أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الأربعاء، 28 مايو 2008

بالألوان ..الطبيعية !!

بالألوان ..الطبيعية !!

في البدء تعرفنا على الحياة ..أبيضًا ..وأسود ..

خيرًا مطلقًا وشرًا مستطيرًا ، آلهة وشياطين ،،، ... لا بشر ! ، لا وجود للخطأ الإنساني، والثواب والعقاب ! ....

أوهمونا أن الحياة تسير هكذا .. أبيضًا وأسود .. شاهدنا أفلامًا سخرنا منها كثيرً، اكتفت باللونين الأبيض والأسود، وقالوا ذلك، ولم يذكروا ولو لمرة واحدة "الرمادي" !!

ذلك الالتباس ...

كان"الرمادي" حاضرًا بكل قوته، ودرجاته، لا كظل، بل كوجودٍ مستقل حقيقي، .. مساحةٌ فاصلةٌ بين الأبيض النقي، والأسود المدنس! ...

الآن/ اليوم لم نكتف بألوان الحياة الثلاثة، ولا الأربعة، ولا ألوان قوس القزح ....

امتلئت حياتنا بالألوان !!

حينما حرمت مختارًا من متابعة صفحات الأثير عبر الألوان القديمة .. استعدت شيئًا من تلك الحياة ..كاملة !! ....

أن ترى وتشاهد وتعيش بالأبيض والأسود (تقريبًا) ...

كنت أحدث من" يلونون" عليَّ كتاباتهم أن غيروا "اللون"، وأن "شاشتي/جهاز استقبالي" مصابة بعمى الألوان غدوت لا أحب الأحمر ولا الأخضر ولا الأصفر، بل ربما ولا الأزرق ! ... (ربما) ...

لونٌ واحد (كان) يظهر عندي، وأظلل ما سواه .. وإن بدرجاته .. ليظهر فأراه ..

التجربة خير برهان ...

هل تمنح الألوان حقًا لكل شيء كل هذه الزهو والبهجة اللذان يبدوان عليها من كل صورة ومن كل موقع ؟؟ أم أنها خدعة الألوان ؟؟

هنيئًا لأنا ..عودة الشاشة (وبدون إصلاح!!) للألوان الطبيعية .. وربنا يثبتها على كده !

البلد ظهيرة أربعاء 28/5

شكرًا لنهر الحب .. مرة ثانية

هناك 27 تعليقًا:

نبضات يقول...

أول التعليقات
بالألوان ....الطبيعيه
اسم جميل شدنى جداااا للقراءه والتعليق
واسلوب البوست جميل وعميق وعلى فكره انا من عشاق الافلام الابيض والاسود رغم افتقادها للتقنيه العاليه فى التصوير وفى التاليف بس بحس فيها معانى اجمل وارقى ولمسات ارق من افلام اليوم

واختلف معك ان اللون الاسود رمزا للتدينس ممكن احيانا ولكن مش دايمالان له معانى اخرى مثل الحزن وغيره

والحياه ايضا الوان لكن احنا اللى بنشوف الحياه بالالوان اللى جوانا فى ناس بتكون قاصر نظرها على رؤيه الوان معينه فقط وفى ناس بتشوف باسم الوان قوس قزح وفى بشر اخريين اعتادوا ان يروا الحياه بكل درجات الوانها

والبشر ايضا الوان ...ونظرتنا للبشر اللى حولنا هى اللى بتلونهم واحيانا نصاب بعمى الالوان فلا نستطيع رؤيه اللون الحقيقى للانسان

واحيانا نصاب بعمى الالوان فلا نستطيع رويه الوان الاشياء والطبيعه حولنا ولكن ...اكتر حاله ممكن تخليك تشوف الاشياء والطبيعه والحياه بالوانها الحقيقيه وتستمتع بالوانها الجميله .... عندما تكون فى حالة حب لانك لاتراه بعيونك فقط بتشوفها بعيون من تحب


تحياتى

خمسة فضفضة يقول...

السلام عليكم ورحمة الله وبركاته


هل تمنح الألوان حقًا لكل شيء كل هذه الزهو والبهجة اللذان يبدوان عليها من كل صورة ومن كل موقع ؟؟ أم أنها خدعة الألوان ؟؟

طبعا الالوان تعطي بهجه لا توصف ،وتبدل الشئ من حال الي حال
ولكن لا تنسي اننا نحن من يسبغ المعنى على اللون فنجعل لكل لون معني
مثلا الابيض للفرح الاسود للحزن الاحمر للحب ....الخ

ولكن لا اتخيل دنيا بغير الوان
اعتقد انها ستصبح دنيا اكثر كآبه وحزنا



سلام

smraa alnil يقول...

بعيدا عن الموضوع

ياريت تشاركوني في موضوع علي مدونتي
وتنشره معانا
تحياتي

ريحانة يقول...

"الرمادي" !!

ذلك الالتباس ...




صدقنى
أصدق الألوان فى نظرى الرمادى "ربما " للألتباس ..ربما..متى كانت الحياة واضحة كألابيض ..أو كان الموت صريحا كالأسود ؟



متى كان هناك فـرحــ..ـا أو حزنـ...ـا كاملا؟






مشوفتش يوم حاجة / حد خير كله او شر كله




"الرمادي" !!

ذلك الالتباس ...






تقبل ثرثرتى .. إن شئت


تسلم:)

حمامة يقول...

رغم عشقنا للأسود
ورغبتنا ف الأبيض
واعتيادنا على الألوان
إلا انه مازال الرمادى يملىء قلوبنا

:)

إبـراهيم ... يقول...

نبضـات ..منى :
سعيدٌ للغاية بوصولك كأول تعليق، وبتعليقك المطول الجميل ....
أفلام الأبيض وأسود نختجلف معها، ونحبها ونكرعه بعضها أحيانًا ،،، لا مشكلة...
لكن تفتكري ما الذي منح جالأسود ذلك البريق والهيبة ؟؟
نعم يقولون الآن أن الأسود جأكثر بهاءً، ويلبسونه في الحزن والفرح على السواء، ويلونون به الأشياء كي لاتتسخ !!
نعلم أن الحياة ألوانًأ عدة ...
كانت مجرد أفكار بمناسبة عودة الألوان لشاشتي، يبدو أنكم استجبتم لها بشكل جيد :)
حقيقي تعليقك أضاف الكثير ...
فشكرًا أكثر لكِ ولكلماتك ولمرورك الثري .....
وخلينا نشوفك ،،، تـاني :)

*سمر* يقول...

مبروك الشاشة اللى اتصلحت لوحدها (ما شاء الله ..اللهم لا حسد ) بس يظهر انك صعبت عليها فقررت تتصلح.. :)

انا فهمت بأه ليه كنت بتطلب منى اغير الالوان D: طيب مكنت تقول ;)

بس فعلا الالوان فيها زهو وبهجة ..اكيد ..والا ربنا مكنش خلقنا نميز اى الوان تانية غير الابيض والاسود
بالظبط زى ما فيه فراشات ملونة ..وفراشات مش ملونه..الاتنين بيعملوا نفس الشىء ...
بس الملونة ..بتجسد الجمال كقيمة فى شكل الوانها

اهو ده عيبه يقول...

الموضوع حلو قوى يا ابراهيم
والمساحه الرمادى فى حياتنا عماله بتتسع
بس المهم كل واحد يشوف الحياه باللون اللى يناسبه ويقدر يتعايش معاه

واضح ان الفيلم اثر فيك
وهنيئا لك عودة الشاشه لحالتها منا قولتلك سيبها وهى تتصلح لوحدها
ربنا يهديها كده على طول

تحياتى

dodda يقول...

اول حاجه شدتنى انى اقرأ
الالوان الجميله اللى فى الصوره

بعد مده طويله كنت اكتفى بالابيض

ادخلت الالوان لحياتى
الاسود لا يستهوينى

الوان البيبى الابيض والروز واللبنى بتدينى الاتزان

والاوان بتفرحنى

مع ذلك ظلت شاشتى 6 شهور زرقاء
حتى الاسبوع الماضى

إبـراهيم ... يقول...

فضفضة:
وعليكم السلام ورحمة الله :)
نمنح الألوان معانيها، وإحساسها الخاص، ثم نفترض أن الدنيا بلا ألوان بمعنى خاص أيضًا، هل تعتقدي أن الاكتفاء بألوان أٌل يعني ألا ألوان أصلاً ؟؟؟
لا أظـن ...
ربما هي مراحل إدراك وعي ..مـــا !!
شكرًا لمرورك

******************

سمرا : ولا كإنك جيتي، ماتخديش ف بالك

إبـراهيم ... يقول...

ريحانة:
مفاجئ ومدهش أن يكون حنينا للالتباس!! للاثبات للتشوه !! ... الرمادي والرماديون أكثر من أكرههم في الحياة!! ...ربما تبدو أشياء كثيرة ملتبسة، ولكن إذا غلب عنصر كان هو السائد، الرمادي لا يغلب عنصرًا أو خاصية !! ....
.
.
بالمناسبة .. تروقني ثرثرتـك .. في كل حال ... و ... سلمتِ أيضًا

إبـراهيم ... يقول...

حمامة ....
هل تأثرتِ بما قالته ريحانة ؟؟؟
لماذا يملأ الرمادي ؟؟؟
أليست الألوان كلها ... الحياة !
.
.
سعدت بمرورك
****************

سمر :
حمد لله ع السلامة، والله يبارك فيكي، الشاشة دي طلعت عيني، وهيا مش اتصلحت قوي يعني، بس الحمد لله ، هوا أنا مش صعبت عليها، هيا اللي شكلها لاقت مفيش منسي فايدة ....
الحمد لله على كل حـال
الألوان تعطي بهجة ... ولكن حقيقية ؟؟
سعدت بمرورك أيضًا ....
ما تغيبيش

Soooo يقول...

اللون الرمادي في حياتنا بقى سمه
طابع
صفه
صفه التصقت بينا من ساعة ما ابتدينا نعيش التخبط في المفردات والتخبط في الحياه ككل

يعني السبب في عدم رؤيتنا للالوان هي الحياه نفسها
ولا تعتقد اننا السبب .. بما اننا عايشين الحياه وبنشكل هذه الحياه

اعتقد ان سؤالك الجاي هيكون في النقطه دي
بس هيكون بمنطق .. البيضه ولا الفرخه .. الفرخه ولا البيضه

هيما .. بتلحسلي نافوخي زياده عن ماهو ملحوس بمواضيعك

ملحوظه
اكتر حاجه شدتني للموضوع .. هي تشكيل الحروف .. ياصبرك ياجرع




سلاموووووووووووز

An Author يقول...

الرمادى


لون اللى مش راسي على بر و اللى بيرقص على السلم زى حالاتى و فى نفس الوقت بيمثل عندى الوسطية اللى مش عارفة اوصل لها..

اللون ده تاعبنى نفسيًا فى بعض الاشياء ..
ومريحنى جدا فى اشياء أخرى..

المهم انه له عندى وضع خاص يختلف عن اى شىء اخر ..

Empress appy يقول...

عارف انا بحب كل الالوان الا الرمادى مش عارفه ليه بيخنقنى او اقولك علشان شبه الفأر ههههههههههههه
مبروك رجوع الالوان يا هيما

إبـراهيم ... يقول...

داليـا ...ده عيبه :
نورتي المدونة، ... الحياة ألوان فعلاً ، بس طبيعية ، ولا مختلقة دي المشكلة ، طبعًا كان لزمن أقول إن نهر الحب مااقصدش بيه الفيلم، عمومًا حصـل خييير ....
والشاشة بتسلم عليكي

*****************

دوداااا :
حلو قوووي ، يعني لست وزحدي من استسلم لفرضية سيطرة لون واحد محايد ملتبس ...
جميل جدًا ....
نورتي يا فندم

نهر الحب يقول...

اسمي في كدونتك ...........اناكده اتشهرت

ايه الهنا اللي انا فيه ده......شكرا؟؟؟؟ علي ايه........!

الناس الحلوين بيشوفوا الدنيا بالوانها الحلوه

واللي عيونهم حلوه بيشوفوا كل حاجه حلوه

الرمادي بيخلينا محتارين
والحيره احيانا قاتلة ....ان صح المعني

بس المثالية في اي شيء صعبة

شكرااااااااااااااااا

ط يقول...

ط
بعد السلام عليكم
ازيك يا مغمور
طبعا الحياة كانت أسهل كتييير بالأبيض والأسود
دلوقت الألوان كلها متلخبطة
مش احنا في زمن المسخ ؟
هنيئا لمرضى عمى الألوان
في هذا الزمان
تحياتي
ط

همس الليل يقول...

ازيك
رغم وقت كبير اوى معلقتش هنا
الا انى بتعشم متكونش نسيت مدونتى
انا بصراحه جيت عشان اسالك هو ايه نظام الاشتراك او متابعه مدونات مصريه للجيب
انا اسفه ان كان تعليقى على شىء بعيد عن موضوعك
بس بتعشم فى الرد
وازى انا معاك ههههه

إبـراهيم ... يقول...

***********
ســــوووو باشا :
نورت المدونة كالعادة، وأنا معاك جدًأ في سيطرة الرمادي، بس أكيد ده مش معناه إننا نستسلم له، على فكرة أنا مش مشكل الحروف كلًّها يعني :) اللي محتاج تشكيل بـــس
نورتني ... ونشوفك على خيـــر دااايمًا
*************
جيداااء:
إزيك يا بنتي، والله فيكي الخير إنك لسـه بتدخلي ع المدونة، أنا افتكرتك اعتزلتي العالم ده، ياريت ترجعي بقى .....
في انتظـــارك .. أهه :)

هبة المنصورة يقول...

هههه.. حلو المثل ده.. فعلاً يا بخت من زار وعلق.. ويابخت من دون وخفف! أنت عارف الدنيا حر وكده! الكمبيوترات مابتستحملش

بس دى مش ألوان طبيعية اللى ف الصورة.. هتضحك علينا؟! عموماً مبروك وعقبال كمبيوتر العيله هنا.. برضه بتلاقى الشاشة شويه بخطوط بنى تدل على حرق م الدرجه الأولى وساعات تلاقيها صافيه ولا نيل المنصورة الصبح بدرى

لو ليك ف التيجان ابقى اتفضله جاوبه..بس تجيبه تانى

محمد سلامة يقول...

اللون الواحد له أكثر من معنى , تتعدد معاني اللون بتعدد علاقته بالأشياء , فما أروع اللون الأسود حينما يكون لوناً للحروف المطبوعة في صفحات ديوانك أو روايتك و ما أقساه عندما يكون لوناً لثياب الحداد و ليس هناك أجمل من اللون الأبيض في فستان الزفاف و ليس أبشع منه في غرف المستشفيات و الأكفان , نحن الذين ابتكرنا الألوان و علاقتها بالأشياء تحدد معناها تلك العلاقة التي هي من ابتكارنا
إنما الألوان إنعكاس لنا
و شكرا على موضوعك الجميل

إبـراهيم ... يقول...

نهر الحب والجمال:
ده أقل واجب يا قمر، مممممممم الحياة فعلاً مليئة بالألوان، والجميل (زيك كده مثلاً) يرى الوجود جميلاً ....
دمتِ بخير ....
وبعيدة عن أي حيـرة ...

ونورتي
**************
الباشمهندس المغمور طارق باشا
نورت يا فندم، دي أول زيارة ليك هنا، وأول تشريف ......
مش عارف ، كانت أسهل ولا عشان هيا حنين وماضي و الكلام ده كللله !!!
بس إحنا ف زمن عجيب فعلاً !!

نورت أيضًا ، وما تبقاش تغيب

إبـراهيم ... يقول...

نورا همس الليل :
نورتي يا ستي .... وأتمنى أشوف لك تدوينة في الإصدار الجاي ....، وابقي تعالي عططوووول


*********

هبة نورتيني ، للأسـف واخد على نفسي عهد غريب، يعرفه القريبون مني ألا أجيب على التيجان، ولا البتنجان، بحس عندي حاجات أكثر ، ويمكن أهم عاوز أكتبها .....

نورتي ، وفعلاً عاوز أقول لك إنه عمال يبربش لي بألوانه دلوقتي لما هيفرسنيييي

تحيااااتي
وأِشوفك على خير
****************

محمد باشا سلامة :
نورت ، علاقتنا بالألوان كعلاقتنا باللغة نفسها بالمناسبة اعتباطية، ويتعارف الناس على معانيها، يعني مثلاً ف بلد يلبسوا الأسود حداد، و بلد تانية يكون الأبيض .....
شغاااال يعني

وأهي دنيا بتتقلب

Rannon يقول...

مبروك الشاشة..بالألوان الطبيعية :))

شهرزاد يقول...

هناك من يلونون
وهناك من يتلونون
أحيانا تكون الألوان هي أجمل ما في الصورة
لكن ياترى هل إذا اختفت وتبقى الأبيض والأسود
هل سنظل كما كنا؟؟؟
كل ما في حياتنا أبيض كان أم اسود سيأتي يوما ويتلون، فالأياماأثبتت أن الحدود الفاصلة لا وجود لها عند بعض الرسامين
بوست جميل، أهنئك عليه

ســمـــر احمد يقول...

مش عارفه ليه كل ما حد بيجيب سيرة الرمادى و يقول عليه حيادى ويقول عليه مش ولابد بزعل اوى لانه صاحبى .. كتبت له و عنه كتير
..
لانه مش بالضرورة لون مالوش شخصية لكن هو لون عاقل و رزين بيسكت عن اللى لو اتقال هايتعب ولو ( لبعض الوقت

***
وده شوية من كلامى عن الرمادى

***

الرمادى كائن متفرد بين جلال الاسود الساتر للالم


و المتحدث بلغة العرب و العجم


و حياد الابيض المنتزع من زرقة السماء


و لؤلؤية السحابالمهاجر بين شط الانتظار


و سماحة الانشطار بفعل شعاع طائش


انتزع لون البرتقال من ثوب طفلة تلهو ..

...

رغيت كتير اوى انا بس معلش دى اول زيارة لمدونتك يعنى عندى امتياز الرغى المؤقت
مودتى

Ratings by outbrain