !!
عبد الرحمن :
هوا الكتاب حاجة يعني، بس عالم ... أفضل ، ما أوعدكـش بصراااحــــة ... نورت

إبـراهيم ... معـايــا يقول...

إيهاب بيـك :
منور العالم، مممممم ، هوا إن كان ع التردد أنا متردد آآآه، مش بس على عمر، جعلى اخواته كلهم ....
كان نفسي أشوفك ف حفل التوقيع
تحياااااتي
**************
هدى :
ربنـــا يخليكي، إنتي السبب ملييش دعوة، لو الكتاب ماباعش هجيب لك النسخ كللللها :)
وعقبال برضو ...كتابك :)

**************
رانيا : مرور أول عندي أصلاً ، الله يبارك فيكي

only spot يقول...

سلام عليكم
الف مبروك بجد ويا رب كده كل النسخ تخلص من اول يوم وبجد ربنا يوفقك ولمزيد من التوفيق
تحياتى

نضال يقول...

اقسم بالذي خلق السموات والأرض اني فرحتلك جدا جدا جداااااااا من كل قلبي يا ابراهيم
وانا كل اما اشوفك كاتب عن كتاب لحد من المغامير ولا من صحابك اقول لنفسي هو مش ناوي يكتب ولا ايه ؟؟
انا والله قريت العنوان اتخضيت
ده خبر كنت مستنياه من كتر ما كل اما ادخل عندك الاقي خبر عن كتاب جديد لحد من المدونين
مبرووووووووووووك يا ابراهيم بجد
مبرووووووووووووووك
لولولولولي

نضال

منة الله يقول...

الف مبروك يا ابراهيم
ربنا يكرمك و يوفقك من نجاح الى نجاح ان شاء الله
و عقبال الكتاب الالف

آية مش هنا يقول...

ابراهيم بجد بجد بجد .. ربنا يباركلك ..
أنا فرحت لك فرحة كأني أنا اللي نزلت الكتاب .. هيكون فتحة خير و وشه هيبقى حلو عليك ...
بس برده معرفتش المدونين هيبقى ليهم خصم خاص ؟؟

ياسر خاطر يقول...

بص مبدئيا هو الف مبروك

بس انا هاموت واسرد المسحوق زي اليوم بتاع نقابة الصحفيين لو فاكر
:))

الف مبروك يابراهيم ويا ابراهيم

إبـراهيم ... معـايــا يقول...

صديقتي الجميلة(هدى):
قطعًا مش عارف أقول لك إيه، بس ربنـا يخليكي ، و أنا كماااان لن أمل انتظـاركـ ـ ـ ....

شكرًا لكِ ... أكثر

*****************
رانيـا: الله يبارك فيكي ....و شكرًا قوووي

***************
بشوي : كويس إنك وصلت ...بدري ، أكيييد هكون في انتظـارك × حفل التوقيع ... تحياتي يا باشا

mohamed kamal hassan يقول...

ألف مبروك يا هيمة
ويارب يكون كتاب موفق
وياريت متنساش تعزمنى على أول حفل توقيع

ربنا يوفقك

محمد عادل يقول...

حلو ..الغلاف

Sherif يقول...

الغلاف رائع

ألف مبروك وكل التمنيات أن تحلق فى عالم المشاهير

خالص تهنئتى

Rain man يقول...

هو انا وعدتك اني هاجي خفل التوقيع ؟؟
وعدتك صح ..
وعدتك و لا لاء .. انت ساكت كده ليه ؟
و الله شكلي وعدتك و انت مش عايز تقول
طب ابقى فكرني بقى ما اوعدش كده عمال على بطال
اديك هتخليني اخبط مشوار سقع عشان خاطرك
بس صدقني ده يبقى من دواعي سروري يا هيما

اشوفك هناك بقى

محمد الشلفي يقول...

مبااااااااااارك

ياصديق ها أنت تتخلص من حمل ثقيل، حتى دون أن تقصد ذلك .

ونتمنى لك المزيد من الإصدارات

إبـراهيم ... معـايــا يقول...

سوسا:
الله يباركج فيكي يا ستي، مممممم ، تقريبًا نسيت أجيب سيرته، ولا مشعارف إيه ، الإيميل عند سعادتـك .....
منتظــرك يوم حفل التوقيع ....
منتظركوووو كلكووووو

*****************
الصباغ :
الله يبارك فيك يا سيدي، وشكو حلو عليـا أصلاً ، وأشكرك بشدجة على فكرة الاجتماع في نفس يوم التوقيع، منتظركم كلكم ....حتى تكتمل سعادتي

ألف شكر يا جمـيـــيييييــــل

*&****&*&*&*&*&*&*&*&*&
سمر نورتيني ، وسعيد بمتابعتك هنا و ع الفيس بوك
نشوفوكي يوم التوقيع بقى إن شاااء الله
تحياااااتي

R..R يقول...

2008 مبرووووووووووووووووووووووك ياهيما
اكيد دى سنة حظك وعقبال ما تخويه
ماتنساش تعزمنى
مبروك تانى

هناء صابر يقول...

الف مبروك يا ابراهيم
عقبال مجلد الأعمال الكاملة ...
لا لا لا
بعد الشر طبعا ....

سلام لكل مغامير
سلامى لطلبة كتيييير
يا رب مصر كلها تقرالك يا ابراهيم

micheal يقول...

مبرووووووووووك يا إبراهيم و تمنياتي بالتوفيق و النجاح

The Alien يقول...

الكتاب فين يا عم؟
ولا هنروح حفلة التوقيع من غير ما نقراه؟

تحياتي

سلمى البنا يقول...

ولازم نقول تاني و في كل مكان مبروك والفين مبروك وحتة كده يا سي ابراهيم

حمامة يقول...

الف مبروك :)

t3ban يقول...

مبدأيا قبل مقلك مبرووك
مين الي بيغني الاغنة الروعة الي أنت حاططها دي
أنا حفضيلك حجارة البلوج من كتر ما سمعتها
احيييك علي زوقك و احيي كاتب كلمات الاغنية عبر نافذتك الألكترونية

كرانيش يقول...

الف مبروك يا ابراهيم

اول مره اعلق بس مش اول مره اجى
عشان تعرف احنا كرما قد ايه

بارك الله فى قلمك
واخصب قريحتك

امييييييييين

inksarat يقول...

الف مبروووووووك
والى الامام دائما
سعدت بلقائك جدا وان شاء الله تتكرر
وعقبال مانحتفل كده بالمئوية .. اصدار كتابك رقم 100 يعنى
ـــــــ
الى اللقاء يا حبيب
اخوك احمد البوهى

باسم يقول...

مبروك على الكتاب ، مغمور أخر لم يعد مغمورا ، أظن بعد كل أصدارات الجماعه دي يجب تغيير إسمها لتصبح جماعة مشاهير ، أتمنى لك الإستمرار و التفوق ، و في النهايه ما يبقى بعد فناء الأجساد هو ما نحفره بأيدينا على الحجر/الورق
مبروك تاني ، هاكون معاكوا ف عمر بوك ستور إن شاء الله
السلام ليس ختام

إبـراهيم ... معـايــا يقول...

طبعًا مبدئيًا يا جمـاعة لزمن تلااااحظـو إني مش ملاحق ع الردود بتعذروني ، وبعدين امبارح كان معايا نسخة تجريبية، وكده بقى ، والموضوع يطول شرحه....


************************
أجدع بنوتة :
الله يبارك فيكي، عقبال كتب كتابك :)
،،،،،،،،،،،،،
نهر الحب : تسلمي يا ستي، وإنتي كمااان
:::::::::::::::
شيـــكو :
ربنا يخليكي ، من بقكـ لباب السمــــا ، أنا نفسي النسخ تخلص عشان مش هطبع منها تاني، وأقول لهم الكتاب خلص، وخلاااااص !!!

إبـراهيم ... معـايــا يقول...

الجميلة المختفية : نضـال
ربنــا يخليكي ، أنا فرحت لفرحتك قوووي كمااان، ويااارب عقبال ديوانك إن شاااء الله قريب، وياريت تشرفيني ف حفل التوقيع

***************
منة الله:
أول مرة أشوفك عندي ، ربنا يخليكي ، وعقبالك لوحاتك الجميلة، هنفكر لك ف فكرة ليها
تسلمي
*****************
آية ،،، هنا وهناك
ربنا يخليكجي يا ستي، المدونين ليهم مفاجأة مع كل كتاب ، بس تعاااالوا شرفوني
:)

في انتظاااااااركم

شروق ..مدونة تحت العشرين يقول...

ألف مليون مبروك
جميل جداً إن المدونين دلوقتي بينزلوا كتب و كتبهم قيمة و محتواها رائع جداً
إن شاء الله الكتاب لما ينزل إسكندرية حجيبه و أقراه
مليون مبروك تاني
كدة يبقوا 2 مليون مبروك :)

مصطفى الحسينى يقول...

مساء الورد يا أبو خليل
مع إنى عارف موعد حفل التوقيع وصدور الكتاب وقابلتك وعزمتنى
بس دخلت المدونه حسيت انى محتاج اكتبلك
مبروك
ألف مبروك يا باشا
وان شاء الله كتاب موفق

إبـراهيم ... معـايــا يقول...

ياســـر :
قلبك أبيض يا سيدي، أنا هبقى أقول لهم إن ياسر كان فاهم أنواع للمسحوق مختلفة، وإنه مش مهندس ولا حاجة ـ، وإنه ....


عقبالك كده يا مان

***************
محمد باشا كمال ، أول حفل ؟؟ ليه إنتا فاكرني ف ورقة وقلم، هوا أول وآآآخـــر بعون الله ، تشرفني يا محمد :)
،،،،،،،،،،
محمد عادل : شكلك لسـه زعلان ؟؟؟

**************
شريف: ربنــا يطمنك
الغلاف للمدون والصديق محمد العدوي
ياريت أشوووفـــك

إبـراهيم ... معـايــا يقول...

رجل المطر الجميييل:
سيسعدني وجودك بالتأكيييد، وحمد لله على سلااامـة مدونتك، وعقبال ما تكتب كثييير كده .....

***********
الشلفي : أشكرك بشدة وعنف ، وباستمرار
.
.
بس بلااااش السيرة دي الله يخليك :)

Ratings by outbrain