أنت

في حياتي كلها أتوقع أن تكوني بذرة الضوء التي لا أدري كيف تنمو بداخلي لتنير اليوم، لكن أثرك أعجز ـ لازلت ـ عن التعبير عنه **** ، ولكنكِ تفرحين، وها أسنـانك تظهر .. ف تبتسمين :) وتطلع الشمس، هذه المرة ليس عنِّي بل عن جميل مرورك كلما حدث ... أمــــــــانـــــة عليكو أي حد يعدِّي هنا يترك تعليقًا .. ليستمر النور :)

الجمعة، 14 مايو، 2010

كــان ف جيوبي ..عااالم سُكـــر

* تنويه هام:
قبل قراءة هذه التدوينة يُرجى مراعاة قراءة ما بعدها في الأيام التالية، بمعنى أن 3 تدوينات لـ 6 أيام قادمة مثلاً !
ــــــــــــــــــــــــــــــــــــــــ
هل السُـكـر حلو ؟؟؟
يسألني فأتذكر النكتة التي تقول إن أحدهم عندما أراد أن يسافر أخذ معه الكثير من السكر لأن "الغربة" مُرة! ...
ولكني أقول له غالبًا حلو يعني!
. . . . . . . .. . . .
لا أذكر متى ساتمتع إلى الفريق الأسود لأول مرة (بلاك تيما)، مممممممممم، ربما صدفة في روابط كالمعتاد، ولكن ما أذكر جيدًا هو أغنيتهم الجميلة عن "مكعب سكـر"، اكتشفت فيما تلا أن لي صديقة عزيزو (أكثر من واحدة في الحقيقة) تحب بلاك تيما جدًا وأغانيها!

كلما ضاع مني شيء الآن، تذكرت أننـا نضع مكعبات السكر في جيوبنا صغارًا .. وكبارًا فيذوب!

الحقيقة أن الحياة تصنع مجازاتها بإتقان بالغ!
ذوبان السكر مثلاً

رغم أن الملح يذوب أيضًا ويترك أثرًا وطعمًا
إلا أنهم أبدًا لم يلحظوا أن ذوبان السكر يعطي طعمًا حلوًا، فقط يشيرون إلى اختفاء الأثر!
ماهذه الفلسفة الفارغة، اسمعوا معي :



أملـك صـورة أنا فيها صـغيــــر ...شكلي اتغيَّر ماعرفتوووش
كـــان ف جيوبي مكعب سـكــر ...داااب السـكـر مالقيتهوووش
وأما اتقطعت مني السـاعة ... وقع الوقت لاقيتني كبيييير !!

هناك تعليقان (2):

نهر الحب يقول...

طيب
صباح الخير
شوف بقي يا سيدي
انا مش عارفة انتوا شاغلين بالكوا بحكاية 30يوم تدوين دي ليه انا بصراحة مبحبش احس اني مجبرة ع الكتابة اصلي الكتابة دي بغزالة اصلا

يعني المهم بقي
انا قريتلك يا سيدي ال 3 تدوينات
وممكن اعمل لايك زي الفيس بوك وامشي يعني

علي فكرة بقي انا اصلا اليومين دول معنديش مزاج اقرأ ولا اكتب ومش عارفة السبب بس دخلت عندك انت بس وقريت اهو
انا حتي مبقتش بعرف اقول تعليقات اكيد فيا حاجة مش مظبوطة

التعليق هنا لوحده تدوينة يعني

المهم كنت بقول ايه
اه
كنت بقول ان ال 3 تدوينات حلوين وطبعا عجبتني الخاصة بالذكريات والحنين انت عارفني ادوس ف الحاجات دي علي طووول


عجبتني برضه حكاية الكلمة ووحشاني وكدة
يا سلام يا ابراهيم لو الواحد يعرف يقول الكلمة دي وكلمات تانية كدة كان حالنا بقي احسن والله
*_*
بس يا سيدي قلنا نيجي نصبح ونمشي

:)))

رحــــيـل يقول...

مش فلسفة فارغة ولا حاجة
طول الوقت معانا مكعبات سكر فى جيوبنا اوقات بس بيكون جيبنا زحمة ومش عارفين ندور كويس فبتكون مدارية ومحاتجه مننا جهد ان احنا ندور عليها ولو خلصت فى وقت ما محتاجين ناخد بالنا عشان نشوف هنجيب منين مكعبات سكر بدل اللى ذابت
:))
انا اول مره اسمع الاغنيه جميييلة جدا

Ratings by outbrain