أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الثلاثاء، 8 أبريل 2008

مـــا ... قبـــل

عليكم أيها السادة والسعاة
النبلاء والظرفـاء ...
وجامعي طوابع البريد
.
.
عليكم جميعًا
اقتناص اللحظة
وتسجيل كل دقيقة وثانية
.
سادتي، وعبيدي على السواء
اللحظات لا تتكرر، ولا تعاد
.
إن لم تسجلوها ستضيع
وإن سجلتموها ...
ستضيع ... أيضًا
.
تسألوني ما الفرق إذًا ؟
أجيب
ببساطة وسذاجة
واندهاش مصطنع
.
الفرق ...
وأفكر كثييييـــــرًا
لا تقولوا لا فرق !!

اسمعوا الكلام الآن فحسب ....

يجب عليكم أن تسجلوها
هذه لحظةٌ حلوة :
الكتاب ـ أخييييرًا ـ بين يديـــك

وللمرة الألف أنت على يقين أن اللغة لا تنقل
والكلمـات جوفاء ! !
والشعور ...لا يوصف
نعم
يقولونها هكذا
يصفون بالنفي ...سادتي !!

حمقى، ومغفلين
سنخترع لغة للسعادة
ولغة للفرح
ولهجة للشعور والإحساس
.
.

عندما نفرح سنقول بملء الفم هيييييييييييييييييه
وباتساع الصدر والفم وااااااااااااااااااااو
ويااااااااااااااااه
وأخيرًا
و(أنا فرحااااااااان قوووي)
وسنجري كالمجانين في الشوارع
ونبتسم أو نضحك للغادين والرائحين
.
.
كتابي معي !!
كأنه الكنز !

لماذا لا تقول ذلك ؟؟؟
كأنه الحلم المستعد للتحقق فجأة
ستفاجؤك أحــلامك بالتحقق
.
.
وستكون مستعدًا لذلك جدًا
رغم كل حر العالم، وزحام المواصلات، والملل، و .."حرقة الدم"
رغم العصيانات والإضرابات، والوطن المغيب !
ستحصل على حلمِ ..... حقيقي !!
وترى حقيقة ...حـــالمـة !
حينئذٍ ... ستسجل الـ (ما قبل)

وتنتظر ...................
......................
.....
طوييييـــــــــلاً

ستقول ألف مرة ... شكرًا
ستكون ممتنًا جدًا .... (حقيقي)
لكل من شعرت بأنه فرح من أجلك
ولكل من اتصل بك لأنه غير مصدق..
.
ولكل من حرص أن يكتب كلمة مبروك بواوات زاااائـدة
كما تفعل
وكما يقولونها ...
تمامًا
.
ستحمد الله فجأة !

وتتذكر أنك ـ ربما ـ لا تستحق هذا كللللله !!
ولكنه .. لشيءِ مــــــــــا ...
منحك إياه !
.
.
ستنتظر مرة أخرى
وفي الانتظـــار ... لا تموت ... ولا تحيا !
(( ستتمنى لو كانوا معك ـأيضًاـ وتبكي !! ربما ، يتود أن تشاهد الفرحة في عين الصغيرة، بالذاااااات !! ، ستعلم أنك بتحث عن ما يحزنك بـ"منكاش"، لكنك تمنيت ذلك كثيييرًا ، ستتمنى أن يضمك حضن أمك الآن، وتسمع منها مبرووووك، وأنت تكتم المفاجأة حتى تكون أجمل، ستتمنى حتى لو كانت أختك معك، وقد أسعدها الخبر جدًا، ستعلم حينها يقينًا أن الدنيا مهما أعطتك فإنها تفعل بـ ــ حساب !!! ... ـ))
الآن ، ربما تؤلمك ردود الأفعال
عامدًا .... ستغلق التعليقات
.
.
وتحتفظ به لنفسك .....

وتقول لهم :


سأنتظركم جميــــــــــــــــعــــــــــــــــًا ......
.
.
تم فتح التعليقــات بناءً على رغبتكم ... والله
أميرة، عين ضيقة .. نوري ... والآخرون


هناك 18 تعليقًا:

هبة المنصورة يقول...

حلوه أوى التدوينه دى
مش عارفه أطلع منها أحلى سطرين لإنها بجد كلها جميلة

مبروك الكتاب
Congratulations
Felicitations
(على فكرة الأخيرة بالفرنساوى بس مش فاكرة بيكتبوا الأكسون إزاى.. ابقى ضيفها أنت بالقلم).. لازم هادور عليه واشتريه

جسر الى الحياة يقول...

مبروك يا ابراهيم ... اخيرا ظهر كتابك للنور ربنا يوفقك ان شاء الله انت انسان جميل بمشاعرك الصادقة والعفوية وعقبال ما تخاوى كتابك بكتب تانية فى القريب العاجل ان شاء الله
على فكرة يا ابراهيم كان فى خطتى انى اجى القاهرة واسجل لحظة فرحتك باول اولادك لكن الظروف اتلخبطت شوية على العموم الف مبروك واكيد هاجيب الكتاب ان شاء الله
تحياتى

بحلم يقول...

الله عليك يا هيمو لما بتتكلم وانت رافع ايديك
ولما بتكتب و انت سايب نفسك
كان يوم جميل، وانت كنت جميل
يارب حبة من حماسك ودأبك وجنونك..
ألف مبروك يا جميل..أحيانا

Soooo يقول...

باراهيم باشا

كنت النهارده في حفل توقيع كتابك وكنت اتمنى اني اقعد اتكلم معاك واسمع كلام الناس اللي في الندوة بس للاسف حصلتلي ظروف واضطرتني امشي بدري
بس ان شاء الله لينا قعده مع بعض بعد ما اكون قريت الكتاب ونبقى نتكلم فيه

والف الف الف مبروك
وعقبال الكتاب المليون



سلاموووووووووووووز

Unknown يقول...

ابرهيم العزيز :
عرفت انك طلعت كتاب .. ومن ورايا كمان .. ماشي يا عم .. الف الف مبروك بجد.. انا هقراه وأقولك رأيي بصراحة .. وكمان بعزمك رسمياً على حفل توقيع كتب مجموعة اول سطر يوم الخميس الجاي في مكتبة عمر بوك ستور الساعة 8 مساء .. بجد عايز اقابلك عشان اهنيك .. وعشان اشتري كتابك وتوقع لي عليه .. هنتظرك .. اوعى تتأخر .. مبروك مرة تانية.

نهر الحب يقول...

حزينة جداااااا......سعيدة

لا اعرف هذه المره اي شعور هو الغالب

عارف....انا تخيلت كل لحظة ...و مش عارفة هل قدرت احقق حلمي واحس اني كنت هناك بجد واللا ايه؟؟؟

لكن سعادتي لا توصف وانا حاسه ان حد من الغاليين عليه قوي بيحقق حلم

اكيد كاني انا

ولو كنت انا معتقدش اني حبقي سعيد كده


بجد

كان نفسي اكون موجوده

وكان نفسي اللي اتمنيت انهم يكونوا جمبك يكونوا جمبك
وانك تشوف الفرحه في عيون حبايبك


صدقني مش كتير عليك اي حاجه حلوه

مبرووووووووووووووووووووك

حلمي الاخير نسخة من كتبت

من غير ما اشتريه عشان غالي عليه

وعليه اهداااااء

بس

معلش طولت عليك

مها يقول...

إلى صاحب المسحوق والأرض الصلبة
كل التهانى بنجاح احتفاليتك واعتذار لعدم تمكنى من الماشركة فى هذا الحدث العظيم لظروف .. لكنى كنت وقراءك أجمعين - بالتأكيد - معك قلباً وقالباً.. وعقبال ما نشوفك صاحب البوكر فى يوم ليس ببعيد .. تستحق كل الإعجاب والإنبهار ..
ولى عودة للتعليق التفصيلى بعد شراء الكتاب إنشاءالله

مبروووووووووووووك

إبـراهيم ... يقول...

هبة المنصوري :
ربنا يخليكي يا ستي، والله يبارك فيكي
و : what is your name؟
و ... منتظر رأيك لما تقريه .
بالتفصيييــــل :)

***********
جسر الحياة الجميييـــلة

ربنا يخليكي ، وشكرًا قووووي على كل الكلام الجدميييل ده ، في انتظــار رأيك عن الكتاب ، وياااارب يكون يسجتاهل، ويعجبك

إبـراهيم ... يقول...

هنــاء ... بتحلمي :

حلووووة قووووي بكتب وأنا رافع إيدي دي، بكتب ع الهواء ...مباشـرة ، يعني
الله يبارك فيكي ، حقيقي كان جميل بيكم، وبتواجدكم الأجمــل
.
.
وعقبى لك يا فندم :)

*********************
سووووووووو باشا
على فكـرة أنا شفتك :)
أنا كمااان كان نفسي أكلمك، وأقعد معاك، ياللا خيرها ف ...كده يعني
منتظر رأيك ع الكتاب ،،، ولو عندك ف المدونة ........

شرفتني ، ولعله خيـــر

Rosa يقول...

حتى و أنت بتعلن عن كتابك بتعلنها بطريقه مختلفه
:)
كان نفسي بجد أكون موجوده في حفل توقيع كتابك , بس معلش بقى الكتاب التاني
و مش هقولك مبروك بالواوات الكتير كماهو معتاد
هقلك نهنأ أنفسنا :)
عقبال الكتاب العاشر إن شاء الله
و مرسي على دعوتك
:)

Shaimaa Zaher يقول...

مبروك يا إبراهيم

بحد فرحانة جدا
وإن شاء الله أجيب الكتاب قريب..

:))))))))))

غير معرف يقول...

ياااااااااه يا ابراهيم
نفسي اقولك مبروووووووك من هنا للسنة الجاية
يارب كل لحظاتك تكون كلها سعادة واحلى من بعضها
تعرف انت تستاهل فععععععلا كل ده واكتر
انت انسان جميل اوي
رغم انى لسة لحد دلوقتى ماشوفتكش
وكان نفسي اجى حفلة التوقيع واشوفك
وكان نفسي اجيب نسخة بتوقيعك
ان شاء الله انزل يوم الخميس وسط البلد
واجيب الكنز
الف مبروووووووك يا ابراهيم
( على فكرة البوست حلو اوي )
نـضــال

نوري يقول...

ايه ده اسمي مكتوب اخر البوست
لولولولولوللووووووووي
اخيرا طلعت ع الفضئيات اخيرا

ايوه كده واوعي تقفل التعليقات
تاني دي هي دي اصواتنا ياابني

وطبعا
الف الف الف الف مبرووووووووووووووووووك عليك الكتاب
وعقبالنا زيك كده
بس فيه مشكله
انا هقرا الكتاب ده ازاي
لو عندك حل ابقي قولي والنبي

ويلا بقي (بست وشز فور يو)0

نيران يقول...

انا جيت متأخرة حبتين تلاتة

بس اكيد مش هاتأخر اكتر من كدة في إني اقولك الف مبروك الكتاب..

و حلوة اوي نبرة السعادة اللي في عينيك..

مبروك و من نجاح لنجاح اكبر إن شاء الله


و بالمناسبة

التدوينة حلوة اوي اوي و كمان اوي

تحياتي

Noha El-arabi يقول...

لا لا ايه الكلام الجامد ده
الكتاب بيبان من مدونتك
مبروووووك

إبـراهيم ... يقول...

حسـام باشا مصطفى، أكيييد وصلك الخبر بدري على فكـرة، عمومًا في انتظـار رأيك، وإن شاااء الله آآجي لكو يوم الخميس، وبالتوفيق يا باشاواات

**************

نهر الحب :
ربنا يخليكي، إيه يا بنتي الكلام الحلو ده كللله، إن شاااء الله توصل لك نسخـة قريب قوووي ، وربنا يبارك فيكي، ويااااارب كل أحلامنـا تتحقق كده يااارب
.
.نورتيني :)

إبـراهيم ... يقول...

مها ..صاحبة المشربية :
أشكرك جـــدًا ، وتتعوض في المرات القادمة بعون الله، وفي انتظـار مجموعتك القصصية جدًا ، بالتـأكيـد ....
.
.
في انتظـار رأيك بعد شراء الكتـاب

****&&&&&&&&&&&&&&
روزاااا، حمد لله على سـلااامتـك يا بنتي
والله يبارك فيكي، كان نفسي أشوفـك ف التوقيع، وعلى كل نبقى نشوفك بعد ما تقريه :)

***********
شيمـاء ، أنا الأسعد بسعاداتك دي، وبالتأكيد في انتظـار رأيك ....
وعقبال مجموعتك الجاية يا فندم

Ahmed Shokeir يقول...

مبروك ياإبراهيم على الكتاب وكنت أتمنى اكون موجود في حفل التوقيع
ودايما بالتوفيق انشاء الله يااديبنا الجميل

Ratings by outbrain