ماذا يفعـل الشـعـر بنـا ؟!! 1 /2

أولاً : الكلام ده مش موجه بشكل خاص للذين يحبون الشعر ، بلعكس بقى ، موجه للذين لا يحبونه أولاً ، أو للذين يعتقدون أنهم لا يحبونه ، يعني الناس اللي مش مهتمة بالشعر قوي ، بتسمعه عرضًا ، وبتقراه قدرًا ، ويصادف إنهم يقولوا (مش بنحب الشعر ) ، أو ( شعر إيه اللي انتا جاي تقول عليه ) ، لأني ـ ببساطة ـ براهن إن دول أول ناس بيأثر فيهم الشعر ، ومش بيأثر عشان هما مش حابينه ، ولكن لأنه فعلاً مؤثر ، يعني ده عن تجربة فعلاً ، إن الناس اللي مش بتكون مهتمة بالشعر ، أجيب لهم قصيدة ، ولا اثنين من ذوات الإحساس العاالي ، والسهولة الممتنعة ، محدش أبدًا يخيب ظني ، ويقول لي إيه الكلام ده ! ، بلعكس يظهر إنه حاسه جدًا ، وبيحبه قوووي خااالـص ! .....
بس مش زي حالاتي بيدور عليه ، ويسعى وراءه ، ويجمع ، ويقرا ، ويحفظ ( ناس فاضية ، ومؤدبـة بقى !!) .....
ثانيًا : الشعر عندي خمس أنواع ( ده اللي يتقال عليه شعر يعني ) ، و التقسيم هنا ليس للتفضيل ،وإنما للتمايز :
( سهل ، وسهل ممتنع ، وصعب ، ومعقد ) ... دول طلعوا أربعة بس ، ماشي فيه نوع خامس اسمه (ماشعرش !!) . . .
وبالمناسبة كلامي هنا على شعر الفصحى والعامية على السواء ، لأني بحب الاثنين ، وبحسهم جدًا ، ولاشك أن كلاهما يؤدي الغرض المطلوب منه تمامًا ...
لكن التقسيمة دي تبعًا لفكرة العمل ، ولغته ، أنا مش عاوز أدخل على كلام نظري مجعلص ......
لكن (بدي ) أقول إن الشعر بيجعلنا في حالة غريبة من الانتشاء ، بجد هوا سحر ، وبعدين سحر يعني مش خاص لناس دون غيرهم ، بل إنه حتى الناس اللي ماعمراهاش قرت شعر ، بيحسوا بيه ، يحسوا بيه ف أغنية ، ف كلمة حلوة ، بس الناس ف غمرة انشغالهم بينسوا الأثر ده ، وإن كان ده لا يبطله أبدًا ، تعالى كده هات أي سواق ميكروباص ( مع احترامي للمديرين يعني ) تلاقيش حد فيهم ما بيحبش الشعر ! ، وإلا مكنش صدع وداننا بحاجة زي (دقيقة حداد) ، الناس بتحس الكلمة جدًا ، وبتأثر فيها ، كذلك يفعل الشعر !
( عاوز أقول ده حتى الملتزمين معترفين ـ بلاشك ـ بأثر الشعر والغناء ، عشان كده بيحاولوا داااائمًا إنهم يلاقوا الكلمة الحلوة اللي تخليهم يعملوها نشيد ، ولا أغنية إسلامية ، ســـو أون ... )
ثالثًا : الفكرة دي جات لي بعد انصرافي من أحد اللقاءات مع خمسة ( ف عين العدو ) من أصدقائي الشعراء ، الغير معروفين (حتى الان ) ، ولكنهم مش (مغامير ) !!، الذين يلجؤون في رابطة نون للثقافة والحوار ....
أحدهم مدون ( بيزورها على استرخاء) ، بس شاعر جامد جدًا ، يتراوح شعره مابين السهل الممتنع ، والصعب جدًا ، مجرد ما بتيجي سيرته بفتكر له كلمات من قصيدة رااائعة يقول فيها :
نحن الذين نعيش بالكلمات /للكلمات /في الكلمات /
في حلمٍ جميلٍ ...مستحيـل ...
ماذا يفيد الخيل إن ملأ الممالك بالصهيل !
من ألف أغنية صنعت قناعتي
أن الكلام حضارة الجهلاء في زمنٍ جهول
فلزمت في النطق الحيـاد !
محمد قرنة ، الذي تسرقه منا الصحافة ( اللي مش حلوة ) اليومين دول ، ولكنه لا يكف عن إدهاشي كلما سمعته أو قرأت له نصًا جديدًا ، لدرجة إنه كرهني ، واعتبرني بجامله !!! ، طبعًا أنا أعمل له إيه ، إذا كان شعره كلللله فااائق الحسن
محمد من أهم مميزاته إنه لا ينتشر أبدًا ، يعني حاجة تخنق !! ، أنا شايفه بجد لو عرف ينتشر هيبقى أحسن شاعر فيكي يا مصر !! ، والكارثة إن مصر لم تعد تحتمل صيغة التفضيل (أحسن) ، لما (على الأقل) سيأتي بيانه !! ...
لكن أرجع للكلمات ( من قصيدة أنشودة الليل) بجد تحفة ! ، الفلسفة اللي قامت عليها فكرة ماركيز نفسه ( نعيشها لنرويها ) ، فكرة موجودة عند المتنبي ، وأمل دنقل ، ونزار قباني ، وشعراء تانيين كبار ، بس ماقالوهاش !! محمد قالها !
ومحمد (للغواة يعني ) مكان تواجده الوحيد ـ بفضل الله ـ بعض المنتديات ، وده شيء يحسب له ، وربما يميزه عن الآخرين ، نزل ديوان السنه اللي فاتت على حسابه سماه( أوتعجبين؟!) بيوزعه بنفسه !
ومن غير رغي كثير إليكم بعض ما كتب :

ها قد صرتَ الآن "حذاء"!

تنويعات على مقام الألم ، وبجماليون

أسطورة الفقد :

مممممممممممممممممم
الشاعر التاني شعره من الصعب المعقد، في كثير من الأحيان( لاسيما في جديده!!) ، لكنه يعجبني أيضًا ، طب ليه ؟؟
لأنه ـ ربماـ يخلق لي عالم أكثر رحابة من مجرد نص أقرؤه وأفهمه ، وأستمتع به ، فقط !، عالم من المفردات التي تعجب أن كاتبها يسير معك في القرن العشرين ، نعلم أننا نميل بالفطرة إلى الكلاسيكية لأنها تذكرنا بطفولتنا التي نشتاااق إليها (لا أكثر !) ، ولذا يظل شعر مروان الغفوري ذا مكانة خاصة !
مروان من النوع المعقد أصلاً فكريًا ، يعني ممكن يكون بيقرا 5 كيلو ف اليوم ، ويكتب زيهم ، ويقول شعر ! ، ده غير حصيلته المعرفية من التراث والمعاصر على السواء ، اللهم لا حسد ، فهو طبيب يمني ! ،لو ارتكبتوا جريمة السيرش على أسمه هتفاجئوا بالكثييير !!!
ممممممممممممممم
حابين تقروا له حاجة ؟؟؟

ثلاث منازل للحزن :

متى تأتي ؟؟؟
(( هذه القصيدة لها مكانة خاااصة جدًا ، تجعلني أجعلها من أجمل وأروع شعر مروان ، ابحثوا عن قديمه إن شئتم ! ))

مممممممممممممممممممممممممممممم

في الشعر الذي يأسرنا إحساس مكثف ، ينقل التجربة التي تستغرق أنفسنا طويلاً ، وقد لا نعبر عنها ، إلى كلمات ، كلمات توجز التجربة كلها ، فتسمرنا أمامها لما تحمله من جلال وجمال ! ، كلمات لا نمل من ترديدها بعد ذلك طويلا! !!
أقول ليس الشعر هو تلك الفكرة الجديدة المبتكرة فحسب ، بل ربما تكون ضياغة اللأفكار القديمة ـ في زعمي ـ أكثر جمالاً من التجديد المفرط ! ، وكله جميل، وكله حسن ، أنتقل إلى الشاعر الذي قابلته مرتين ( الآن) والحمد لله ، الذي كتب الفصحى فأدهشني ، وكتب العامية فحيرني ، إنه خالد الشعر ، وخالد الذكر ، وخالد عبد القادر .....
إيه بقى شعر خالد عبد القادر ، مش عارف ، ربما يكون الوريث الشرعي للرائع أمل دنقل ! ( أول ما عرفته كان مسمي نفسه الجنوبي ، أقول لكم على سـر كنت فاكره راجل كبييير ، لما اكتشفت إن شاب زينا كده اتفاءلت أكثر ، ومعرفش ليه ) ... خالد عرفته كإنسان أكثر ، واجتمعنا في نص من أشد نصوصي ونصوصه خصوصية لما احترفنا الحزن !
خالد ( هبطل رغي حاااااضـر ) ممكن تقروه كثيير برضه ، له مدونة ، وشعر زي اللي هنا :
في مقام الوجد فرد :
أغمضت (نص استثنائي)
لا أناي ولا أنـــاكِ !!
وله في العامية : فيونكة سودا
و من مدونته نص أخير : عشـا باااهـت (متوفرة بصوته أيضًا)

ــــــــــــــــــــ
واللا اللي يسعده زمانه ، ويسمع سالم الشهباني /حقيقي الشعر عنده متعة ! ، بيكتب سالم عامية غير العاميات ! ، شعره سهل ممتنع حلو جدًا ( ودي جديدة)، أتفكر تاني وثالث ورابع أول مرة شفته ف مسرح الجامعة بجد كان رائع ، دلوقتي ربما هو أكثر روعة ، بعدما نزل له ديوان ولد خيبان عن المجلس الأعلى للثقافة، وبعدما بقى أبو مازن (ربنا يخليهوله) ....
لسالم نقلت ( ولد خيبان ) القصيدة التي حظيت على أعلى نسبة تصفيق سمعتها ف حياتي !! ، بجد اللي يقراها حاجة ، واللي يسمعها بأدائه ( حاجة تااانية خالص) ، سالم ملوووش وجود ع النت ، بس اللي يسعده زمانه يلحقه ف حفلة ف الساقية ولا حاجة !!
لسالم اقروؤا (ولد خيبان).
وخلاوـيـص :
مممممممممممممممممممممممممممممممم

حد قدر يعرف الشعر بيعمــل فينا إيه ؟؟؟
طب حد يعرف يقول لي الحياة ( العادية التريبة المملة دي ) بتبقى عاملة إزاي من غير الشعر !! .....
طبعًا البوست طاااااااااال مني !! ، ولا أنا طولته ، بس فيه ف شعراء العامية ناس جامدة ، كما أراهم ، وأعتقد أن أكثر شعراء العامية يغرفون من بحر (السهل الممتنع) ، مش عارف قريتوا وسمعتوا ( بايني كبرت ) لأحمد عبيد ( بايني كبرت) ، ولا لأ ؟!! و قريتوا ( ناقص دبدوب ) للشاعر اللي فاجئني بجد ( أشرف بيه توفيق).
، ولا قريتوا حاجة للشاعر الجميلة فاطمة ثابت، لما غنت للحيـاة (سيبـك م اللي فات )" شعرها سهل جمييييل " ! .....
ـــــــــــــــــــــــــــــــــــــــــــــــــــــــــــــــــــــ
فيه 3 ملاحيـظ ، أقبل ما تقفلوا البوست ده ، وتروحوا تناموا !! .....
الأولى : إن فكرته بقالها يومين ف دماغي ، فأشكرني إني أخيرًا كتبتها .
الثاني : إنها جات لي من لقائي مع شعراء نون >>>> جاري تحديث الصور .....
الثالث : إني أثناء كتابتي له عرفت خبر حلووووو قووووووي ، نشره محمد عز ف مدونته الجديدة ، وهو خبر حفلة عيد الحب الشعرية التي تنظمـها ورقة وقلم ! الأربعاء القادم في مسرح الصوبة بحديقة الأزهر ......................
وأحب أقول لكم إن نص اللي مكتوبة أساميهم هنا ممكن تلاقوهم هناااااااااااااااااااااك ...
يبقى حتى نلقاكمما تنسوووووش تقولوا لي الشــعــــر عمل فيكم إيه ؟!!! <<<<< تحــــــيـــااااااااااااااااااااتي !