مـدونـــات ..مصـريـــة .. للجيب .. أيضًا

.
عشان لما نقول إن (دار اكتب) تحقق حلمك ... محدش يبقى يـقول إزاي وفين وإمتى ....
.
هاهو حلم آخـر ...عشت بعض تفاصيله مع الأصدقاء "بوهي" و"مهنا"، وهم يحدثوني أنهم انتهوا بالفعل من إنشاء الجروب الخاص بالفكرة، وأن عدد المشاركين فيه في تزايد، وأنهم اختاروا دار اكتب ليقينهم أنها ستساند الفكرة وتدعمها، ولأنهم بصراحة لا يريدوا دار نشر كبرى تفرض عليهم وصايتها، أو ينسب النجاح إليها ....

حماسهم للفكرة ، وحبي ليها خلى اليوم كان حلووو قووووي ، رغم إن "القعدة" طولت حبتين، بس الواحد كان ماشي وهوا بيفكر في كتاب المدونات ده وكإنه ابنه التاني ( عشان اللي مايعرفش يعرف يعني) ....
الجميل .. أيضًا إن الكتاب ده الكتاب الوحييييد اللي محدش هيقول لي فيه مبروك لصاحبك، ولا مبروك ليـــك ، لإن ببساطة متناهية الكتاب ده بتاعنا كلنـا ،،، ولا زي ما قالوا : كتاب يكتبه الشعب المصري .....
ولا كلمة الغلاف الخلفي اللي عجبتني قووووي برضوو : إلى المغتربين خارج مصر وداخلها نهديكم كتابكم ...
.
دلوقتي لما يحبوا بقى يتكلموا عن الشباب يقروا "مدونات مصرية للجيب"، ولمـا يقعدوا يرغوا ف إنهم شباب هايف، أو ماوارهوش حاجة يبصوا على "مدونات مصرية للجيب" ، ومش العدد ده بـــــس كمااااااااااان ، لأ والأعداد الجاية كللللها ، اللي هتنقل لهم نبض الشباب المصري الحقيقي، الشباب اللي بيحب البلد دي وعاوز مصلحتها بجد، مش بالشعارات ...
ولإن الكتاب بتاعنا كلنـــا فطبعًا تجدر الإشارة إلى إنه مش بـ 15 ولا 20 جنيه ، وإن كانت قيمته طبعًا ممكن تعدي الأرقام دي ، بس إحنا مش أصحاب مصالح مادية، وعاوزين الكتاب يوصل للناس كللللها ، وتقرا ، وتعمل مدونة، وتكتب رأيها، وفكرها ، وماتخافش ، وتتأكد إنها هتوصل ............ الكتاب بــ 4 جنيه ...
.
الكتاب ، والفكرة بفضل الله تمت دعاية إعلامية جيدة ليها سواء في المصري اليوم (من قبل التوقيع) أو ما كتبته نهضة مصـر بعد كده بالتفصيل لعدد من المدونين

قطـعًا لستم بحاجة (بما إنه يومكم أصلاً) للدعوة لحفل التوقيع .. بكرة (الخميس) بمكتبة عمر بوك ستور الساعة 6 مساءً ...
والكتاب بأسبقية الحجز ، مش هنجيب الألف كلهم يا جماعة، المكتبة مش هتقضي، فاللي عاوز يلحق ييجي بدري ....

وألف مبروووووك لينـــــــــــا ........... والمجد للتدوين