أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأحد، 25 مايو، 2008

أنا .. والدستور .. الدستور وأنـــا


.... لا أعرف من أين أبدأ .. ولكن لأبـدأ من هنا .. تحديدًا :

سعدت بالخبر الذي نشـره الصديق المدون الجميل إيهاب عمر في مدونته، وقام بتصوير الموضوع ....
ذلكم هو نص/ قصـــة ( حـــدس) ... التي تنشر باعتبارها من "إبداع بكرة" باختيـار د.شيرين أبو النجـــا
في جريدة الدستـــور عدد اليوم الأحد 25/ 5 .... وفوجئت أيضًا أن للدستور(أخيرًا) موقع إلكتروني ...
.
.
فكرت أستغل الخبر ده، واتكلم عن علاقتي الملتبسة بجريدة الدستور وصحفييها، وأصدقائي فيها، ومن أعرفهم فيها عن قرب أو عن بعد، والصحافة المصرية، وفرحتي بالعدد اليومي للدستور (أول ما نزل).... وتحولي إلى مقاطعة الدستور بعد أن اكتشفت أني أكدس الأعداد ولا أقرأها، وتحولي الأخير للاكتفاء(التاااام) بتصفح الصحف والجرائد كلللها على الإنترنت(كلما تذكرت)، وبالمرة أجيب سيرة المدونة التي لا يعرفها أحد، والتي كنت أمارس فيها هواية أرشفة عدد من المقالات التي رأيت أنها مهمة، وبعد شوية برضة مليت، لا سيما إن الناس مش متابعاها مدونة (حريــــة) ....
.
وده ممكن ينقلني للكلام عن السياســة ، وليه مدونتي بعيدة عنها، رغم إني معروف ومحسوب ع المعارضة( حلوة محسوب دي) ...
بس مش هقول ده كللله .........
كفاية رغي بقى...

مممممممممممممممممممممممممممممممممممممممم
وكنت عاوز أشكر العدد الغفير من المدونين اللي سعدت بلقائهم يوم الخميس اللي فات، واللي هوا يوم لن ينسى في تاريخ المدونين المصريين، لمتابعة الأحداث انظروا تغطيات مسؤول الإعلام التدويني أحمد الصباغ

هناك 26 تعليقًا:

مصطفى السيد سمير يقول...

مبروك الكتاب يا زعيم
ومبروك القصة الجميلة
ونصيحة
عاود النظر في موضوع مقاطعة الدستور

appy يقول...

مبروك يا ابراهيم واوعى تزعل منى انى نسيت اسمك والله انت شايف انا كنت ملبوخه ازاى بجد سعيده قوى بمعرفتك لانك انسان محترم جداااااااااااااااااااااااااااااا

نهر الحب يقول...

المفروض اقول مبرووك .........يعني
اه طيب

بس زعلانه عشان مش بتعدي عليه

جومانا حمدي يقول...

الف مبروك يا ابراهيم

وانت تستحق ما اكثر

علله بس مش تتكبر علينا

ايوة يا عم ماشيه معاك

مش حقد ده طبعا انت فاهم :)

ههههههههه

ريحانة يقول...

مبروك يافندم:)

mayada يقول...

الف مبروك ياابراهيم
من تقدم لتفدم
وبعدين الدستور يعد
اكثر الجرايد احتراما في مصر
يعني الله يسهله ياعم
مش بحسد بقر بس

إبـراهيم ... معـايــا يقول...

الله يبارك فيـك يا مصطفى ....
. ومش عارف أعاود النجظر في المقاطعة يعني أكمل، ولا يعني أقاطع :) ، أصل زي ما قلت حاسس إني بقلب الجرنان وخلااااص
.....

ربنا يخليكي يا آبي ... أكيد أنا أسعد ، ومرسي على مرورك واهتمامك، ويااارب نتقابل على خيير دايمًا

Shaimaa Zaher يقول...

مبروك يا إبراهيم نزول القصة في الدستور

يارب المزيد ....وابقى افتكرنا

:))

Tamer Nabil يقول...

الف الف مبروك ياابرهيم

مزيد من التقدم والنجاح
ربنا يوفقك ويكرمك ياصاحبى




تحياتى

مروة ابوضيف يقول...

يا ابراهيم حرام عليك مدونتك جميلة اني اقراها و صعبة اني اتعامل معاها كل حاجة مغير اسمها
الف مبروووووووووك علي النجاحات ده كلها الكتاب جميل يا ابرايم موش هاعرف ارسم رايي علي فكره عشان انا بارسم وحش اوي هههه بس الكتاب فعلا جميل يا ابراهم الف مبروك
:)

jessy88 يقول...

الف الف الف مبروك ايه التألق دة كله ما شاء الله كتاب وبعدين جرنال لو دريم ولا الجزيرة كلموك اعتذر احنا مش ناقصين حسد بقي بعيدين تروح فيها ههههه

اهو ده عيبه يقول...

مبروك يا ابراهيم باشا

وبالتوفيق دايما ومن نجاح الى نجاح ان شاء الله

وسعيده جدا بمعرفتك
تحياتى ليك

إبـراهيم ... معـايــا يقول...

نهر الحب: الله يبااارك فيكي يا جمييل، وطبعًا وقطعًأ وحتمًا بعدي عليكي ، وكثير ... على فكرة
ماتزعليــش :)

***************
جومانا: نورتي البوجز بوت ، والله يبارك فيكي ولا نعلى ولا بتاع دي حتة قصة، أمال بقى لو خدوني كاتب ف الضصطور أعمل إيـه ؟؟؟..........
نورتي ، ويااارب تفضلي منورة كده دايمًا
.
*************
ريحانة: الله يبارك فيكي يا فندم :)

إبـراهيم ... معـايــا يقول...

ميـادة:
الله يبارك فيكي، يبدو إن وشكو حلو عليا على فكرة، والدستور طبعًا جريدة كويسة وزي الفل وشغالة ....
تحياتي ، ويارب أيامنا كلها حلوة معًا

*************

أستاذة شيماء:
أخيرًا شرفتيني ونورتيني، يعني لاااااااازم أنشر ف الدستور عشان ده يحصل، على العموم الله يبارك فيكي يا فندم ....
وإنتم ع البال

ra7eel يقول...

مبروك بجد لكل مدونين مصر
خطوه هايله فعلا

ههههههههه
مش انا بس اللى بقالى فتره بجيب الدستور ومش بقراه وبرضه بقالى فتره مش بجيبه لنفس السبب
تقريبا كانت تكون لدى عاده شراءه
ههههههههههههه
ماما اساسا هتجنن منى عشان اان مجمعه اعداد السنتين اللى فاتوا ومش راضيه اضحى بيهم

الف مبرووووووووووووك
تحياتى لك

هبه الاسكندرانيه يقول...

الف مبروك يا ابراهيم و عقبال ما نقرالك فى كل الجرايد كل يوم مقاله و كل يوم قصه

hesham يقول...

عزيزى

الكبير كبير برضه ياباشا

و لا زعيم الا الزعيم

الف مبروك على النشر بالدستور ياباشا

انا معاك فى تكديس الاعداد ده بس انا عندى فى البيت كده كده بيجيبوا الدستور و المصرى اليوم وكنت بتضايق جدا ان الدستور مالهاش موقع ع النت عشان انا كده كده بقرا المصرى اليوم ع النت فى الشغل فمش طالبة بقى انى لما اروح لسه ادور ع الدستور و عشان كده انا برضه فرحتى بالموقع بتاع الدستور كانت جامدة جدا

اما بقى بالنسبة لموضوع السياسة و المعارضة اللى انت محسوب عليها

احب اقولك ان احنا ككل كده مش محسوبين ع المعارضة و لكن المعارضة هى اللى محسوبة علينا و احنا كل و احد فينا محسوب على نفسه و كل واحد بيدفع تمن اللى بيقولوه و بيعمله لوحده ياباشا

لكن ده ما يمنعش اننا لو قعدنا على القهوة نمشيها انجليزى و كل واحد يحاسب على المشاريب بتاعته..هههههه

و هنا السؤال بيطرح نفسه بقوة:
ليه ابراهيم باشا ما بيكتبش فى السياسة و ما بيعلقش على السياسة رغم ان كل الناس عارفة انك العقل المدبر الحقيقى ورا الكتير من المدونات السياسية..هههههه..حلوة التصديرة دى

مع خالص تحياتى و تمنياتى بدوام الصحة و الدستور و البعد عن السياسة

هش

ملكة يقول...

مبروك يافندم على النشر وعقبال ما نسمع عن مقال نقدي عن كتابك من نفس الكاتبة وفي نفس المكان :)

إيما يقول...

ألف مبروك :)

sara rabie يقول...

مبروووووووووووك يا ابراهيم

الف مبروووك

ومن نجاح الى نجاح ان شاء الله


كل التحيات:)))

dodda يقول...

مبروك
احلى حاجه ان يتنشرلك فى جريده محترمه زى الدستور

بالتوفيق يا ابراهيم

والا اقولك يا مسحووووق؟؟؟

ليلى يقول...

مبروك أنا مبسوطة انى تعثرت في مدونتك وانى عرفت انه انت صاحب حدس
عظيم جدا أنا سعيدة بالمرحلة اللي بتمر بالكتاب في مصر
تمنياتي بالنجاح

إبـراهيم ... معـايــا يقول...

تامر باشا:
الله يبارك فيك يا جميل ... وعقبالك كمان ، وكده .....

*********
مروة : أنا ممكن أبقى مش مصدق نفسي إنك عديتي ، بس جربما يكون للدستور مميزات، أهمها إنك بتشوفيها بشكل يبدو تلقائيًا ، سعدت جدًا بمرورك ، وشكرًا لإطرائكم يا فندم .........

تحيااااتي

*************
داليا : الاكتشاف الجميل والمدونة المتميزة، وده مش عيبه خااالـــص ، شكرًا ليكي وربنا يبارك فيكي
ومنتظر رأيك في الكتاب
وتسلمي
.
.

إبـراهيم ... معـايــا يقول...

الجميل جيسي (أو ياسمين):
أولاً مبروك ليكي إنتي مشروع وطن، وأنا سعيد إني اتعرفت عليكي، وبعدين ما تلقلقيش أنا مانع كل اللقاءات الصحفية، والإعلامية لأجل غير مسمى وغير معروف وغير مفهوم !!1 هخهههه ما تخافيش

نورتيني

******************

رحيـل :
الله يبارك فيكي ، يبدو إنه الحال من بعضه ، وثقافة تكديس الصحف دي جودة تتوارثها الأجيال ....
شكرًا للإنترنت وفر علينا كثيييير

تحياتي ، ونورتي هنا

وإبقي تعالي على طوووول
*************

هوبـة :
مش شايفة ده كثير شويا ، ده حتى الناس تزهق مني ، مش كفاية مستحملني ف المدونة :)
نورتي ، وماتبقيش تقطعي كده ، مش يعني من لقى أحبابه :)

Amr Ezeldeen يقول...

خطوة اخرى موفقة يا إبراهيم.. شاهدت صورك مع العزيز إيهاب فى حفل توقيع كتاب المدونين.. و فى المرة القادمة بإذن الله اكون موجود..

خالص تحياتي

عمرو

Rana يقول...

انت والدستور والدستور وانت
ومبروك عليك :))

Ratings by outbrain